§16.1.10τὸ μὲν οὖν παντάπασι κωλύειν τὴν τοιαύτην πλήμμυραν οὐχ οἷόν τε ἴσως, τὸ δὲ τὴν δυνατὴν προσφέρειν βοήθειαν ἡγεμόνων ἀγαθῶν ἐστιν.
따라서 이러한 홍수를 완전히 막는 것은 아마도 불가능할 것이나, 가능한 한 대책을 제공하는 것은 훌륭한 지도자들의 몫이다.
ἡ δὲ βοήθεια αὕτη, τὴν μὲν πολλὴν παρέκχυσιν ἐμφράξει κωλύειν, τὴν δὲ πλήρωσιν ἣν ἡ χοῦς ἐργάζεται, τοὐναντίον ἀνακαθάρσει τῶν διωρύγων καὶ ἐξανοίξει τῶν στομάτων.
이 대책이란, 한편으로는 제방을 쌓아 막음으로써 과도하게 넘쳐흐르는 것을 방지하고, 다른 한편으로는 운하를 청소하고 그 입구를 다시 열어줌으로써 흙모래가 만들어내는 퇴적을 방지하는 것이다.
ἡ μὲν οὖν ἀνακάθαρσις ῥᾳδία ἡ δὲ ἔμφραξις πολυχειρίας δεῖται·
청소 자체는 쉽지만, 제방을 쌓아 막는 일은 많은 인력을 필요로 한다.
εὐένδοτος γὰρ οὖσα ἡ γῆ καὶ μαλακὴ τὴν ἐπιφορηθεῖσαν οὐχ ὑπομένει χοῦν, ἀλλʼ εἴκουσα συνεφέλκεται κἀκείνην καὶ ποιεῖ δυσέγχωστον τὸ στόμα.
땅이 무르고 부드러워 그 위에 쌓인 흙더미를 견디지 못하고, 무너지면서 그 흙더미를 함께 끌고 내려가 입구를 메우기 어렵게 만들기 때문이다.
καὶ γὰρ καὶ τάχους δεῖ πρὸς τὸ ταχέως κλεισθῆναι τὰς διώρυγας καὶ μὴ πᾶν ἐκπεσεῖν ἐξ αὐτῶν τὸ ὕδωρ.
또한, 운하를 신속하게 폐쇄하여 그 안의 물이 모두 빠져나가지 않도록 하기 위해서는 신속함도 요구된다.
ξηρανθεῖσαι γὰρ τοῦ θέρους ξηραίνουσι καὶ τὸν ποταμόν·
여름에 운하가 마르면 강 자체도 마르기 때문이다.
ταπεινωθεὶς δὲ τὰς ἐποχετείας οὐ δύναται παρέχεσθαι κατὰ καιρὸν ὧν δεῖται πλεῖστον τοῦ θέρους ἔμπυρος οὖσα ἡ χώρα καὶ καυματηρά·
강물이 낮아지면, 이 지방은 불타듯 뜨겁고 더우므로 여름에 가장 물이 필요할 때 적시에 필요한 관개를 제공할 수 없게 된다.
διαφέρει δʼ οὐδὲν ἢ τῷ πλήθει τῶν ὑδάτων κατακλύζεσθαι τοὺς καρπούς, ἢ τῇ λειψυδρίᾳ τῷ δίψει διαφθείρεσθαι·
농작물이 물이 너무 많아 침수되어 망가지는 것이나, 물 부족으로 인한 갈증으로 죽는 것이나 아무런 차이가 없기 때문이다.
ἅμα δὲ καὶ τοὺς ἀνάπλους, πολὺ τὸ χρήσιμον ἔχοντας ἀεὶ λυμαινομένους ὑπʼ ἀμφοτέρων τῶν λεχθέντων παθῶν, οὐχ οἷόν τε ἐπανορθοῦν, εἰ μὴ ταχὺ μὲν ἐξανοίγοιτο τὰ στόμια τῶν διωρύγων, ταχὺ δὲ κλείοιτο, καὶ αἱ διώρυγες ἀεὶ μετριάζοιεν ὥστε μήτε πλεονάζειν ἐν αὐταῖς τὸ ὕδωρ μήτʼ ἐλλείπειν.
이와 동시에, 매우 유용한 상류 항행도 앞서 언급한 두 가지 상태 모두에 의해 항상 침해를 받는데, 운하의 입구를 신속하게 열고 신속하게 닫아 운하의 수량이 항상 적절하게 조절되어 물이 넘치지도 부족하지도 않게 하지 않는 한, 이를 시정하는 것은 불가능하다.
§16.1.11φησὶ δʼ Ἀριστόβουλος τὸν Ἀλέξανδρον αὐτὸν ἀναπλέοντα καὶ κυβερνῶντα τὸ σκάφος ἐπισκοπεῖν καὶ ἀνακαθαίρειν τὰς διώρυγας μετὰ τοῦ πλήθους τῶν συνακολουθησάντων·
아리스토불로스는 알렉산드로스 자신이 배를 타고 거슬러 오르며 키를 잡고, 그를 따르던 수많은 사람들과 함께 운하들을 살피고 청소했다고 말한다.
ὡς δʼ αὕτως καὶ τὰ στόμια ἐμφράττειν, τὰ δʼ ἀνοίγειν·
또한 이와 같이 입구들을 어떤 것은 막고 어떤 것은 열었다.
κατανοήσαντα δὲ μίαν τὴν μάλιστα τείνουσαν ἐπὶ τὰ ἕλη καὶ τὰς λίμνας τὰς πρὸ τῆς Ἀραβίας, δυσμεταχείριστον ἔχουσαν τὸ στόμα καὶ μὴ ῥᾳδίως ἐμφράττεσθαι δυναμένην διὰ τὸ εὐένδοτον καὶ μαλακόγειον, ἄλλο ἀνοῖξαι καινὸν στόμα, ἀπὸ σταδίων τριάκοντα ὑπόπετρον λαβόντα χωρίον, κἀκεῖ μεταγαγεῖν τὸ ῥεῖθρον·
그는 아라비아 앞쪽의 늪과 호수로 가장 뻗어 있는 한 입구가, 그 땅이 무르고 부드러워 다루기 힘들고 쉽게 막을 수 없는 것을 보고, 30스타디온 떨어진 곳에 하층이 바위로 된 장소를 택하여 다른 새로운 입구를 열고 그곳으로 물길을 돌렸다.
ταῦτα δὲ ποιεῖν προνοοῦντα ἅμα καὶ τοῦ μὴ τὴν Ἀραβίαν δυσείσβολον τελέως ὑπὸ τῶν λιμνῶν ἢ καὶ τῶν ἑλῶν ἀποτελεσθῆναι, νησίζουσαν ἤδη διὰ τὸ πλῆθος τοῦ ὕδατος·
그가 이러한 일들을 한 것은, 아라비아가 호수나 늪 때문에 완전히 침입하기 어려운 곳이 되어 많은 물로 인해 이미 섬처럼 변해가는 것을 방지하려는 배려도 동시에 있었기 때문이다.
διανοεῖσθαι γὰρ δὴ κατακτᾶσθαι τὴν χώραν ταύτην καὶ στόλους καὶ ὁρμητήρια ἤδη κατεσκευάσθαι, τὰ πλοῖα τὰ μὲν ἐν Φοινίκῃ τε καὶ Κύπρῳ ναυπηγησάμενον διάλυτά τε καὶ γομφωτά, ἃ κομισθέντα εἰς Θάψακον σταθμοῖς ἑπτὰ εἶτα τῷ ποταμῷ κατακομισθῆναι μέχρι Βαβυλῶνος, τὰ δʼ ἐν τῇ Βαβυλωνίᾳ συμπηξάμενον τῶν ἐν τοῖς ἄλσεσι καὶ τοῖς παραδείσοις κυπαρίττων·
그는 참으로 이 지방을 정복할 생각을 하고 있었고, 이미 함대와 기지들을 마련해 두고 있었다. 배들의 일부는 페니키아와 키프러스에서 조립 및 해체가 가능하게 건조되어 탑사코스로 운반된 뒤 7단계의 육로를 거쳐 강를 통해 바빌론까지 내려갔고, 다른 배들은 바빌로니아에서 숲과 정원의 편백나무들을 모아 조립되었다.
σπάνις γὰρ ὕλης ἐνταῦθα, ἐν δὲ Κοσσαίοις καὶ ἄλλοις τισὶ μετρία τίς ἐστιν εὐπορία.
그곳은 목재가 부족하며, 코사이인들과 몇몇 다른 지역에서만 어느 정도 공급을 받을 수 있었기 때문이다.
σκήψασθαι μὲν οὖν αἰτίαν τοῦ πολέμου φησίν, ἐπειδὴ μόνοι τῶν ἁπάντων οὐ πρεσβεύσαιντο οἱ Ἄραβες ὡς αὐτόν, τὸ δʼ ἀληθὲς ὀρεγόμενον πάντων εἶναι κύριον·
아리스토불로스는 알렉산드로스가 전쟁의 구실로 내세운 것은 아라비아인들이 모든 민족 중에서 유일하게 그에게 사절을 보내지 않았다는 것이지만, 진실은 그가 모든 것의 주인이 되기를 갈망했기 때문이라고 말한다.
καὶ ἐπεὶ δύο θεοὺς ἐπυνθάνετο τιμᾶσθαι μόνους ὑπʼ αὐτῶν, τόν τε Δία καὶ τὸν Διόνυσον, τοὺς τὰ κυριώτατα πρὸς τὸ ζῆν παρέχοντας, τρίτον ὑπολαβεῖν ἑαυτὸν τιμήσεσθαι, κρατήσαντα καὶ ἐπιτρέψαντα τὴν πάτριον αὐτονομίαν ἔχειν ἣν εἶχον πρότερον.
또한 그들이 삶에 가장 중요한 것을 제공해 주는 두 신, 즉 제우스와 디오니소스만을 숭배한다는 것을 전해 들었을 때, 자신이 그들을 정복하고 그들이 이전에 누리던 조상의 자치를 허용해 준다면 자신도 세 번째 신으로 숭배받을 것이라고 생각했다는 것이다.
ταῦτά τε δὴ πραγματεύεσθαι περὶ τὰς διώρυγας τὸν Ἀλέξανδρον, καὶ τοὺς τάφους σκευωρεῖσθαι τοὺς τῶν βασιλέων καὶ δυναστῶν· τοὺς γὰρ πλείστους ἐν ταῖς λίμναις εἶναι.
알렉산드로스는 운하에 관해 이러한 사업들을 수행하는 한편, 왕들과 지배자들의 무덤을 조사하기도 했는데, 그 대부분이 호수 속에 있었기 때문이다.
§16.1.12Ἐρατοσθένης δὲ τῶν λιμνῶν μνησθεὶς τῶν πρὸς τῇ Ἀραβίᾳ, φησὶ τὸ ὕδωρ ἀπορούμενον διεξόδων ἀνοῖξαι πόρους ὑπὸ γῆς καὶ διʼ ἐκείνων ὑποφέρεσθαι μέχρι Κοιλοσύρων·
에라토스테네스는 아라비아 근처의 호수들을 언급하며, 물이 출구를 찾지 못해 지하에 통로를 열어 그것들을 통해 코일레 시리아까지 흘러간다고 말한다.
ἀναθλίβεσθαι δὲ εἰς τοὺς περὶ Ῥινοκόρουρα καὶ τὸ Κάσιον ὄρος τόπους καὶ ποιεῖν τὰς ἐκεῖ λίμνας καὶ τὰ βάραθρα·
그리고 리노콜루라와 카시오스 산 주변 지역에서 솟구쳐 올라 그곳의 호수들과 깊은 수렁들을 형성한다는 것이다.
οὐκ οἶδα δʼ εἰ πιθανῶς εἴρηκεν.
그러나 그가 설득력 있게 말한 것인지는 모르겠다.
αἱ γὰρ τοῦ Εὐφράτου παρεκχύσεις αἱ ποιοῦσαι τὰς πρὸς τῇ Ἀραβίᾳ λίμνας καὶ τὰ ἕλη πλησίον εἰσὶ τῆς κατὰ Πέρσας θαλάττης, ὁ δὲ διείργων ἰσθμὸς οὔτε πολύς ἐστιν οὔτε πετρώδης, ὥστε ταύτῃ μᾶλλον εἰκὸς ἦν βιάσασθαι τὸ ὕδωρ εἰς τὴν θάλατταν, εἴτʼ ὑπὸ γῆς εἰτʼ ἐπιπολῆς, ἢ πλείους τῶν ἑξακισχιλίων σταδίων διανύειν, ἄνυδρον καὶ ξηρὰν οὕτω, καὶ ταῦτα ὀρῶν ἐν μέσῳ κειμένων, τοῦ τε Λιβάνου καὶ τοῦ Ἀντιλιβάνου καὶ τοῦ Κασίου·
아라비아 근처에 호수와 늪을 형성하는 에우프라테스 강의 범람원은 페르시아해에 가까이 있고, 둘을 갈라놓는 지협은 넓지도 바위가 많지도 않아서, 물이 지하로든 지표로든 이 방향으로 바다를 향해 뚫고 나가는 편이, 6,000스타디온 이상을 물도 없고 이토록 건조한 땅을 가로질러 나아가며 그것도 중간에 산들, 즉 리바노스 산, 안티리바노스 산, 카시오스 산이 가로막고 있는 곳까지 가는 것보다 훨씬 더 그럴듯하기 때문이다.
οἱ μὲν δὴ τοιαῦτα λέγουσι.
사람들은 이와 같은 것들을 말하고 있다.