§11.7.3διαρρεῖται δὲ καὶ ποταμοῖς ἡ Ὑρκανία τῷ τε Ὤχῳ καὶ Ὤξῳ μέχρι τῆς εἰς θάλατταν ἐκβολῆς, ὧν ὁ Ὦχος καὶ διὰ τῆς Νησαίας ῥεῖ·
위르카니아는 또한 바다로 흘러 들어가는 하구에 이르기까지 오코스강과 옥소스강이라는 강들에 의해 관류되는데, 그중 오코스강은 니사이아를 관통하여 흐른다.
ἔνιοι δὲ τὸν Ὦχον εἰς τὸν Ὦξον ἐμβάλλειν φασίν.
어떤 이들은 오코스강이 옥소스강으로 흘러 들어간다고 말한다.
Ἀριστόβουλος δὲ καὶ μέγιστον ἀποφαίνει τὸν Ὦξον τῶν ἑωραμένων ὑφʼ ἑαυτοῦ κατὰ τὴν Ἀσίαν πλὴν τῶν Ἰνδικῶν·
한편 아리스토불로스는 옥소스강이 인도에 있는 강들을 제외하고는 자신이 아시아에서 본 강들 중 가장 큰 강이라고 단언한다.
φησὶ δὲ καὶ εὔπλουν εἶναι καὶ οὗτος καὶ Ἐρατοσθένης παρὰ Πατροκλέους λαβών, καὶ πολλὰ τῶν Ἰνδικῶν φορτίων κατάγειν εἰς τὴν Ὑρκανίαν θάλατταν, ἐντεῦθεν δʼ εἰς τὴν Ἀλβανίαν περαιοῦσθαι καὶ διὰ τοῦ Κύρου καὶ τῶν ἑξῆς τόπων εἰς τὸν Εὔξεινον καταφέρεσθαι.
또한 그와, 파트로클레스에게서 정보를 얻은 에라토스테네스는 이 강이 항해하기 좋으며, 많은 인도 화물을 위르카니아해로 실어 나르고, 거기서 알바니아로 건네져 큐로스강과 그에 이어지는 지역들을 통해 에욱시노스해로 운반된다고 말한다.
οὐ πάνυ δὲ ὑπὸ τῶν παλαιῶν ὁ Ὦχος ὀνομάζεται·
오코스강은 고대인들에 의해 그리 자주 언급되지는 않는다.
Ἀπολλόδωρος μέντοι ὁ τὰ Παρθικὰ γράψας συνεχῶς αὐτὸν ὀνομάζει ὡς ἐγγυτάτω τοῖς Παρθυαίοις ῥέοντα.
그러나 파르티아 역사를 쓴 아폴로도로스는 이 강이 파르티아인들에게 가장 가깝게 흐르고 있다며 끊임없이 언급한다.
§11.7.4προσεδοξάσθη δὲ καὶ περὶ τῆς θαλάττης ταύτης πολλὰ ψευδῆ διὰ τὴν Ἀλεξάνδρου φιλοτιμίαν·
또한 아울러 이 바다에 대해서도 알렉산드로스의 명예욕 때문에 많은 거짓된 의견들이 덧붙여졌다.
ἐπειδὴ γὰρ ὡμολόγητο ἐκ πάντων ὅτι διείργει τὴν Ἀσίαν ἀπὸ τῆς Εὐρώπης ὁ Τάναϊς ποταμός, τὸ δὲ μεταξὺ τῆς θαλάττης καὶ τοῦ Τανάιδος πολὺ μέρος τῆς Ἀσίας ὂν οὐχ ὑπέπιπτε τοῖς Μακεδόσι, στρατηγεῖν δʼ ἔγνωστο ὥστε τῇ φήμῃ γε κἀκείνων δόξαι τῶν μερῶν κρατεῖν τὸν Ἀλέξανδρον, εἰς ἓν συνῆγον τήν τε Μαιῶτιν λίμνην τὴν δεχομένην τὸν Τάναϊν καὶ τὴν Κασπίαν θάλατταν, λίμνην καὶ ταύτην καλοῦντες καὶ συντετρῆσθαι φάσκοντες πρὸς ἀλλήλας ἀμφοτέρας, ἑκατέραν δὲ εἶναι μέρος τῆς ἑτέρας.
왜냐하면 타나이스강이 아시아와 유럽을 가른다는 점은 모든 이들에게 합의되어 있었으나, 바다와 타나이스강 사이의 아시아의 넓은 지역은 마케도니아인들의 수하에 떨어지지 않았기 때문이다. 그리하여 군대를 지휘함에 있어 소문 속에서만이라도 알렉산드로스가 그 지역들도 지배하는 것처럼 보이게 하기로 결정하여, 타나이스강을 받아들이는 마이오티스호와 카스피해를 하나로 묶었으며, 이 카스피해 역시 호수라 부르며 두 호수가 서로 통하고 있으며 각각이 다른 쪽의 일부라고 주장했다.
Πολύκλειτος δὲ καὶ πίστεις προφέρεται περὶ τοῦ λίμνην εἶναι τὴν θάλατταν ταύτην, ὄφεις τε γὰρ ἐκτρέφειν καὶ ὑπόγλυκυ εἶναι τὸ ὕδωρ·
폴뤼클레이토스는 이 바다가 호수라는 증거를 제시하는데, 즉 뱀을 길러내며 그 물이 다소 달다는 것이다.
ὅτι δὲ καὶ οὐχ ἑτέρα τῆς Μαιώτιδός ἐστι, τεκμαιρόμενος ἐκ τοῦ τὸν Τάναϊν εἰς αὐτὴν ἐμβάλλειν·
그리고 그것이 마이오티스호와 다르지 않다는 점에 대해서도, 타나이스강이 그곳으로 흘러 들어간다는 점에서 추측한다.
ἐκ γὰρ τῶν αὐτῶν ὀρῶν τῶν Ἰνδικῶν ἐξ ὧν ὅ τε Ὦχος καὶ ὁ Ὦξος καὶ ἄλλοι πλείους φέρεται καὶ ὁ Ἰαξάρτης ἐκδίδωσί τε ὁμοίως ἐκείνοις εἰς τὸ Κάσπιον πέλαγος πάντων ἀρκτικώτατος.
오코스강과 옥소스강 및 다른 여러 강이 흘러내리는 바로 그 인도 산맥들로부터 이악사르테스강도 흐르며, 그것들처럼 카스피해로 흘러 들어가는데 이 모든 것 중 가장 북쪽에 있기 때문이다.
τοῦτον οὖν ὠνόμασαν Τάναϊν, καὶ προσέθεσάν γε τούτῳ πίστιν, ὡς εἴη Τάναϊς ὃν εἴρηκεν ὁ Πολύκλειτος·
그리하여 그들은 이 강을 타나이스라 불렀고, 여기에 증거를 보탰는데, 즉 폴뤼클레이토스가 말한 타나이스가 바로 이것이라는 것이다.
τὴν γὰρ περαίαν τοῦ ποταμοῦ τούτου φέρειν ἐλάτην καὶ οἰστοῖς ἐλατίνοις χρῆσθαι τοὺς ταύτῃ Σκύθας·
이 강의 건너편 영토에는 전나무가 자라며, 이 지역의 스키타이인들이 전나무로 만든 화살을 사용한다는 점이다.
τοῦτο δὲ καὶ τεκμήριον τοῦ τὴν χώραν τὴν πέραν τῆς Εὐρώπης εἶναι, μὴ τῆς Ἀσίας· τὴν γὰρ Ἀσίαν τὴν ἄνω καὶ τὴν πρὸς ἕω μὴ φύειν ἐλάτην.
이것은 또한 건너편 땅이 아시아가 아니라 유럽이라는 증거인데, 고지대 아시아와 동쪽 아시아에는 전나무가 자라지 않기 때문이라는 것이다.
Ἐρατοσθένης δέ φησι καὶ ἐν τῇ Ἰνδικῇ φύεσθαι ἐλάτην καὶ ἐντεῦθεν ναυπηγήσασθαι τὸν στόλον Ἀλέξανδρον·
그러나 에라토스테네스는 인도에서도 전나무가 자라며, 알렉산드로스가 그곳에서 함대를 건조했다고 말한다.
πολλὰ δὲ καὶ ἄλλα τοιαῦτα συγκρούειν Ἐρατοσθένης πειρᾶται, ἡμῖν δʼ ἀποχρώντως εἰρήσθω περὶ αὐτῶν.
에라토스테네스는 이와 같은 많은 모순들을 충돌시키고자 시도하지만, 우리에게는 이들에 관하여 이것으로 충분히 말해진 것으로 치자.
§11.7.5καὶ τοῦτο δʼ ἐκ τῶν κατὰ τὴν Ὑρκανίαν ἱστορουμένων παραδόξων ἐστὶν ὑπὸ Εὐδόξου καὶ ἄλλων, ὅτι πρόκεινταί τινες ἀκταὶ τῆς θαλάττης ὕπαντροι, τούτων δὲ μεταξὺ καὶ τῆς θαλάττης ὑπόκειται ταπεινὸς αἰγιαλός, ἐκ δὲ τῶν ὕπερθεν κρημνῶν ποταμοὶ ῥέοντες τοσαύτῃ προφέρονται βίᾳ ὥστε ταῖς ἀκταῖς συνάψαντες ἐξακοντίζουσι τὸ ὕδωρ εἰς τὴν θάλατταν, ἄρραντον φυλάττοντες τὸν αἰγιαλὸν ὥστε καὶ στρατοπέδοις ὁδεύσιμον εἶναι σκεπαζομένοις τῷ ῥεύματι, οἱ δʼ ἐπιχώριοι κατάγονται πολλάκις εὐωχίας καὶ θυσίας χάριν εἰς τὸν τόπον, καὶ ποτὲ μὲν ὑπὸ τοῖς ἄντροις κατακλίνονται, ποτὲ δʼ ὑπʼ αὐτῷ τῷ ῥεύματι ἡλιαζόμενοι ἄλλως ἄλλοι τέρπονται, παραφαινομένης ἅμα καὶ τῆς θαλάττης ἑκατέρωθεν καὶ τῆς ᾐόνος ποώδους καὶ ἀνθηρᾶς οὔσης διὰ τὴν ἰκμάδα.
또한 에우독소스와 다른 이들에 의해 위르카니아에 대해 기록된 기이한 일들 중에는 다음과 같은 것도 있다. 즉 바다에 면하여 동굴을 이룬 몇몇 절벽들이 돌출해 있고, 이 절벽들과 바다 사이에는 낮은 모래사장이 아래에 펼쳐져 있다는 점이다. 그리고 위쪽의 가파른 바위산에서 흘러내리는 강들이 어찌나 큰 기세로 세차게 흐르는지, 절벽에 이르렀을 때 물을 바다로 내쏘며 모래사장을 젖지 않은 채로 유지하므로, 군대마저도 물줄기에 덮여 보호받으면서 행군할 수 있는 길을 제공한다는 것이다. 현지인들은 종종 연회와 제사를 위해 그곳으로 내려가는데, 어떤 때는 동굴 아래에 눕고, 어떤 때는 그 물줄기 바로 아래에서 햇볕을 쬐며 저마다 다른 방식으로 즐거워한다. 이때 양옆으로 바다가 보이며, 습기 덕분에 풀이 우거지고 꽃이 만발한 해안이 눈앞에 나타난다.