§17.3.9μετὰ δὲ τὴν τῶν Μαυρουσίων γῆν ἡ τῶν Μασαισυλίων ἐστίν, ἀπὸ τοῦ Μολοχὰθ ποταμοῦ τὴν ἀρχὴν λαμβάνουσα, τελευτῶσα δὲ ἐπὶ τὴν ἄκραν, ἣ καλεῖται, ὅριον τῆς τε Μασαισύλων καὶ τῆς Μασυλιέων γῆς·
마우루시아인들의 땅 다음은 마사이쉴리오이인들의 땅인데, 이는 몰로카트 강에서 시작하여 마사이쉴로이인들과 마쉴리에스인들의 땅의 경계인 〔트레토스〕라 불리는 곶에서 끝난다.
στάδιοι δʼ εἰσὶν ἀπὸ τοῦ Μεταγωνίου μέχρι τοῦ Τρητοῦ ἑξακισχίλιοι· οἱ δʼ ἐλάττους φασίν.
메타고니온에서 트레토스까지는 6,000스타디온인데, 더 적다고 말하는 이들도 있다.
ἔχει δʼ ἡ παραλία πόλεις τε πλείους καὶ ποταμοὺς καὶ χώραν εὐφυῆ, τῶν δʼ ἐν ὀνόματι ἀρκεῖ μνησθῆναι.
해안 지대에는 여러 도시와 강, 그리고 비옥한 땅이 있으나, 유명한 것들만 언급하는 것으로 충분하다.
ἔστι δὲ πόλις Σίγα ἐν χιλίοις σταδίοις ἀπὸ τῶν λεχθέντων ὅρων, βασίλειον Σόφακος· κατέσπασται δὲ νῦν·
상술한 경계로부터 1,000스타디온 거리에 시가라는 도시가 있는데, 이는 소팍스의 왕도였으나 현재는 파괴되어 있다.
τὴν δὲ χώραν μετὰ Σόφακα κατέσχε Μασανάσσης, εἶτα Μικίψας, εἶτα καὶ οἱ ἐκεῖνον διαδεξάμενοι, καθʼ ἡμᾶς δὲ Ἰούβας ὁ πατὴρ τοῦ νεωστὶ τελευτήσαντος Ἰούβα·
소팍스 이후에는 마사나세스가 그 지역을 차지했고, 그다음은 미킵사스, 그다음은 그의 후계자들이 차지했으며, 우리 시대에는 최근에 사망한 유바의 아버지 유바가 차지했다.
κατέσπασται δὲ καὶ Ζάμα τὸ τούτου βασίλειον ὑπὸ Ῥωμαίων·
그의 왕도였던 자마 역시 로마인들에 의해 파괴되었다.
μετὰ δὲ τὴν Σίγαν Θεῶν λιμὴν ἐν ἑξακοσίοις σταδίοις· εἶτʼ ἄλλοι ἄσημοι τόποι.
시가 다음으로 600스타디온 거리에는 ‘신들의 항구’가 있고, 그다음으로는 다른 이름 없는 장소들이 이어진다.
τὰ μὲν οὖν ἐν βάθει τῆς χώρας ὀρεινὰ καὶ ἔρημα ἔσθʼ ὅτε παρέσπαρται, ἃ κατέχουσιν οἱ Γαίτουλοι μέχρι καὶ Σύρτεων·
이제 내륙 지방은 산이 많고 황량하며 곳곳에 흩어져 있는데, 가이툴리인들이 쉬르티스 지대에 이르기까지 이곳들을 차지하고 있다.
τὰ δʼ ἐκεῖ πρὸς θαλάττῃ καὶ πεδία εὐδαίμονά ἐστι καὶ πόλεις πολλαὶ καὶ ποταμοὶ καὶ λίμναι.
반면 바다에 가까운 그곳 지역들에는 비옥한 평원과 많은 도시, 강, 그리고 호수들이 있다.
§17.3.10ποσειδώνιος δʼ οὐκ οἶδʼ εἰ ἀληθεύει φήσας ὀλίγοις καὶ μικροῖς διαρρεῖσθαι ποταμοῖς τὴν Λιβύην·
포세이도니오스가 리비아는 적고 작은 강들에 의해 관류된다고 말한 것이 사실인지는 알 수 없다.
αὐτοὺς γάρ, οὓς Ἀρτεμίδωρος εἴρηκε, τοὺς μεταξὺ τῆς Λυγγὸς καὶ Καρχηδόνος καὶ πολλοὺς εἴρηκε καὶ μεγάλους.
왜냐하면 아르테미도로스가 륑크스와 카르타고 사이에 있다고 말한 바로 그 강들을, 그는 수적으로도 많고 규모도 크다고 말했기 때문이다.
ἐν δὲ τῇ μεσογαίᾳ ταῦτʼ ἀληθέστερον εἰπεῖν·
그러나 내륙 지역에서는 이것을 참되다고 말하는 편이 더 옳다.
εἴρηκε δὲ τούτου τὴν αἰτίαν αὐτός·
그 스스로도 이것의 원인을 밝히고 있다.
μὴ γὰρ κατομβρεῖσθαι τοῖς ἀρκτικοῖς μέρεσι, καθάπερ οὐδὲ τὴν Αἰθιοπίαν φασί·
왜냐하면 북쪽 지역들에는 비가 내리지 않는데, 이는 에티오피아 역시 마찬가지라고 전해지기 때문이다.
διὸ πολλάκις λοιμικὰ ἐμπίπτειν ὑπὸ αὐχμῶν καὶ τὰς λίμνας τελμάτων πίμπλασθαι καὶ τὴν ἀκρίδα ἐπιπολάζειν.
이 때문에 가뭄으로 인해 전염병이 자주 발생하고, 호수들은 진흙 수렁으로 채워지며, 메뚜기 떼가 창궐하게 된다.
ἔτι φησὶ τὰ μὲν ἀνατολικὰ ὑγρὰ εἶναι, τὸν γὰρ ἥλιον ἀνίσχοντα ταχὺ παραλλάττειν, τὰ δʼ ἑσπέρια ξηρά, ἐκεῖ γὰρ καταστρέφειν ὑγρὰ γὰρ καὶ ξηρά, τὰ μὲν παρʼ ὑδάτων ἀφθονίαν ἢ σπάνιν λέγεται, τὰ δὲ παρὰ τὴν τῶν ἡλίων·
그는 나아가 동쪽 지역들은 습한데, 왜냐하면 떠오르는 태양이 그 위를 빠르게 지나가기 때문이며, 반면 서쪽 지역들은 건조한데, 태양이 그곳에서 운행을 마치기 때문이라고 말한다. 왜냐하면 습함과 건조함은 한편으로는 물의 풍부함과 부족함에 따라 불리며, 다른 한편으로는 태양열의 영향에 따라 불리기 때문이다.
βούλεται δὲ λέγειν τὰ παρὰ τοὺς ἡλίους·
그리고 그가 말하고자 하는 것은 태양에 기인하는 그것들이다.
ταῦτα δὲ πάντες ἀρκτικοῖς καὶ μεσημβρινοῖς κλίμασιν ἀφορίζουσι·
그러나 이러한 것들은 모든 이가 북쪽과 남쪽의 기후대에 의해 구분 짓는 법이다.
καὶ μὴν ἀνατολικά τε καὶ δυσμικά, τὰ μὲν πρὸς τὰς οἰκήσεις λεγόμενα, καθʼ ἑκάστην τὴν οἴκησιν καὶ τὴν μετάπτωσιν τῶν ὁριζόντων ἄλλα καὶ ἄλλα ἐστίν, ὥστʼ οὐδʼ ἔνεστι καθολικῶς εἰπεῖν ἐπὶ τῶν ἀπεριλήπτων τὸ πλῆθος, ὅτι τὰ μὲν ἀνατολικὰ ὑγρά, τὰ δὲ δυσμικὰ ξηρά.
또한 동쪽과 서쪽은 거주지들과의 관계 속에서 일컬어지는 것으로서, 각각의 거주지와 지평선의 변화에 따라 매번 달라지므로, 그 수가 무한한 거주지들에 대해 총괄적으로 동쪽은 습하고 서쪽은 건조하다고 말하는 것은 불가능하다.
ὡς δὲ λέγεται πρὸς τὴν οἰκουμένην ὅλην καὶ τὰς ἐσχατιὰς τὰς τοιαύτας, οἵα καὶ ἡ Ἰνδικὴ καὶ ἡ Ἰβηρία, λέγοι ἂν εἰ ἄρα τὴν τοιαύτην ἀπόφασιν.
하지만 그가 거주 세계 전체와 그 양 끝자락(인도나 이베리아와 같은 곳)에 관하여 그러한 언명을 하는 것이라면, 혹시 그런 식의 진술은 가능할지도 모른다.
τίς οὖν ἡ πιθανότης τῆς αἰτιολογίας;
그렇다면 그러한 원인 규명의 타당성은 무엇인가?
ἐν γὰρ περιφορᾷ συνεχεῖ τε καὶ ἀδιαλείπτῳ τοῦ ἡλίου τίς ἂν εἴη καταστροφή;
왜냐하면 태양의 연속적이고 끊임없는 운행 속에서 무슨 ‘끝마침’이 있을 수 있겠는가?
τό τε τάχος τῆς παραλλαγῆς πανταχοῦ ἴσον.
또한 통과하는 속도는 어디서나 동일하다.
ἄλλως τε παρὰ τὴν ἐνάργειάν ἐστι, τὰ ἔσχατα τῆς Ἰβηρίας ἢ τῆς Μαυρουσίας τὰ πρὸς δύσιν ξηρὰ λέγειν ἁπάντων μάλιστα·
더욱이 이베리아나 마우루시아의 서쪽 끝자락을 모든 곳 중에서 가장 건조하다고 말하는 것은 자명한 사실에 어긋나는 일이다.
καὶ γὰρ τὸ περιέχον εὔκρατον ἔχει καὶ πλείστων ὑδάτων εὐπορεῖ.
왜냐하면 그곳은 대기가 온화하고 매우 풍부한 수자원을 갖추고 있기 때문이다.
εἰ δὲ τὸ καταστρέφειν τοιοῦτον εἴληπται, ὅτι ἐνταῦθα * τὰ ὕστατα τῆς οἰκουμένης ὑπὲρ γῆς γίνεται, τί τοῦτο συντείνει πρὸς ξηρασίαν;
만일 ‘끝마침’이라는 것이 그곳에서 지상 거주 세계의 가장 마지막 부분이 존재한다는 뜻으로 이해된다 하더라도, 이것이 건조함에 무슨 기여를 한단 말인가?
καὶ γὰρ ἐνταῦθα καὶ ἐν τοῖς ἄλλοις τόποις τῆς οἰκουμένης τοῖς ταυτοκλινέσι τὸν ἴσον διαλιπὼν χρόνον τὸν τῆς νυκτὸς ἐπάνεισι πάλιν καὶ θερμαίνει τὴν γῆν.
왜냐하면 그곳에서도 동일한 위도상에 위치한 거주 세계의 다른 지역들과 마찬가지로, 밤이라는 동일한 시간 간격을 거친 후에 태양은 다시 솟아올라 대지를 데우기 때문이다.