§16.4.19συνάπτει δʼ ἡ τῶν Σαβαίων εὐδαιμονεστάτη, μεγίστου ἔθνους, παρʼ οἷς καὶ σμύρνα καὶ λίβανος καὶ κιννάμωμον·
여기에 사바인들의 가장 번성한 나라가 인접해 있는데, 이들은 가장 거대한 부족이다. 이들 가운데는 몰약과 유향과 계피가 있다.
ἐν δὲ τῇ παραλίᾳ καὶ βάλσαμον καὶ ἄλλη τις πόα σφόδρα εὐώδης, ταχὺ δʼ ἐξίτηλον τὴν ὀδμὴν ἔχουσα·
또한 해안 지대에는 발삼(향유)과 매우 향기롭지만 그 향이 금방 사라져 버리는 다른 어떤 풀도 있다.
εἰσὶ δὲ καὶ φοίνικες εὐώδεις καὶ κάλαμος, ὄφεις δὲ σπιθαμιαῖοι φοινικοῖ τὴν χρόαν, προσαλλόμενοι καὶ μέχρι λαγόνος, τὸ δῆγμα ἔχοντες ἀνήκεστον.
또한 향기로운 대추야자와 갈대도 있으며, 한 뼘 크기에 붉은 빛깔을 띤 뱀들이 사는데, 이들은 허리께까지 뛰어오르며, 그 물림은 치료 불가능하다.
διὰ δὲ τὴν ἀφθονίαν τῶν καρπῶν ἀργοὶ καὶ ῥᾴθυμοι τοῖς βίοις εἰσὶν οἱ ἄνθρωποι·
열매가 풍부하기 때문에 사람들은 자신들의 삶 속에서 나태하고 게으르다.
κοιτάζονται δὲ ἐπὶ * τῶν ῥιζῶν τῶν δένδρων ἐκτέμνοντες οἱ πολλοὶ καὶ δημοτικοί·
대부분의 평민들은 [가지들을] 잘라내고 나무뿌리 위에서 잠을 잔다.
διαδεχόμενοι δʼ οἱ σύνεγγυς ἀεὶ τὰ φορτία, τοῖς μετʼ αὐτοὺς παραδιδόασι μέχρι Συρίας καὶ Μεσοποταμίας·
그리고 인근에 있는 자들이 항상 화물을 순차적으로 이어받아 그들 다음 사람들에게 전달하며, 시리아와 메소포타미아에까지 이르게 한다.
καρούμενοι δʼ ὑπὸ τῶν εὐωδιῶν αἴρουσι τὸν κάρον ἀσφάλτου θυμιάματι καὶ τράγου πώγωνος.
이들은 향기 때문에 깊은 잠(혼수)에 빠지기도 하지만, 역청(아스팔트)과 염소 수염의 훈증으로 그 잠을 몰아낸다.
ἡ δὲ πόλις τῶν Σαβαίων, ἡ Μαρίαβα, κεῖται μὲν ἐπʼ ὄρους εὐδένδρου.
사바인들의 도시인 마리아바는 나무가 우거진 산 위에 자리 잡고 있다.
βασιλέα δʼ ἔχει κύριον τῶν κρίσεων καὶ τῶν ἄλλων, ἐκ δὲ τῶν βασιλείων οὐ θέμις ἐξιέναι, ἢ καταλεύουσιν αὐτὸν παραχρῆμα οἱ ὄχλοι κατά τι λόγιον·
그곳에는 판결과 기타 일을 주관하는 왕이 있으나, 왕궁 밖으로 나가는 것은 법에 어긋나며, 만약 나갈 경우 군중이 신탁에 따라 그를 즉시 돌로 쳐 죽인다.
ἐν χλιδῇ δʼ ἐστὶ γυναικείᾳ καὶ αὐτὸς καὶ οἱ περὶ αὐτόν·
왕 자신과 그 주변 인물들은 여성적인 사치 속에서 살아간다.
τὰ δὲ πλήθη τὰ μὲν γεωργεῖ τὰ δʼ ἐμπορεύεται τὰ ἀρώματα τά τε ἐπιχώρια καὶ τὰ ἀπὸ τῆς Αἰθιοπίας, πλέοντες ἐπʼ αὐτὰ διὰ τῶν στενῶν δερματίνοις πλοίοις·
민중 가운데 일부는 농사를 짓고 일부는 현지 향료와 에티오피아산 향료를 거래하는데, 이 향료들을 구하기 위해 가죽 배를 타고 해협을 건너 항해한다.
τοσαῦτα δʼ ἐστὶ τὸ πλῆθος ὥστʼ ἀντὶ φρυγάνων καὶ τῆς καυσίμου ὕλης χρῆσθαι κινναμώμῳ καὶ κασίᾳ καὶ τοῖς ἄλλοις.
이 향료들의 수량이 너무나도 많아서, 이들은 땔감과 연료 대신에 계피와 카시아(육계) 및 다른 향료들을 사용할 정도이다.
γίνεται δʼ ἐν τοῖς Σαβαίοις καὶ τὸ λάριμνον, εὐωδέστατον θυμίαμα.
사바인들 사이에서는 가장 향기로운 향료인 라림남도 난다.
ἐκ δὲ τῆς ἐμπορίας οὗτοί τε καὶ Γερραῖοι πλουσιώτατοι πάντων εἰσίν, ἔχουσί τε παμπληθῆ κατασκευὴν χρυσωμάτων τε καὶ ἀργυρωμάτων, κλινῶν τε καὶ τριπόδων καὶ κρατήρων σὺν ἐκπώμασι καὶ τῇ τῶν οἴκων πολυτελείᾳ·
무역을 통하여 이들과 게라인들은 모든 이들 가운데 가장 부유하며, 금그릇과 은그릇, 침상, 삼족기, 혼주기와 그에 딸린 잔들을 아주 많이 가지고 있고, 가옥 내부도 사치스럽다.
καὶ γὰρ θυρώματα καὶ τοῖχοι καὶ ὀροφαὶ διʼ ἐλέφαντος καὶ χρυσοῦ καὶ ἀργύρου λιθοκολλήτου τυγχάνει διαπεποικιλμένα.
참으로 그들의 문과 벽과 천장은 상아와 금, 그리고 보석이 박힌 은으로 화려하게 장식되어 있기 때문이다.
ταῦτα μὲν περὶ τούτων εἴρηκε, τἆλλα δὲ τὰ μὲν παραπλησίως τῷ Ἐρατοσθένει λέγει, τὰ δὲ παρὰ τῶν ἄλλων ἱστορικῶν παρατίθησιν.
그가 이들에 대해 말한 것은 이와 같으며, 나머지 다른 일들에 대해서는 어떤 것은 에라토스테네스와 거의 비슷하게 말하고, 어떤 것은 다른 역사가들의 기록에서 인용하여 제시한다.
§16.4.20Ἐρυθρὰν γὰρ λέγειν τινὰς τὴν θάλατταν ἀπὸ τῆς χροιᾶς τῆς ἐμφαινομένης κατʼ ἀνάκλασιν, εἴτε ἀπὸ τοῦ ἡλίου κατὰ κορυφὴν ὄντος εἴτε ἀπὸ τῶν ὀρῶν ἐρυθραινομένων ἐκ τῆς ἀποκαύσεως·
그는 어떤 이들이 홍해(에리트라해)를 반사되어 나타나는 빛깔에 따라 그렇게 부른다고 말하는데, 그것은 태양이 머리 위에 정수리에 있기 때문이거나, 아니면 뜨거운 열기 때문에 산들이 붉게 보이기 때문이라는 것이다.
ἀμφοτέρως γὰρ εἰκάζειν·
그들은 두 가지 방식 모두로 추측하기 때문이다.
Κτησίαν δὲ τὸν Κνίδιον πηγὴν ἱστορεῖν ἐκδιδοῦσαν εἰς τὴν θάλατταν ἐρευθὲς καὶ μιλτῶδες ὕδωρ·
한편 크니도스의 크테시아스는 바다로 붉고 주황빛(황토색)을 띤 물을 내뿜는 샘이 있다고 기록한다.
Ἀγαθαρχίδην δὲ τὸν ἐκείνου πολίτην παρά τινος Βόξου, τὸ γένος, ἱστορῆσαι διότι Πέρσης τις Ἐρύθρας, ἱπποφορβίου τινὸς ὑπὸ λεαίνης οἴστρῳ κατασχομένης ἐξελαθέντος μέχρι θαλάττης κἀκεῖθεν εἰς νῆσόν τινα διάραντος, σχεδίαν πηξάμενος πρῶτος περαιωθείη πρὸς τὴν νῆσον·
또한 그의 동향인인 아가타르키데스는 혈통상 페르시아인인 복소스라는 자를 통해 다음과 같이 기록한다. 곧 에리트라스라는 어떤 페르시아인이, 발정기로 미쳐버린 암사자에게 쫓겨 바다까지 도망친 뒤 거기서 어떤 섬으로 건너간 말 떼를 보고서, 뗏목을 짜서 가장 먼저 그 섬으로 건너갔다는 것이다.
ἰδὼν δὲ καλῶς οἰκήσιμον τὴν μὲν ἀγέλην εἰς τὴν Περσίδα ἀπαγάγοι πάλιν, ἀποίκους δʼ ἐκεῖ στείλαι τε καὶ τὰς ἄλλας νήσους καὶ τὴν παραλίαν, ἐπώνυμον δὲ ποιήσειεν ἑαυτοῦ τὸ πέλαγος.
그리고 그곳이 살기에 좋은 곳임을 보고서 말 떼를 다시 페르시아로 데려갔지만, 그곳과 다른 섬들 및 해안 지대로 개척자들을 보냈고, 그 바다를 자신의 이름을 따서 부르게 했다.
τοὺς δὲ Περσέως υἱὸν ἀποφαίνεσθαι τὸν Ἐρύθραν, ἡγήσασθαί τε τῶν τόπων.
또한 어떤 이들은 에리트라스를 페르세우스의 아들이라고 주장하며, 그가 이 지역들을 지배했다고 한다.
λέγεται δʼ ὑπό τινων τὰ ἀπὸ τῶν στενῶν τοῦ Ἀραβίου κόλπου μέχρι τῆς κινναμωμοφόρου τῆς ἐσχάτης πεντακισχιλίων σταδίων, οὐκ εὐκρινῶς, εἴτʼ ἐπὶ νότον εἴτʼ ἐπὶ τὰς ἀνατολάς.
아라비아만 해협에서 가장 먼 계피 생산지까지의 거리는 5000스타디온이라고 어떤 이들에 의해 전해지나, 그것이 남쪽으로인지 혹은 동쪽으로인지는 명확하지 않다.
λέγεται δὲ καὶ διότι ὁ σμάραγδος καὶ ὁ βήρυλλος ἐν τοῖς τοῦ χρυσίου μετάλλοις ἐγγίνεται.
또한 에메랄드와 베릴이 금광산 안에서 생겨난다고도 전해진다.
εἰσὶ δὲ καὶ ἅλες εὐώδεις ἐν Ἄραψιν, ὥς φησι Ποσειδώνιος.
포세이도니오스가 말하듯, 아라비아인들 사이에는 향기로운 소금도 있다.