§2.1264bἀλλὰ μὴν εἴ γε τὰς μὲν γυναῖκας ποιήσει κοινὰς τὰς δὲ κτήσεις ἰδίας, τίς οἰκονομήσει ὥσπερ τὰ ἐπὶ τῶν ἀγρῶν οἱ ἄνδρες αὐτῶν—κἂν εἰ κοιναὶ αἱ κτήσεις καὶ αἱ τῶν γεωργῶν γυναῖκες;
그러나 만일 아내들은 공유로 하고 재산은 사유로 한다면, 남편들이 밭일을 관리하는 것처럼 누가 집안일을 관리하겠는가? 그리고 설령 재산도 농부들의 아내들도 모두 공유라 할지라도 그러할 것인가?
ἄτοπον δὲ καὶ τὸ ἐκ τῶν θηρίων ποιεῖσθαι τὴν παραβολήν, ὅτι δεῖ τὰ αὐτὰ ἐπιτηδεύειν τὰς γυναῖκας τοῖς ἀνδράσιν, οἷς οἰκονομίας οὐδὲν μέτεστιν.
또한 야수들로부터 비유를 이끌어내어, 아내들도 남편들과 같은 활동에 종사해야 한다고 주장하는 것도 터무니없다. 그 동물들에게는 집안일 관리가 전혀 관계없기 때문이다.
ἐπισφαλὲς δὲ καὶ τοὺς ἄρχοντας ὡς καθίστησιν ὁ Σωκράτης.
또한 소크라테스가 통치자들을 임명하는 방식도 위험하다.
ἀεὶ γὰρ ποιεῖ τοὺς αὐτοὺς ἄρχοντας·
왜냐하면 그는 항상 같은 사람들을 통치자로 만들기 때문이다.
τοῦτο δὲ στάσεως αἴτιον γίνεται καὶ παρὰ τοῖς μηδὲν ἀξίωμα κεκτημένοις, ἦ που δῆθεν παρά γε θυμοειδέσι καὶ πολεμικοῖς ἀνδράσιν.
이것은 아무런 지위도 갖지 못한 사람들 사이에서조차 내분의 원인이 되는데, 하물며 기개가 있고 호전적인 남자들 사이에서는 오죽하겠는가.
ὅτι δʼ ἀναγκαῖον αὐτῷ ποιεῖν τοὺς αὐτοὺς ἄρχοντας, φανερόν·
그리고 그가 동일한 사람들을 통치자로 만들 수밖에 없음은 명백하다.
οὐ γὰρ ὁτὲ μὲν ἄλλοις ὁτὲ δὲ ἄλλοις μέμεικται ταῖς ψυχαῖς ὁ παρὰ τοῦ θεοῦ χρυσός, ἀλλʼ ἀεὶ τοῖς αὐτοῖς.
왜냐하면 신이 내린 황금이 어떤 때에는 이 사람들의 영혼에, 다른 때에는 저 사람들의 영혼에 섞이는 것이 아니라, 항상 동일한 사람들에게 섞여 있기 때문이다.
φησὶ δὲ τοῖς μὲν εὐθὺς γινομένοις μεῖξαι χρυσόν, τοῖς δʼ ἄργυρον, χαλκὸν δὲ καὶ σίδηρον τοῖς τεχνίταις μέλλουσιν ἔσεσθαι καὶ γεωργοῖς.
그는 태어나자마자 어떤 이들에게는 황금을 섞고, 어떤 이들에게는 은을 섞었으며, 구리와 철을 장차 장인과 농부가 될 사람들에게 섞었다고 말한다.
ἔτι δὲ καὶ τὴν εὐδαιμονίαν ἀφαιρούμενος τῶν φυλάκων, ὅλην φησὶ δεῖν εὐδαίμονα ποιεῖν τὴν πόλιν τὸν νομοθέτην.
게다가 그는 수호자들로부터 행복을 박탈하면서도, 입법자는 국가 전체를 행복하게 만들어야 한다고 주장한다.
ἀδύνατον δὲ εὐδαιμονεῖν ὅλην, μὴ τῶν πλείστων ἢ μὴ πάντων μερῶν ἢ τινῶν ἐχόντων τὴν εὐδαιμονίαν.
그러나 국가의 대부분이나 전부, 혹은 적어도 일부 부분들이 행복을 누리지 못한다면, 국가 전체가 행복해지는 것은 불가능하다.
οὐ γὰρ τῶν αὐτῶν τὸ εὐδαιμονεῖν ὧνπερ τὸ ἄρτιον·
왜냐하면 행복하다는 것은 짝수라는 것과 같은 종류의 성질이 아니기 때문이다.
τοῦτο μὲν γὰρ ἐνδέχεται τῷ ὅλῳ ὑπάρχειν, τῶν δὲ μερῶν μηδετέρῳ, τὸ δὲ εὐδαιμονεῖν ἀδύνατον.
짝수라는 성질은 전체에는 속하면서도 부분의 어느 쪽에도 속하지 않는 것이 가능하지만, 행복하다는 것은 그것이 불가능하기 때문이다.
ἀλλὰ μὴν εἰ οἱ φύλακες μὴ εὐδαίμονες, τίνες ἕτεροι;
그러나 참으로 수호자들이 행복하지 않다면, 다른 누가 행복하겠는가?
οὐ γὰρ δὴ οἵ γε τεχνῖται καὶ τὸ πλῆθος τὸ τῶν βαναύσων.
결코 장인들이나 비천한 노동에 종사하는 대중은 아닐 것이기 때문이다.
ἡ μὲν οὖν πολιτεία περὶ ἧς ὁ Σωκράτης εἴρηκεν ταύτας τε τὰς ἀπορίας ἔχει καὶ τούτων οὐκ ἐλάττους ἑτέρας.
그러므로 소크라테스가 말한 국가는 이러한 난점들을 안고 있으며, 이것들에 못지않게 큰 다른 난점들도 안고 있다.
σχεδὸν δὲ παραπλησίως καὶ τὰ περὶ τοὺς Νόμους ἔχει τοὺς ὕστερον γραφέντας, διὸ καὶ περὶ τῆς ἐνταῦθα πολιτείας ἐπισκέψασθαι μικρὰ βέλτιον.
그리고 나중에 저술된 『법률』에 관한 사정도 거의 이와 유사하며, 그렇기 때문에 그곳에서 다루어진 국가 체제에 대해서도 조금 검토해보는 것이 더 좋겠다.
καὶ γὰρ ἐν τῇ Πολιτείᾳ περὶ ὀλίγων πάμπαν διώρικεν ὁ Σωκράτης, περί τε γυναικῶν καὶ τέκνων κοινωνίας, πῶς ἔχειν δεῖ, καὶ περὶ κτήσεως, καὶ τῆς πολιτείας τὴν τάξιν (διαιρεῖται γὰρ εἰς δύο μέρη τὸ πλῆθος τῶν οἰκούντων, τὸ μὲν εἰς τοὺς γεωργούς, τὸ δὲ εἰς τὸ προπολεμοῦν μέρος·
왜냐하면 『국가』에서 소크라테스가 규정한 것은 지극히 적은 일들, 즉 아내와 자식의 공유가 어떻게 이루어져야 하는지, 재산에 대해서, 그리고 국가 체제의 질서에 관한 것뿐이기 때문이다(왜냐하면 거주자들의 대중은 두 부분으로 나뉘는데, 한 부분은 농부들이고 다른 한 부분은 전방에서 싸우는 군인들이며, 세 번째로는 이들 중에서 나와 심의하고 국가의 주권을 쥐는 부분이기 때문이다).
τρίτον δʼ ἐκ τούτων τὸ βουλευόμενον καὶ κύριον τῆς πόλεως), περὶ δὲ τῶν γεωργῶν καὶ τῶν τεχνιτῶν, πότερον οὐδεμιᾶς μεθέξουσιν ἤ τινος ἀρχῆς, καὶ πότερον ὅπλα δεῖ κεκτῆσθαι καὶ τούτους καὶ συμπολεμεῖν ἢ μή, περὶ τούτων οὐδὲν διώρικεν ὁ Σωκράτης, ἀλλὰ τὰς μὲν γυναῖκας οἴεται δεῖν συμπολεμεῖν καὶ παιδείας μετέχειν τῆς αὐτῆς τοῖς φύλαξιν, τὰ δʼ ἄλλα τοῖς ἔξωθεν πεπλήρωκε τὸν λόγον καὶ περὶ τῆς παιδείας, ποίαν τινὰ δεῖ γίνεσθαι τῶν φυλάκων.
그러나 농부들과 장인들에 관해서는, 그들이 아무런 관직에도 참여하지 못하는지 혹은 어떤 관직에라도 참여하는지, 그리고 이들 역시 무기를 소유하고 함께 전쟁에 참여해야 하는지 아닌지, 이러한 일들에 대해서 소크라테스는 아무것도 규정하지 않았다. 다만 아내들에 대해서는 함께 전쟁에 참여하고 수호자들과 동일한 교육에 참여해야 한다고 생각하지만, 다른 일들에 대해서는 외적인 사정이나, 수호자들의 교육이 어떠해야 하는지에 관한 논의로 그의 글을 채우고 있다.