§1.1Ἐπειθὴ τὸ εἰδέναι καὶ τὸ ἐπίστασθαι συμβαίνει περὶ πάσας τὰς μεθόδους, ὧν εἰσὶν ἀρχαὶ ἢ αἴτια ἢ στοιχεῖα, ἐκ τοῦ ταῦτα γνωρίζειν (τότε γὰρ οἰόμεθα γιγνώσκειν ἕκαστον, ὅταν τὰ αἴτια γνωρίσωμεν τὰ πρῶτα καὶ τὰς ἀρχὰς τὰς πρώτας καὶ μέχρι τῶν στοιχείων), δῆλον ὅτι καὶ τῆς περὶ φύσεως ἐπιστήμης πειρατέον διορίσασθαι πρῶτον τὰ περὶ τὰς ἀρχάς.
원리나 원인이나 원소가 있는 모든 탐구 방법에서, 앎과 이해는 이것들을 인식하는 것에서 비롯되므로(왜냐하면 우리는 각각의 것을 그것의 첫째가는 원인들과 첫째가는 원리들, 그리고 원소들에 이르기까지 인식했을 때에야 비로소 알고 있다고 생각하기 때문이다), 자연에 관한 학문에서도 먼저 원리들에 관한 것들을 규정하려고 시도해야 함이 분명하다.
πέφυκε δὲ ἐκ τῶν γνωριμωτέρων ἡμῖν ἡ ὁδὸς καὶ σαφεστέρων ἐπὶ τὰ σαφέστερα τῇ φύσει καὶ γνωριμώτερα·
우리에게 더 알려져 있고 더 분명한 것에서 출발하여 본성에 따라 더 분명하고 더 알려져 있는 것으로 나아가는 것이 본성적인 길이다.
οὐ γὰρ ταὐτὰ ἡμῖν τε γνώριμα καὶ ἁπλῶς.
왜냐하면 우리에게 알려져 있는 것과 절대적으로 알려져 있는 것이 동일하지는 않기 때문이다.
διόπερ ἀνάγκη τὸν τρόπον τοῦτον προάγειν ἐκ τῶν ἀσαφεστέρων μὲν τῇ φύσει ἡμῖν δὲ σαφεστέρων ἐπὶ τὰ σαφέστερα τῇ φύσει καὶ γνωριμώτερα.
그러므로 이 방식에 따라, 본성에 따라서는 덜 분명하지만 우리에게는 더 분명한 것에서 출발하여 본성에 따라 더 분명하고 더 알려져 있는 것으로 나아가는 것이 필연적이다.
ἔστι δʼ ἡμῖν τὸ πρῶτον δῆλα καὶ σαφῆ τὰ συγκεχυμένα μᾶλλον·
우리에게 처음에 명백하고 분명한 것은 오히려 혼합된 전체들이다.
ὕστερον δʼ ἐκ τούτων γίγνεται γνώριμα τὰ στοιχεῖα καὶ αἱ ἀρχαὶ διαιροῦσι ταῦτα, διὸ ἐκ τῶν καθόλου ἐπὶ τὰ καθʼ ἕκαστα δεῖ προϊέναι·
나중에 이것들을 분할함으로써, 이 혼합된 전체들로부터 원소들과 원리들이 알려지게 된다. 그러므로 보편적인 것에서 개별적인 것으로 나아가야 한다.
τὸ γὰρ ὅλον κατὰ τὴν αἴσθησιν γνωριμώτερον, τὸ δὲ καθόλου ὅλον τί ἐστι·
왜냐하면 감각에 따르면 전체가 더 잘 알려져 있으며, 보편적인 것도 일종의 전체이기 때문이다.
πολλὰ γὰρ περιλαμβάνει ὡς μέρη τὸ καθόλου.
실로 보편적인 것은 많은 것을 부분으로서 포함하고 있다.
πέπονθε δὲ ταὐτὸ τοῦτο τρόπον τινὰ καὶ τὰ ὀνόματα πρὸς τὸν λόγον·
어떤 면에서 이와 똑같은 일이 정의에 대한 이름의 관계에서도 일어난다.
ὅλον γάρ τι καὶ ἀδιορίστως σημαίνει, οἷον ὁ κύκλος, ὁ δὲ ὁρισμὸς αὐτοῦ διαιρεῖ εἰς τὰ καθʼ ἕκαστα.
왜냐하면 이름은 '원'처럼 어떤 전체를 무규정적으로 뜻하지만, 그것의 정의는 그것을 개별적인 부분들로 분할하기 때문이다.
καὶ τὰ παιδία τὸ μὲν πρῶτον προσαγορεύει πάντας τοὺς ἄνδρας πατέρας καὶ μητέρας τὰς γυναῖκας, ὕστερον δὲ διορίζει τούτων ἑκάτερον.
어린아이들도 처음에는 모든 남자를 아버지라 부르고 여자들을 어머니라 부르지만, 나중에는 이들 각각을 구별해 낸다.