§2.1263aλέγω δὲ τὰ περὶ τὴν κτῆσιν πότερον κἂν ᾖ ἐκεῖνα χωρίς, καθʼ ὃν νῦν τρόπον ἔχει πᾶσι, τάς γε κτήσεις κοινὰς εἶναι βέλτιον καὶ τὰς χρήσεις, οἷον τὰ μὲν γήπεδα χωρίς, τοὺς δὲ καρποὺς εἰς τὸ κοινὸν φέροντας ἀναλίσκειν (ὅπερ ἔνια ποιεῖ τῶν ἐθνῶν), ἢ τοὐναντίον τὴν μὲν γῆν κοινὴν εἶναι καὶ γεωργεῖν κοινῇ, τοὺς δὲ καρποὺς διαιρεῖσθαι πρὸς τὰς ἰδίας χρήσεις (λέγονται δέ τινες καὶ τοῦτον τὸν τρόπον κοινωνεῖν τῶν βαρβάρων), ἢ καὶ τὰ γήπεδα καὶ τοὺς καρποὺς κοινούς.
내가 재산에 관해 말하는 바는, 비록 그것들(아내와 자녀)이 지금 모든 사람에게 그러하듯이 따로 떨어져 있다 하더라도, 재산과 그 사용을 공유로 하는 것이 더 나은가 하는 점이다. 예컨대, 토지는 사유로 하되 수확물은 공동의 것으로 가져와서 소비하는 방식(일부 부족들이 행하는 바와 같이), 혹은 그 반대로 토지는 공유로 하여 공동으로 경작하되 수확물은 사적인 사용을 위해 분배하는 방식(이민족 중 일부가 이러한 방식으로 공동 관계를 맺고 있다고 전해진다), 혹은 토지와 수확물 모두를 공유로 하는 방식이 그러하다.
ἑτέρων μὲν οὖν ὄντων τῶν γεωργούντων ἄλλος ἂν εἴη τρόπος καὶ ῥᾴων, αὐτῶν δʼ αὑτοῖς διαπονούντων τὰ περὶ τὰς κτήσεις πλείους ἂν παρέχοι δυσκολίας.
그리하여 경작하는 자들이 (시민과 다른) 타자들일 경우에는 방식이 다르고 또한 더 쉬울 것이나, 그들이 직접 자신들을 위해 재산에 관한 일들을 고투하며 일한다면 더 많은 어려움을 야기할 것이다.
καὶ γὰρ ἐν ταῖς ἀπολαύσεσι καὶ ἐν τοῖς ἔργοις μὴ γινομένων ἴσων ἀλλʼ ἀνίσων ἀναγκαῖον ἐγκλήματα γίνεσθαι πρὸς τοὺς ἀπολαύοντας μὲν ἢ λαμβάνοντας πολλά, ὀλίγα δὲ πονοῦντας, τοῖς ἐλάττω μὲν λαμβάνουσι, πλείω δὲ πονοῦσιν.
왜냐하면 실제로 즐거움에서도 노동에서도 균등함이 일어나지 않고 불균등함이 일어날 때, 더 적게 받으면서 더 많이 노동하는 자들이, 많이 즐기거나 가져가면서 적게 노동하는 자들에 대해 불만을 품는 일이 필연적으로 발생하기 때문이다.
ὅλως δὲ τὸ συζῆν καὶ κοινωνεῖν τῶν ἀνθρωπικῶν πάντων χαλεπόν, καὶ μάλιστα τῶν τοιούτων.
대체로 모든 인간적인 일을 함께 살아가고 공유한다는 것은 어려운 일이며, 특히 이와 같은 일들에서는 더욱 그러하다.
δηλοῦσι δʼ αἱ τῶν συναποδήμων κοινωνίαι·
여행을 함께 하는 자들의 공동 관계가 이를 잘 보여준다.
σχεδὸν γὰρ οἱ πλεῖστοι διαφέρονται ἐκ τῶν ἐν ποσὶ καὶ ἐκ μικρῶν προσκρούοντες ἀλλήλοις.
왜냐하면 그들 대부분은 눈앞에 있는 일들과 사소한 일들로 인해 서로 의견이 갈리고 충돌하기 때문이다.
ἔτι δὲ τῶν θεραπόντων τούτοις μάλιστα προσκρούομεν οἷς πλεῖστα προσχρώμεθα πρὸς τὰς διακονίας τὰς ἐγκυκλίους.
또한 우리는 하인들 중에서도 일상적인 시중을 위해 가장 많이 부려먹는 자들과 가장 많이 충돌하게 된다.
τὸ μὲν οὖν κοινὰς εἶναι τὰς κτήσεις ταύτας τε καὶ ἄλλας τοιαύτας ἔχει δυσχερείας, ὃν δὲ νῦν τρόπον ἔχει καὶ ἐπικοσμηθὲν ἔθεσι καὶ τάξει νόμων ὀρθῶν, οὐ μικρὸν ἂν διενέγκαι.
따라서 재산이 공유라는 것은 이러한 어려움과 그 밖에 이와 유사한 어려움들을 안고 있다. 그러나 지금 있는 방식(사유제)에 관습과 올바른 법의 질서가 가미되어 다듬어진다면 적잖은 차이(더 뛰어남)를 낳을 것이다.
ἕξει γὰρ τὸ ἐξ ἀμφοτέρων ἀγαθόν·
왜냐하면 양자 모두에서 비롯되는 선을 갖게 될 것이기 때문이다.
λέγω δὲ τὸ ἐξ ἀμφοτέρων τὸ ἐκ τοῦ κοινὰς εἶναι τὰς κτήσεις καὶ τὸ ἐκ τοῦ ἰδίας.
양자 모두에서 비롯되는 선이란 재산이 공유인 것에서 오는 선과 사유인 것에서 오는 선을 말한다.
δεῖ γὰρ πὼς μὲν εἶναι κοινάς, ὅλως δʼ ἰδίας.
왜냐하면 재산은 어떤 면에서는 공유여야 하지만, 전체적으로는 사유여야 하기 때문이다.
αἱ μὲν γὰρ ἐπιμέλειαι διῃρημέναι τὰ ἐγκλήματα πρὸς ἀλλήλους οὐ ποιήσουσιν, μᾶλλον δʼ ἐπιδώσουσιν ὡς πρὸς ἴδιον ἑκάστου προσεδρεύοντος·
왜냐하면 관리(보살핌)가 분할되어 있으면 서로에 대한 불만이 생기지 않을 것이고, 각자가 자기 자신의 것에 전념함으로써 더욱 발전할 것이기 때문이다.
διʼ ἀρετὴν δʼ ἔσται πρὸς τὸ χρῆσθαι, κατὰ τὴν παροιμίαν, κοινὰ τὰ φίλων.
그리고 사용에 있어서는 덕으로 인해, 속담에 이르듯 "친구의 것은 공유"가 될 것이다.
ἔστι δὲ καὶ νῦν τὸν τρόπον τοῦτον ἐν ἐνίαις πόλεσιν οὕτως ὑπογεγραμμένον, ὡς οὐκ ὂν ἀδύνατον, καὶ μάλιστα ἐν ταῖς καλῶς οἰκουμέναις τὰ μὲν ἔστι τὰ δὲ γένοιτʼ ἄν·
지금도 일부 도시들에서는 이와 같은 방식이 불가능하지 않은 것으로 설계되어 있으며, 특히 훌륭하게 다스려지는 도시들에서는 어떤 것은 이미 존재하고 어떤 것은 실현될 수 있을 것이다.
ἰδίαν γὰρ ἕκαστος τὴν κτῆσιν ἔχων τὰ μὲν χρήσιμα ποιεῖ τοῖς φίλοις, τοῖς δὲ χρῆται κοινοῖς, οἷον καὶ ἐν Λακεδαίμονι τοῖς τε δούλοις χρῶνται τοῖς ἀλλήλων ὡς εἰπεῖν ἰδίοις, ἔτι δʼ ἵπποις καὶ κυσίν, κἂν δεηθῶσιν ἐφοδίων ἐν τοῖς ἀγροῖς κατὰ τὴν χώραν.
왜냐하면 각자가 재산을 사유로 소유하면서도 어떤 것은 친구들에게 유용하게 만들고, 어떤 것은 공유로 사용하기 때문이다. 예컨대 라케다이몬에서도 그들은 서로의 노예를 말하자면 자신들의 것처럼 사용하고, 나아가 말과 사냥개도 그러하며, 영토 내의 시골에서 여비(식량)가 필요할 때에도 그러하다.
φανερὸν τοίνυν ὅτι βέλτιον εἶναι μὲν ἰδίας τὰς κτήσεις, τῇ δὲ χρήσει ποιεῖν κοινάς·
그렇다면 재산은 사유로 하되 사용에 있어서 공유로 만드는 것이 더 나음이 분명하다.
ὅπως δὲ γίνωνται τοιοῦτοι, τοῦ νομοθέτου τοῦτʼ ἔργον ἴδιόν ἐστιν.
그러나 사람들이 그렇게 되도록 만드는 것은 입법자의 고유한 작업이다.
ἔτι δὲ καὶ πρὸς ἡδονὴν ἀμύθητον ὅσον διαφέρει τὸ νομίζειν ἴδιόν τι.
더욱이 무언가가 자기 자신의 것이라고 생각하는 것은 즐거움에 있어서도 이루 말할 수 없을 정도로 큰 차이를 낳는다.