§5.3.3αὕτη μὲν οὖν ἡ μάλιστα πιστευομένη τῆς Ῥώμης κτίσις ἐστίν.
이리하여 이것이 가장 널리 믿어지는 로마의 건국 설이다.
ἄλλη δέ τις προτέρα καὶ μυθώδης Ἀρκαδικὴν λέγουσα γενέσθαι τὴν ἀποικίαν ὑπʼ Εὐάνδρου.
그러나 에완드로스에 의해 아르카디아인의 식민이 이루어졌다고 전하는 또 다른 더 오래되고 신화적인 설이 있다.
τούτῳ δʼ ἐπιξενωθῆναι τὸν Ἡρακλέα ἐλαύνοντα τὰς Γηρυόνου βοῦς·
헤라클레스가 게뤼오네스의 소를 몰고 갈 때 그에게 극진한 대접을 받았다고 한다.
πυθόμενον δὲ τῆς μητρὸς Νικοστράτης τὸν Εὔανδρον (εἶναι δʼ αὐτὴν μαντικῆς ἔμπειρον), ὅτι τῷ Ἡρακλεῖ πεπρωμένον ἦν τελέσαντι τοὺς ἄθλους θεῷ γενέσθαι, φράσαι τε πρὸς τὸν Ἡρακλέα ταῦτα καὶ τέμενος ἀναδεῖξαι καὶ θῦσαι θυσίαν Ἑλληνικήν, ἣν καὶ νῦν ἔτι φυλάττεσθαι τῷ Ἡρακλεῖ.
에완드로스는 예언술에 능했던 그의 어머니 니코스트라테로부터, 헤라클레스가 과업을 마친 후에 신이 되기로 운명 지어져 있다는 것을 듣고, 이 사실을 헤라클레스에게 알리고 성역을 봉헌하며 그리스식 제사를 올렸는데, 이는 오늘날에도 여전히 헤라클레스를 위해 지켜지고 있다.
καὶ ὅ γε Κοίλιος, ὁ τῶν Ῥωμαίων συγγραφεύς, τοῦτο τίθεται σημεῖον τοῦ Ἑλληνικὸν εἶναι κτίσμα τὴν Ῥώμην, τὸ παρʼ αὐτῇ τὴν πάτριον θυσίαν Ἑλληνικὴν εἶναι τῷ Ἡρακλεῖ.
그리고 로마의 역사가 코일리우스는 로마가 그리스의 건조물이라는 증거로, 그곳에서 전해 내려오는 조상의 제사가 헤라클레스를 향한 그리스식 제사라는 점을 꼽는다.
καὶ τὴν μητέρα δὲ τοῦ Εὐάνδρου τιμῶσι Ῥωμαῖοι, μίαν τῶν νυμφῶν νομίσαντες, Καρμέντην μετονομασθεῖσαν.
또한 로마인들은 에완드로스의 어머니를 님프 중 한 명으로 여겨 카르멘타로 개칭하고 숭배한다.
§5.3.4οἱ δʼ οὖν Λατῖνοι κατʼ ἀρχὰς μὲν ἦσαν ὀλίγοι, καὶ οἱ πλείους οὐ προσεῖχον Ῥωμαίοις·
어쨌든 라틴인은 처음에는 수가 적었고, 대부분은 로마인에게 신경을 쓰지 않았다.
ὕστερον δὲ καταπλαγέντες τὴν ἀρετὴν τοῦ τε Ῥωμύλου καὶ τῶν μετʼ ἐκεῖνον βασιλέων ὑπήκοοι πάντες ὑπῆρξαν.
그러나 나중에 로물루스와 그 이후 왕들의 탁월함에 압도되어 모두가 복종하게 되었다.
καταλυθέντων δὲ τῶν τε Αἴκων καὶ τῶν Ὀυόλσκων καὶ Ἑρνίκων, ἔτι δὲ πρότερον Ῥουτούλων τε καὶ Ἀβοριγίνων, ἡ τούτων χώρα Λατίνη προσηγόρευται πᾶσα.
그리고 에쿠이인, 볼스키인, 헤르니키인이 타도되고, 그보다 훨씬 전에는 루툴리인과 아보리기네스가 타도됨으로써, 이들의 영토 전체가 라티움이라 불리게 되었다.
ἦν δὲ τῶν Ὀυόλσκων τὸ Πωμεντῖνον πεδίον, ὅμορον τοῖς Λατίνοις, καὶ πόλις Ἀπίολα, ἣν κατέσκαψε Ταρκύνιος Πρίσκος.
볼스키인에게는 라틴인들과 접경한 포메티아 평원이 있었고, 타르퀴니우스 프리스코스가 철저히 파괴한 아피올라 성읍이 있었다.
Αἶκοι δὲ γειτονεύοντες μάλιστα τοῖς Κυρίταις, καὶ τούτων δʼ ἐκεῖνος τὰς πόλεις ἐξεπόρθησεν·
에쿠이인은 특히 퀴리테스인들과 이웃해 있었는데, 그는 이들의 도시들도 약탈했다.
ὁ δὲ υἱὸς αὐτοῦ τὴν Σουέσσαν εἷλε τὴν μητρόπολιν τῶν Ὀυόλσκων.
그리고 그의 아들은 볼스키인의 수도인 수에사를 함락했다.
Ἕρνικοι δὲ πλησίον ᾤκουν τῷ τε Λανουίῳ καὶ τῇ Ἄλβᾳ καὶ αὐτῇ τῇ Ῥώμῃ·
헤르니키인은 라누비움, 알바, 그리고 로마 자체의 근처에 살고 있었다.
οὐκ ἄπωθεν δʼ οὐδʼ Ἀρικία καὶ Τελλῆναι καὶ Ἄντιον.
또한 그리 멀지 않은 곳에 아리키아, 텔레나이, 안티움도 있었다.
Ἀλβανοὶ δὲ κατʼ ἀρχὰς μὲν ὡμονόουν τοῖς Ῥωμαίοις ὁμόγλωττοί τε ὄντες καὶ Λατῖνοι, βασιλευόμενοι δʼ ἑκάτεροι χωρὶς ἐτύγχανον·
알바인은 처음에는 로마인과 같은 언어를 쓰고 라틴인이었으므로 화합하였으나, 각자 다른 왕의 지배를 받았다.
οὐδὲν δʼ ἧττον ἐπιγαμίαι τε ἦσαν πρὸς ἀλλήλους καὶ ἱερὰ κοινὰ τὰ ἐν Ἄλβᾳ καὶ ἄλλα δίκαια πολιτικά·
그럼에도 불구하고 서로 통혼권이 있었고 알바에서의 공동 제례와 그 밖의 시민적 권리들을 공유했다.
ὕστερον δὲ πολέμου συστάντος ἡ μὲν Ἄλβα κατεσκάφη πλὴν τοῦ ἱεροῦ, οἱ δʼ Ἀλβανοὶ πολῖται Ῥωμαίων ἐκρίθησαν.
그러나 나중에 전쟁이 일어나 알바는 신전을 제외하고 파괴되었고, 알바 시민들은 로마의 시민으로 판정되었다.
καὶ τῶν ἄλλων δὲ τῶν περιοικίδων πόλεων αἱ μὲν ἀνῃρέθησαν αἱ δὲ ἐταπεινώθησαν ἀπειθοῦσαι, τινὲς δὲ καὶ ηὐξήθησαν διὰ τὴν εὔνοιαν.
주변의 다른 도시들 중에서도 순종하지 않은 일부는 파괴되거나 지위가 낮아졌고, 일부는 우호 관계 덕분에 번창하기도 했다.
νυνὶ μὲν οὖν ἡ παραλία μέχρι πόλεως Σινοέσσης ἀπὸ τῶν Ὠστίων Λατίνη καλεῖται, πρότερον δὲ μέχρι τοῦ Κιρκαίου μόνον ἐσχήκει τὴν ἐπίδοσιν·
오늘날에는 오스티아에서 시누에사 시에 이르는 해안 지역이 라티움이라 불리지만, 이전에는 키르카이온까지만 확장되어 있었다.
καὶ τῆς μεσογαίας δὲ πρότερον μὲν οὐ πολλή, ὕστερον δὲ καὶ μέχρι Καμπανίας διέτεινε καὶ Σαυνιτῶν καὶ Πελίγνων καὶ ἄλλων τῶν τὸ Ἀπέννινον κατοικούντων.
내륙 지역 또한 이전에는 넓지 않았으나, 나중에는 캄파니아, 사우니테스인, 펠리그니인, 그리고 아펜니노 산맥에 사는 다른 민족들의 영토까지 이르렀다.