§5.4.12περὶ δὲ Σαυνιτῶν καὶ τοιοῦτός τις λόγος φέρεται, διότι πολεμοῦντες Σαβῖνοι πολὺν χρόνον πρὸς τοὺς Ὀμβρικοὺς εὔξαντο, καθάπερ τῶν Ἑλλήνων τινές, τὰ γενόμενα τῷ ἔτει τούτῳ καθιερῶσαι, νικήσαντες δὲ τῶν γενομένων τὰ μὲν κατέθυσαν τὰ δὲ καθιέρωσαν·
삼니움인들에 관해서는 다음과 같은 이야기도 전해진다. 사비니인들이 움브리아인들을 상대로 오랫동안 전쟁을 벌였을 때, 그리스인들 중 일부가 하듯이, 그해에 태어난 것들을 신에게 바치겠다고 서원했다. 그리고 승리를 거둔 후 태어난 것들 중 일부는 제물로 바치고 일부는 신에게 헌정했다.
ἀφορίας δὲ γενηθείσης, εἶπέ τις ὡς ἐχρῆν καθιερῶσαι καὶ τὰ τέκνα.
그러나 기근이 발생했을 때, 어떤 이가 아이들 역시 신에게 바쳤어야 했다고 말했다.
οἱ δʼ ἐποίησαν τοῦτο καὶ τοὺς γενομένους τότε παῖδας Ἄρεως ἐπεφήμισαν, ἀνδρωθέντας δʼ ἔστειλαν εἰς ἀποικίαν, ἡγήσατο δὲ ταῦρος·
이에 그들은 그렇게 하여 당시 태어난 아이들을 아레스의 소유라 선언했고, 그들이 성인이 되었을 때 식민지로 내보냈는데, 황소 한 마리가 그들을 인도했다.
ἐν δὲ τῇ τῶν Ὀπικῶν κατευνασθέντος (ἐτύγχανον δὲ κωμηδὸν ζῶντες) ἐκβαλόντες ἐκείνους ἱδρύθησαν αὐτόθι καὶ τὸν ταῦρον ἐσφαγίασαν τῷ Ἄρει τῷ δόντι αὐτὸν ἡγεμόνα κατὰ τὴν τῶν μάντεων ἀπόφασιν.
그리고 그 황소가 오피키인들의 땅에서 누웠을 때(그들은 마침 마을 단위로 흩어져 살고 있었다), 그들을 몰아내고 그곳에 정착했으며, 예언가들의 선언에 따라 자신들에게 그 황소를 인도자로 주신 아레스에게 황소를 제물로 바쳤다.
εἰκὸς δὲ διὰ τοῦτο καὶ Σαβέλλους αὐτοὺς ὑποκοριστικῶς ἀπὸ τῶν γονέων προσαγορευθῆναι, Σαμνίτας δʼ ἀπʼ ἄλλης αἰτίας, οὓς οἱ Ἕλληνες Σαυνίτας λέγουσι.
이 때문에 그들이 부모의 이름에서 유래하여 지소형으로 '사벨리인'이라 불리고, 다른 이유에서 '삼니움인'(그리스인들이 '사우니타이'라고 부르는 자들)이라 불리게 된 것은 그럴듯하다.
τινὲς δὲ καὶ Λάκωνας συνοίκους αὐτοῖς γενέσθαι φασὶ καὶ διὰ τοῦτο καὶ φιλέλληνας ὑπάρξαι, τινὰς δὲ καὶ Πιτανάτας καλεῖσθαι.
어떤 이들은 라코니아인들도 그들과 함께 살게 되었으며, 그 때문에 그들이 친그리스 성향을 띠게 되었고, 그들 중 일부는 '피타나타이'라고도 불렸다고 말한다.
δοκεῖ δὲ καὶ Ταραντίνων πλάσμα τοῦτʼ εἶναι, κολακευόντων ὁμόρους καὶ μέγα δυναμένους ἀνθρώπους καὶ ἅμα ἐξοικειουμένων, οἵ γε καὶ ὀκτὼ μυριάδας ἔστελλόν ποτε τῆς πεζῆς στρατιᾶς, ἱππέας δʼ ὀκτακισχιλίους.
그러나 이는 타렌툼인들의 지어낸 이야기인 것으로 보이는데, 그들은 이웃이자 막강한 힘을 가진 사람들에게 아첨하는 동시에 그들과 친족 관계를 맺고자 했던 것이다. 실제로 그들은 한때 보병 팔만 명과 기병 팔천 명을 군대로 보낼 수 있을 정도였다.
φασὶ δὲ νόμον εἶναι παρὰ τοῖς Σαυνίταις καλὸν καὶ προτρεπτικὸν πρὸς ἀρετήν·
또한 삼니움인들 사이에는 훌륭하고 덕을 장려하는 법이 있다고 한다.
οὐ γὰρ ἔξεστι διδόναι τὰς θυγατέρας οἷς ἂν ἐθέλωσιν, ἀλλὰ κρίνεσθαι κατὰ ἔτος δέκα μὲν παρθένους δέκα δὲ τῶν νέων τοὺς ἀρίστους καὶ τὰς ἀρίστας·
왜냐하면 그들은 딸들을 자신들이 원하는 자에게 주는 것이 허용되지 않고, 매년 가장 뛰어난 젊은이들 중에서 처녀 열 명과 청년 열 명이 선발되기 때문이다.
τούτων τῷ πρώτῳ τὴν πρώτην δίδοσθαι, τῷ δευτέρῳ τὴν δευτέραν καὶ ἑξῆς οὕτως·
이들 중 첫째에게는 첫째가 주어지고, 둘째에게는 둘째가 주어지며, 이런 식으로 순서대로 이어진다.
ἐὰν δʼ ὁ λαβὼν τὸ γέρας μεταβαλόμενος γένηται πονηρός, ἀτιμάζουσι καὶ ἀφαιροῦνται τὴν δοθεῖσαν.
그러나 그 포상을 받은 자가 태도를 바꾸어 사악해지면, 그를 불명예스럽게 여기고 주어진 여인을 빼앗는다.
ἑξῆς δʼ εἰσὶν Ἱρπῖνοι, καὐτοὶ Σαυνῖται·
다음으로 이르피니인들이 있는데, 그들 역시 삼니움인들이다.
τοὔνομα δʼ ἔσχον ἀπὸ τοῦ ἡγησαμένου λύκου τῆς ἀποικίας·
그들은 그 식민 기구를 인도한 늑대에게서 그 이름을 얻었다.
ἵρπον γὰρ καλοῦσιν οἱ Σαυνῖται τὸν λύκον·
삼니움인들은 늑대를 '이르포스'라 부르기 때문이다.
συνάπτουσι δὲ Λευκανοῖς τοῖς μεσογαίοις.
그들은 내륙의 루카니아인들과 접해 있다.
περὶ μὲν Σαυνιτῶν ταῦτα.
삼니움인들에 대해서는 이와 같다.
§5.4.13καμπανοῖς δὲ συνέβη διὰ τὴν τῆς χώρας εὐδαιμονίαν ἐπʼ ἴσον ἀγαθῶν ἀπολαῦσαι καὶ κακῶν.
캄파니아인들에게는 그 땅의 풍요로움 때문에 좋은 일과 나쁜 일을 똑같이 겪게 되는 일이 일어났다.
ἐπὶ τοσοῦτον γὰρ ἐξετρύφησαν ὥστʼ ἐπὶ δεῖπνον ἐκάλουν πρὸς ζεύγη μονομάχων, ὁρίζοντες ἀριθμὸν κατὰ τὴν τῶν δείπνων ἀξίαν.
그들은 어찌나 사치에 빠졌던지, 만찬의 가치에 따라 그 수를 정하여 검투사 쌍들을 만찬에 초대할 정도였다.
Ἀννίβα δʼ ἐξ ἐνδόσεως λαβόντος αὐτούς, δεξάμενοι χειμαδίοις τὴν στρατιὰν οὕτως ἐξεθήλυναν ταῖς ἡδοναῖς ὥσθʼ ὁ Ἀννίβας ἔφη νικῶν κινδυνεύειν ἐπὶ τοῖς ἐχθροῖς γενέσθαι, γυναῖκας ἀντὶ τῶν ἀνδρῶν τοὺς στρατιώτας ἀπολαβών.
그리고 그들이 자진하여 굴복함으로써 한니발이 그들을 차지했을 때, 그들은 그의 군대를 겨울 숙영지로 맞아들여 쾌락으로 그들을 아주 유약하게 만들었으므로, 한니발은 비록 이기고 있지만 적들의 손에 떨어질 위험에 처해 있다고 말했을 정도였다. 남성들 대신 여성들을 자신의 군사로 되찾았기 때문이다.
Ῥωμαῖοι δὲ κρατήσαντες πολλοῖς κακοῖς ἐσωφρόνισαν αὐτούς, ὕστατα δὲ καὶ κατεκληρούχησαν τὴν γῆν.
그러나 로마인들은 그들을 정복한 후, 많은 고통을 통해 그들을 정신 차리게 만들었고, 마지막에는 그들의 땅을 분배했다.
νυνὶ μέντοι μετʼ εὐπραγίας διάγουσι τοῖς ἐποίκοις ὁμονοήσαντες, καὶ τὸ ἀξίωμα φυλάττουσι τὸ ἀρχαῖον καὶ τῷ μεγέθει τῆς πόλεως καὶ κατʼ εὐανδρίαν.
그러나 지금은 이주민들과 화합하여 번영 속에 살아가고 있으며, 도시의 규모와 훌륭한 인구 면에서 옛 위엄을 지키고 있다.
μετὰ δὲ τὴν Καμπανίαν καὶ τὴν Σαυνῖτιν ἐπὶ μὲν τῇ Τυρρηνικῇ θαλάττῃ τὸ τῶν Πικέντων ἔθνος οἰκεῖ, μικρὸν ἀπόσπασμα τῶν ἐν τῷ Ἀδρίᾳ Πικεντίνων, ὑπὸ Ῥωμαίων μετῳκισμένον εἰς τὸν Ποσειδωνιάτην κόλπον, ὃς νῦν Παιστανὸς καλεῖται, καὶ ἡ πόλις ἡ Ποσειδωνία Παιστός, ἐν μέσῳ τῷ κόλπῳ κειμένη.
캄파니아와 삼니움 다음으로 티레니아해 연안에는 피켄테스인 부족이 살고 있는데, 이들은 아드리아해 연안의 피켄티니인들의 작은 갈래로서, 로마인들에 의해 현재 파이스타노스만이라 불리는 포세이도니아만에 이주되었다. 또한 포세이도니아 시는 파이스토스라 불리며, 만의 한가운데에 위치해 있다.
μεταξὺ δὲ τῶν Σειρηνουσσῶν καὶ τῆς Ποσειδωνίας Μαρκῖνα, Τυρρηνῶν κτίσμα οἰκούμενον ὑπὸ Σαυνιτῶν.
세이레누사이와 포세이도니아 사이에는 마르키나가 있는데, 이는 티레니아인들이 세운 곳이나 삼니움인들이 거주하고 있다.
ἐντεῦθεν εἰς Πομπηίαν διὰ Νουκερίας οὐ πλειόνων ἑκατὸν καὶ εἴκοσι σταδίων ἐστὶν ὁ ἰσθμός.
이곳에서 누케리아를 지나 폼페이아로 이르는 지협은 백이십 스타디온을 넘지 않는다.
διήκουσι δʼ οἱ Πίκεντες μέχρι τοῦ Σιλάριδος ποταμοῦ τοῦ ὁρίζοντος ἀπὸ ταύτης τῆς χώρας τὴν ἀρχαίαν Ἰταλίαν, ἐφʼ οὗ τοῦτʼ ἴδιον ἱστοροῦσιν περὶ τοῦ ὕδατος ὄντος ποτίμου, τὸ καθιέμενον εἰς αὐτὸ φυτὸν ἀπολιθοῦσθαι φυλάττον τὴν χρόαν καὶ τὴν μορφήν.
피켄테스인들은 실라리스강까지 이르는데, 이 강은 이 지방으로부터 고대 이탈리아의 경계를 이룬다. 이 강에 대해서는, 그 물이 마실 수 있는 물임에도 불구하고 그 안에 던져진 식물이 그 색과 형태를 유지한 채 돌로 변한다는 독특한 사실이 전해진다.
τῶν δὲ Πικέντων ὑπῆρχε μητρόπολις Πικεντία, νυνὶ δὲ κωμηδὸν ζῶσιν ἀπωσθέντες ὑπὸ Ῥωμαίων διὰ τὴν πρὸς Ἀννίβαν κοινωνίαν·
피켄테스인들의 중심 도시는 피켄티아였으나, 현재 그들은 한니발과의 동맹 때문에 로마인들에 의해 추방당해 마을 단위로 살고 있다.
ἀντὶ δὲ στρατείας ἡμεροδρομεῖν καὶ γραμματοφορεῖν ἀπεδείχθησαν ἐν τῷ τότε δημοσίᾳ, καθάπερ καὶ Λευκανοὶ καὶ Βρέττιοι κατὰ τὰς αὐτὰς αἰτίας·
그리하여 군 복무 대신에, 당시 그들은 공적으로 파수꾼이나 편지 배달부 노릇을 하도록 임명되었는데, 이는 루카니아인들과 브레티인들이 같은 이유로 그렇게 된 것과 같다.
ἐπετείχισαν δʼ αὐτοῖς Σάλερνον Ῥωμαῖοι φρουρᾶς χάριν μικρὸν ὑπὲρ τῆς θαλάττης·
그리고 로마인들은 그들을 감시하기 위해 바다에서 조금 위쪽 지대에 살레르눔을 요새로 건설했다.
εἰσὶ δʼ ἀπὸ Σειρηνουσσῶν ἐπὶ Σίλαριν στάδιοι διακόσιοι ἑξήκοντα.
한편, 세이레누사이에서 실라리스강까지는 이백육십 스타디온이다.