§3.2.4αὐτὴ δʼ ἡ Τουρδητανία θαυμαστῶς εὐτυχεῖ·
투르데타니아 자체는 놀라울 정도로 축복받았다.
παμφόρου δʼ οὔσης αὐτῆς, ὡσαύτως δὲ καὶ πολυφόρου, διπλασιάζεται τὰ εὐτυχήματα ταῦτα τῷ ἐκκομισμῷ·
이 땅이 온갖 것을 생산하고, 마찬가지로 풍성하게 생산하므로, 이러한 혜택들은 수출을 통해 배가된다.
τὸ γὰρ περιττεῦον τῶν καρπῶν ἀπεμπολεῖται ῥᾳδίως τῷ πλήθει τῶν ναυκληρίων.
작물의 남은 분량이 많은 상선들 덕분에 쉽게 매각되기 때문이다.
ποιοῦσι δὲ τοῦτο οἵ τε ποταμοὶ καὶ αἱ ἀναχύσεις, ὡς εἶπον, ἐμφερεῖς τοῖς ποταμοῖς οὖσαι καὶ ἀναπλεόμεναι παραπλησίως ἐκ θαλάττης οὐ μικροῖς μόνον ἀλλὰ καὶ μεγάλοις σκάφεσιν εἰς τὰς ἐν τῇ μεσογαίᾳ πόλεις.
내가 말했듯이, 강들과 강에 유사한 만입지들이 이를 가능하게 하는데, 이들은 바다로부터 소형선뿐만 아니라 대형선으로도 내륙의 도시들까지 비슷하게 거슬러 올라갈 수 있다.
ἅπασα γάρ ἐστι πεδιὰς ἡ ὑπὲρ τῆς παραλίας ἐπὶ πολὺ τῆς μεταξὺ τοῦ τε ἱεροῦ ἀκρωτηρίου καὶ στηλῶν.
성스러운 곶과 기둥 사이의 해안선 위쪽으로 멀리 펼쳐져 있는 모든 지역이 평원이기 때문이다.
ἐνταῦθα δὲ πολλαχοῦ κοιλάδες εἰς τὴν μεσόγαιαν ἐκ τῆς θαλάττης ἀνέχουσι φάραγξι μετρίαις ἢ καὶ ῥείθροις ἐοικυῖαι ποταμίοις, ἐκτεταμέναι ἐπὶ πολλοὺς σταδίους·
이곳 도처에서 바다로부터 내륙으로 골짜기들이 들어와 있는데, 이들은 중간 크기의 협곡이나 강의 수로와 비슷하며 많은 스타디온에 걸쳐 뻗어 있다.
ταύτας δὲ πληροῦσιν αἱ τῆς θαλάττης ἐπιβάσεις κατὰ τὰς πλημμυρίδας, ὥστʼ ἀναπλεῖσθαι μηδὲν ἧττον ἢ τοὺς ποταμούς, ἀλλὰ καὶ βέλτιον·
이 골짜기들을 만조 시에 바닷물의 유입이 채우기 때문에, 강 못지않게, 아니 오히려 더 잘 거슬러 올라갈 수 있다.
τοῖς γὰρ κατάπλοις ἔοικε τοῖς ποταμίοις, ἀντικόπτοντος μὲν οὐδενός, ἐπουρίζοντος δὲ τοῦ πελάγους καθάπερ τοῦ ποταμίου ῥεύματος διὰ τὴν πλημμυρίδα.
왜냐하면 이는 강을 내려가는 항해와 비슷하여, 가로막는 것이 아무것도 없고, 만조로 인해 외해가 강의 흐름처럼 배를 뒤에서 밀어주기 때문이다.
αἱ δʼ ἐπιβάσεις μείζους εἰσὶν ἐνταῦθα ἢ ἐν τοῖς ἄλλοις τόποις, ὅτι εἰς πόρον συνωθουμένη στενὸν ἡ θάλαττα ἐκ μεγάλου πελάγους, ὃν ἡ Μαυρουσία ποιεῖ πρὸς τὴν Ἰβηρίαν, ἀνακοπὰς λαμβάνει καὶ φέρεται πρὸς τὰ εἴκοντα μέρη τῆς γῆς εὐπετῶς.
이곳의 바닷물 유입은 다른 지역보다 더 큰데, 바다가 대양으로부터 마우루시아가 이베리아와 이루는 좁은 해협으로 밀려들어 가면서 저항을 받고, 그리하여 육지의 순응하는 부분으로 쉽게 흘러들기 때문이다.
ἔνιαι μὲν οὖν τῶν τοιούτων κοιλάδων κενοῦνται κατὰ τὰς ἀμπώτεις, τινὰς δʼ οὐ παντάπασιν ἐπιλείπει τὸ ὕδωρ, ἔνιαι δὲ καὶ νήσους ἀπολαμβάνουσιν ἐν ἑαυταῖς.
그리하여 이러한 골짜기들 중 어떤 것들은 간조 시에 완전히 비어 버리지만, 어떤 것들은 물이 완전히 마르지 않으며, 어떤 것들은 내부에 섬들을 품고 있기도 하다.
τοιαῦται μὲν οὖν εἰσιν αἱ ἀναχύσεις αἱ μεταξὺ τοῦ τε ἱεροῦ ἀκρωτηρίου καὶ τῶν στηλῶν, ἐπίδοσιν ἔχουσαι σφοδροτέραν παρὰ τὰς ἐν τοῖς ἄλλοις τόποις·
성스러운 곶과 기둥 사이의 만입지들은 이와 같아서, 다른 곳에 있는 것들보다 더 격렬한 상승을 보인다.
ἡ τοιαύτη δʼ ἐπίδοσις ἔχει μέν τι καὶ πλεονέκτημα πρὸς τὰς χρείας τῶν πλοϊζομένων·
이러한 바닷물의 상승은 항해하는 이들의 필요에 있어서 어떤 면에서는 이점을 가진다.
πλείους γὰρ καὶ μείζους ποιεῖ τὰς ἀναχύσεις, πολλάκις καὶ ἐπὶ * ὀκτὼ σταδίους ἀναπλεομένας, ὥστε τρόπον τινὰ πᾶσαν πλωτὴν παρέχεται τὴν γῆν καὶ εὐπετῆ πρός τε τὰς ἐξαγωγὰς τῶν φορτίων καὶ τὰς εἰσαγωγάς.
왜냐하면 만입지들을 더 많고 더 크게 만들어, 종종 * 8스타디온까지 거슬러 올라갈 수 있게 함으로써, 어떤 의미에서는 토지 전체를 항해 가능하게 하고 화물의 반출과 반입을 용이하게 해 주기 때문이다.
ἔχει δέ τι καὶ ὀχληρόν·
그러나 번거로운 면도 있다.
αἱ γὰρ ἐν τοῖς ποταμοῖς ναυτιλίαι διὰ τὴν σφοδρότητα τῆς πλημμυρίδος ἰσχυρότερον τῇ ῥύσει τῶν ποταμῶν ἀντιπνέουσαν κίνδυνον οὐ μικρὸν τοῖς ναυκληρίοις ἐπιφέρουσι κατακομιζομένοις τε ὁμοίως καὶ ἀνακομιζομένοις.
강에서의 항해는 만조의 격렬함 때문에 강의 흐름에 더 강력하게 맞서 밀려오는 조수로 인해, 내려가는 이들이나 올라가는 이들 모두에게 상선주들에게 적지 않은 위험을 가져다주기 때문이다.
αἱ δὲ ἀμπώτεις ἐν ταῖς ἀναχύσεσίν εἰσι βλαβεραί·
그리고 만입지에서의 간조 또한 해롭다.
ταῖς γὰρ πλημμυρίσιν ἀνὰ λόγον καὶ αὐταὶ παροξύνονται, διά τε τὸ τάχος καὶ ἐπὶ ξηρᾶς πολλάκις ἐγκατέλιπον τὴν ναῦν.
간조 역시 만조에 비례하여 격렬해지며, 그 빠른 속도 때문에 종종 배를 마른 땅 위에 남겨두기 때문이다.
τά τε βοσκήματα εἰς τὰς νήσους διαβαίνοντα τὰς πρὸ τῶν ἀναχύσεων τοτὲ μὲν οὖν καὶ ἐπεκλύσθη τοτὲ δὲ ἀπελήφθη, βιαζόμενα δʼ ἐπανελθεῖν οὐκ ἴσχυσεν ἀλλὰ διεφθάρη·
또한 만입지 앞의 섬들로 건너가는 가축들은 어떤 때는 물에 휩쓸리고 어떤 때는 고립되어, 억지로 돌아오려 해도 힘이 없어 죽고 만다.
τὰς δὲ βοῦς φασι καὶ τετηρηκυίας τὸ συμβαῖνον περιμένειν τὴν ἀναχώρησιν τῆς θαλάττης καὶ τότε ἀπαίρειν εἰς τὴν ἤπειρον.
하지만 암소들은 이 현상을 관찰하고서 바다가 물러가기를 기다렸다가 그때 본토로 건너간다고들 한다.