§11.8.7οἱ μὲν οὖν ἐν ταῖς νήσοις οὐκ ἔχοντες σπόριμα ῥιζοφαγοῦσι καὶ ἀγρίοις χρῶνται καρποῖς, ἀμπέχονται δὲ τοὺς τῶν δένδρων φλοιούς (οὐδὲ γὰρ βοσκήματα ἔχουσι), πίνουσι δὲ τὸν ἐκ τῶν δένδρων καρπὸν ἐκθλίβοντες·
따라서 섬들에 사는 이들은 경작할 수 있는 땅이 없기 때문에 뿌리를 먹고 야생 과일을 이용하며, 나무껍질을 몸에 두르고(그들은 가축조차 없기 때문이다), 나무 열매를 짜서 그 즙을 마신다.
οἱ δʼ ἐν τοῖς ἕλεσιν ἰχθυοφαγοῦσιν, ἀμπέχονται δὲ τὰ τῶν φωκῶν δέρματα τῶν ἐκ θαλάττης ἀνατρεχουσῶν·
한편, 습지에 사는 이들은 물고기를 먹고, 바다에서 거슬러 올라오는 바다표범의 가죽을 몸에 두른다.
οἱ δʼ ὄρειοι τοῖς ἀγρίοις τρέφονται καὶ αὐτοὶ καρποῖς· ἔχουσι δὲ καὶ πρόβατα ὀλίγα ὥστʼ οὐδὲ κατακόπτουσι φειδόμενοι τῶν ἐρίων χάριν καὶ τοῦ γάλακτος·
산악 지대의 주민들 역시 스스로 야생 과일을 먹고 살아가며, 양도 조금 가지고 있으나 털과 젖을 위해 그것들을 아껴 결코 도살하지 않는다.
τὴν δʼ ἐσθῆτα ποικίλλουσιν ἐπιχρίστοις φαρμάκοις δυσεξίτηλον ἔχουσι τὸ ἄνθος.
또한 의복은 칠하는 염료로 물들이는데, 그 색깔은 잘 지워지지 않는다.
οἱ δὲ πεδινοὶ καίπερ ἔχοντες χώραν οὐ γεωργοῦσιν, ἀλλὰ ἀπὸ προβάτων καὶ ἰχθύων ζῶσι νομαδικῶς καὶ Σκυθικῶς.
평원 지대의 주민들은 땅을 가지고 있음에도 농사를 짓지 않고, 양과 물고기에 의존하여 유목식으로, 스키타이식으로 살아간다.
ἔστι γάρ τις καὶ κοινὴ δίαιτα πάντων τῶν τοιούτων ἣν πολλάκις λέγω, καὶ ταφαὶ δʼ εἰσὶ παραπλήσιαι καὶ ἤθη καὶ ὁ σύμπας βίος, αὐθέκαστος μὲν σκαιός τε καὶ ἄγριος καὶ πολεμικός, πρὸς δὲ τὰ συμβόλαια ἁπλοῦς καὶ ἀκάπηλος.
왜냐하면 이러한 모든 사람들에게는 내가 자주 언급하는 어떤 공통된 생활 방식이 존재하며, 매장 방식도 유사하고, 관습과 전반적인 삶의 방식도 마찬가지이기 때문이다. 그들은 고집스럽고 투박하며 야만적이고 호전적이지만, 계약에 있어서는 단순하고 교활하지 않다.
§11.8.8τοῦ δὲ τῶν Μασσαγετῶν καὶ τῶν Σακῶν ἔθνους καὶ οἱ Ἀττάσιοι καὶ οἱ Χωράσμιοι, εἰς οὓς ἀπὸ τῶν Βακτριανῶν καὶ τῶν Σογδιανῶν ἔφυγε Σπιταμένης, εἷς ἐκ τῶν ἀποδράντων Περσῶν τὸν Ἀλέξανδρον, καθάπερ καὶ Βῆσσος·
그리고 마사게타이인과 사카이인의 부족에는 아타시오이인과 호라즘인도 속해 있는데, 이 호라즘인들에게로 스피타메네스가 박트리아인과 소그디아인들에게서 도망쳐 왔다. 그는 베소스와 마찬가지로 알렉산드로스로부터 도망친 페르시아인 중 한 명이었다.
καὶ ὕστερον δὲ Ἀρσάκης τὸν Καλλίνικον φεύγων Σέλευκον εἰς τοὺς Ἀπασιάκας ἐχώρησε.
그리고 나중에 아르사케스도 칼리니코스 셀레우코스를 피해 아파시아카이인들에게로 갔다.
φησὶ δʼ Ἐρατοσθένης τοὺς Ἀραχωτοὺς καὶ Μασσαγέτας τοῖς Βακτρίοις παρακεῖσθαι πρὸς δύσιν παρὰ τὸν Ὦξον, καὶ Σάκας μὲν καὶ Σογδιανοὺς τοῖς ὅλοις ἐδάφεσιν ἀντικεῖσθαι τῇ Ἰνδικῇ, Βακτρίους δʼ ἐπʼ ὀλίγον·
에라토스테네스는 아라코토이인과 마사게타이인이 오쿠스강을 따라 서쪽에서 박트리아인들과 인접해 있고, 사카이인과 소그디아인은 국토 전체가 인도와 마주하고 있으나 박트리아인은 극히 일부만 마주하고 있다고 말한다.
τὸ γὰρ πλέον τῷ Παροπαμισῷ παρακεῖσθαι·
왜냐하면 박트리아인의 대부분은 파로파미소스산맥과 인접해 있기 때문이다.
διείργειν δὲ Σάκας μὲν καὶ Σογδιανοὺς τὸν Ἰαξάρτην, καὶ Σογδιανοὺς δὲ καὶ Βακτριανοὺς τὸν Ὦξον, μεταξὺ δὲ Ὑρκανῶν καὶ Ἀρίων Ταπύρους οἰκεῖν·
또한 야크살테스강이 사카이인과 소그디아인을 갈라놓고, 오쿠스강은 소그디아인과 박트리아인을 갈라놓으며, 히르카니아인과 아리아인 사이에는 타퓌로이인이 살고 있다고 말한다.
κύκλῳ δὲ περὶ τὴν θάλατταν μετὰ τοὺς Ὑρκανοὺς Ἀμάρδους τε καὶ Ἀναριάκας καὶ Καδουσίους καὶ Ἀλβανοὺς καὶ Κασπίους καὶ Οὐιτίους, τάχα δὲ καὶ ἑτέρους μέχρι Σκυθῶν, ἐπὶ θάτερα δὲ μέρη τῶν Ὑρκανῶν Δέρβικας, τοὺς δὲ Καδουσίους συμψαύειν Μήδων καὶ Ματιανῶν ὑπὸ τὸν Παραχοάθραν.
그리고 바다 주변을 둘러싸고 히르카니아인 다음으로 아말도이인, 아나리아카이인, 카두시오이인, 알바니아인, 카스피인, 우이티오이인이 살고 있으며, 아마도 스키타이인에 이르기까지 다른 이들도 살고 있을 것이라 한다. 히르카니아인의 반대편 지역에는 데르비케스인이 살고 있으며, 카두시오이인은 파라코아트라스산맥 아래에서 메디아인 및 마티아노이인과 접하고 있다고 한다.
§11.8.9τὰ δὲ διαστήματα οὕτω λέγει·
그리고 그는 거리들을 다음과 같이 말한다.
ἀπὸ μὲν τοῦ Κασπίου ἐπὶ τὸν Κῦρον ὡς χιλίους ὀκτακοσίους σταδίους, ἔνθεν δʼ ἐπὶ Κασπίας πύλας πεντακισχιλίους ἑξακοσίους, εἶτʼ εἰς Ἀλεξάνδρειαν τὴν ἐν Ἀρίοις ἑξακισχιλίους τετρακοσίους, εἶτʼ εἰς Βάκτραν τὴν πόλιν, ἣ καὶ Ζαριάσπα καλεῖται, τρισχιλίους ὀκτακοσίους ἑβδομήκοντα, εἶτʼ ἐπὶ τὸν Ἰαξάρτην ποταμόν, ἐφʼ ὃν Ἀλέξανδρος ἧκεν, ὡς πεντακισχιλίους·
카스피해에서 퀴로스강까지는 약 1,800스타디온이고, 거기서 카스피문까지는 5,600스타디온, 이어서 아리아인들의 땅에 있는 알렉산드리아까지는 6,400스타디온, 이어서 자리아스파라고도 불리는 박트라시까지는 3,870스타디온, 이어서 알렉산드로스가 도달했던 야크살테스강까지는 약 5,000스타디온이다.
ὁμοῦ δισμύριοι δισχίλιοι ἑξακόσιοι ἑβδομήκοντα.
모두 합쳐 22,670스타디온이다.
λέγει δὲ καὶ οὕτω τὰ διαστήματα ἀπὸ Κασπίων πυλῶν εἰς Ἰνδούς·
또한 그는 카스피문에서 인도에 이르는 거리를 다음과 같이도 말한다.
εἰς μὲν Ἑκατόμπυλον χιλίους ἐνακοσίους ἑξήκοντά φασιν, εἰς δʼ Ἀλεξάνδρειαν τὴν ἐν Ἀρίοις τετρακισχιλίους πεντακοσίους τριάκοντα, εἶτʼ εἰς Προφθασίαν τὴν ἐν Δραγγῇ χιλίους ἑξακοσίους, οἱ δὲ πεντακοσίους, εἶτʼ εἰς Ἀραχωτοὺς τὴν πόλιν τετρακισχιλίους ἑκατὸν εἴκοσιν, εἶτʼ εἰς Ὀρτόσπανα ἐπὶ τὴν ἐκ Βάκτρων τρίοδον δισχιλίους, εἶτʼ εἰς τὰ ὅρια τῆς Ἰνδικῆς χιλίους·
헤카톰퓔로스까지는 1,960스타디온이라고 하며, 아리아인들의 땅에 있는 알렉산드리아까지는 4,530스타디온, 이어서 드랑게의 프로프타시아까지는 1,600(어떤 이들은 1,500이라고 한다)스타디온, 이어서 아라코토이인들의 도시까지는 4,120스타디온, 이어서 박트라로부터의 삼거리인 오르토스파나까지는 2,000스타디온, 이어서 인도의 경계까지는 1,000스타디온이다.
ὁμοῦ μύριοι πεντακισχίλιοι τριακόσιοι.
모두 합쳐 15,300스타디온이다.
ἐπʼ εὐθείας δὲ τῷ διαστήματι τούτῳ τὸ συνεχὲς δεῖ νοεῖν, τὸ ἀπὸ τοῦ Ἰνδοῦ μέχρι τῆς ἑῴας θαλάττης μῆκος τῆς Ἰνδικῆς.
이 거리의 연장선상에 있는 직선으로, 인더스강에서 동쪽 바다에 이르는 인도의 길이를 생각해야 한다.
ταῦτα μὲν τὰ περὶ τοὺς Σάκας.
사카이인에 관한 일들은 이상과 같다.