§10.4.17λέγεσθαι δʼ ὑπό τινων ὡς Λακωνικὰ εἴη τὰ πολλὰ τῶν νομιζομένων Κρητικῶν, τὸ δʼ ἀληθὲς εὑρῆσθαι μὲν ὑπʼ ἐκείνων, ἠκριβωκέναι δὲ τοὺς Σπαρτιάτας, τοὺς δὲ Κρῆτας ὀλιγωρῆσαι, κακωθεισῶν τῶν πόλεων καὶ μάλιστα τῆς Κνωσσίων, τῶν πολεμικῶν·
어떤 이들은 크레타의 관습이라 여겨지는 것들의 대부분이 실상은 라코니아의 것이며, 진실은 그것들이 그들에 의해 발명되었으나 스파르타인들이 이를 정교하게 다듬었고, 반면에 크레타인들은 그들의 도시들, 특히 크노소스인들의 도시가 전쟁으로 피해를 입었기 때문에 군사적 사안들을 소홀히 했다고 주장한다.
μεῖναι δέ τινα τῶν νομίμων παρὰ Λυττίοις καὶ Γορτυνίοις καὶ ἄλλοις τισὶ πολιχνίοις μᾶλλον ἢ παρʼ ἐκείνοις·
또한 어떤 관습들은 그들 사이에서보다 뤼토스인이나 고르틴인, 그리고 다른 몇몇 소도시들 사이에서 더 많이 남아 있다고 한다.
καὶ δὴ καὶ τὰ Λυττίων νόμιμα ποιεῖσθαι μαρτύρια τοὺς τὰ Λακωνικὰ πρεσβύτερα ἀποφαίνοντας·
그리고 실로 라코니아의 관습이 더 오래되었다고 주장하는 자들은 뤼토스의 관습을 그 증거로 삼는다.
ἀποίκους γὰρ ὄντας φυλάττειν τὰ τῆς μητροπόλεως ἔθη, ἐπεὶ ἄλλως γε εὔηθες εἶναι τὸ τοὺς βέλτιον συνεστῶτας καὶ πολιτευομένους τῶν χειρόνων ζηλωτὰς ἀποφαίνειν·
왜냐하면 그들은 식민주의자이므로 본국의 관습을 유지하고 있다는 것이다. 그러나 조직과 국제에서 더 나은 자들을 더 못한 자들의 모방자라고 주장하는 것은 어찌 되었든 어리석은 일이다.
οὐκ εὖ δὲ ταῦτα λέγεσθαι·
하지만 이 주장들은 옳지 않다.
οὔτε γὰρ ἐκ τῶν νῦν καθεστηκότων τὰ παλαιὰ τεκμηριοῦσθαι δεῖν, εἰς τἀναντία ἑκατέρων μεταπεπτωκότων·
왜냐하면 양측의 현재 상태가 서로 반대되는 방향으로 변해버린 이상, 현재의 제도로부터 고대의 일을 추측해서는 안 되기 때문이다.
καὶ γὰρ ναυκρατεῖν πρότερον τοὺς Κρῆτας, ὥστε καὶ παροιμιάζεσθαι πρὸς τοὺς προσποιουμένους μὴ εἰδέναι ἃ ἴσασιν
ὁ Κρὴς ἀγνοεῖ τὴν θάλατταν,
νῦν δʼ ἀποβεβληκέναι τὸ ναυτικόν·
왜냐하면 과거에 크레타인들은 해상을 지배하였기에, 알고 있으면서도 모르는 척하는 자에 대해, "크레타인은 바다를 모른다. "라는 속담이 쓰일 정도였으나, 현재는 해군을 잃어버렸기 때문이다.
ὅτι ἄποικοί τινες τῶν πόλεων γεγόνασι τῶν ἐν Κρήτῃ Σπαρτιατῶν, ἐν τοῖς ἐκείνων νομίμοις διαμένειν ἐπηναγκάσθαι·
또한 크레타의 일부 도시가 스파르타인들의 식민도시가 되었다고 해서, 그들이 그들의 관습에 계속 얽매여 있어야 했던 것은 아니다.
πολλὰς γοῦν τῶν ἀποικίδων μὴ φυλάττειν τὰ πάτρια, πολλὰς δὲ καὶ τῶν μὴ ἀποικίδων ἐν Κρήτῃ τὰ αὐτὰ ἔχειν τοῖς ἀποίκοις ἔθη.
실제로 식민도시들 중 많은 수가 조상 전래의 관습을 지키지 않고 있는 반면, 크레타에서 식민도시가 아닌 많은 도시들이 식민도시들과 동일한 관습을 가지고 있기 때문이다.
§10.4.18τῶν τε Σπαρτιατῶν τὸν νομοθέτην Λυκοῦργον πέντε γενεαῖς νεώτερον Ἀλθαιμένους εἶναι τοῦ στείλαντος τὴν εἰς Κρήτην ἀποικίαν·
또한 스파르타인의 입법자 리쿠르고스는 크레타로 식민지를 이끈 알타이메네스보다 다섯 세대 아래이다.
τὸν μὲν γὰρ ἱστορεῖσθαι Κίσσου παῖδα τοῦ τὸ Ἄργος κτίσαντος περὶ τὸν αὐτὸν χρόνον ἡνίκα Προκλῆς τὴν Σπάρτην συνῴκιζε, Λυκοῦργον δʼ ὁμολογεῖσθαι παρὰ πάντων ἕκτον ἀπὸ Προκλέους γεγονέναι·
왜냐하면 알타이메네스는 아르고스를 세운 키소스의 아들이며 프로클레스가 스파르타를 공동 건설하던 시기와 거의 같은 시대의 인물로 전해지지만, 리쿠르고스는 프로클레스로부터 6대손이라는 점에 모두가 동의하기 때문이다.
τὰ δὲ μιμήματα μὴ εἶναι πρότερα τῶν παραδειγμάτων μηδὲ τὰ νεώτερα τῶν πρεσβυτέρων·
그리고 모방은 본보기보다 앞설 수 없으며, 더 새로운 것이 더 오래된 것보다 앞설 수도 없다.
τήν τε ὄρχησιν τὴν παρὰ τοῖς Λακεδαιμονίοις ἐπιχωριάζουσαν καὶ τοὺς ῥυθμοὺς καὶ παιᾶνας τοὺς κατὰ νόμον ᾀδομένους καὶ ἄλλα πολλὰ τῶν νομίμων Κρητικὰ καλεῖσθαι παρʼ αὐτοῖς ὡς ἂν ἐκεῖθεν ὁρμώμενα·
또한 라케다이몬인들 사이에 정착된 무용과 법에 따라 불리는 리듬 및 찬가, 그리고 다른 많은 관습들이 그들 사이에서 '크레타의 것'이라 불리는 것은 그것들이 그곳에서 유래했기 때문이다.
τῶν δʼ ἀρχείων τὰ μὲν καὶ τὰς διοικήσεις ἔχειν τὰς αὐτὰς καὶ τὰς ἐπωνυμίας, ὥσπερ καὶ τὴν τῶν γερόντων ἀρχὴν καὶ τὴν τῶν ἱππέων (πλὴν ὅτι τοὺς ἐν Κρήτῃ ἱππέας καὶ ἵππους κεκτῆσθαι συμβέβηκεν·
또한 관직들 중 일부는 동일한 관할과 동일한 명칭을 가지고 있으니, 장로직과 기병직이 그러하다 (다만 크레타의 기병은 실제로 말을 소유하고 있다는 점은 예외이다.
ἐξ οὗ τεκμαίρονται πρεσβυτέραν εἶναι τῶν ἐν Κρήτῃ ἱππέων τὴν ἀρχήν· σώζειν γὰρ τὴν ἐτυμότητα τῆς προσηγορίας· τοὺς δὲ μὴ ἱπποτροφεῖν), τοὺς ἐφόρους δὲ τὰ αὐτὰ τοῖς ἐν Κρήτῃ κόσμοις διοικοῦντας ἑτέρως ὠνομάσθαι·
이로부터 크레타에서의 기병직이 더 오래된 것이라고 추측되는데, 왜냐하면 그것은 그 명칭의 본래 의미를 보존하고 있는 반면, 그들은 말을 기르지 않기 때문이다). 반면 에포로스들은 크레타의 코스모이들과 동일한 사안들을 관장하지만 다른 이름으로 불린다.
τὰ δὲ συσσίτια ἀνδρεῖα παρὰ μὲν τοῖς Κρησὶν καὶ νῦν ἔτι καλεῖσθαι, παρὰ δὲ τοῖς Σπαρτιάταις μὴ διαμεῖναι καλούμενα ὁμοίως πρότερον·
또한 공동 식사는 크레타인들 사이에서 지금도 여전히 '안드레이아'라 불리지만, 스파르타인들 사이에서는 이전에는 마찬가지로 불렸으나 그 명칭이 유지되지 못했다.
παρʼ Ἀλκμᾶνι γοῦν οὕτω κεῖσθαι
"
φοίναις δὲ καὶ ἐν θιάσοισιν
ἀνδρείων παρὰ δαιτυμόνεσσι πρέπει παιᾶνα κατάρχειν.
예를 들어 알크만의 시에는 다음과 같이 적혀 있다. "잔치와 신도들의 모임에서, 안드레이아의 식탁에 모인 자들 사이에서, 찬가를 시작하는 것이 마땅하도다.
" §10.4.19λέγεσθαι δʼ ὑπὸ τῶν Κρητῶν ὡς καὶ παρʼ αὐτοὺς ἀφίκοιτο Λυκοῦργος κατὰ τοιαύτην αἰτίαν·
"또한 크레타인들에 따르면 리쿠르고스는 다음과 같은 이유로 그들을 방문했다고 전해진다.
ἀδελφὸς ἦν πρεσβύτερος τοῦ Λυκούργου Πολυδέκτης· οὗτος τελευτῶν ἔγκυον κατέλιπε τὴν γυναῖκα·
리쿠르고스의 형은 폴리덱테스였는데, 그는 죽을 때 아내를 임신한 상태로 남겨두었다.
τέως μὲν οὖν ἐβασίλευεν ὁ Λυκοῦργος ἀντὶ τοῦ ἀδελφοῦ, γενομένου δὲ παιδὸς ἐπετρόπευεν ἐκεῖνον, εἰς ὃν ἡ ἀρχὴ καθήκουσα ἐτύγχανε·
그리하여 한동안 리쿠르고스는 형을 대신해 왕으로 통치했으나, 아이가 태어나자 통치권이 돌아가야 할 그 아이의 후견인이 되었다.
λοιδορούμενος δή τις αὐτῷ σαφῶς εἶπεν εἰδέναι διότι βασιλεύσοι·
그때 누군가 그를 모욕하며 "당신이 왕이 되려 한다는 것을 내가 분명히 알고 있다"라고 말했다.
λαβὼν δʼ ὑπόνοιαν ἐκεῖνος ὡς ἐκ τοῦ λόγου τούτου διαβάλλοιτο ἐπιβουλὴ ἐξ αὐτοῦ τοῦ παιδός, δείσας μὴ ἐκ τύχης ἀποθανόντος αἰτίαν αὐτὸς ἔχοι παρὰ τῶν ἐχθρῶν, ἀπῆρεν εἰς Κρήτην.
그는 이 말로 인해, 만약 그 아이에게 무슨 일이 생기면 자신이 그 아이에 대해 음모를 꾸몄다는 비방을 받지 않을까 하는 의심을 품게 되었고, 우연히 아이가 죽을 경우 적들로부터 책임을 추궁당할까 두려워하여 크레타로 떠났다.
ταύτην μὲν δὴ λέγεσθαι τῆς ἀποδημίας αἰτίαν·
이것이 그의 여행의 이유라고 전해진다.
ἐλθόντα δὲ πλησιάσαι Θάλητι μελοποιῷ ἀνδρὶ καὶ νομοθετικῷ, ἱστορήσαντα δὲ παρʼ αὐτοῦ τὸν τρόπον ὃν Ῥαδάμανθύς τε πρότερον καὶ ὕστερον Μίνως, ὡς παρὰ τοῦ Διός, τοὺς νόμους ἐκφέροι εἰς ἀνθρώπους, γενόμενον δὲ καὶ ἐν Αἰγύπτῳ καὶ καταμαθόντα καὶ τὰ ἐκεῖ νόμιμα, ἐντυχόντα δʼ, ὥς φασί τινες, καὶ Ὁμήρῳ διατρίβοντι ἐν Χίῳ, κατᾶραι πάλιν εἰς τὴν οἰκείαν, καταλαβεῖν δὲ τὸν τοῦ ἀδελφοῦ υἱὸν τὸν Πολυδέκτου Χαρίλαον βασιλεύοντα·
그곳에 도착하여 그는 가인이자 입법 능력을 지닌 인물이었던 탈레타스와 교유하였고, 그로부터 과거 라다만티스가, 그리고 나중에는 미노스가 어떻게 제우스로부터 얻은 법을 사람들에게 선포했는지 전해 들었다. 또한 그는 이집트에도 가서 그곳의 관습을 배웠으며, 어떤 이들이 말하듯이 키오스에 머물고 있던 호메로도 만난 뒤 다시 고국으로 돌아와 형 폴리덱테스의 아들인 카릴라오스가 왕으로 통치하고 있는 것을 보았다.
εἶθʼ ὁρμῆσαι διαθεῖναι τοὺς νόμους φοιτῶντα ὡς τὸν θεὸν τὸν ἐν Δελφοῖς, κἀκεῖθεν κομίζοντα τὰ προστάγματα, καθάπερ οἱ περὶ Μίνω ἐκ τοῦ ἄντρου τοῦ Διὸς παραπλήσια ἐκείνοις τὰ πλείω.
그 후 그는 델포이의 신을 찾아가 그곳으로부터 명령을 가져와 법을 제정하기 시작했으니, 이는 미노스 일행이 제우스의 동굴에서 자신들의 법의 대부분을 가져온 것과 유사하며, 그의 법의 대부분은 크레타의 것과 매우 닮아 있었다.