§17.3.24τὰ μὲν οὖν μέρη τῆς καθʼ ἡμᾶς οἰκουμένης οὕτω διάκειται·
이리하여 우리가 아는 거주 세계의 여러 지역은 이와 같이 배치되어 있다.
ἐπεὶ δʼ οἱ Ῥωμαῖοι τὴν ἀρίστην αὐτῆς καὶ γνωριμωτάτην κατέχουσιν, ἅπαντας ὑπερβεβλημένοι τοὺς πρότερον ἡγεμόνας ὧν μνήμην ἴσμεν, ἄξιον διὰ βραχέων καὶ τὰ τούτων εἰπεῖν.
그러나 로마인들이 그중 가장 훌륭하고 가장 잘 알려진 부분을 영유하고 있으며, 우리가 기억하는 과거의 모든 지배자들을 능가하고 있으므로, 그들의 통치에 대해서도 간단히 기술하는 것은 가치 있는 일이다.
ὅτι μὲν οὖν ἐκ μιᾶς ὁρμηθέντες πόλεως τῆς Ῥώμης ἅπασαν τὴν Ἰταλίαν ἔσχον διὰ τὸ πολεμεῖν καὶ πολιτικῶς ἄρχειν εἴρηται, καὶ διότι μετὰ τὴν Ἰταλίαν τὰ κύκλῳ προσεκτήσαντο τῇ αὐτῇ ἀρετῇ χρώμενοι.
우선, 그들이 단 하나의 도시 로마에서 출발하여 전쟁을 수행하고 국제적으로 통치함으로써 전 이탈리아를 획득했다는 것과, 이탈리아 이후에 동일한 탁월한 역량을 발휘하여 주변 지역을 추가로 획득했다는 사실은 이미 서술된 바 있다.
τριῶν δὲ ἠπείρων οὐσῶν τὴν μὲν Εὐρώπην σχεδόν τι πᾶσαν ἔχουσι πλὴν τῆς ἔξω τοῦ Ἴστρου καὶ τῶν μεταξὺ τοῦ Ῥήνου καὶ τοῦ Τανάιδος παρωκεανιτῶν, τῆς δὲ Λιβύης ἡ καθʼ ἡμᾶς παραλία πᾶσα ὑπʼ αὐτοῖς ἐστιν, ἡ δὲ ἄλλη ἀοίκητός ἐστιν ἢ λυπρῶς καὶ νομαδικῶς οἰκεῖται.
세 대륙이 있는 가운데 그들은 에우로파의 거의 전역을 영유하고 있다. 다만 이스토르 강 외곽과 라인 강과 타나이스 강 사이의 대양에 접한 지역에 사는 사람들은 제외된다. 또한 리비아에 관해서는, 우리 쪽에 있는 해안선은 모두 그들의 지배 하에 있으며, 나머지 부분은 무인이거나 혹은 척박하여 유목 생활이 영위되고 있다.
ὁμοίως δὲ καὶ τῆς Ἀσίας ἡ καθʼ ἡμᾶς παραλία πᾶσα ὑποχείριός ἐστιν, εἰ μή τις τὰ τῶν Ἀχαιῶν καὶ Ζυγῶν καὶ Ἡνιόχων ἐν λόγῳ τίθεται, λῃστρικῶς καὶ νομαδικῶς ζώντων ἐν στενοῖς καὶ λυπροῖς χωρίοις.
마찬가지로 아시아에 관해서도, 우리 쪽에 있는 해안선은 모두 그들의 손아귀에 들어가 있다. 다만 좁고 척박한 땅에서 해적질과 유목으로 연명하는 아카이아인, 쥐고이인, 헤니오코이인의 상황을 고려하지 않을 때 그러하다.
τῆς δὲ μεσογαίας καὶ τῆς ἐν βάθει τὴν μὲν ἔχουσιν αὐτοί, τὴν δὲ Παρθυαῖοι καὶ οἱ ὑπὲρ τούτων βάρβαροι, πρός τε ταῖς ἀνατολαῖς καὶ ταῖς ἄρκτοις Ἰνδοὶ καὶ Βάκτριοι καὶ Σκύθαι, εἶτʼ Ἄραβες καὶ Αἰθίοπες·
내륙 및 깊은 곳의 땅에 대해서는, 어떤 부분은 로마인 자신이 영유하고, 다른 부분은 파르티아인과 그 너머의 야만인들이 영유하며, 동쪽과 북쪽으로는 인도인, 박트리아인, 스키타이인, 그다음으로 아라비아인과 에티오피아인이 영유하고 있다.
προστίθεται δὲ ἀεί τι παρʼ ἐκείνων αὐτοῖς.
그러나 끊임없이 그들로부터 로마인에게로 얼마간의 영토가 추가되고 있다.
ταύτης δὲ τῆς συμπάσης χώρας τῆς ὑπὸ Ῥωμαίοις ἣ μὲν βασιλεύεται, ἣν δʼ ἔχουσιν αὐτοὶ καλέσαντες ἐπαρχίαν, καὶ πέμπουσιν ἡγεμόνας καὶ φορολόγους.
로마인의 지배 하에 있는 이 전체 영토 중 어떤 부분은 왕에 의해 통치되고, 어떤 부분은 그들이 스스로 '속주'라 부르며 영유하면서 총독과 징세관을 파견한다.
εἰσὶ δέ τινες καὶ ἐλεύθεραι πόλεις, αἱ μὲν ἐξ ἀρχῆς κατὰ φιλίαν προσελθοῦσαι, τὰς δʼ ἠλευθέρωσαν αὐτοὶ κατὰ τιμήν.
또한 일부 자유 도시들도 있는데, 이들 중 일부는 처음부터 우호 관계에 따라 가담한 것이고, 다른 것들은 로마인들이 스스로 영예로서 자유를 준 것이다.
εἰσὶ δὲ καὶ δυνάσται τινὲς καὶ φύλαρχοι καὶ ἱερεῖς ὑπʼ αὐτοῖς· οὗτοι μὲν δὴ ζῶσι κατά τινας πατρίους νόμους.
또한 그들의 수하에는 일부 군주, 부족장, 신관들도 있는데, 이들은 각각 조상 대대로 내려오는 법에 따라 생활하고 있다.
§17.3.25αἱ δʼ ἐπαρχίαι διῄρηνται ἄλλοτε μὲν ἄλλως, ἐν δὲ τῷ παρόντι ὡς Καῖσαρ ὁ Σεβαστὸς διέταξεν.
속주는 시대에 따라 여러 가지로 분할되어 왔으나, 현재는 존엄자 카이사르 아우구스투스가 규정한 바와 같이 되어 있다.
ἐπειδὴ γὰρ ἡ πατρὶς ἐπέτρεψεν αὐτῷ τὴν προστασίαν τῆς ἡγεμονίας, καὶ πολέμου καὶ εἰρήνης κατέστη κύριος διὰ βίου, δίχα διεῖλε πᾶσαν τὴν χώραν καὶ τὴν μὲν ἀπέδειξεν ἑαυτῷ τὴν δὲ τῷ δήμῳ, ἑαυτῷ μὲν ὅση στρατιωτικῆς φρουρᾶς ἔχει χρείαν·
즉, 조국이 그에게 제국의 통치권을 위임하고, 그가 종신토록 전쟁과 강화의 주권자가 되었을 때, 그는 전 영토를 둘로 분할하여 한쪽은 자신에게, 다른 쪽은 인민(원로원)에게 배정하였다.
αὕτη δʼ ἐστὶν ἡ βάρβαρος καὶ πλησιόχωρος τοῖς μήπω κεχειρωμένοις ἔθνεσιν ἢ λυπρὰ καὶ δυσγεώργητος, ὥσθʼ ὑπὸ ἀπορίας τῶν ἄλλων ἐρυμάτων δʼ εὐπορίας ἀφηνιάζειν καὶ ἀπειθεῖν, τῷ δήμῳ δὲ τὴν ἄλλην ὅση εἰρηνικὴ καὶ χωρὶς ὅπλων ἄρχεσθαι ῥᾳδία·
자신에게는 군대에 의한 수비가 필요한 만큼의 영역을 배정하였는데, 이곳은 야만적이며 아직 평정되지 않은 부족들에 인접해 있는 지역이거나, 혹은 척박하고 경작이 어려워 다른 물자는 부족한 반면 요새는 풍부하여 반항하고 불복종하기 쉬운 지역이다. 그리고 인민에게는 평화적이고 무력 없이 통치하기 쉬운 나머지 영역을 배정하였다.
ἑκατέραν δὲ τὴν μερίδα εἰς ἐπαρχίας διένειμε πλείους, ὧν αἱ μὲν καλοῦνται Καίσαρος αἱ δὲ τοῦ δήμου.
그는 각각의 몫을 다시 여러 속주로 나누었는데, 그중 일부는 카이사르의 속주, 다른 일부는 인민의 속주라 불린다.
καὶ εἰς μὲν τὰς Καίσαρος ἡγεμόνας καὶ διοικητὰς Καῖσαρ πέμπει, διαιρῶν ἄλλοτε ἄλλως τὰς χώρας καὶ πρὸς τοὺς καιροὺς πολιτευόμενος, εἰς δὲ τὰς δημοσίας ὁ δῆμος στρατηγοὺς ἢ ὑπάτους·
그리하여 카이사르의 속주에는 카이사르가 총독과 관리인을 파견하며, 시대에 따라 영토를 다양하게 분할하고 시국에 맞추어 정치를 행하지만, 공공 속주에는 인민이 법무관이나 집정관을 파견한다.
καὶ αὗται δʼ εἰς μερισμοὺς ἄγονται διαφόρους, ἐπειδὰν κελεύῃ τὸ συμφέρον.
이것들 역시 공공의 이익이 요구할 때에는 상이한 분할에 처해진다.
ἀλλʼ ἐν ἀρχαῖς γε διέθηκε ποιήσας ὑπατικὰς μὲν δύο, Λιβύην τε ὅση ὑπὸ Ῥωμαίοις ἔξω τῆς ὑπὸ Ἰούβᾳ μὲν πρότερον νῦν δὲ Πτολεμαίῳ τῷ ἐκείνου παιδί, καὶ Ἀσίαν τὴν ἐντὸς Ἅλυος καὶ τοῦ Ταύρου πλὴν Γαλατῶν καὶ τῶν ὑπὸ Ἀμύντα γενομένων ἐθνῶν, ἔτι δὲ Βιθυνίας καὶ τῆς Προποντίδος·
그러나 그는 최초의 배치에서 두 개의 집정관급 속주를 창설했다. 즉, 로마인의 지배 하에 있는 리비아(다만 예전에는 유바의 지배 하에 있었고 현재는 그의 아들 프톨레마이오스의 지배 하에 있는 영역은 제외)와, 할리스 강 및 타우로스 산맥 내측에 있는 아시아(다만 갈라티아인 및 아민타스의 지배 하에 있었던 부족들, 그리고 비티니아와 프로폰티스는 제외)이다.
δέκα δὲ στρατηγικάς, κατὰ μὲν τὴν Εὐρώπην καὶ τὰς πρὸς αὐτῇ νήσους τήν τε ἐκτὸς Ἰβηρίαν λεγομένην, ὅση περὶ τὸν Βαῖτιν ποταμόν, καὶ τῆς Κελτικῆς τὴν Ναρβωνῖτιν, τρίτην δὲ Σαρδὼ μετὰ Κύρνου, καὶ Σικελίαν τετάρτην, πέμπτην δὲ καὶ ἕκτην τῆς Ἰλλυρίδος τὴν πρὸς τῇ Ἠπείρῳ καὶ Μακεδονίαν, ἑβδόμην δʼ Ἀχαΐαν μέχρι Θετταλίας καὶ Αἰτωλῶν καὶ Ἀκαρνάνων καί τινων Ἠπειρωτικῶν ἐθνῶν ὅσα τῇ Μακεδονίᾳ προσώριστο, ὀγδόην δὲ Κρήτην μετὰ τῆς Κυρηναίας, ἐνάτην δὲ Κύπρον, δεκάτην δὲ Βιθυνίαν μετὰ τῆς Προποντίδος καὶ τοῦ Πόντου τινῶν μερῶν·
또한 열 개의 법무관급 속주를 창설했다. 에우로파 및 그에 인접한 섬들에서는, 첫째로 바이티스 강 주변의 소위 원서 이베리아, 둘째로 켈티카의 나르보넨시스, 셋째로 퀴르노스 섬을 동반한 사르도 섬, 넷째로 시킬리아, 다섯째 및 여섯째로 에페이로스에 인접한 일리리스의 일부와 마케도니아, 일곱째로 테살리아, 아이톨리아인, 아카르나니아인 및 마케도니아에 편입되었던 일부 에페이로스 부족들에 이르기까지의 아카이아, 여덟째로 키레나이카를 동반한 크레타, 아홉째로 키프로스, 열째로 프로폰티스 및 폰토스의 일부 지역을 동반한 비티니아이다.
τὰς δὲ ἄλλας ἐπαρχίας ἔχει Καῖσαρ, ὧν εἰς ἃς μὲν πέμπει τοὺς ἐπιμελησομένους ὑπατικοὺς ἄνδρας, εἰς ἃς δὲ στρατηγικούς, εἰς ἃς δὲ καὶ ἱππικούς·
그 밖의 속주들은 카이사르가 영유하며, 그는 그중 어떤 곳에는 관리를 위해 집정관급 인물을 파견하고, 어떤 곳에는 법무관급 인물을, 어떤 곳에는 기사 신분의 인물을 파견한다.
καὶ βασιλεῖς δὲ καὶ δυνάσται καὶ δεκαρχίαι τῆς ἐκείνου μερίδος καὶ εἰσὶ καὶ ὑπῆρξαν ἀεί.
그리고 왕들, 군주들, 십인관들도 늘 그의 할당 영역에 존재하며 과거로부터 존재해 왔던 것이다.