§11.58Διὰ τί ἡ μὲν ὄψις οὐ διέρχεται διὰ τῶν στερεῶν, ἡ δὲ φωνὴ διέρχεται;
왜 시각은 고체를 통과하지 못하는데, 목소리는 통과하는가?
ἢ ὅτι τῆς μὲν ὄψεως μία φορὰ ἡ κατ’ εὐθεῖαν (σημεῖον δὲ αἵ τε τοῦ ἡλίου ἀκτῖνες, καὶ ὅτι ἐξ ἐναντίας μόνον ὁρῶμεν), τῆς δὲ φωνῆς πολλαί;
혹은 시각의 움직임은 직선적인 것 하나뿐인 반면（그 증거는 태양 광선이며, 또한 우리가 정면의 것만 본다는 사실이다）, 목소리의 움직임은 많기 때문인가?
ἀκούομεν γὰρ πανταχόθεν.
왜냐하면 우리는 사방에서 듣기 때문이다.
ὅταν οὖν κωλυθῇ κατ’ εὐθεῖαν ἐκπίπτειν διὰ τὸ μὴ κατ’ ἀλλήλους εἶναι τοὺς πόρους, ἀδυνατεῖ διορᾶν.
따라서 통로들이 서로 일치하지 않아 직선으로 나아가는 것이 가로막힐 때, 꿰뚫어 볼 수 없게 된다.
ὁ δὲ ἀὴρ καὶ ἡ φωνή, ἅτε πανταχοῦ φερομένη, διὰ παντὸς διαπίπτει καὶ ἀκούεται.
반면에 공기와 목소리는 사방으로 전달되는 것이므로, 모든 것을 뚫고 나아가며 들리게 된다.
ἐν δὲ τοῖς ὑγροῖς αἱ μὲν ὄψεις διορῶσιν, αἱ δὲ φωναὶ οὐκ ἀκούονται ἢ μόλις, λεπτοτέρου ὄντος τοῦ ὑγροῦ ἢ τῆς γῆς, ὅτι οἱ πόροι μικροὶ καὶ πυκνοὶ καὶ κατ’ ἀλλήλους, ὥστε οὐ κωλύεται ἡ ὄψις εὐθυπορεῖν.
그러나 액체 속에서는, 액체가 흙보다 희박함에도 불구하고, 시각은 꿰뚫어 보지만 목소리는 들리지 않거나 겨우 들린다. 왜냐하면 통로들이 작고 촘촘하며 서로 일치하여, 시각이 직진하는 것을 방해받지 않기 때문이다.
διὰ τοῦτο καὶ διὰ μὲν τῆς ὑέλου διορᾶται πυκνῆς οὔσης, διὰ δὲ τοῦ νάρθηκος ἀραιοῦ ὄντος οὐ διορᾶται.
이 때문에 유리는 촘촘함에도 불구하고 꿰뚫어 볼 수 있지만, 회향 줄기는 성김에도 불구하고 꿰뚫어 볼 수 없다.
ἔτι τῆς μὲν οἱ πόροι κατάλληλοι, τοῦ δὲ παραλλάττοντες·
게다가 전자의 통로들은 서로 일치하지만, 후자의 통로들은 어긋나 있기 때문이다.
οὐθὲν δ′ ὄφελος εἶναι μεγάλους, ἐὰν μὴ κατ’ εὐθεῖαν ὦσιν.
통로들이 직선상에 있지 않다면 그것들이 크다고 해도 아무런 소용이 없다.
ἡ δὲ φωνὴ οὐκ ἀκούεται, ὅτι ἐλάττω τὰ διάκενα τὰ ἐν τῷ ὕδατι τοῦ ἀέρος, ὥστε οὐ δύναται δέχεσθαι, οὐδὲ διιέναι τὴν φωνήν ἀλλ’ ἢ μόλις [ἢ μετὰ φωνῆς].
반면에 목소리가 들리지 않는 것은, 물속의 간극들이 공기 속의 간극들보다 더 작아서 목소리를 받아들이지도 통과시키지도 못하거나, 혹은 겨우겨우 하기 때문이다.
ἡ γὰρ φωνὴ ἀήρ τις.
목소리는 일종의 공기이기 때문이다.
οὐ γὰρ ἅπαν τὸ μανότερον διιτικώτερον, ἂν μὴ καὶ οἱ πόροι ὦσιν ἁρμόττοντες τῷ διιόντι, ὥστ’ οὐδὲ συνιτικώτερον εἰς αὑτό, ἂν μὴ δεκτικοὶ ὦσιν οἱ πόροι τῶν σωμάτων.
왜냐하면 통과하는 것에 통로들이 적합하지 않다면, 더 성긴 것이라고 해서 모두 더 잘 통과시키는 것은 아니며, 통로들이 물체들을 수용하기에 적절하지 않다면 그것 자체 안으로 더 잘 압축되는 것도 아니기 때문이다.
καίτοι τὸ μανὸν μαλακὸν καὶ δυνάμενον εἰς αὑτὸ συνιέναι.
비록 성긴 것은 부드럽고 자체 안으로 압축될 수 있을지라도 말이다.
ἀλλ’ ἔνια κωλύεται διὰ τὴν μικρότητα τῶν πόρων, οἷον ἡ ὕελος·
그러나 어떤 것들은 통로의 작음 때문에 가로막힌다. 예컨대 유리가 그러하다.
ταύτης γὰρ οὐ συνάγονται, μανοτέρας οὔσης τοῦ νάρθηκος, διὰ τὴν εἰρημένην αἰτίαν.
유리에서는 언급된 이유 때문에, 유리가 회향 줄기보다 더 성김에도 불구하고 통로들이 모여들지 않는다.
ὁμοίως δὲ καὶ τὸ ὕδωρ καὶ εἴ τι ἄλλο τοιοῦτον·
물이나 그 밖에 그와 같은 다른 것들도 마찬가지이다.
ὥστε καὶ τόδε φανερόν, διότι τοῦ μανοῦ καὶ μαλακοῦ ἢ ταὐτοῦ ὄντος ἢ παραπλησίου τὴν φύσιν, οὐ τὸ μανότερον μᾶλλον συνάγεται εἰς αὑτό·
따라서 다음 사실도 분명하다. 즉 성긴 것과 부드러운 것이 본성상 동일하거나 매우 유사할 때, 더 성긴 것이 자신 안으로 더 잘 압축되는 것은 아니다.
ἡ γὰρ αὐτὴ αἰτία πάντων.
왜냐하면 모든 것의 원인은 동일하기 때문이다.
§11.59Διὰ τί γίνεται ἐλάττων μὲν ἡ φωνὴ ἐξαιρουμένων, ὁμοία δὲ τὸν χαρακτῆρα;
왜 일부가 제거될 때 목소리는 더 작아지지만 그 특징은 유사한가?
ἢ ὅτι ἐμέμικτο αὐτοῖς;
혹은 목소리의 특징이 그것들 안에 섞여 있었기 때문인가?
τὸ δὲ μεμιγμένον οὐ τῇ μέν ἐστι τῇ δὲ οὔ, ἀλλὰ πάντη.
그리고 섞여 있는 것은 어떤 부분에는 있고 어떤 부분에는 없는 것이 아니라, 모든 부분에 존재한다.
ὁμοίως οὖν πανταχόθεν ἐξαιρουμένων συνέρχεται ὁμοίως, ὥστ’ ἔλαττόν τε ἀνάγκη καὶ ὅμοιον εἶναι.
따라서 모든 부분에서 동일하게 제거될 때 동일하게 모여들므로, 목소리가 더 작아지면서도 유사해지는 것이 필연적이다.
§11.60Διὰ τί ἰσχνόφωνοι γίνονται;
왜 사람들은 말을 더듬게 되는가?
πότερον διὰ θερμότητα προπετέστεροί εἰσιν, ὥστε προσπταίοντες ἐπίσχουσιν, ὥσπερ οἱ ὀργιζόμενοι;
열 때문에 그들이 더 성급해져서, 걸려 넘어지듯 말을 멈추기 때문인가, 마치 화가 난 사람들처럼?
καὶ γὰρ οὗτοι πλήρεις ἄσθματος γίνονται.
실제로 이들 역시 숨이 가득 차게 된다.
πολὺ μὲν οὖν τὸ πνεῦμα συμβαίνει.
따라서 많은 숨이 생기게 된다.
〈ἢ〉 διὰ τὴν ζέσιν τοῦ θερμοῦ ἀσθμαίνουσιν, διὰ τὸ πολὺ εἶναι καὶ μὴ φθάνειν ὑπεξιὸν τῷ τῆς ἀναπνοῆς καιρῷ;
혹은 열의 끓어오름 때문에 그들이 숨을 헐떡이는 것인가, 숨이 너무 많아서 호흡의 적절한 때에 맞춰 미처 빠져나가지 못하기 때문인가?
ἢ μᾶλλον τοὐναντίον κατάψυξις ἢ θερμότης τοῦ τόπου ᾧ φθέγγονται, ὥσπερ ἀποπληξία τοῦ μέρους τούτου;
혹은 오히려 그 반대로, 열기가 아니라 그들이 소리를 내는 부위의 냉각이 원인이며, 마치 이 부위의 마비 같은 것이 일어나기 때문인가?
διὸ καὶ θερμαινόμενοι ὑπὸ οἴνου καὶ τοῦ λέγειν συνεχῶς ῥᾷον συνείρουσι τὸν λόγον.
그래서 그들이 와인에 의해, 그리고 끊임없이 말하는 것에 의해 따뜻해지면, 더 쉽게 말을 이어간다.
§11.61Διὰ τί τοῦ χειμῶνος αἱ φωναὶ βαρύτεραι;
왜 겨울에는 목소리가 더 낮아지는가?
ἢ ὅτι παχύτερος ὁ ἀήρ, παχυτέρου δὲ ὄντος βραδυτέρα ἡ κίνησις, ὥσθ’ ἡ φωνὴ βαρυτέρα.
혹은 공기가 더 농밀하고, 농밀할 때는 움직임이 더 느려져서 목소리가 더 낮아지기 때문인가?
ἢ διότι διὰ τῶν στενῶν βραδύτερον χωρεῖ ὁ ἀήρ, συμφράττεται δὲ τὸ περὶ τὸν φάρυγγα ὑπό τε τοῦ ψυχροῦ καὶ τοῦ ἐπιρρέοντος φλέγματος.
혹은 좁은 곳을 통과함으로써 공기가 더 느리게 나아가고, 추위와 흘러드는 점액에 의해 인두 주위가 막히기 때문인가?
§11.62Διὰ τί τὰ παιδία καὶ αἱ γυναῖκες καὶ οἱ εὐνοῦχοι καὶ οἱ γέροντες φθέγγονται ὀξύ;
왜 아이들과 여자들, 내시들과 노인들은 높은 목소리를 내는가?
ἢ ὅτι θάττων κίνησίς ἐστιν ἡ ὀξυτέρα;
혹은 더 빠른 움직임이 더 높은 것이기 때문인가?
ἔστι δὲ τὸ αὐτὸ πλείονος δυσκινητότερον, ὥστε οἱ ἐν ἀκμῇ πλείω συνεπισπῶνται τὸν ἀέρα·
그리고 같은 것이라도 양이 더 많을수록 움직이기 어려우므로, 전성기의 이들은 더 많은 공기를 들이마신다.
οὗτος οὖν βραδύτερον ἰὼν βαρυτέραν παρασκευάζει τὴν φωνήν.
따라서 이 공기는 더 느리게 흘러가며 더 낮은 목소리를 만든다.
ἐν δὲ τοῖς παιδίοις καὶ εὐνούχοις διὰ τὸ ἐλάττω ἔχειν ἐναντίως.
반면에 아이들과 내시들에게는 더 적게 가지고 있기 때문에 반대 현상이 일어난다.
τρέμειν δὲ τοὺς πρεσβύτας οὐ δυναμένους κρατεῖν, ὥσπερ τοῖς ἀδυνάτοις καὶ παιδίοις, ὅταν μακρὸν ξύλον λάβωσιν ἀπ’ ἄκρου, τὸ ἕτερον ἄκρον σείεται διὰ τὸ μὴ κρατεῖν.
또한 노인들이 떠는 것은 제어하지 못하기 때문인데, 이는 힘없는 이들이나 아이들이 긴 나무막대기 끝을 잡았을 때, 제어하지 못해 다른 쪽 끝이 흔들리는 것과 같다.
(διὰ τοῦτο καὶ οἱ πρεσβῦται τρέμουσιν διὰ τὸ μηκέτι κρατεῖν).
(이 때문에 노인들도 더 이상 제어하지 못해 떠는 것이다).
τὸ αὐτὸ δὲ ὑποληπτέον καὶ ἐπὶ τῶν ἀγωνιώντων καὶ φοβουμένων καὶ ῥιγώντων αἴτιον τοῦ τρόμου τῆς φωνῆς.
그리고 불안해하는 이들, 두려워하는 이들, 추위에 떠는 이들의 목소리가 떨리는 원인에 대해서도 동일한 것을 생각해야 한다.
τοῦ γὰρ ἔχοντος τὴν φωνὴν τοιαύτην, τῶν τοιούτων παθῶν εἴσω περιεστηκότος τοῦ πλείστου, λοιπὸν ὀλίγον ὂν οὐ δύναται κρατεῖν τῆς φωνῆς· διὸ καὶ σείεται καὶ τρέμει.
그러한 목소리를 가진 사람에게서, 그러한 상태의 대부분이 내부로 물러나 버려, 남은 것은 적기 때문에 목소리를 제어할 수 없으며, 이 때문에 흔들리고 떨리는 것이다.
διὸ καὶ οἱ τεχνικοὶ τῶν συνειδότων ὅτι ἀγωνιῶσι μικρὸν διαλέγονται ἀπ’ ἀρχῆς, καὶ ἄχρι οὗ ἂν καταστῶσιν·
그래서 자신이 불안해하고 있음을 의식하는 노련한 이들은 처음에는, 그리고 안정이 될 때까지는 작은 목소리로 말한다.
μικρᾶς γὰρ οὔσης τῆς φωνῆς ῥᾷον κρατοῦσιν.
목소리가 작으면 더 쉽게 제어할 수 있기 때문이다.