§13.1.26τὴν δὲ τῶν Ἰλιέων πόλιν τῶν νῦν τέως μὲν κώμην εἶναί φασι τὸ ἱερὸν ἔχουσαν τῆς Ἀθηνᾶς μικρὸν καὶ εὐτελές, Ἀλέξανδρον δὲ ἀναβάντα μετὰ τὴν ἐπὶ Γρανίκῳ νίκην ἀναθήμασί τε κοσμῆσαι τὸ ἱερὸν καὶ προσαγορεῦσαι πόλιν καὶ οἰκοδομίαις ἀναλαβεῖν προστάξαι τοῖς ἐπιμεληταῖς ἐλευθέραν τε κρῖναι καὶ ἄφορον·
오늘날의 일리온인들의 도시에 대해 말하자면, 사람들은 이 도시가 한동안은 아테나의 작고 소박한 신전만을 가진 마을에 불과했으나, 알렉산드로스가 그라니코스 강에서의 승리 이후에 이곳으로 올라와 신전을 봉헌물들로 장식하고 도시라 불렀으며, 관리자들에게 건축을 통해 재건할 것을 명령하고 자유롭고 공세를 면제받는 도시로 판정했다고 전한다.
ὕστερον δὲ μετὰ τὴν κατάλυσιν τῶν Περσῶν ἐπιστολὴν καταπέμψαι φιλάνθρωπον, ὑπισχνούμενον πόλιν τε ποιῆσαι μεγάλην καὶ ἱερὸν ἐπισημότατον καὶ ἀγῶνα ἀποδείξειν ἱερόν.
나중에 페르시아가 멸망한 후, 그는 우호적인 서한을 보내어 그곳을 대도시로 만들고 가장 유명한 신전을 세우며 성스러운 경기 대회를 개최할 것을 약속했다.
μετὰ δὲ τὴν ἐκείνου τελευτὴν Λυσίμαχος μάλιστα τῆς πόλεως ἐπεμελήθη καὶ νεὼν κατεσκεύασε καὶ τεῖχος περιεβάλετο ὅσον τετταράκοντα σταδίων, συνῴκισέ τε εἰς αὐτὴν τὰς κύκλῳ πόλεις ἀρχαίας ἤδη κεκακωμένας, ὅτε καὶ Ἀλεξανδρείας ἤδη ἐπεμελήθη, συνῳκισμένης μὲν ἤδη ὑπʼ Ἀντιγόνου καὶ προσηγορευμένης Ἀντιγονείας, μεταβαλούσης δὲ τοὔνομα·
그의 사후에는 리시마코스가 이 도시에 가장 큰 정성을 쏟아 신전을 건설하고 약 사십 스타디온에 달하는 성벽을 둘렀으며, 이미 황폐해진 주변의 옛 도시들을 이 도시로 통합·이주시켜 모았는데, 이때 그는 이미 안티고노스에 의해 통합 건설되어 안티고네이아라 불렸으나 그 명칭을 바꾼 알렉산드리아도 돌보았다.
ἔδοξε γὰρ εὐσεβὲς εἶναι τοὺς Ἀλέξανδρον διαδεξαμένους ἐκείνου πρότερον κτίζειν ἐπωνύμους πόλεις, εἶθʼ ἑαυτῶν·
왜냐하면 알렉산드로스의 후계자들에게는 그의 이름을 딴 도시들을 먼저 창설하고, 그 후에 자신들의 이름을 따는 것이 경건한 일로 여겨졌기 때문이다.
καὶ δὴ καὶ συνέμεινε καὶ αὔξησιν ἔσχε, νῦν δὲ καὶ Ῥωμαίων ἀποικίαν δέδεκται καὶ ἔστι τῶν ἐλλογίμων πόλεων.
실제로 그 도시는 존속하며 성장을 이루었고, 오늘날에는 로마의 식민시를 받아들여 명망 있는 도시들 중 하나가 되었다.
§13.1.27καὶ τὸ Ἴλιον δʼ ὃ νῦν ἔστι κωμόπολίς τις ἦν, ὅτε πρῶτον Ῥωμαῖοι τῆς Ἀσίας ἐπέβησαν καὶ ἐξέβαλον Ἀντίοχον τὸν μέγαν ἐκ τῆς ἐντὸς τοῦ Ταύρου.
그리고 오늘날 존재하는 일리온 역시, 로마인들이 처음 아시아에 발을 디디고 타우루스 산맥 이서 지역에서 대 안티오코스를 몰아냈을 당시에는 일종의 읍락 같은 마을에 지나지 않았다.
φησὶ γοῦν Δημήτριος ὁ Σκήψιος, μειράκιον ἐπιδημήσας εἰς τὴν πόλιν κατʼ ἐκείνους τοὺς καιρούς, οὕτως ὠλιγωρημένην ἰδεῖν τὴν κατοικίαν ὥστε μηδὲ κεραμωτὰς ἔχειν τὰς στέγας·
적어도 스케프시스의 데메트리오스는 그 시절에 청년으로서 그 도시에 머물렀을 때, 그 거주지가 어찌나 소홀히 다루어지고 있었던지 지붕에 기와조차 얹혀 있지 않은 것을 보았다고 말한다.
Ἡγησιάναξ δὲ τοὺς Γαλάτας περαιωθέντας ἐκ τῆς Εὐρώπης ἀναβῆναι μὲν εἰς τὴν πόλιν δεομένους ἐρύματος, παρὰ χρῆμα δʼ ἐκλιπεῖν διὰ τὸ ἀτείχιστον·
또한 헤게시아낙스는 유럽으로부터 건너온 갈라티아인들이 요새를 찾아 그 도시로 올라왔으나, 성벽이 없었기 때문에 즉시 그곳을 떠났다고 전한다.
ὕστερον δʼ ἐπανόρθωσιν ἔσχε πολλήν.
그러나 나중에 그곳은 커다란 중흥을 맞이했다.
εἶτʼ ἐκάκωσαν αὐτὴν πάλιν οἱ μετὰ Φιμβρίου Ῥωμαῖοι λαβόντες ἐκ πολιορκίας ἐν τῷ Μιθριδατικῷ πολέμῳ.
그 후, 미트리다테스 전쟁 중에 핌브리아가 이끄는 로마인들이 포위 공격을 통해 이 도시를 함락시키고 다시 황폐하게 만들었다.
συνεπέμφθη δὲ ὁ Φιμβρίας ὑπάτῳ Ὀυαλερίῳ Φλάκκῳ ταμίας προχειρισθέντι ἐπὶ τὸν Μιθριδάτην· καταστασιάσας δὲ καὶ ἀνελὼν τὸν ὕπατον κατὰ Βιθυνίαν αὐτὸς κατεστάθη κύριος τῆς στρατιᾶς, καὶ προελθὼν εἰς Ἴλιον, οὐ δεχομένων αὐτὸν τῶν Ἰλιέων ὡς λῃστήν, βίαν τε προσφέρει καὶ δεκαταίους αἱρεῖ·
이 핌브리아는 미트리다테스에 대항하여 파견된 집정관 발레리우스 플라쿠스에게 재무관으로 임명되어 동행했던 인물인데, 비튀니아에서 반란을 일으켜 집정관을 살해하고 스스로 군대의 전권을 장악한 뒤, 일리온으로 진격했으나 일리온인들이 그를 약탈자라 하여 받아들이지 않자 무력을 행사하여 열흘 만에 그곳을 함락시켰다.
καυχωμένου δʼ ὅτι ἣν Ἀγαμέμνων πόλιν δεκάτῳ ἔτει μόλις εἷλε τὸν χιλιόναυν στόλον ἔχων καὶ τὴν σύμπασαν Ἑλλάδα συστρατεύουσαν, ταύτην αὐτὸς δεκάτῃ ἡμέρᾳ χειρώσαιτο, εἶπέ τις τῶν Ἰλιέων
οὐ γὰρ ἦν Ἕκτωρ ὁ ὑπερμαχῶν τῆς πόλεως.
아가멤논이 천 척의 함대를 거느리고 온 그리스를 종군시켜 열 해 만에야 겨우 함락시킨 도시를, 자신은 열흘 만에 굴복시켰노라고 그가 자랑했을 때, 일리온인 중 한 사람이 말했다.
τοῦτον μὲν οὖν ἐπελθὼν Σύλλας κατέλυσε, καὶ τὸν Μιθριδάτην κατὰ συμβάσεις εἰς τὴν οἰκείαν ἀπέπεμψε, τοὺς δʼ Ἰλιέας παρεμυθήσατο πολλοῖς ἐπανορθώμασι.
"도시를 위해 싸워 주는 헥토르가 없었기 때문이지요." 그리하여 술라가 당도하여 이 자를 멸하고, 미트리다테스를 협정에 따라 본국으로 돌려보냈으며, 일리온인들에게는 여러 복구 대책들로 위로해 주었다.
καθʼ ἡμᾶς μέντοι Καῖσαρ ὁ θεὸς πολὺ πλέον αὐτῶν προὐνόησε ζηλώσας ἅμα καὶ Ἀλέξανδρον·
그러나 우리 시대에 이르러 신격화된 카이사르는 알렉산드로스를 본받으려는 마음도 있어 그들을 위해 훨씬 더 큰 배려를 해 주었다.
ἐκεῖνος γὰρ κατὰ συγγενείας ἀνανέωσιν ὥρμησε προνοεῖν αὐτῶν, ἅμα καὶ φιλόμηρος ὤν·
왜냐하면 알렉산드로스는 친족 관계의 갱신에 따라 그들을 돌보고자 노력했고, 동시에 호메로스의 애호가이기도 했기 때문이다.
φέρεται γοῦν τις διόρθωσις τῆς Ὁμήρου ποιήσεως, ἡ ἐκ τοῦ νάρθηκος λεγομένη, τοῦ Ἀλεξάνδρου μετὰ τῶν περὶ Καλλισθένη καὶ Ἀνάξαρχον ἐπελθόντος καὶ σημειωσαμένου τινά, ἔπειτα καταθέντος εἰς νάρθηκα ὃν ηὗρεν ἐν τῇ Περσικῇ γάζῃ πολυτελῶς κατεσκευασμένον.
실제로 호메로스 시의 '소상자 교정본'이라 불리는 판본이 전해지는데, 이는 알렉산드로스가 칼리스테네스와 아낙사르코스 일행과 함께 살펴보고 어떤 부분들을 주석한 뒤, 페르시아의 보물 속에서 발견한 호화롭게 제작된 소상자 안에 넣어둔 것이다.
κατά τε δὴ τὸν τοῦ ποιητοῦ ζῆλον καὶ κατὰ τὴν συγγένειαν τὴν ἀπὸ τῶν Αἰακιδῶν τῶν ἐν Μολοττοῖς βασιλευσάντων, παρʼ οἷς καὶ τὴν Ἀνδρομάχην ἱστοροῦσι βασιλεῦσαι τὴν Ἕκτορος γενομένην γυναῖκα, ἐφιλοφρονεῖτο πρὸς τοὺς Ἰλιέας ὁ Ἀλέξανδρος·
이처럼 시인에 대한 숭상과, 몰롯소이인들 사이에서 왕위에 올랐던 에아키데스 일족으로부터의 친족 관계――그들 사이에서는 일찍이 헥토르의 아내였던 안드로마케가 여왕으로 군림했다고 전해지는데――에 따라 알렉산드로스는 일리온인들에게 호의를 베풀었다.
ὁ δὲ Καῖσαρ καὶ φιλαλέξανδρος ὢν καὶ τῆς πρὸς τοὺς Ἰλιέας συγγενείας γνωριμώτερα ἔχων τεκμήρια, ἐπερρώσθη πρὸς τὴν εὐεργεσίαν νεανικῶς·
한편 카이사르는 알렉산드로스의 숭배자이기도 했고 일리온인들과의 친족 관계에 대한 더 명확한 증거를 가지고 있었기에, 젊은 열정으로 그 은혜를 베푸는 데 더욱 힘을 얻었다.
γνωριμώτερα δέ, πρῶτον μὲν ὅτι Ῥωμαῖος, οἱ δὲ Ῥωμαῖοι τὸν Αἰνείαν ἀρχηγέτην ἡγοῦνται, ἔπειτα ὅτι Ἰούλιος ἀπὸ Ἰούλου τινὸς τῶν προγόνων·
그 더 명확한 증거란, 첫째로 그가 로마인이고 로마인들은 아이네이아스를 시조로 여긴다는 점이며, 둘째로 그가 선조 중 한 사람인 이울루스로부터 유래한 율리우스 씨족이라는 점이다.
ἐκεῖνος δʼ ἀπὸ Ἰούλου τὴν προσωνυμίαν ἔσχε ταύτην, τῶν ἀπογόνων εἷς ὢν τῶν ἀπὸ Αἰνείου.
그리고 그 선조는 아이네이아스의 후손들 중 한 사람으로서 이울루스로부터 이 명칭을 얻었다.
χώραν τε δὴ προσένειμεν αὐτοῖς καὶ τὴν ἐλευθερίαν καὶ τὴν ἀλειτουργησίαν αὐτοῖς συνεφύλαξε καὶ μέχρι νῦν συμμένουσιν ἐν τούτοις.
이리하여 그는 그들에게 토지를 나누어 주었고, 자유와 공적 의무 면제를 보장해 주었으며, 그들은 현재까지도 이것들을 유지하고 있다.
ὅτι δʼ οὐκ ἐνταῦθα ἵδρυται τὸ παλαιὸν Ἴλιον καθʼ Ὅμηρον σκοποῦσιν, ἐκ τῶν τοιῶνδε τεκμαίρονται.
그러나 고대의 일리온이 현재의 장소에 세워지지 않았다는 점은, 호메로스에 따라 고찰하는 이들에게 다음과 같은 증거들로부터 추정된다.
πρότερον δὲ ὑπογραπτέον τοὺς τόπους ἀπὸ τῆς παραλίας ἀρξαμένους ἀφʼ ἧσπερ ἐλίπομεν.
하지만 그 전에, 우리가 떠나왔던 해안에서부터 시작하여 그 지역들을 먼저 대략적으로 묘사해야 하겠다.