§5.1303aὧν πολλάκις λανθάνει τι αὐξανόμενον, οἷον τὸ τῶν ἀπόρων πλῆθος ἐν ταῖς δημοκρατίαις καὶ πολιτείαις.
이들 부분들 중에서, 종종 어떤 부분이 알아채지 못하는 사이에 증가하는 일이 있다. 예컨대 민중정과 '폴리티아'에서 빈민의 다수가 그러하다.
συμβαίνει δʼ ἐνίοτε τοῦτο καὶ διὰ τύχας, οἷον ἐν Τάραντι ἡττηθέντων καὶ ἀπολομένων πολλῶν γνωρίμων ὑπὸ τῶν Ἰαπύγων μικρὸν ὕστερον τῶν Μηδικῶν δημοκρατία ἐγένετο ἐκ πολιτείας, καὶ ἐν Ἄργει τῶν ἐν τῇ ἑβδόμῃ ἀπολομένων ὑπὸ Κλεομένους τοῦ Λάκωνος ἠναγκάσθησαν παραδέξασθαι τῶν περιοίκων τινάς, καὶ ἐν Ἀθήναις ἀτυχούντων πεζῇ οἱ γνώριμοι ἐλάττους ἐγένοντο διὰ τὸ ἐκ καταλόγου στρατεύεσθαι ὑπὸ τὸν Λακωνικὸν πόλεμον.
또한 이것이 때로는 우연 때문에 일어나기도 하니, 예컨대 타라스에서 페르시아 전쟁 직후에 많은 명사들이 이아피게스인들에게 패배하여 소멸했을 때, '폴리티아'로부터 민중정으로 정체가 이행했다. 또한 아르고스에서는 제7일에 라코니아인 클레오메네스에게 소멸당했을 때, 주변 주민의 일부를 시민으로 받아들이지 않을 수 없었다. 또한 아테네에서는 육전에서 불운을 겪고 있었기에, 라코니아 전쟁 동안 징병 명부에 따라 종군해야 했기 때문에 명사들의 수가 감소했다.
συμβαίνει δὲ τοῦτο καὶ ἐν ταῖς δημοκρατίαις, ἧττον δέ·
이것은 민중정에서도 일어나지만, 그 빈도는 낮다.
πλειόνων γὰρ τῶν εὐπόρων γινομένων ἢ τῶν οὐσιῶν αὐξανομένων μεταβάλλουσιν εἰς ὀλιγαρχίας καὶ δυναστείας.
부유층이 더 많아지거나 그들의 재산이 증가할 때, 정체는 과두정이나 문벌 지배로 변하기 때문이다.
—μεταβάλλουσι δʼ αἱ πολιτεῖαι καὶ ἄνευ στάσεως διά τε τὰς ἐριθείας, ὥσπερ ἐν Ἡραίᾳ (ἐξ αἱρετῶν γὰρ διὰ τοῦτο ἐποίησαν κληρωτάς, ὅτι ᾑροῦντο τοὺς ἐριθευομένους), καὶ διʼ ὀλιγωρίαν, ὅταν ἐάσωσιν εἰς τὰς ἀρχὰς τὰς κυρίας παριέναι τοὺς μὴ τῇ πολιτείᾳ φίλους, ὥσπερ ἐν Ὠρεῷ κατελύθη ἡ ὀλιγαρχία τῶν ἀρχόντων γενομένου Ἡρακλεοδώρου, ὃς ἐξ ὀλιγαρχίας πολιτείαν καὶ δημοκρατίαν κατεσκεύασεν.
――또한 정체는 내분 없이도 변화하니, 첫째로 정파적 사리추구 때문이며, 예컨대 헤라이아에서 그러하다(이곳에서는 이 때문에 선거제에서 추첨제로 관직을 고쳤는데, 왜냐하면 사람들이 정파적 획책을 일삼는 자들을 선거로 뽑았기 때문이다). 또한 방심 때문이기도 하니, 정체에 우호적이지 않은 자들이 주권적 관직에 나아가는 것을 허용할 때 그러하다. 예컨대 오레오스에서는 헤라클레오도로스가 지배자 중 한 명이 되었을 때 과두정이 붕괴했고, 그는 과두정으로부터 '폴리티아'와 민중정을 조직했다.
—ἔτι διὰ τὸ παρὰ μικρόν.
――나아가, 미세한 차이 때문이다.
λέγω δὲ παρὰ μικρόν, ὅτι πολλάκις λανθάνει μεγάλη γινομένη μετάβασις τῶν νομίμων, ὅταν παρορῶσι τὸ μικρόν, ὥσπερ ἐν Ἀμβρακίᾳ μικρὸν ἦν τὸ τίμημα, τέλος δʼ ἀπʼ οὐθενὸς ἦρχον, ὡς ἔγγιον ἢ μηθὲν διαφέρον τοῦ μηθὲν τὸ μικρόν.
내가 '미세한 차이 때문에'라고 말하는 것은, 사람들이 미세한 것을 간과할 때 법률의 중대한 변경이 종종 알아채지 못하는 사이에 일어나기 때문이다. 예컨대 암브라키아에서는 재산 자격이 미세했으나, 결국에는 아무런 재산이 없는 자로부터도 지배하기에 이르렀는데, 이는 미세한 것은 영에 가깝거나 영과 아무런 차이가 없다고 생각되었기 때문이다.
στασιωτικὸν δὲ καὶ τὸ μὴ ὁμόφυλον, ἕως ἂν συμπνεύσῃ·
또한 민족을 같이하지 않는 것도, 서로 마음을 합할 때까지는 내분의 원인이 된다.
ὥσπερ γὰρ οὐδʼ ἐκ τοῦ τυχόντος πλήθους πόλις γίγνεται, οὕτως οὐδʼ ἐν τῷ τυχόντι χρόνῳ·
도시 국가가 아무 군중으로부터나 생겨나는 것이 아닌 것과 마찬가지로, 아무 시간에나 이루어지는 것도 아니기 때문이다.
διὸ ὅσοι ἤδη συνοίκους ἐδέξαντο ἢ ἐποίκους, οἱ πλεῖστοι διεστασίασαν·
그러므로 지금까지 공동 거주자나 새로운 이주자를 받아들인 대부분은 내분을 겪었다.
οἷον Τροιζηνίοις Ἀχαιοὶ συνῴκησαν Σύβαριν, εἶτα πλείους οἱ Ἀχαιοὶ γενόμενοι ἐξέβαλον τοὺς Τροιζηνίους, ὅθεν τὸ ἄγος συνέβη τοῖς Συβαρίταις·
예컨대 트로이젠인들과 함께 아카이아인들이 시바리스에 공동 이주했으나, 그 뒤 아카이아인들이 다수가 되어 트로이젠인들을 내쫓았고, 이로부터 시바리스인들에게 저주가 내렸다.
καὶ ἐν Θουρίοις Συβαρῖται τοῖς συνοικήσασιν (πλεονεκτεῖν γὰρ ἀξιοῦντες ὡς σφετέρας τῆς χώρας ἐξέπεσον)·
또한 투리오이에서는 시바리스인들이 공동 이주자들에게 내분을 일으켰다(그 땅이 자신들의 것이라며 과도한 몫을 요구했기 때문에 쫓겨났다).
καὶ Βυζαντίοις οἱ ἔποικοι ἐπιβουλεύοντες φωραθέντες ἐξέπεσον διὰ μάχης·
또한 비잔티온에서는 새로운 이주자들이 음모를 꾸미다 들통나서 전투 끝에 쫓겨났다.
καὶ Ἀντισσαῖοι τοὺς Χίων φυγάδας εἰσδεξάμενοι διὰ μάχης ἐξέβαλον·
또한 안티사 사람들은 키오스섬의 망명객들을 받아들였으나 전투 끝에 그들을 내쫓았다.
Ζαγκλαῖοι δὲ Σαμίους ὑποδεξάμενοι ἐξέπεσον αὐτοί·
반면에 잔클레인들은 사모스인들을 받아들였다가 자신들이 쫓겨났다.
καὶ Ἀπολλωνιᾶται οἱ ἐν τῷ Εὐξείνῳ πόντῳ ἐποίκους ἐπαγαγόμενοι ἐστασίασαν·
또한 흑해의 아폴로니아인들은 새로운 이주자들을 끌어들인 뒤 내분을 일으켰다.
§5.1303bκαὶ Συρακούσιοι μετὰ τὰ τυραννικὰ τοὺς ξένους καὶ τοὺς μισθοφόρους πολίτας ποιησάμενοι ἐστασίασαν καὶ εἰς μάχην ἦλθον·
또한 시라쿠사 사람들은 참주정 시대 이후에 외국인들과 용병들을 시민으로 삼았으나, 내분을 일으켜 전투에 이르렀다.
καὶ Ἀμφιπολῖται δεξάμενοι Χαλκιδέων ἐποίκους ἐξέπεσον ὑπὸ τούτων οἱ πλεῖστοι αὐτῶν.
또한 암피폴리스 사람들은 칼키스인들의 새로운 이주자들을 받아들였으나, 이들에 의해 대부분이 쫓겨났다.
στασιάζουσι δʼ ἐν μὲν ταῖς ὀλιγαρχίαις οἱ πολλοὶ ὡς ἀδικούμενοι, ὅτι οὐ μετέχουσι τῶν ἴσων, καθάπερ εἴρηται πρότερον, ἴσοι ὄντες, ἐν δὲ ταῖς δημοκρατίαις οἱ γνώριμοι, ὅτι μετέχουσι τῶν ἴσων οὐκ ἴσοι ὄντες.
그런데 내분에 있어서, 과두정에서는 다수가 부당한 대우를 받는다며 내분을 일으킨다. 그들은 대등함에도 대등한 권리를 나누어 받지 못하기 때문이니, 이는 전에 말한 바와 같다. 반면에 민중정에서는 명사들이 내분을 일으키니, 그들은 대등하지 않음에도 대등한 권리를 나누어 받기 때문이다.
στασιάζουσι δὲ ἐνίοτε αἱ πόλεις καὶ διὰ τοὺς τόπους, ὅταν μὴ εὐφυῶς ἔχῃ ἡ χώρα πρὸς τὸ μίαν εἶναι πόλιν, οἷον ἐν Κλαζομεναῖς οἱ ἐπὶ Χύτρῳ πρὸς τοὺς ἐν νήσῳ, καὶ Κολοφώνιοι καὶ Νοτιεῖς·
또한 때로는 도시 국가들이 지리적 요인 때문에도 내분을 일으키니, 그 땅이 하나의 도시 국가가 되기에 적합하게 배치되어 있지 않을 때 그러하다. 예컨대 클라조메나이에서 키트로스에 사는 자들이 섬에 사는 자들에 대항하여 내분을 일으킨 것처럼, 그리고 콜로폰인들과 노티온인들도 그러했다.
καὶ Ἀθήνησιν οὐχ ὁμοίως εἰσὶν ἀλλὰ μᾶλλον δημοτικοὶ οἱ τὸν Πειραιᾶ οἰκοῦντες τῶν τὸ ἄστυ.
또한 아테네에서도 마찬가지가 아니라, 페이라이에우스에 거주하는 자들이 시가지에 사는 자들보다 더 민중파이다.
ὥσπερ γὰρ ἐν τοῖς πολέμοις αἱ διαβάσεις τῶν ὀχετῶν, καὶ τῶν πάνυ σμικρῶν, διασπῶσι τὰς φάλαγγας, οὕτως ἔοικε πᾶσα διαφορὰ ποιεῖν διάστασιν.
전쟁에서 해자를 건너는 것이 비록 아주 작은 것일지라도 방진을 분열시키는 것과 마찬가지로, 이와 같이 모든 차이가 분열을 만들어내는 것처럼 보이기 때문이다.
μεγίστη μὲν οὖν ἴσως διάστασις ἀρετὴ καὶ μοχθηρία, εἶτα πλοῦτος καὶ πενία, καὶ οὕτως δὴ ἑτέρα ἑτέρας μᾶλλον, ὧν μία καὶ ἡ εἰρημένη ἐστί.
그러므로 아마도 가장 큰 분열은 덕과 악徳 사이의 분열이고, 그다음은 부와 빈곤이며, 이와 같이 확실히 한쪽이 다른 쪽보다 더 크며, 이것들 중 하나가 바로 언급된 것이다.
Γίγνονται μὲν οὖν αἱ στάσεις οὐ περὶ μικρῶν ἀλλʼ ἐκ μικρῶν, στασιάζουσι δὲ περὶ μεγάλων.
그러므로 내분은 작은 일을 둘러싸고 일어나는 것이 아니라 작은 일에서 일어나지만, 사람들이 내분을 벌이는 것은 큰 일을 두고서이다.
μάλιστα δὲ καὶ αἱ μικραὶ ἰσχύουσιν, ὅταν ἐν τοῖς κυρίοις γένωνται, οἷον συνέβη καὶ ἐν Συρακούσαις ἐν τοῖς ἀρχαίοις χρόνοις.
특히 작은 대립도 그것이 지배권을 가진 자들 사이에서 일어날 때 강력한 힘을 발휘하니, 예컨대 고대 시라쿠사에서 일어난 일과 같다.
μετέβαλε γὰρ ἡ πολιτεία ἐκ δύο νεανίσκων στασιασάντων τῶν ἐν ταῖς ἀρχαῖς ὄντων, περὶ ἐρωτικὴν αἰτίαν.
정체가 변화한 것은 관직에 있던 두 젊은이가 연애 문제로 내분을 일으켰기 때문이다.
θατέρου γὰρ ἀποδημοῦντος ἅτερος ὤν τὸν ἐρώμενον αὐτοῦ ὑπεποιήσατο, πάλιν δʼ ἐκεῖνος τούτῳ χαλεπήνας τὴν γυναῖκα αὐτοῦ ἀνέπεισεν ὡς αὑτὸν ἐλθεῖν·
한 젊은이가 외지에 가 있는 동안 다른 젊은이가 그의 애인을 유혹하여 자기 사람으로 만들었고, 다시 그 젊은이는 이에 분노하여 그의 아내를 설득해 자기에게 오게 했다.
ὅθεν προσλαμβάνοντες τοὺς ἐν τῷ πολιτεύματι διεστασίασαν πάντας.
이로부터 그들은 정체 안의 사람들을 각각 자기편으로 끌어들여 전원을 내분에 빠뜨렸다.
διόπερ ἀρχομένων εὐλαβεῖσθαι δεῖ τῶν τοιούτων, καὶ διαλύειν τὰς τῶν ἡγεμόνων καὶ δυναμένων στάσεις·
그러므로 이러한 일들이 시작될 때 경계해야 하며, 지도자들과 유력자들의 대립을 해소해야 한다.
ἐν ἀρχῇ γὰρ γίνεται τὸ ἁμάρτημα, ἡ δʼ ἀρχὴ λέγεται ἥμισυ εἶναι παντός, ὥστε καὶ τὸ ἐν αὐτῇ μικρὸν ἁμάρτημα ἀνάλογόν ἐστι πρὸς τὰ ἐν τοῖς ἄλλοις μέρεσιν.
과오는 처음에 생겨나고, '시작은 전체의 절반'이라고 일컬어지기 때문이다. 따라서 그 시작에서의 작은 잘못은 다른 부분에서의 잘못들에 비해 비례적으로 큰 영향을 미친다.
ὅλως δὲ αἱ τῶν γνωρίμων στάσεις συναπολαύειν ποιοῦσι καὶ τὴν ὅλην πόλιν, οἷον ἐν Ἑστιαίᾳ συνέβη μετὰ τὰ Μηδικά, δύο ἀδελφῶν περὶ τῆς πατρῴας νομῆς διενεχθέντων·
요컨대 명사들의 내분은 도시 국가 전체가 그 결과를 함께 겪게 만드니, 예컨대 페르시아 전쟁 이후 헤스티아이에아에서 두 형제가 아버지가 남긴 유산의 분할을 두고 다툰 일과 같다.
ὁ μὲν γὰρ ἀπορώτερος, ὡς οὐκ ἀποφαίνοντος τὴν οὐσίαν οὐδὲ τὸν θησαυρὸν ὃν εὗρεν ὁ πατήρ, προσηγάγετο τοὺς δημοτικούς, ὁ δʼ ἕτερος ἔχων οὐσίαν πολλὴν τοὺς εὐπόρους.
더 가난한 형제는 아버지가 발견한 재산과 보물을 다른 형제가 공개하지 않는다며 민중파를 자기편으로 끌어들였고, 다른 형제는 많은 재산을 가지고 있어 부유층을 자기편으로 끌어들였다.
καὶ ἐν Δελφοῖς ἐκ κηδείας γενομένης διαφορᾶς ἀρχὴ πασῶν ἐγένετο τῶν στάσεων τῶν ὕστερον·
또한 델포이에서는 혼사에서 비롯된 갈등이 그 뒤에 일어난 모든 내분의 시작이 되었다.