§6.6#1Πάλιν ἐπὶ τῶν διαφορῶν ὁμοίως σκεπτέον εἰ καὶ τὰς διαφορὰς εἶπε τὰς τοῦ γένους.
다시, 종차들에 대해서도 마찬가지로 그것이 유의 종차들을 말하고 있는지 검토해야 한다.
Εἰ γὰρ μὴ ταῖς τοῦ πράγματος ἰδίαις ὥρισται διαφοραῖς, ἢ καὶ παντελῶς τοιοῦτον εἴρηκεν ὃ μηδενὸς ἐνδέχεται διαφορὰν εἶναι, οἷον τὸ ζῷον ἢ τὴν οὐσίαν, δῆλον ὅτι οὐχ ὥρισται·
왜냐하면 만약 대상 자체에 고유한 종차들에 의해 정의되지 않았거나, 혹은 '동물'이나 '실체'처럼 도저히 어떤 것의 종차도 될 수 없는 종류의 것을 완전히 말하고 있다면, 정의되지 않았음이 분명하기 때문이다.
οὐδενὸς γὰρ διαφοραὶ τὰ εἰρημένα.
왜냐하면 말해진 것들은 그 어떤 것의 종차도 아니기 때문이다.
Ὁρᾶν δὲ καὶ εἰ ἔστιν ἀντιδιῃρημένον τι τῇ εἰρημένῃ διαφορᾷ.
또한 말해진 종차에 대하여 대치되는 종차(대립종차)가 있는지 보아야 한다.
Εἰ γὰρ μή ἐστι, δῆλον ὅτι οὐκ ἂν εἴη ἡ εἰρημένη τοῦ γένους διαφορά·
왜냐하면 없다면, 말해진 것은 유의 종차가 아님이 분명하기 때문이다.
πᾶν γὰρ γένος ταῖς ἀντιδιῃρημέναις διαφοραῖς διαιρεῖται, καθάπερ τὸ ζῷον τῷ πεζῷ καὶ τῷ πτηνῷ καὶ τῷ ἐνύδρῳ καὶ τῷ δίποδι.
모든 유는 대치되는 종차들에 의해 구분되기 때문이다. 예컨대 '동물'이 '육상의 것', '날개 있는 것', '수중의 것', '두 발 있는 것'으로 구분되는 것처럼 말이다.
Ἣ εἰ ἔστι μὲν ἡ ἀντιδιῃρημένη διαφορά, μὴ ἀληθεύεται δὲ κατὰ τοῦ γένους.
혹은 대치되는 종차가 존재하더라도 그것이 유에 대해 참이 아닌 경우이다.
Δῆλον γὰρ ὅτι οὐδετέρα ἂν εἴη τοῦ γένους διαφορά·
그 경우에는 둘 다 유의 종차가 아님이 분명하기 때문이다.
πᾶσαι γὰρ αἱ ἀντιδιῃρημέναι διαφοραὶ ἀληθεύονται κατὰ τοῦ οἰκείου γένους.
모든 대치되는 종차는 그것의 고유한 유에 대해 참이기 때문이다.
Ὁμοίως δὲ καὶ εἰ ἀληθεύεται μέν, μὴ ποιεῖ δὲ προστιθεμένη τῷ γένει εἶδος.
마찬가지로 참이기는 하지만 유에 더해졌을 때 종을 만들어내지 못하는 경우이다.
Δῆλον γὰρ ὅτι οὐκ ἂν εἴη αὕτη εἰδοποιὸς διαφορὰ τοῦ γένους·
분명히 그것은 그 유의 종형성적 종차가 아닐 것이다.
πᾶσα γὰρ εἰδοποιὸς διαφορὰ μετὰ τοῦ γένους εἶδος ποιεῖ.
모든 종형성적 종차는 유와 결합하여 종을 만들기 때문이다.
Εἰ δ᾿ αὕτη μή ἐστι διαφορά, οὐδ᾿ ἡ λεχθεῖσα, ἐπεὶ ταύτῃ ἀντιδιῄρηται.
그런데 만약 이 대립종차가 종차가 아니라면, 말해진 종차 역시 종차가 아니다. 왜냐하면 그것은 이것과 대치되어 있기 때문이다.
Ἔτι ἐὰν ἀποφάσει διαιρῇ τὸ γένος, καθάπερ οἱ τὴν γραμμὴν ὁριζόμενοι μῆκος ἀπλατὲς εἶναι.
또한 부정으로써 유를 구분하는 경우이다. 예컨대 선을 '폭 없는 길이'라고 정의하는 자들이 그러하다.
Οὐδὲν γὰρ ἄλλο σημαίνει ἢ ὅτι οὐκ ἔχει πλάτος.
왜냐하면 그것은 '폭을 가지지 않는다'는 것 외에 아무것도 의미하지 않기 때문이다.
Συμβήσεται οὖν τὸ γένος μετέχειν τοῦ εἴδους·
그렇게 되면 유가 종에 관여하게 되는 결과가 될 것이다.
πᾶν γὰρ μῆκος ἢ ἀπλατὲς ἢ πλάτος ἔχον ἐστίν, ἐπεὶ κατὰ παντὸς ἢ ἡ κατάφασις ἢ ἡ ἀπόφασις ἀληθεύεται, ὥστε καὶ τὸ γένος τῆς γραμμῆς μῆκος ὂν ἢ ἀπλατὲς ἢ πλάτος ἔχον ἔσται.
모든 길이는 '폭이 없거나' 혹은 '폭을 가진 것'이며, 모든 것에 대해 긍정 또는 부정 중 하나가 참이 되므로, 선의 유인 길이 역시 '폭이 없거나' 혹은 '폭을 가진 것'이 될 것이기 때문이다.
Μῆκος δ᾿ ἀπλατὲς εἴδους ἐστὶ λόγος, ὁμοίως δὲ καὶ μῆκος πλάτος ἔχον·
그런데 '폭 없는 길이'는 종의 정의이며, 마찬가지로 '폭을 가진 길이'도 그러하다.
τὸ γὰρ ἀπλατὲς καὶ πλάτος ἔχον διαφοραί εἰσιν, ἐκ δὲ τῆς διαφορᾶς καὶ τοῦ γένους ὁ τοῦ εἴδους ἐστὶ λόγος, ὥστε τὸ γένος ἐπιδέχοιτ᾿ ἂν τὸν τοῦ εἴδους λόγον.
'폭 없음'과 '폭을 가짐'은 종차이며, 종차와 유로부터 종의 정의가 이루어지므로, 유는 종의 정의를 받아들이게 될 것이기 때문이다.
Ὁμοίως δὲ καὶ τὸν τῆς διαφορᾶς, ἐπειδὴ ἡ ἑτέρα τῶν εἰρημένων διαφορῶν ἐξ ἀνάγκης κατηγορεῖται τοῦ γένους.
마찬가지로 종차의 정의도 받아들이게 될 것이다. 왜냐하면 말해진 두 종차 중 하나가 필연적으로 유에 대해 서술되기 때문이다.
Ἔστι δ᾿ ὁ εἰρημένος τόπος χρήσιμος πρὸς τοὺς τιθεμένους ἰδέας εἶναι.
그리고 말해진 이 논포는 이데아를 상정하는 자들에 대하여 유용하다.
Εἰ γάρ ἐστιν αὐτὸ μῆκος, πῶς κατηγορηθήσεται κατὰ τοῦ γένους ὅτι πλάτος ἔχον ἐστὶν ἢ ἀπλατές ἐστιν;
왜냐하면 만약 '길이 자체'가 존재한다면, 그것이 '폭을 가진 것'이라거나 '폭이 없는 것'이라는 점이 어떻게 유에 대해 서술되겠는가?
δεῖ γὰρ κατὰ παντὸς μήκους τὸ ἕτερον αὐτῶν ἀληθεύεσθαι, εἴπερ κατὰ τοῦ γένους ἀληθεύεσθαι μέλλει.
유에 대해 참이어야 한다면, '길이 자체'인 모든 것에 대해 그중 하나가 참이어야 하기 때문이다.
Τοῦτο δ᾿ οὐ συμβαίνει·
그러나 이것은 성립하지 않는다.
ἔστι γὰρ ἀπλατῆ καὶ πλάτος ἔχοντα μήκη.
폭이 없는 길이도 있고 폭을 가진 길이도 있기 때문이다.
Ὥστε πρὸς ἐκείνους μόνους χρήσιμος ὁ τόπος, οἳ τὸ γένος ἓν ἀριθμῷ φασὶν εἶναι.
따라서 이 논포는 유를 수적으로 하나라고 주장하는 자들에게만 유용하다.
Τοῦτο δὲ ποιοῦσιν οἱ τὰς ἰδέας τιθέμενοι·
그리고 이데아를 상정하는 자들이 이렇게 하고 있다.
αὐτὸ γὰρ μῆκος καὶ αὐτὸ ζῷον γένος φασὶν εἶναι.
그들은 '길이 자체'와 '동물 자체'를 유라고 주장하기 때문이다.
Ἴσως δ᾿ ἐπ᾿ ἐνίων ἀναγκαῖον καὶ ἀποφάσει χρῆσθαι τὸν ὁριζόμενον, οἷον ἐπὶ τῶν στερήσεων·
그러나 아마도 어떤 것들, 예컨대 결여에 있어서는 정의하는 자가 부정을 사용하는 것이 필연적일 것이다.
τυφλὸν γάρ ἐστι τὸ μὴ ἔχον ὄψιν, ὅτε πέφυκεν ἔχειν.
예컨대 '시각장애'란 '시각을 가질 본성을 지녔을 때 그것을 가지지 못한 것'이다.
Διαφέρει δ᾿ οὐδὲν ἀποφάσει διελεῖν τὸ γένος, ἢ τοιαύτῃ καταφάσει ᾗ ἀπόφασιν ἀναγκαῖον ἀντιδιαιρεῖσθαι, οἷον εἰ μῆκος πλάτος ἔχον ὥρισται·
그리고 부정으로써 유를 구분하는 것과, 부정을 대치시키는 것이 필연적인 긍정으로써 구분하는 것 사이에는 아무런 차이도 없다. 예컨대 '폭을 가진 길이'로 정의된 경우이다.
τῷ γὰρ πλάτος ἔχοντι τὸ μὴ ἔχον πλάτος ἀντιδιῄρηται, ἄλλο δ᾿ οὐδέν, ὥστε ἀποφάσει πάλιν διαιρεῖται τὸ γένος.
'폭을 가진 것'에 대해서는 '폭을 가지지 않은 것'이 대치되며 그 외에는 아무것도 없으므로, 유는 다시 부정에 의해 구분되기 때문이다.
Πάλιν εἰ τὸ εἶδος ὡς διαφορὰν ἀπέδωκε, καθάπερ οἱ τὸν προπηλακισμὸν ὕβριν μετὰ χλευασίας ὁριζόμενοι·
다시, 종을 종차로서 제시한 경우이다. 예컨대 모욕을 '조롱을 동반한 폭력'으로 정의하는 자들이 그러하다.
ἡ γὰρ χλευασία ὕβρις τις, ὥστ᾿ οὐ διαφορὰ ἀλλ᾿ εἶδος ἡ χλευασία.
조롱은 일종의 폭력이므로, 조롱은 종차가 아니라 종이기 때문이다.
Ἔτι εἰ τὸ γένος ὡς διαφορὰν εἴρηκεν, οἷον τὴν ἀρετὴν ἕξιν ἀγαθὴν ἢ σπουδαίαν·
또한 유를 종차로서 말한 경우이다. 예컨대 덕을 '좋은 상태' 혹은 '훌륭한 상태'로 말하는 경우이다.
γένος γὰρ τἀγαθὸν τῆς ἀρετῆς ἐστίν.
좋은 것은 덕의 유이기 때문이다.
Ἢ οὐ γένος τἀγαθόν, ἀλλὰ διαφορά, εἴπερ ἀληθὲς ὅτι οὐκ ἐνδέχεται ταὐτὸν ἐν δύο γένεσιν εἶναι μὴ περιέχουσιν ἄλληλα.
혹은 만약 좋은 것이 유가 아니라 종차라 하더라도, 그것은 동일한 것이 서로를 포함하지 않는 두 개의 유 안에 존재할 수는 없다는 점이 참이라면 그러하다.
Οὔτε γὰρ τἀγαθὸν τὴν ἕξιν περιέχει οὔθ᾿ ἡ ἕξις τἀγαθόν·
왜냐하면 좋은 것은 상태를 포함하지 않고 상태도 좋은 것을 포함하지 않기 때문이다.
οὐ γὰρ πᾶσα ἕξις ἀγαθόν, οὐδὲ πᾶν ἀγαθὸν ἕξις, ὥστ᾿ οὐκ ἂν εἴη γένη ἀμφότερα.
모든 상태가 좋은 것은 아니며 모든 좋은 것이 상태인 것도 아니므로, 둘 다 유일 수는 없다.
Εἰ οὖν ἡ ἕξις τῆς ἀρετῆς γένος, δῆλον ὅτι τἀγαθὸν οὐ γένος, ἀλλὰ μᾶλλον διαφορά.
따라서 상태가 덕의 유라면, 분명히 좋은 것은 유가 아니라 오히려 종차이다.
Ἔτι ἡ μὲν ἕξις τί ἐστι σημαίνει ἡ ἀρετή, τὸ δ᾿ ἀγαθὸν οὐ τί ἐστιν ἀλλὰ ποιόν·
또한 상태는 덕이 '무엇인가'를 의미하지만, 좋은 것은 '무엇인가'가 아니라 '어떠한가'를 의미한다.
δοκεῖ δ᾿ ἡ διαφορὰ ποῖόν τι σημαίνειν.
그리고 종차는 '어떠함'을 나타내는 것으로 보이기 때문이다.