§5.1.11πόλεις δʼ εἰσὶν ἐντὸς τοῦ Πάδου καὶ περὶ τὸν Πάδον ἐπιφανεῖς Πλακεντία μὲν καὶ Κρεμώνη πλησιαίταται κατὰ μέσην που τὴν χώραν, μεταξὺ δὲ τούτων τε καὶ Ἀριμίνου Πάρμα καὶ Μουτίνη καὶ Βονωνία πλησίον ἤδη Ῥαουέννης καὶ μικρὰ πολίσματα ἀνὰ μέσον τούτων διʼ ὧν ἡ εἰς Ῥώμην ὁδός, Ἄγκαρα Ῥήγιον Λέπιδον Μακροὶ Κάμποι, ὅπου πανήγυρις συντελεῖται κατʼ ἔτος, Κλάτερνα Φόρον Κορνήλιον, Φαουεντία δὲ Καισήνα πρὸς τῷ Σάπι ποταμῷ καὶ τῷ Ῥουβίκωνι ἤδη συνάπτουσι τῷ Ἀριμίνῳ.
파두스강 이남과 파두스강 주변에는 저명한 도시들이 있는데, 플라켄티아와 크레모나가 지역의 거의 중앙에 매우 가깝게 위치해 있으며, 이 도시들과 아리미눔 사이에는 파르마, 무티나, 보노니아가 있어 이미 라벤나 근처에 이르고, 그 사이에는 로마로 통하는 길이 지나는 작은 마을들, 즉 앙카라, 레기움 레피둠, 매년 축제가 열리는 마크로이 캄포이, 클라테르나, 포로 코르넬리오가 있으며, 파웬티아와 사피스 강변에 있는 카에세나는 루비콘강에서 이미 아리미눔과 접하고 있다.
τὸ δὲ Ἀρίμινον Ὄμβρων ἐστὶ κατοικία, καθάπερ καὶ ἡ Ῥάουεννα· δέδεκται δʼ ἐποίκους Ῥωμαίους ἑκατέρα.
아리미눔은 라벤나와 마찬가지로 옴브리인들의 정착지이지만, 양쪽 모두 로마인 이주민들을 받아들였다.
ἔχει δὲ τὸ Ἀρίμινον λιμένα καὶ ὁμώνυμον ποταμόν.
아리미눔은 항구와 동명의 강을 가지고 있다.
ἀπὸ δὲ Πλακεντίας εἰς Ἀρίμινον στάδιοι χίλιοι τριακόσιοι.
플라켄티아에서 아리미눔까지는 1,300스타디온이다.
ὑπὲρ δὲ Πλακεντίας ἐπὶ μὲν τοὺς ὅρους τῆς Κοττίου γῆς Τικῖνον ἐν τριάκοντα ἓξ μιλίοις πόλις, καὶ ὁμώνυμος ὁ παραρρέων ποταμὸς συμβάλλων τῷ Πάδῳ, καὶ Κλαστίδιον καὶ Δέρθων καὶ Ἀκουαιστατιέλλαι μικρὸν ἐν παρόδῳ.
플라켄티아 위쪽, 코티우스 영지의 경계를 향해 36마일 거리에는 티키눔이라는 도시가 있고, 그 옆을 흐르며 파두스강에 합류하는 동명의 강이 있으며, 클라스티디움과 데르톤, 그리고 약간 길에서 벗어난 곳에 아쿠아이 스타티엘라이가 있다.
ἡ δʼ εὐθεῖα εἰς Ὤκελον παρὰ τὸν Πάδον καὶ τὸν Δουρίαν ποταμὸν βαραθρώδης ἡ πολλή, πλείους καὶ ἄλλους ἔχουσα ποταμούς, ὧν καὶ τὸν Δρουεντίαν, μιλίων ἐστὶ περὶ ἑξήκοντα.
파두스강과 두리아스강을 따라 오켈룸으로 곧장 가는 길은 대부분 수렁이 많고, 두루엔티아강을 포함한 여러 다른 강들을 건너야 하며, 약 60마일이다.
ἐντεῦθεν δὲ ἤδη τὰ Ἄλπεια ὄρη καὶ ἡ Κελτική.
여기서부터는 이미 알프스산맥과 켈티카 지역이다.
ἔστι δὲ ἡ Δέρθων πόλις ἀξιόλογος κειμένη κατὰ μέσην τὴν ὁδὸν τὴν ἀπὸ Γενούας εἰς Πλακεντίαν, ἑκατέρας διέχουσα σταδίους τετρακοσίους·
데르톤은 제누아에서 플라켄티아로 가는 길 한가운데에 위치한 주목할 만한 도시로, 양쪽에서 각각 400스타디온씩 떨어져 있다.
κατὰ δὲ ταύτην τὴν ὁδὸν καὶ Ἀκουαιστατιέλλαι.
이 길을 따라 아쿠아이 스타티엘라이도 있다.
ἀπὸ δὲ Πλακεντίας εἰς μὲν Ἀρίμινον εἴρηται·
플라켄티아에서 아리미눔까지는 이미 언급한 바와 같다.
εἰς δὲ Ῥάουενναν κατάπλους τῷ Πάδῳ δυεῖν ἡμερῶν καὶ νυκτῶν.
라벤나까지는 파두스강을 배로 내려가는 데 이틀 밤낮이 걸린다.
πολὺ δὲ καὶ τῆς ἐντὸς τοῦ Πάδου κατείχετο ὑπὸ ἑλῶν, διʼ ὧν Ἀννίβας χαλεπῶς διῆλθε προϊὼν ἐπὶ Τυρρηνίαν·
파두스강 이남 지역의 상당 부분도 습지대로 덮여 있었는데, 한니발은 테레니아로 진격할 때 그곳을 어렵게 통과했다.
ἀλλʼ ἀνέψυξε τὰ πεδία ὁ Σκαῦρος διώρυγας πλωτὰς ἀπὸ τοῦ Πάδου μέχρι Πάρμης ἄγων.
그러나 스카우루스가 파두스강에서 파르마까지 가항 운하를 건설하여 이 평원들을 건조시켰다.
κατὰ γὰρ Πλακεντίαν ὁ Τρεβίας συμβάλλων τῷ Πάδῳ καὶ ἔτι πρότερον ἄλλοι πλείους πληροῦσι πέραν τοῦ μετρίου.
왜냐하면 플라켄티아 근처에서 트레비아스강이 파두스강에 합류하고, 그전에도 다른 여러 강들이 합류하여 물을 과도하게 채우기 때문이다.
οὗτος δὲ ὁ Σκαῦρος ἐστὶν ὁ καὶ τὴν Αἰμιλίαν ὁδὸν στρώσας τὴν διὰ Πισῶν καὶ Λούνης μέχρι Σαβάτων κἀντεῦθεν διὰ Δέρθωνος·
이 스카우루스가 피사에와 루나를 거쳐 사바타까지, 그리고 거기서부터 데르톤을 거쳐 가는 에밀리아 가도를 닦은 사람이다.
ἄλλη δʼ ἐστὶν Αἰμιλία διαδεχομένη τὴν Φλαμινίαν.
한편 플라미니아 가도를 이어받는 또 다른 에밀리아 가도가 있다.
συνυπάτευσαν γὰρ ἀλλήλοις Μάρκος Λέπιδος καὶ Γάιος Φλαμίνιος· καθελόντες δὲ Λίγυας ὁ μὲν τὴν Φλαμινίαν ἔστρωσεν ἐκ Ῥώμης διὰ Τυρρηνῶν καὶ τῆς Ὀμβρικῆς μέχρι τῶν περὶ Ἀρίμινον τόπων, ὁ δὲ τὴν ἑξῆς μέχρι Βονωνίας κἀκεῖθεν εἰς Ἀκυληίαν παρὰ τὰς ῥίζας τὰς τῶν Ἄλπεων ἐγκυκλούμενος τὰ ἕλη.
마르쿠스 레피두스와 가이우스 플라미니우스가 집정관 동료였기 때문인데, 이들은 리구리아인들을 복속시킨 후, 한 사람은 로마에서 테레니아와 옴브리카를 거쳐 아리미눔 주변 지역에 이르는 플라미니아 가도를 닦았고, 다른 사람은 그 뒤를 잇는 길을 보노니아까지, 그리고 거기서부터 알프스의 기슭을 따라 습지들을 우회하며 아킬레이아까지 닦았다.
ὅριον δὲ τῆς χώρας ταύτης, ἣν ἐντὸς Κελτικὴν καλοῦμεν, πρὸς τὴν λοιπὴν Ἰταλίαν τό τε Ἀπέννινον ὄρος τὸ ὑπὲρ τῆς Τυρρηνίας ἀπεδέδεικτο καὶ ὁ Αἶσις ποταμός, ὕστερον δὲ ὁ Ῥουβίκων, εἰς τὸν Ἀδρίαν ἐκδιδόντες ἀμφότεροι.
우리가 이남의 켈티카라고 부르는 이 지역과 나머지 이탈리아의 경계는 테레니아 위쪽의 아펜니노산맥과 아이시스강, 나중에는 루비콘강으로 지정되었으며, 두 강 모두 아드리아해로 흘러든다.
§5.1.12τῆς δʼ ἀρετῆς τῶν τόπων τεκμήριον ἥ τʼ εὐανδρία καὶ τὰ μεγέθη τῶν πόλεων καὶ ὁ πλοῦτος, οἷς πᾶσιν ὑπερβέβληνται τὴν ἄλλην Ἰταλίαν οἱ ταύτῃ Ῥωμαῖοι.
이 지역의 풍요로움의 증거는 풍부한 인구와 도시들의 규모, 그리고 부이며, 이 모든 것에서 이 지역의 로마인들은 이탈리아의 다른 지역을 능가했다.
καὶ γὰρ ἡ γεωργουμένη γῆ πολλοὺς καὶ παντοίους ἐκφέρει καρπούς, καὶ αἱ ὗλαι τοσαύτην ἔχουσι βάλανον ὥστʼ ἐκ τῶν ἐντεῦθεν ὑοφορβίων ἡ Ῥώμη τρέφεται τὸ πλέον.
실제로 경작지는 풍부하고 다양한 농산물을 산출하며, 삼림에는 도토리가 매우 많아서 로마는 주로 이곳에서 보내지는 돼지떼로 양육된다.
ἔστι δὲ καὶ κεγχροφόρος διαφερόντως διὰ τὴν εὐυδρίαν·
또한 수량이 풍부하여 특히 기비를 많이 생산하는데, 이는 기근에 대한 가장 큰 대책이다.
τοῦτο δὲ λιμοῦ μέγιστόν ἐστιν ἄκος· πρὸς ἅπαντας γὰρ καιροὺς ἀέρων ἀντέχει καὶ οὐδέποτʼ ἐπιλείπειν δύναται, κἂν τοῦ ἄλλου σίτου γένηται σπάνις.
왜냐하면 기비는 모든 기후 조건에 견디며, 다른 곡물이 부족해지더라도 결코 고갈되지 않기 때문이다.
ἔχει δὲ καὶ πιττουργεῖα θαυμαστά.
또한 훌륭한 타르 제조소도 있다.
τοῦ δʼ οἴνου τὸ πλῆθος μηνύουσιν οἱ πίθοι· ξύλινοι γὰρ μείζους οἴκων εἰσί·
와인의 풍부함은 술독이 증명하는데, 나무로 만든 술독은 집보다 더 크다.
προσλαμβάνει δὲ πολὺ ἡ τῆς πίττης εὐπορία πρὸς τὸ εὐκώνητον.
또한 타르가 풍부한 것이 와인을 저렴하게 구입할 수 있게 하는 데 크게 기여한다.
ἐρέαν δὲ τὴν μὲν μαλακὴν οἱ περὶ Μουτίνην τόποι καὶ τὸν Σκουλτάνναν ποταμὸν φέρουσι πολὺ πασῶν καλλίστην, τὴν δὲ τραχεῖαν ἡ Λιγυστικὴ καὶ ἡ τῶν Ἰνσούβρων, ἐξ ἧς τὸ πλέον τῆς οἰκετείας τῶν Ἰταλιωτῶν ἀμπέχεται, τὴν δὲ μέσην οἱ περὶ Πατάουιον, ἐξ ἧς οἱ τάπητες οἱ πολυτελεῖς καὶ γαυσάπαι καὶ τὸ τοιοῦτον εἶδος πᾶν, ἀμφίμαλλόν τε καὶ ἑτερόμαλλον.
양모에 대해서는, 무티나 주변 지역과 스쿨탄나 강 유역이 모든 것 중에 단연 가장 아름다운 부드러운 양모를 생산하며, 거친 양모는 리구리아와 인수브레인들의 영토에서 생산되어 이탈리아인들의 하인들 옷 대부분이 그것으로 지어진다. 중간 품질의 양모는 파타비움 주변에서 생산되며, 그것으로 값비싼 카펫과 가우사파이, 그리고 양면 또는 단면에 털이 있는 동종의 모든 제품들이 만들어진다.
τὰ δὲ μέταλλα νυνὶ μὲν οὐχ ὁμοίως ἐνταῦθα σπουδάζεται διὰ τὸ λυσιτελέστερα ἴσως εἶναι τὰ ἐν τοῖς ὑπεραλπείοις Κελτοῖς καὶ τῇ Ἰβηρίᾳ, πρότερον δὲ ἐσπουδάζετο, ἐπεὶ καὶ ἐν Ὀυερκέλλοις χρυσωρυχεῖον ἦν·
광산에 대해서는 오늘날 이곳에서 이전만큼 중시되지 않는데, 아마도 알프스 너머의 켈트족 지역과 이베리아의 광산들이 더 수익성이 높기 때문일 것이나, 과거에는 웰켈라이에도 금광이 있었을 정도로 중시되었다.
κώμη δʼ ἐστὶ πλησίον Ἰκτουμούλων, καὶ ταύτης κώμης, ἄμφω δʼ εἰσὶ περὶ Πλακεντίαν.
그곳은 익투물로이 근처의 마을이며, 이 마을 또한 두 곳 모두 플라켄티아 주변에 있다.
αὕτη μὲν δὴ ἡ πρώτη μερὶς τῆς Ἰταλίας μέχρι δεῦρο περιωδεύσθω.
이탈리아의 첫 번째 지역에 대해서는 여기까지만 순례하도록 하자.