§14.6.4τί δὲ δεῖ τῶν ποιητῶν θαυμάζειν, καὶ μάλιστα τῶν τοιούτων οἷς ἡ πᾶσα περὶ τὴν φράσιν ἐστὶ σπουδή, τὰ τοῦ Δαμάστου συγκρίνοντας, ὅστις τῆς νήσου τὸ μῆκος ἀπὸ τῶν ἄρκτων πρὸς μεσημβρίαν ἀποδίδωσιν, ἀπὸ Ἱεροκηπίας, ὥς φησιν, εἰς Κλεῖδας;
표현에만 모든 열성을 쏟는 이들과 같은 시인들을 보며 놀라워할 필요가 어디 있겠는가, 다마스테스의 기술과 비교해 볼 때 말이다. 그는 섬의 길이를 북쪽에서 남쪽으로, 그의 말에 따르면 히에로케피아에서 클레이데스까지로 규정하고 있으니 말이다.
οὐδὲ ὁ Ἐρατοσθένης εὖ·
에라토스테네스 역시 옳지 않다.
αἰτιώμενος γὰρ τοῦτον οὐκ ἀπʼ ἄρκτων φησὶν εἶναι τὴν Ἱεροκηπίαν, ἀλλʼ ἀπὸ νότου·
그는 다마스테스를 비난하면서 히에로케피아가 북쪽이 아니라 남쪽에 있다고 말하기 때문이다.
οὐδὲ γὰρ ἀπὸ νότου, ἀλλʼ ἀπὸ δύσεως, εἴπερ ἐν τῇ δυσμικῇ πλευρᾷ κεῖται, ἐν ᾗ καὶ ἡ Πάφος καὶ ὁ Ἀκάμας.
사실 남쪽도 아니고 서쪽에 있다, 만일 파포스와 아카마스도 있는 서쪽 해안에 그것이 위치해 있다면 말이다.
§14.6.5διάκειται μὲν οὕτως ἡ Κύπρος τῇ θέσει.
키프로스는 그 위치에 관해 이와 같이 처해 있다.
κατʼ ἀρετὴν δʼ οὐδεμιᾶς τῶν νήσων λείπεται·
그러나 풍요로움에 있어서는 어떤 섬에도 뒤지지 않는다.
καὶ γὰρ εὔοινός ἐστι καὶ εὐέλαιος σίτῳ τε αὐτάρκει χρῆται·
참으로 좋은 포도주와 좋은 올리브유를 생산하며 밀도 자급자족하기 때문이다.
μέταλλά τε χαλκοῦ ἐστιν ἄφθονα τὰ ἐν Ταμασσῷ, ἐν οἷς τὸ χαλκανθὲς γίνεται καὶ ὁ ἰὸς τοῦ χαλκοῦ, πρὸς τὰς ἰατρικὰς δυνάμεις χρήσιμα.
타마소스에는 풍부한 구리 광산이 있어 그곳에서 황산구리와 구리 녹이 생성되며, 이것들은 의학적 효능에 유용하다.
φησὶ δʼ Ἐρατοσθένης τὸ παλαιὸν ὑλομανούντων τῶν πεδίων ὥστε κατέχεσθαι δρυμοῖς καὶ μὴ γεωργεῖσθαι, μικρὰ μὲν ἐπωφελεῖν πρὸς τοῦτο τὰ μέταλλα δενδροτομούντων πρὸς τὴν καῦσιν τοῦ χαλκοῦ καὶ τοῦ ἀργύρου, προσγενέσθαι δὲ καὶ τὴν ναυπηγίαν τῶν στόλων ἤδη πλεομένης ἀδεῶς τῆς θαλάττης καὶ μετὰ δυνάμεων·
에라토스테네스에 따르면 옛날에는 평원에 숲이 지나치게 무성하여 수풀로 가득 차 경작되지 못했는데, 광산이 구리와 은을 제련하기 위해 땔감으로 나무를 벌채함으로써 이에 조금 도움이 되었고, 바다를 이제 두려움 없이 군사력과 함께 항해하게 됨에 따라 함대를 위한 조선도 이에 더해졌다.
ὡς δʼ οὐκ ἐξενίκων, ἐπιτρέψαι τοῖς βουλομένοις καὶ δυναμένοις ἐκκόπτειν καὶ ἔχειν ἰδιόκτητον καὶ ἀτελῆ τὴν διακαθαρθεῖσαν γῆν.
그러나 벌채로도 숲을 이겨내지 못하자, 원하는 자와 벌채 능력이 있는 자에게 개간된 땅을 사유지이자 면세지로 소유할 수 있도록 허락하였다.
§14.6.6πρότερον μὲν οὖν κατὰ πόλεις ἐτυραννοῦντο οἱ Κύπριοι, ἀφʼ οὗ δʼ οἱ Πτολεμαϊκοὶ βασιλεῖς κύριοι τῆς Αἰγύπτου κατέστησαν, εἰς ἐκείνους καὶ ἡ Κύπρος περιέστη συμπραττόντων πολλάκις καὶ τῶν Ῥωμαίων.
이전에는 키프로스인들이 도시별로 참주들의 지배를 받았으나, 프톨레마이오스 왕들이 이집트의 지배자가 된 이래 키프로스 또한 로마인들의 빈번한 협력과 함께 그들의 지배로 넘어갔다.
ἐπεὶ δʼ ὁ τελευταῖος ἄρξας Πτολεμαῖος, ἀδελφὸς τοῦ Κλεοπάτρας πατρὸς τῆς καθʼ ἡμᾶς βασιλίσσης, ἔδοξε πλημμελής τε εἶναι καὶ ἀχάριστος εἰς τοὺς εὐεργέτας, ἐκεῖνος μὲν κατελύθη, Ῥωμαῖοι δὲ κατέσχον τὴν νῆσον, καὶ γέγονε στρατηγικὴ ἐπαρχία καθʼ αὑτήν.
그러나 마지막으로 지배했던 프톨레마이오스(우리 시대의 여왕 클레오파트라의 부친의 형제)가 비행이 있고 은인들에게 불충하다고 여겨지자, 그는 폐위되었고 로마인들이 그 섬을 차지하여 독자적인 법무관 속주가 되었다.
μάλιστα δʼ αἴτιος τοῦ ὀλέθρου κατέστη τῷ βασιλεῖ Πόπλιος Κλαύδιος Ποῦλχερ·
이 왕의 파멸에 가장 큰 원인이 된 것은 푸블리우스 클라우디우스 풀케르였다.
ἐμπεσὼν γὰρ εἰς τὰ λῃστήρια, τῶν Κιλίκων ἀκμαζόντων τότε, λύτρον αἰτούμενος ἐπέστειλε τῷ βασιλεῖ δεόμενος πέμψαι καὶ ῥύσασθαι αὐτόν·
그는 당시 킬리키아인들이 기세를 떨치고 있을 때 해적들에게 잡혀 몸값을 요구받자, 왕에게 편지를 보내 몸값을 보내 자기를 구해 달라고 간청했다.
ὁ δʼ ἔπεμψε μὲν μικρὸν δὲ τελέως ὥστε καὶ τοὺς λῃστὰς αἰδεσθῆναι λαβεῖν ἀλλὰ ἀναπέμψαι πάλιν, τὸν δʼ ἄνευ λύτρων ἀπολῦσαι.
왕은 몸값을 보내기는 했으나 너무나 소액이어서 해적들조차 받기를 부끄러워하여 돌려보내고, 그를 몸값 없이 풀어주었다.
σωθεὶς δʼ ἐκεῖνος ἀπεμνημόνευσεν ἀμφοτέροις τὴν χάριν, καὶ γενόμενος δήμαρχος ἴσχυσε τοσοῦτον ὥστε ἐπέμφθη Μάρκος Κάτων ἀφαιρησόμενος τὴν Κύπρον τὸν κατέχοντα.
살아남은 그는 양자 모두에 대한 은혜를 기억하고 있었고, 호민관이 되자 마르쿠스 카토가 키프로스를 점유자로부터 빼앗기 위해 파견될 정도로 큰 권력을 가졌다.
ἐκεῖνος μὲν οὖν ἔφθη διαχειρισάμενος αὑτόν, Κάτων δʼ ἐπελθὼν παρέλαβε τὴν Κύπρον καὶ τὴν βασιλικὴν οὐσίαν διέθετο καὶ τὰ χρήματα εἰς τὸ δημόσιον ταμιεῖον τῶν Ῥωμαίων ἐκόμισεν·
이에 왕은 선수를 쳐 스스로 목숨을 끊었고, 카토는 당도하여 키프로스를 접수하고 왕의 재산을 처분한 뒤 그 돈을 로마의 국고로 가져갔다.
ἐξ ἐκείνου δʼ ἐγένετο ἐπαρχία ἡ νῆσος καθάπερ καὶ νῦν ἐστι στρατηγική·
그때부터 이 섬은 지금도 그러하듯이 법무관 속주가 되었다.
ὀλίγον δὲ χρόνον τὸν μεταξὺ Ἀντώνιος Κλεοπάτρᾳ καὶ τῇ ἀδελφῇ αὐτῆς Ἀρσινόῃ παρέδωκε, καταλυθέντος δὲ ἐκείνου συγκατελύθησαν καὶ αἱ διατάξεις αὐτοῦ πᾶσαι.
다만 그 중간의 짧은 시간 동안 안토니우스가 클레오파트라와 그녀의 여동생 아르시노에에게 넘겨주었으나, 그가 파멸하자 그의 모든 처분도 함께 폐지되었다.