§16.1.19τῆς μὲν οὖν Ἀδιαβηνῆς ἡ πλείστη πεδιάς ἐστι, καὶ αὐτὴ τῆς Βαβυλωνίας μέρος οὖσα ἔχουσα δʼ ὅμως ἄρχοντα ἴδιον, ἔστιν ὅπη καὶ τῇ Ἀρμενίᾳ προσχωροῦσα.
아디아베네의 대부분은 평원이며, 그 자체로 바빌로니아의 일부이지만 그럼에도 독자적인 지배자를 두고 있고, 어떤 곳에서는 아르메니아와도 접해 있다.
οἱ γὰρ Μῆδοι καὶ οἱ Ἀρμένιοι τρίτοι δὲ Βαβυλώνιοι τὰ μέγιστα τῶν ἐθνῶν τῶν ταύτῃ διετέλουν οὕτως ἐξ ἀρχῆς συνεστῶτες ὥστʼ ἀλλήλοις ἐπιτίθεσθαι κατὰ καιροὺς τοὺς οἰκείους ἕκαστοι καὶ πάλιν διαλύεσθαι·
미디아인과 아르메니아인, 그리고 세 번째로 바빌론인들은 이 지역에서 가장 큰 부족들로서, 처음부터 각자 적절한 기회에 서로를 공격했다가 다시 화해하는 관계를 유지해 왔다.
καὶ τοῦτο καὶ μέχρι τῆς τῶν Παρθυαίων ἐπικρατείας διέμεινε.
이러한 상태는 파르티아인들의 지배에 이르기까지 지속되었다.
τῶν μὲν οὖν Μήδων καὶ τῶν Βαβυλωνίων ἐπάρχουσι Παρθυαῖοι, τῶν δʼ Ἀρμενίων οὐδʼ ἅπαξ·
따라서 파르티아인들은 미디아인과 바빌론인들을 지배하고 있으나, 아르메니아인들에 대해서는 단 한 번도 그러지 못했다.
ἀλλʼ ἔφοδοι μὲν γεγόνασι πολλάκις, ἀνὰ κράτος δʼ οὐχ ἑάλωσαν, ἀλλʼ ὅ γε Τιγράνης καὶ ἐρρωμένως ἀντεπεκράτησεν, ὡς ἐν τοῖς Ἀρμενιακοῖς εἴρηται.
침공은 자주 있었지만 무력으로 굴복시키지 못했으며, 오히려 티그라네스는 강력하게 반격하여 지배력을 행사하기까지 했다. 이는 아르메니아에 관한 서술에서 밝힌 바와 같다.
ἡ μὲν οὖν Ἀδιαβηνὴ τοιαύτη·
아디아베네의 사정은 이와 같다.
περὶ δὲ τῆς Μεσοποταμίας ἐροῦμεν ἐφεξῆς καὶ τῶν πρὸς μεσημβρίαν ἐθνῶν, ἐπιόντες ἐπὶ μικρὸν πρότερον τὰ λεγόμενα περὶ τῶν ἐθῶν τῶν παρὰ τοῖς Ἀσσυρίοις.
다음으로 메소포타미아와 남쪽의 부족들에 대해 이야기하겠으나, 그에 앞서 아시리아인들의 풍습에 대해 전해지는 바를 잠시 짚고 넘어가고자 한다.
§16.1.20τἆλλα μὲν οὖν ἔοικε τοῖς Περσικοῖς, ἴδιον δὲ τὸ καθεστάναι τρεῖς ἄνδρας σώφρονας ἑκάστης ἄρχοντας φυλῆς, οἳ τὰς ἐπιγάμους κόρας προσάγοντες εἰς τὸ πλῆθος ἀποκηρύττουσι τοῖς νυμφίοις ἀεὶ τὰς ἐντιμοτέρας πρώτας.
다른 점들은 페르시아인들의 풍습과 비슷하지만, 그들만의 독특한 점은 각 부족의 지배자로 세 명의 신중한 남자를 임명한다는 것이다. 이들은 혼기가 찬 처녀들을 대중 앞으로 데려와, 언제나 가치가 높은 처녀부터 순서대로 신랑감들에게 경매로 넘긴다.
οὕτω μὲν αἱ συζυγίαι τελοῦνται·
부부의 결합은 이런 방식으로 이루된다.
ὁσάκις δʼ ἂν μιχθῶσιν ἀλλήλοις, ἐπιθυμιάσοντες ἐξανίστανται ἑκάτερος χωρίς·
그들은 서로 잠자리를 같이할 때마다 향을 피우기 위해 각자 따로 일어난다.
ὄρθρου δὲ λούονται πρὶν ἀγγείου τινὸς ἅψασθαι·
그리고 아침에는 어떤 그릇이든 손을 대기 전에 목욕을 한다.
παραπλησίως γὰρ ὥσπερ ἀπὸ νεκροῦ τὸ λουτρὸν ἐν ἔθει ἐστίν, οὕτω καὶ ἀπὸ συνουσίας.
시신에 접촉한 후에 목욕을 하는 것이 관습인 것처럼, 성관계 후에도 목욕하는 관습이 있기 때문이다.
πάσαις δὲ ταῖς Βαβυλωνίαις ἔθος κατά τι λόγιον ξένῳ μίγνυσθαι πρός τι ἀφροδίσιον ἀφικομέναις μετὰ πολλῆς θεραπείας καὶ ὄχλου·
또한 모든 바빌론 여성들에게는 어떤 신탁에 따라 수많은 시종과 무리를 거느리고 아프로디테의 신전에 나아가 이방인과 성관계를 맺는 풍습이 있다.
θώμιγγι δʼ ἔστεπται ἑκάστη·
여성들은 저마다 머리에 끈을 두르고 있다.
ὁ δὲ προσιὼν καταθεὶς ἐπὶ τὰ γόνατα ὅσον καλῶς ἔχει ἀργύριον, συγγίνεται ἄπωθεν τοῦ τεμένους ἀπαγαγών·
다가오는 남자는 그녀의 무릎 위에 적당한 액수의 은돈을 올려놓고, 성역 밖으로 그녀를 데려가 관계를 맺는다.
τὸ δʼ ἀργύριον ἱερὸν τῆς Ἀφροδίτης νομίζεται.
그 은돈은 아프로디테의 신성한 재물로 여겨진다.
ἀρχεῖα δʼ ἐστὶ τρία, τὸ τῶν ἀφειμένων ἤδη τῆς στρατείας καὶ τὸ τῶν ἐνδοξοτάτων καὶ τὸ τῶν γερόντων, χωρὶς τοῦ ὑπὸ τοῦ βασιλέως καθισταμένου.
사법 기관은 세 곳이 있으니, 이미 병역을 면제받은 이들의 기관, 가장 명망 높은 이들의 기관, 그리고 원로들의 기관이며, 왕에 의해 임명되는 기관은 이들과 별개로 존재한다.
τούτου δʼ ἐστὶ τὸ τὰς παρθένους ἐκδιδόναι καὶ τὸ τὰς περὶ τῆς μοιχείας δικάζειν δίκας, ἄλλου δὲ τὸ τὰς τῆς κλοπῆς, τρίτου τὸ περὶ τῶν βιαίων.
이 마지막 기관의 임무는 처녀들을 시집보내고 간통에 관한 소송을 재판하는 것이며, 다른 기관은 절도에 관한 소송을, 세 번째 기관은 폭행에 관한 소송을 담당한다.
τοὺς δʼ ἀρρώστους εἰς τὰς τριόδους ἐκτιθέντες πυνθάνονται τῶν παριόντων εἴ τίς τι ἔχοι λέγειν τοῦ πάθους ἄκος·
그들은 병자들을 삼거리로 데려가 지나가는 사람들에게 그 병의 치료법에 대해 해줄 말이 있는지 묻는다.
οὐδείς τέ ἐστιν οὕτω κακὸς τῶν παριόντων, ὃς οὐκ ἐντυχὼν εἴ τι φρονεῖ σωτήριον ὑποτίθεται.
지나가는 사람 중에 병자를 만났을 때 자신이 아는 이로운 방책이 있다면 이를 조언해주지 않을 만큼 야박한 사람은 아무도 없다.
ἐσθὴς δʼ αὐτοῖς ἐστι χιτὼν λινοῦς ποδήρης καὶ ἐπενδύτης ἐρεοῦς, ἱμάτιον λευκόν, κόμη μακρά, ὑπόδημα ἐμβάδι ὅμοιον.
그들의 의복은 발끝까지 내려오는 리넨 키톤과 그 위에 덧입는 모직 상의, 흰색 겉옷이며, 머리는 길게 기르고 신발은 슬리퍼와 비슷한 것을 신는다.
φοροῦσι δὲ καὶ σφραγῖδα καὶ σκῆπτρον οὐ λιτὸν ἀλλʼ ἐπίσημον, ἔχον ἐπάνω μῆλον ἢ ῥόδον ἢ κρίνον ἤ τι τοιοῦτον·
그들은 인장과 함께, 수수하지 않고 화려한 지팡이를 들고 다니는데, 그 꼭대기에는 사과나 장미, 백합 등 이와 유사한 장식이 달려 있다.
ἀλείφονται δʼ ἐκ τοῦ σησάμου· θρηνοῦσι δὲ τοὺς ἀποθανόντας, ὡς Αἰγύπτιοι καὶ πολλοὶ τῶν ἄλλων· θάπτουσι δʼ ἐν μέλιτι κηρῷ περιπλάσαντες.
그들은 참기름으로 몸을 바르며, 이집트인과 많은 다른 민족들처럼 죽은 자를 두고 통곡하고, 시신에 밀랍을 바른 뒤 꿀 속에 묻는다.
τρεῖς δʼ εἰσὶ φρατρίαι τῶν ἀπόρων σίτου·
또한 곡식이 없는 이들의 세 씨족이 있다.
ἕλειοι δʼ εἰσὶν οὗτοι καὶ ἰχθυοφάγοι, διαιτώμενοι παραπλησίως τοῖς κατὰ τὴν Γεδρωσίαν.
이들은 습지에 살며 물고기를 먹고 사는데, 게드로시아의 주민들과 유사한 방식으로 생활한다.