§5.4.10Ἐν δὲ τῇ μεσογαίᾳ Καπύη μέν ἐστιν ἡ μητρόπολις, κεφαλὴ τῷ ὄντι κατὰ τὴν ἐτυμότητα τοῦ ὀνόματος·
내륙에서는 카푸아가 중심 도시인데, 그 이름의 어원에 따르면 참으로 "머리"이다.
τὰ γὰρ ἄλλα πολίχνια νομίζοιτʼ ἂν κατὰ τὴν σύγκρισιν πλὴν Τεάνου Σιδικίνου· καὶ γὰρ αὕτη ἀξιόλογος.
왜냐하면 테아눔 시디키눔을 제외하면 다른 작은 마을들은 카푸아와 비교할 때 소도시로 여겨질 것이기 때문이며, 실제로 이 테아눔 시디키눔도 주목할 만하다.
κεῖται δʼ ἐπὶ τῇ ὁδῷ τῇ Ἀππίᾳ αὕτη τε καὶ τῶν ἄλλων αἱ ἐπὶ Βρεντέσιον ἄγουσαι ἀπʼ αὐτῆς, Καλατία καὶ Καύδιον καὶ Βενεουεντόν·
아피아 가도 상에는 이 카푸아 자체와, 그곳으로부터 브렌테시온으로 통하는 다른 도시들, 즉 칼라티아, 카우디움, 베네벤툼이 위치해 있다.
ἐπὶ δὲ Ῥώμης Κασιλῖνον ἵδρυται ἐπὶ τῷ Ὀυουλτούρνῳ ποταμῷ, ἐν ᾗ πολιορκούμενοι Πραινεστίνων ἄνδρες τετταράκοντα καὶ πεντακόσιοι πρὸς ἀκμάζοντα Ἀννίβαν ἐπὶ τοσοῦτον ἀντέσχον, ὥσθʼ ὑπὸ λιμοῦ διακοσίων δραχμῶν πραθέντος μυός, ὁ μὲν πωλήσας ἀπέθανεν, ἐσώθη δʼ ὁ πριάμενος.
로마로 향하는 방향에는 카실리눔이 울투르누스 강 가에 세워져 있는데, 그곳에서 포위된 프라에네스테인 오백사십 명이 전성기의 한니발에 맞서 아주 오랫동안 버텼으므로, 기근으로 인해 쥐 한 마리가 이백 드라크마에 팔려 파는 이는 굶어 죽고 사는 이는 살아남았을 정도였다.
ἰδὼν δʼ αὐτοὺς πλησίον τοῦ τείχους σπείροντας γογγύλην ἐθαύμαζεν, ὡς ἔοικεν, ὁ Ἀννίβας τῆς μακροθυμίας, εἰ ἐλπίζοιεν τέως ἀνθέξειν ἕως τελεσφορήσειεν ἡ γογγύλη·
한니발은 그들이 성벽 근처에서 순무를 심는 것을 보고, 순무가 열매를 맺을 때까지 버틸 작정인가 싶어 그 인내심에 경탄했던 것으로 보인다.
καὶ δὴ περιγενέσθαι πάντας φασὶ πλὴν ἀνδρῶν ὀλίγων τῶν ἢ λιμῷ διαλυθέντων ἢ ἐν ταῖς μάχαις.
실제로 굶주림으로 쓰러지거나 전투 중에 쓰러진 소수의 사람들을 제외하고는 모두가 살아남았다고 전해진다.
§5.4.11πρὸς δὲ ταῖς ῥηθείσαις ἔτι καὶ αὗται Καμπαναὶ πόλεις εἰσὶν ὧν ἐμνήσθημεν πρότερον, Κάλης τε καὶ Τέανον Σιδικῖνον, ἃς διορίζουσιν αἱ δύο Τύχαι ἐφʼ ἑκάτερα ἱδρυμέναι τῆς Λατίνης ὁδοῦ, καὶ ἔτι Σουέσσουλα καὶ Ἀτέλλα καὶ Νῶλα καὶ Νουκερία καὶ Ἀχέρραι καὶ Ἀβέλλα καὶ ἄλλαι ἔτι ἐλάττους τούτων κατοικίαι, ὧν ἐνίας Σαυνίτιδάς φασιν εἶναι.
언급된 도시들 외에도 우리가 전에 언급한 이들 역시 캄파니아의 도시들인데, 카레스와 테아눔 시디키눔이며, 이들은 라티나 가도 양쪽에 세워진 두 개의 포르투나 여신상에 의해 나뉜다. 그리고 수에술라, 아텔라, 노라, 누케리아, 아케라이, 아벨라 및 이보다 더 작은 다른 거주지들이 더 있는데, 그중 몇몇은 삼니움인들의 것이라고 한다.
Σαυνῖται δὲ πρότερον μὲν καὶ μέχρι τῆς Λατίνης τῆς περὶ Ἀρδέαν ἐξοδίας ποιούμενοι, μετὰ δὲ ταῦτα αὐτὴν τὴν Καμπανίαν πορθοῦντες πολλὴν ἐκέκτηντο δύναμιν·
삼니움인들은 옛날에는 아르데아 근처의 라티움 지방까지 원정을 다녔고, 그 후에는 캄파니아 자체를 황폐화시키며 강력한 세력을 가졌었다.
καὶ γὰρ ἄλλως δεσποτικῶς ἄρχεσθαι μεμαθηκότες ταχὺ ὑπούργουν τοῖς προστάγμασι.
왜냐하면 그들은 원래 전제적인 지배를 받는 데 익숙해져 있었기 때문에 명령에 신속히 복종했기 때문이다.
νυνὶ δʼ ἐκπεπόνηνται τελέως ὑπό τε ἄλλων καὶ τὸ τελευταῖον ὑπὸ Σύλλα τοῦ μοναρχήσαντος Ῥωμαίων, ὃς ἐπειδὴ πολλαῖς μάχαις καταλύσας τὴν τῶν Ἰταλιωτῶν ἐπανάστασιν τούτους σχεδόν τι μόνους συμμένοντας ἑώρα καὶ ὁμοίως ὁρμῶντας, ὥστε καὶ ἐπʼ αὐτὴν τὴν Ῥώμην ἐλθεῖν, συνέστη πρὸ τοῦ τείχους αὐτοῖς, καὶ τοὺς μὲν ἐν τῇ μάχῃ κατέκοψε κελεύσας μὴ ζωγρεῖν τοὺς δὲ ῥίψαντας τὰ ὅπλα, περὶ τρισχιλίους ἄνδρας ἢ τετρακισχιλίους φασίν, εἰς τὴν δημοσίαν ἔπαυλιν τὴν ἐν τῷ Κάμπῳ καταγαγὼν εἷρξε·
그러나 지금은 다른 이들에 의해, 그리고 마지막에는 로마의 독재자가 된 술라에 의해 완전히 파멸되었다. 술라는 수많은 전투를 통해 이탈리아인들의 반란을 진압한 후, 삼니움인들만이 거의 유일하게 결속을 유지하며 마찬가지로 기세를 올려 로마 자체로 진격하는 것을 보고 성벽 앞에서 그들과 대치하여, 전투 중에 그들을 베어 넘기며 포로로 잡지 말라고 명령했다. 그리고 무기를 버린 자들, 약 삼천 명에서 사천 명 사이라고 하는데, 그들을 캄푸스에 있는 공공 저택으로 데려가 가두었다.
τρισὶ δὲ ὕστερον ἡμέραις ἐπιπέμψας στρατιώτας ἅπαντας ἀπέσφαξε, προγραφάς τε ποιούμενος οὐκ ἐπαύσατο πρὶν ἢ πάντας τοὺς ἐν ὀνόματι Σαυνιτῶν διέφθειρεν ἢ ἐκ τῆς Ἰταλίας ἐξέβαλε·
사흘 후 그는 군사들을 보내 그들을 모두 학살했고, 삼니움이라는 이름 아래에 있는 자들을 모두 파멸시키거나 이탈리아 밖으로 몰아낼 때까지 프로스크립티오를 멈추지 않았다.
πρὸς δὲ τοὺς αἰτιωμένους τὴν ἐπὶ τοσοῦτον ὀργὴν ἔφη καταμαθεῖν ἐκ τῆς πείρας, ὡς οὐδέποτʼ ἂν εἰρήνην ἀγάγοι Ῥωμαίων οὐδὲ εἷς, ἕως ἂν συμμένωσι καθʼ ἑαυτοὺς Σαυνῖται.
이토록 극심한 분노를 비난하는 자들에게 그는, 삼니움인들이 저희끼리 뭉쳐 있는 한 로마인 중 누구도 결코 평화를 누릴 수 없음을 경험을 통해 배웠기 때문이라고 말했다.
τοιγάρ τοι νυνὶ κῶμαι γεγόνασιν αἱ πόλεις·
그리하여 오늘날 그들의 도시들은 마을이 되었고, 몇몇은 완전히 사라졌다.
ἔνιαι δʼ ἐκλελοίπασι τελέως, Βοιανὸν Αἰσερνία Πάννα Τελεσία συνεχὴς Ὀυενάφρῳ καὶ ἄλλαι τοιαῦται, ὧν οὐδεμίαν ἄξιον ἡγεῖσθαι πόλιν·
보이아눔, 아이세르니아, 판나, 우에나프룸과 연속해 있는 텔레시아 및 그와 같은 다른 곳들이 그러하며, 이 중 어느 곳도 도시라 부를 가치가 없다.
ἡμεῖς δʼ ἐπέξιμεν μέχρι τοῦ μετρίου διὰ τὴν τῆς Ἰταλίας δόξαν καὶ δύναμιν.
그러나 우리는 이탈리아의 명성과 국력을 고려하여 적당한 한도 내에서 이들을 서술할 것이다.
Βενεουεντὸν δʼ ὅμως συνέστηκεν εὖ καὶ Ὀυενουσία.
다만 베네벤툼과 우에누시아는 여전히 건재하다.