§11.12.1ἐπεὶ δὲ τὰ βόρεια μέρη τῆς Ἀσίας ποιεῖ ὁ Ταῦρος, ἃ δὴ καὶ ἐντὸς τοῦ Ταύρου καλοῦσιν, εἰπεῖν προειλόμεθα πρῶτον·
타우루스 산맥이 아시아의 북쪽 지역(이 지역들은 참으로 ‘타우루스 안쪽’이라고도 불린다)을 형성하고 있으므로, 우리는 먼저 이에 대해 말하기로 선택했다.
τούτων δʼ ἐστὶ καὶ τὰ ἐν τοῖς ὄρεσιν αὐτοῖς ἢ ὅλα ἢ τὰ πλεῖστα.
이들 지역에는 산맥 자체에 있는 지역들 전체 혹은 대부분도 속한다.
ὅσα μὲν τῶν Κασπίων πυλῶν ἑωθινώτερά ἐστιν, ἁπλουστέραν ἔχει τὴν περιήγησιν διὰ τὴν ἀγριότητα, οὐ πολύ τε ἂν διαφέροι τοῦδε ἢ τοῦδε τοῦ κλίματος συγκαταλεχθέντα·
카스피문보다 동쪽에 있는 부분은 그 황량함으로 인해 지리적 서술이 더 단순하며, 이쪽 혹은 저쪽 기후 지역 중 어디로 분류되든 큰 차이가 없을 것이다.
τὰ δʼ ἑσπέρια πάντα δίδωσιν εὐπορίαν τοῦ λέγειν περὶ αὐτῶν, ὥστε δεῖ προάγειν ἐπὶ τὰ παρακείμενα ταῖς Κασπίαις πύλαις.
그러나 서쪽 부분은 모두 그것들에 대해 이야기할 풍부한 소재를 제공하므로, 우리는 카스피문에 인접한 지역으로 나아가야 한다.
παράκειται δὲ ἡ Μηδία πρὸς δύσιν, χώρα καὶ πολλὴ καὶ δυναστεύσασά ποτε καὶ ἐν μέσῳ τῷ Ταύρῳ κειμένη, πολυσχιδεῖ κατὰ ταῦτα ὑπάρχοντι τὰ μέρη καὶ αὐλῶνας ἐμπεριλαμβάνοντι μεγάλους, καθάπερ καὶ τῇ Ἀρμενίᾳ τοῦτο συμβέβηκε.
서쪽으로 인접한 곳은 미디아인데, 이곳은 영토가 넓고 한때 지배력을 떨쳤으며 타우루스 산맥의 한가운데에 위치한 나라이다. 이 지역에서 산맥은 여러 갈래로 갈라지고 거대한 골짜기들을 포함하고 있는데, 이는 아르메니아의 경우에도 마찬가지이다.
§11.12.2τὸ γὰρ ὄρος τοῦτο ἄρχεται μὲν ἀπὸ τῆς Καρίας καὶ Λυκίας, ἀλλʼ ἐνταῦθα μὲν οὔτε πλάτος οὔτε ὕψος ἀξιόλογον δείκνυσιν·
왜냐하면 이 산맥은 카리아와 리키아에서 시작하지만, 그곳에서는 주목할 만한 너비나 높이를 보여주지 않기 때문이다.
ἐξαίρεται δὲ πολὺ πρῶτον κατὰ τὰς Χελιδονίας (αὗται δʼ εἰσὶ νῆσοι κατὰ τὴν ἀρχὴν τῆς Παμφύλων παραλίας), ἐπὶ δὲ τὰς ἀνατολὰς ἐκτεινόμενον αὐλῶνας μακροὺς ἀπολαμβάνει τοὺς τῶν Κιλίκων·
그러나 켈리도니아 제도(이 섬들은 판필리아 해안의 시작 지점에 있다) 부근에서 처음으로 크게 솟아오르고, 동쪽으로 뻗어 나가면서 킬리키아인들의 긴 골짜기들을 둘러싼다.
εἶτα τῇ μὲν τὸ Ἀμανὸν ἀπʼ αὐτοῦ σχίζεται τῇ δὲ ὁ Ἀντίταυρος, ἐν ᾧ τὰ Κόμανα ἵδρυται τὰ ἐν τοῖς ἄνω λεγομένοις Καππάδοξιν.
그 뒤 한편으로는 아마노스 산맥이 이로부터 갈라져 나오고, 다른 한편으로는 안티타우루스 산맥이 갈라지는데, 이 안티타우루스 산맥 안에 이른바 상부 카파도키아의 코마나가 자리 잡고 있다.
οὗτος μὲν οὖν ἐν τῇ Καταονίᾳ τελευτᾷ, τὸ δὲ Ἀμανὸν ὄρος μέχρι τοῦ Εὐφράτου καὶ τῆς Μελιτηνῆς πρόεισι, καθʼ ἣν ἡ Κομμαγηνὴ τῇ Καππαδοκίᾳ παράκειται·
이 산맥은 카타오니아에서 끝나지만, 아마노스 산맥은 유프라테스강과 멜리테네까지 나아가며, 이 멜리테네가 있는 곳에서 코마게네가 카파도키아에 인접해 있다.
ἐκδέχεται δὲ τὰ πέραν τοῦ Εὐφράτου ὄρη, συνεχῆ μὲν τοῖς προειρημένοις πλὴν ὅσον διακόπτει ῥέων διὰ μέσων ὁ ποταμός, πολλὴν δʼ ἐπίδοσιν λαμβάνει εἰς τὸ ὕψος καὶ τὸ πλάτος καὶ τὸ πολυσχιδές.
그리고 유프라테스강 건너편의 산들이 이를 이어받는데, 강이 그 한가운데를 흐르며 가로막고 있는 점을 제외하면 앞서 말한 산들과 연속되어 있으며, 높이와 너비, 그리고 여러 갈래로 갈라지는 성질에서 크게 확장된다.
τὸ δʼ οὖν νοτιώτατον μάλιστά ἐστιν ὁ Ταῦρος ὁρίζων τὴν Ἀρμενίαν ἀπὸ τῆς Μεσοποταμίας.
어쨌든 가장 남쪽 부분이 특히 아르메니아와 메소포타미아를 구분 짓는 타우루스 산맥이다.
§11.12.3ἐντεῦθεν δὲ ἀμφότεροι ῥέουσιν οἱ τὴν Μεσοποταμίαν ἐγκυκλούμενοι ποταμοὶ καὶ συνάπτοντες ἀλλήλοις ἐγγὺς κατὰ τὴν Βαβυλωνίαν, εἶτα ἐκδιδόντες εἰς τὴν κατὰ Πέρσας θάλατταν, ὅ τε Εὐφράτης καὶ Τίγρις.
그리고 이곳으로부터 메소포타미아를 둘러싸고 바빌로니아 부근에서 서로 접근한 뒤 페르시아해로 흘러 들어가는 두 강, 즉 유프라테스강과 티그리스강이 흐른다.
ἔστι δὲ καὶ μείζων ὁ Εὐφράτης καὶ πλείω διέξεισι χώραν σκολιῷ τῷ ῥείθρῳ, τὰς πηγὰς ἔχων ἐν τῷ προσβορείῳ μέρει τοῦ Ταύρου, ῥέων δʼ ἐπὶ δύσιν διὰ τῆς Ἀρμενίας τῆς μεγάλης καλουμένης μέχρι τῆς μικρᾶς, ἐν δεξιᾷ ἔχων ταύτην ἐν ἀριστερᾷ δὲ τὴν Ἀκιλισηνήν·
유프라테스강이 더 크고 구불구불한 물길로 더 많은 땅을 지나가는데, 타우루스 산맥의 북쪽 부분에 수원지를 두고, 소위 대아르메니아를 거쳐 소아르메니아에 이르기까지 서쪽으로 흐르며, 이때 오른편에는 소아르메니아를, 왼편에는 아킬리세네를 둔다.
εἶτʼ ἐπιστρέφει πρὸς νότον, συνάπτει δὲ κατὰ τὴν ἐπιστροφὴν τοῖς Καππαδόκων ὁρίοις·
그 뒤 남쪽으로 방향을 바꾸며, 이 굴곡부에서 카파도키아인들의 국경과 접한다.
δεξιᾷ δὲ ταῦτα ἀφεὶς καὶ τὰ τῶν Κομμαγηνῶν, ἀριστερᾷ δὲ τὴν Ἀκιλισηνὴν καὶ Σωφηνὴν τῆς μεγάλης Ἀρμενίας πρόεισιν ἐπὶ τὴν Συρίαν καὶ λαμβάνει πάλιν ἄλλην ἐπιστροφὴν εἰς τὴν Βαβυλωνίαν καὶ τὸν Περσικὸν κόλπον.
그리고 오른편에 이 국경과 코마게네인들의 영토를 두고, 왼편에는 대아르메니아의 아킬리세네와 소페네를 두며 시리아로 나아가고, 다시 바빌로니아와 페르시아만을 향해 또 다른 방향 전환을 한다.
ὁ δὲ Τίγρις ἐκ τοῦ νοτίου μέρους τοῦ αὐτοῦ ὄρους ἐνεχθεὶς ἐπὶ τὴν Σελεύκειαν συνάπτει τῷ Εὐφράτῃ πλησίον καὶ ποιεῖ τὴν Μεσοποταμίαν πρὸς αὐτόν, εἶτʼ ἐκδίδωσι καὶ αὐτὸς εἰς τὸν αὐτὸν κόλπον.
반면에 티그리스강은 동일한 산맥의 남쪽 부분에서 흘러나와 셀레우키아를 향해 나아가며 유프라테스강 가까이서 합류하여 그와 함께 메소포타미아를 형성하고, 그 뒤 자신 또한 동일한 만으로 흘러 들어간다.
διέχουσι δὲ ἀλλήλων αἱ πηγαὶ τοῦ τε Εὐφράτου καὶ τοῦ Τίγριος περὶ δισχιλίους καὶ πεντακοσίους σταδίους.
유프라테스강과 티그리스강의 수원은 서로 약 2,500스타디온 떨어져 있다.