§30.1#3τὰ δὴ τοιαῦτα πάθη καὶ τὰ παλαιὰ λεχθέντα κατὰ μέν τι μικρὸν πᾶσι γίνεται·
이러한 상태들과 옛사람들에 대해 언급된 것들은 모두에게 어느 정도 조금씩 일어난다.
πᾶσι γὰρ μέμικταί τι τῆς δυνάμεως·
왜냐하면 그 힘의 얼마간이 모두에게 혼합되어 있기 때문이다.
ὅσοις δ’ εἰς βάθος, οὗτοι δ’ ἤδη ποιοί τινές εἰσι τὰ ἤθη.
그러나 그것이 깊이 들어와 있는 사람들의 경우, 그들은 이미 그 성격에 있어서 특정한 성질을 띠게 된다.
ὥσπερ γὰρ τὸ εἶδος ἕτεροι γίνονται οὐ τῷ πρόσωπον ἔχειν, ἀλλὰ τῷ ποιόν τι τὸ πρόσωπον, οἱ μὲν καλόν, οἱ δὲ αἰσχρόν, οἱ δὲ μηθὲν ἔχοντες περιττόν, οὗτοι δὲ μέσοι τὴν φύσιν, οὔτῳ καὶ οἱ μὲν μικρὰ μετέχοντες τῆς τοιαύτης κράσεως μέσοι εἰσίν, οἱ δὲ πλήθους ἤδη ἀνόμοιοι τοῖς πολλοῖς.
외모에 있어서 사람들이 서로 달라지는 것은 얼굴을 가지고 있다는 사실 때문이 아니라, 어떤 성질의 얼굴을 가지고 있는가에 따른 것인데, 어떤 이들은 아름답고, 어떤 이들은 추하며, 어떤 이들은 뛰어난 점을 전혀 가지지 않아 천성적으로 중간적인 존재가 되는 것과 마찬가지로, 이와 같은 기질의 혼합을 조금만 지니는 이들은 중간적인 존재이고, 다량을 지니는 이들은 이미 대다수의 사람들과 달라진다.
ἐὰν μὲν γὰρ σφόδρα κατακορὴς ᾖ ἡ ἕξις, μελαγχολικοί εἰσὶ λίαν, ἐὰν δέ πως κραθῶσι, περιττοί.
왜냐하면 만일 그 상태가 지극히 농후하다면 그들은 과도하게 멜랑콜리하지만, 만일 어떤 방식으로 조화롭게 혼합되어 있다면 그들은 탁월한 자들이기 때문이다.
ῥέπουσι δ’, ἂν ἀμελῶσιν, ἐπὶ τὰ μελαγχολικὰ νοσήματα, ἄλλοι περὶ ἄλλο μέρος τοῦ σώματος·
그리고 그들이 소홀히 한다면, 그들은 멜랑콜리 질환들로 기울게 되는데, 사람마다 몸의 다른 부위에 질환이 나타난다.
καὶ τοῖς μὲν ἐπιληπτικὰ ἀποσημαίνει, τοῖς δὲ ἀποπληκτικά, ἄλλοις δὲ ἀθυμίαι ἰσχυραὶ ἢ φόβοι, τοῖς δὲ θάρρη λίαν, οἷον καὶ Ἀρχελάῳ συνέβαινε τῷ Μακεδονίας βασιλεῖ.
그리하여 어떤 이들에게는 간질 증상이 나타나고, 어떤 이들에게는 뇌졸중 증상이 나타나며, 다른 이들에게는 강한 낙담이나 공포가, 또 어떤 이들에게는 과도한 대담함이 나타나는데, 마케도니아의 왕 아르켈라오스에게 일어났던 일처럼 그러하다.
σιτίον δὲ τῆς τοιαύτης δυνάμεως ἡ κρᾶσις, ὅπως ἂν ἔχῃ ψύξεώς τε καὶ θερμότητος.
이러한 힘의 양식이 되는 것은 냉각과 온열이 어떠한 상태에 있는가 하는 기질의 혼합이다.
ψυχροτέρα μὲν γὰρ οὖσα τοῦ καιροῦ δυσθυμίας ποιεῖ ἀλόγους·
왜냐하면 그것이 적절한 정도보다 더 차가워지면 이유 없는 낙담을 만들어내기 때문이다.
διὸ αἵ τ’ ἀγχόναι μάλιστα τοῖς νέοις, ἐνίοτε δὲ καὶ πρεσβυτέροις.
그렇기 때문에 목을 매는 일이 특히 젊은이들에게, 때로는 더 나이 든 이들에게도 일어난다.
πολλοὶ δὲ καὶ μετὰ τὰς μέθας διαφθείρουσιν ἑαυτούς.
또한 많은 이들이 만취한 후에 스스로 목숨을 끊는다.
ἔνιοι δὲ τῶν μελαγχολικῶν ἐκ τῶν πότων ἀθύμως διάγουσιν· σβέννυσι γὰρ ἡ τοῦ οἴνου θερμότης τὴν φυσικὴν θερμότητα.
그런데 멜랑콜리 환자들 중 어떤 이들은 음주 후에 낙담하여 지내는데, 왜냐하면 포도주의 열이 타고난 열을 꺼뜨리기 때문이다.
τὸ δὲ θερμὸν τὸ περὶ τὸν τόπον ᾧ φρονοῦμεν καὶ ἐλπίζομεν ποιεῖ εὐθύμους.
그러나 우리가 생각하고 희망을 품는 부위 주변의 열은 사람을 유쾌하게 만든다.
καὶ διὰ τοῦτο πρὸς τὸ πίνειν εἰς μέθην πάντες ἔχουσι προθύμως, ὅτι πάντας ὁ οἶνος ὁ πολὺς εὐέλπιδας ποιεῖ, καθάπερ ἡ νεότης τοὺς παῖδας·
그리고 이 때문에 모두가 만취하도록 마시는 것을 열망하는데, 왜냐하면 많은 포도주는 젊음이 어린아이들을 그렇게 만드는 것처럼 모두를 희망에 차게 만들기 때문이다.
τὸ μὲν γὰρ γῆρας δύσελπί ἐστιν, ἡ δὲ νεότης ἐλπίδος πλήρης.
실제로 노년은 희망을 품기 어렵지만, 젊음은 희망으로 가득 차 있다.
εἰσὶ δέ τινες ὀλίγοι οὓς πίνοντας δυσθυμίαι λαμβάνουσι, διὰ τὴν αὐτὴν αἰτίαν δι’ ἣν καὶ μετὰ τοὺς πότους ἐνίους.
그러나 음주 중에 낙담에 사로잡히는 소수의 이들도 있는데, 이는 음주 후에 일부 사람들을 사로잡는 것과 동일한 원인 때문이다.
ὅσοις μὲν οὖν μαραινομένου τοῦ θερμοῦ αἱ ἀθυμίαι γίνονται, μᾶλλον ἀπάγχονται.
그리하여 열이 쇠퇴해 감에 따라 낙담이 일어나는 이들은 더 목을 매는 경향이 있다.
διὸ καὶ οἱ νέοι ἢ καὶ οἱ πρεσβῦται μᾶλλον ἀπάγχονται· τὸ μὲν γὰρ γῆρας μαραίνει τὸ θερμόν, τῶν δὲ τὸ πάθος φυσικὸν ὂν καὶ αὐτὸ τὸ μαραινόμενον θερμόν.
그렇기 때문에 젊은이들이나 노인들이 더 목을 매는데, 왜냐하면 노년은 열을 쇠퇴하게 만들고, 젊은이들의 경우에는 그 상태가 자연적인 것이어서 열 자체가 쇠퇴해 가기 때문이다.
ὅσοις δὲ σβεννυμένου, ἐξαίφνης οἱ πλεῖστοι διαχρῶνται ἑαυτούς, ὥστε θαυμάζειν πάντας διὰ τὸ μηθὲν ποιῆσαι σημεῖον πρότερον.
그러나 열이 꺼짐으로써 그것이 일어나는 이들의 경우, 대부분은 돌연 스스로 목숨을 끊기 때문에 이전에 아무런 징후도 보이지 않았다는 사실로 인해 모두가 경탄할 정도이다.
ψυχροτέρα μὲν οὖν γινομένη ἡ κρᾶσις ἡ ἀπὸ τῆς μελαίνης χολῆς, ὥσπερ εἴρηται, ποιεῖ ἀθυμίας παντοδαπάς, θερμοτέρα δὲ οὖσα εὐθυμίας.
그리하여 흑담즙으로부터 유래한 혼합은 앞서 말한 바와 같이 차가워지면 온갖 종류의 낙담을 만들어내고, 뜨거워지면 유쾌함을 만들어낸다.
διὸ καὶ οἱ μὲν παῖδες εὐθυμότεροι, οἱ δὲ γέροντες δυσθυμότεροι.
그렇기 때문에 어린아이들은 더 유쾌하고, 노인들은 더 낙담해 있다.
οἱ μὲν γὰρ θερμοί, οἱ δὲ ψυχροί· τὸ γὰρ γῆρας κατάψυξίς τις.
왜냐하면 전자는 뜨겁고 후자는 차갑기 때문인데, 노년은 일종의 냉각이기 때문이다.
συμβαίνει δὲ σβέννυσθαι ἐξαίφνης ὑπό τε τῶν ἐκτὸς αἰτιῶν, ὡς καὶ παρὰ φύσιν τὰ πυρωθέντα, οἷον ἄνθρακα ὕδατος ἐπιχυθέντος.
그리고 열은 외적인 원인들에 의해서도 돌연 꺼질 수 있는데, 불붙은 것들이 자연에 반하여 꺼지는 것과 같으니, 예컨대 숯불에 물이 부어졌을 때 그러하다.
διὸ καὶ ἐκ μέθης ἔνιοι ἑαυτοὺς διαχρῶνται· ἡ γὰρ ἀπὸ τοῦ οἴνου θερμότης ἐπείσακτός ἐστιν, ἧς σβεννυμένης συμβαίνει τὸ πάθος.
그렇기 때문에 취한 상태에서 스스로 목숨을 끊는 이들도 있는데, 포도주로부터 얻은 열은 외부에서 유입된 것이어서 그것이 꺼질 때 그러한 상태가 발생하기 때문이다.
καὶ μετὰ τὰ ἀφροδίσια οἱ πλεῖστοι ἀθυμότεροι γίνονται, ὅσοι δὲ περίττωμα πολὺ προίενται μετὰ τοῦ σπέρματος, οὗτοι εὐθυμότεροι· κουφίζονται γὰρ περιττώματός τε καὶ πνεύματος καὶ θερμοῦ ὑπερβολῆς.
또한 성행위 후에 대부분의 사람들은 더 낙담하게 되지만, 정액과 함께 많은 여분물을 방출하는 이들은 더 유쾌해지는데, 왜냐하면 그들은 여분물과 프네우마 및 과도한 열로부터 해소되어 가벼워지기 때문이다.
ἐκεῖνοι δὲ ἀθυμότεροι πολλάκις· καταψύχονται γὰρ ἀφροδισιάσαντες διὰ τὸ τῶν ἱκανῶν τι ἀφαιρεθῆναι· δηλοῖ δὲ τοῦτο τὸ μὴ πολλὴν τὴν ἀπορροὴν γεγονέναι.
반면에 전자의 이들은 종종 더 낙담하게 되는데, 왜냐하면 그들은 성행위를 한 후에 충분한 것의 일부를 빼앗겨 냉각되기 때문이며, 방출량이 많지 않았다는 사실이 이를 보여준다.
ὡς οὖν ἐν κεφαλαίῳ εἰπεῖν, διὰ μὲν τὸ ἀνώμαλον εἶναι τὴν δύναμιν τῆς μελαίνης χολῆς ἀνώμαλοί εἰσιν οἱ μελαγχολικοί· καὶ γὰρ ψυχρὰ σφόδρα γίνεται καὶ θερμή.
그러므로 요약해서 말하자면, 흑담즙의 힘이 불안정하기 때문에 멜랑콜리 환자들은 불안정한데, 왜냐하면 그것은 지극히 차가워지기도 하고 뜨거워지기도 하기 때문이다.
διὰ δὲ τὸ ἠθοποιὸς εἶναι (ἠθοποιὸν γὰρ τὸ θερμὸν καὶ ψυχρὸν μάλιστα τῶν ἐν ἡμῖν ἐστὶν) ὥσπερ ὁ οἶνος πλείων καὶ ἐλάττων κεραννύμενος τῷ σώματι ποιεῖ τὸ ἦθος ποιούς τινας ἡμᾶς.
또한 그것이 성격을 형성하는 것이기 때문에(왜냐하면 뜨거운 것과 차가운 것은 우리 안에 있는 것들 중에서 가장 성격을 형성하는 것이기 때문이다), 포도주가 몸속에서 많게 혹은 적게 혼합됨으로써 우리의 성격을 특정한 상태로 만드는 것과 마찬가지이다.
ἄμφω δὲ πνευματικά, καὶ ὁ οἶνος καὶ ἡ μέλαινα χολή.
그리고 포도주와 흑담즙 둘 다 프네우마적인 것이다.
ἐπεὶ δ’ ἔστι καὶ εὔκρατον εἶναι τὴν ἀνωμαλίαν καὶ καλῶς πως ἔχειν, καὶ ὅπου δεῖ θερμοτέραν εἶναι τὴν διάθεσιν καὶ πάλιν ψυχράν, ἢ τοὐναντίον διὰ τὸ ὑπερβολὴν ἔχειν, περιττοὶ μέν εἰσι πάντες οἱ μελαγχολικοί, οὐ διὰ νόσον, ἀλλὰ διὰ φύσιν.
그리고 그 불안정함이 잘 조화되어 어떻게든 좋은 상태에 있는 것도 가능하고, 상태가 더 뜨거워져야 할 때 더 뜨거워지고 다시 차가워지거나, 혹은 과잉을 지님으로써 그 반대가 되는 것도 가능하기 때문에, 모든 멜랑콜리 환자들은 질병에 의해서가 아니라 천성에 의해 탁월한 자들이다.