§4.6.9μετὰ δὲ τούτους οἱ ἐγγὺς ἤδη τοῦ Ἀδριατικοῦ μυχοῦ καὶ τῶν κατὰ Ἀκυληίαν τόπων οἰκοῦσι, Νωρικῶν τέ τινες καὶ Κάρνοι·
이들 다음으로는 이미 아드리아해의 가장 깊숙한 모퉁이와 아퀼레이아 근처의 지역들 가까이에 사는 이들, 즉 노리쿠스인들의 일부와 카르니인들이 살고 있다.
τῶν δὲ Νωρικῶν εἰσι καὶ οἱ Ταυρίσκοι.
그리고 노리쿠스인들 중에는 타우리스키인들도 속해 있다.
πάντας δʼ ἔπαυσε τῶν ἀνέδην καταδρομῶν Τιβέριος καὶ ὁ ἀδελφὸς αὐτοῦ Δροῦσος θερείᾳ μιᾷ, ὥστʼ ἤδη τρίτον καὶ τριακοστὸν ἔτος ἐστὶν ἐξ οὗ καθʼ ἡσυχίαν ὄντες ἀπευτακτοῦσι τοὺς φόρους.
하지만 티베리우스와 그의 형제 드루수스는 단 한 번의 여름 만에 이들 모두의 무분별한 침략을 종식시켰으며, 그리하여 이들이 온순하게 지내며 규칙적으로 세금을 납부한 지 이제 서른세 번째 해가 되었다.
κατὰ πᾶσαν δὲ τὴν τῶν Ἄλπεων ὀρεινὴν ἔστι μὲν καὶ γεώλοφα χωρία καλῶς γεωργεῖσθαι δυνάμενα καὶ αὐλῶνες εὖ συνεκτισμένοι, τὸ μέντοι πλέον καὶ μάλιστα περὶ τὰς κορυφάς, περὶ ὃ δὴ καὶ συνίσταντο οἱ λῃσταί, λυπρὸν καὶ ἄκαρπον διά τε τὰς πάχνας καὶ τὴν τραχύτητα τῆς γῆς.
알프스의 전 산악 지역에는 훌륭히 경작될 수 있는 구릉 지대와 잘 개척된 골짜기들도 있기는 하지만, 그럼에도 대부분의 지역, 특히 산봉우리 주변은, 바로 그곳에 약탈자들이 결집하곤 했는데, 서리와 땅의 험준함 때문에 황량하고 불모이다.
κατὰ σπάνιν οὖν τροφῆς τε καὶ ἄλλων ἐφείδοντο ἔσθʼ ὅτε τῶν ἐν τοῖς πεδίοις, ἵνʼ ἔχοιεν χορηγούς·
따라서 식량과 다른 물자들의 부족 때문에 이들은 자신들에게 공급처를 마련해 두기 위해 평원에 사는 이들을 때때로 아껴두기도(공격하지 않고 내버려두기도) 했다.
ἀντεδίδοσαν δὲ ῥητίνην πίτταν δᾷδα κηρὸν τυρὸν μέλι· τούτων γὰρ εὐπόρουν.
그리고 그 보답으로 그들은 수지, 피치, 횃불용 나무, 밀랍, 치즈, 꿀을 주었는데, 이들에게는 이것들이 풍부했기 때문이다.
ὑπέρκειται δὲ τῶν Κάρνων τὸ Ἀπέννινον ὄρος, λίμνην ἔχον ἐξιεῖσαν εἰς τὸν Ἀτησῖνον ποταμόν, ὃς παραλαβὼν Ἄταγιν ἄλλον ποταμὸν εἰς τὸν Ἀδρίαν ἐκβάλλει.
카르니인들의 위쪽에는 아펜니누스 산이 솟아 있으며, 그것은 아테시노스 강으로 흘러나가는 호수를 품고 있다. 그 강은 다른 강인 아타기스 강을 합친 뒤 아드리아해로 흘러 들어간다.
ἐκ δὲ τῆς αὐτῆς λίμνης καὶ ἄλλος ποταμὸς εἰς τὸν Ἴστρον ῥεῖ, καλούμενος Ἰσάρας.
또한 같은 호수로부터 다른 강도 이스트로스 강으로 흐르는데, 이는 이사라스 강이라 불린다.
καὶ γὰρ ὁ Ἴστρος τὰς ἀρχὰς ἀπὸ τούτων λαμβάνει τῶν ὀρῶν πολυσχιδῶν ὄντων καὶ πολυκεφάλων.
왜냐하면 이스트로스 강 역시 갈래가 많고 봉우리가 많은 이 산들로부터 그 시원을 얻기 때문이다.
μέχρι μὲν γὰρ δεῦρο ἀπὸ τῆς Λιγυστικῆς συνεχῆ τὰ ὑψηλὰ τῶν Ἄλπεων διέτεινε καὶ ἑνὸς ὄρους φαντασίαν παρεῖχεν, εἶτʼ ἀνεθέντα καὶ ταπεινωθέντα ἐξαίρεται πάλιν εἰς πλείω μέρη καὶ πλείους κορυφάς.
리구리아에서 이곳에 이르기까지 알프스의 높은 산들은 연속적으로 뻗어 있어 하나의 산과 같은 겉모습을 보여주었으나, 그 후 완만해지고 낮아졌다가 다시 여러 부분과 여러 봉우리로 높이 솟아오른다.
πρώτη δʼ ἐστὶ τούτων ἡ τοῦ Ῥήνου πέραν καὶ τῆς λίμνης κεκλιμένη πρὸς ἕω ῥάχις μετρίως ὑψηλή, ὅπου αἱ τοῦ Ἴστρου πηγαὶ πλησίον Σοήβων καὶ τοῦ Ἑρκυνίου δρυμοῦ·
이것들 중 첫 번째는 라인 강과 호수 건너편에 있으며 동쪽으로 기울어져 있는 적당히 높은 산등성이인데, 그곳에는 수에비족의 땅과 헤르키니아 숲 근처에 이스트로스 강의 수원들이 있다.
ἄλλαι δʼ εἰσὶν ἐπιστρέφουσαι πρὸς τὴν Ἰλλυρίδα καὶ τὸν Ἀδρίαν, ὧν ἐστι τό τε Ἀπέννινον ὄρος τὸ λεχθὲν καὶ τὸ Τοῦλλον καὶ Φλιγαδία, τὰ ὑπερκείμενα τῶν Ὀυινδολικῶν, ἐξ ὧν ὁ Δούρας καὶ Κλάνις καὶ ἄλλοι πλείους χαραδρώδεις ποταμοὶ συμβάλλουσιν εἰς τὸ τοῦ Ἴστρου ῥεῖθρον. §4.6.10καὶ οἱ Ἰάποδες δὲ ἤδη τοῦτο ἐπίμικτον Ἰλλυριοῖς καὶ Κελτοῖς ἔθνος περὶ τούτους οἰκοῦσι τοὺς τόπους, καὶ ἡ Ὄκρα πλησίον τούτων ἐστίν.
그리고 다른 산등성이들은 일리리아와 아드리아해를 향해 꺾여 있으며, 그것들 중에는 위에 말한 아펜니누스 산과 툴룸 산, 플리가디아가 있는데, 이것들은 빈델리키족의 위에 솟아 있고, 이곳들로부터 두라스 강과 클라니스 강, 그리고 그 외에 여러 급류를 이루는 강들이 이스트로스 강의 물줄기로 합류한다. 그리고 이미 일리리아인들과 케르트인들이 혼혈된 부족인 이아포데스족 역시 이 지역들 주변에 살고 있으며, 오크라 역시 이들 가까이에 있다.
οἱ μὲν οὖν Ἰάποδες πρότερον εὐανδροῦντες καὶ τοῦ ὄρους ἐφʼ ἑκάτερον τὴν οἴκησιν ἔχοντες καὶ τοῖς λῃστηρίοις ἐπικρατοῦντες, ἐκπεπόνηνται τελέως ὑπὸ τοῦ Σεβαστοῦ Καίσαρος καταπολεμηθέντες.
그리하여 이아포데스족은 예전에는 인구가 많았고 산의 양쪽에 거주지를 두고 있었으며 약탈 행위로 세력을 떨쳤으나, 존엄자 카이사르와의 전쟁에서 패하여 완전히 진압되었다.
πόλεις δʼ αὐτῶν Μέτουλον Ἀρουπῖνοι Μονήτιον Ὀυένδων.
이들의 도시로는 메툴론, 아루피노이, 모네티온, 웬돈이 있다.
μεθʼ οὓς ἡ Σεγεστικὴ πόλις ἐν πεδίῳ, παρʼ ἣν ὁ Σάος παραρρεῖ ποταμὸς ἐκδιδοὺς εἰς τὸν Ἴστρον.
이들 다음에는 평원에 있는 세게스티카 시가 있으며, 그 옆을 사오스 강이 흘러가 이스트로스 강으로 들어간다.
κεῖται δὲ ἡ πόλις εὐφυῶς πρὸς τὸν κατὰ τῶν Δακῶν πόλεμον·
이 도시는 다키아인들을 상대로 하는 전쟁에 유리하게 자리 잡고 있다.
ἡ δʼ Ὄκρα τὸ ταπεινότατον μέρος τῶν Ἄλπεών ἐστι καθʼ ὃ συνάπτουσι τοῖς Κάρνοις, καὶ διʼ οὗ τὰ ἐκ τῆς Ἀκυληίας φορτία κομίζουσιν ἁρμαμάξαις εἰς τὸν καλούμενον Ναύπορτον, σταδίων ὁδὸν οὐ πολὺ πλειόνων ἢ τετρακοσίων·
한편 오크라는 알프스의 가장 낮은 부분으로 그곳에서 산들이 카르니인들과 접하며, 이곳을 통해 사람들은 아퀼레이아로부터 온 화물을 사륜마차에 실어 이른바 나우포르토스까지 운반하는데, 그 거리는 400스타디온보다 그리 멀지 않다.
ἐκεῖθεν δὲ τοῖς ποταμοῖς κατάγεται μέχρι τοῦ Ἴστρου καὶ τῶν ταύτῃ χωρίων.
그곳에서부터는 강들을 통해 이스트로스 강과 그 부근 지역들까지 운반된다.
παραρρεῖ γὰρ δὴ τὸν Ναύπορτον ποταμὸς ἐκ τῆς Ἰλλυρίδος φερόμενος πλωτός, ἐκβάλλει δʼ εἰς τὸν Σάον, ὥστʼ εὐμαρῶς εἰς τὴν Σεγεστικὴν κατάγεται καὶ τοὺς Παννονίους καὶ Ταυρίσκους.
왜냐하면 일리리아에서 흘러오는 항해 가능한 강이 나우포르토스 옆을 흐르고 사오스 강으로 흘러 들어가기 때문에, 세게스티카와 판노니아인들 및 타우리스키인들에게로 쉽게 운반되기 때문이다.
συμβάλλει δʼ εἰς τὸν Σάον κατὰ τὴν πόλιν καὶ ὁ Κόλαπις·
또한 그 도시 부근에서 콜라피스 강도 사오스 강에 합류한다.
ἀμφότεροι δʼ εἰσὶ πλωτοί, ῥέουσι δʼ ἀπὸ τῶν Ἄλπεων.
두 강 모두 배가 다닐 수 있으며 알프스산맥에서 발원하여 흐른다.
ἔχουσι δʼ αἱ Ἄλπεις καὶ ἵππους ἀγρίους καὶ βόας.
알프스에는 야생마와 야생 소도 있다.
φησὶ δὲ Πολύβιος καὶ ἰδιόμορφόν τι γεννᾶσθαι ζῷον ἐν αὐταῖς ἐλαφοειδὲς τὸ σχῆμα πλὴν αὐχένος καὶ τριχώματος, ταῦτα δʼ ἐοικέναι κάπρῳ, ὑπὸ δὲ τῷ γενείῳ πυρῆνα ἴσχειν ὅσον σπιθαμιαῖον ἀκρόκομον, πωλικῆς κέρκου τὸ πάχος.
한편 폴리비오스는 알프스에 기이한 형태의 동물도 산다고 말하는데, 목과 털을 제외하고는 형태가 사슴과 같으나, 이것들은 멧돼지를 닮았으며, 턱 밑에는 약 한 스피타메 길이의 끝에 털이 달린, 망아지 꼬리 굵기만 한 돌기를 지니고 있다고 한다.