§2.2.25Χαβρίας Ἀθηναῖος Ταῲ τῷ Αἰγυπτίων βασιλεῖ ἐκστρατεύοντι καὶ δεομένῳ χρημάτων συνεβούλευε τῶν τε ἱερῶν τινα καὶ τῶν ἱερέων τὸ πλῆθος φάναι πρὸς τοὺς ἱερεῖς δεῖν παραλυθῆναι διὰ τὴν δαπάνην.
아테네인 하브리아스는 에집트 왕 타오스가 원정을 준비하며 자금이 필요해졌을 때, 신관들에게 비용 문제 때문에 일부 신전과 대부분의 신관직을 정지해야 한다고 말하라고 권고했다.
ἀκούσαντες δὲ οἱ ἱερεῖς καὶ τὸ ἱερὸν παρʼ αὑτοῖς ἕκαστοι βουλόμενοι εἶναι, καὶ ἴδια αὐτοῖς οἱ ἱερεῖς ἐδίδοσαν χρήματα.
이를 들은 신관들은 각자 자신들의 신전이 존속하기를 바랐으므로, 신관들 자신이 개인 자금을 그에게 바쳤다.
ἐπεὶ δὲ παρὰ πάντων εἰλήφει, προστάξαι αὐτοῖς ἐκέλευσεν εἰς μὲν τὸ ἱερὸν καὶ εἰς αὑτὸν τῆς δαπάνης ἧς πρότερον ἐποιοῦντο τὸ δέκατον μέρος ποιεῖσθαι, τὰ δὲ λοιπὰ αὑτῷ δανεῖσαι, ἕως ὁ πόλεμος ὁ πρὸς βασιλέα διαλυθῇ.
그가 모든 사람으로부터 자금을 받아내자, 하브리아스는 왕에게, 이전에 지출하던 비용의 10분의 1만을 신전과 자신들을 위해 지출하도록 명령하고, 나머지는 왕과의 전쟁이 종결될 때까지 자신에게 대부하도록 하라고 권고했다.
ἀπʼ οἰκίας δὲ ἑκάστης κελεῦσαι ἅπαντας εἰσενέγκαι τάξαντα ὃ δεῖ, καὶ ἀπὸ τοῦ σώματος ὡσαύτως·
또한 모든 이들에게 각 가호로부터 책정된 적절한 금액을 납부하도록 명령하고, 인두세에 대해서도 마찬가지로 하라고 권고했다.
τοῦ σίτου τε πωλουμένου χωρὶς τῆς τιμῆς διδόναι τὸν πωλοῦντα καὶ ὠνούμενον ἀπὸ τῆς ἀρτάβης τὸν ὀβολόν· ἀπό τῶν πλοίων τε καὶ ἐργαστηρίων καὶ τῶν ἄλλην τινὰ ἐργασίαν εχόντων τῆς ἐργασίας μέρος τὸ δέκατον κελεῦσαι ἀποτελεῖν.
그리고 곡물이 판매될 때는 가격과 별도로 판매자와 구매자가 1알타베당 1오볼로스를 납부하도록 하고, 선박과 작업장 및 기타 다른 생업을 가진 자들로부터는 그 소득의 10분의 1을 내도록 명령하라고 권고했다.
ἐκστρατεύειν δʼ αὐτῷ μέλλοντι ἐκ τῆς χώρας, εἴ τίς τι ἔχει ἄσημον ἀργύριον ἢ χρυσίον, κελεῦσαι ἐνέγκαι πρὸς αὑτόν·
또한 왕이 국외로 원정을 떠나려 할 때, 누구든 각인이 소지한 날인되지 않은 은이나 금이 있다면 이를 왕에게 가져오도록 명령하라고 권고했다.
ἐνεγκάντων δὲ τῶν πλείστων, ἐκέλευσε τούτῳ μὲν ἐκεῖνον χρῆσθαι, τοὺς δὲ δανείσαντας συστῆσαι τοῖς νομάρχαις, ὥστʼ ἐκ τῶν φόρων αὐτοῖς ἀποδοῦναι.
대부분의 사람이 이를 가져오자, 그는 왕에게 이것을 사용하도록 하고, 대부해 준 사람들을 노마르케스(지방 장관)들에게 소개해 주어 세금 수입에서 그들에게 상환해 주도록 권고했다.
§2.2.26Ἰφικράτης Ἀθηναῖος, Κότυος συναγαγόντος στρατιώτας, ἐπόρισεν αὐτῷ χρήματα τρόπον τοιοῦτον.
아테네인 이피크라테스는 코티스가 병사들을 모집하고 있을 때 다음과 같은 방식으로 그에게 자금을 조달해 주었다.
ἐκέλευσε τῶν ἀνθρώπων ὧν ἦρχε προστάξαι κατασπεῖραι αὐτῷ γῆν τριῶν μεδίμνων·
그는 코티스에게 자신이 지배하는 백성들에게 그를 위해 3메딤노스 크기의 토지에 씨를 뿌리도록 명령하라고 권고했다.
τούτου δὲ πραχθέντος συνελέγη σίτου πολὺ πλῆθος.
이것이 실행되자 매우 많은 양의 곡물이 수확되었다.
καταγαγὼν οὖν ἐπὶ τὰ ἐμπόρια ἀπέδοτο, καὶ εὐπόρησε χρημάτων.
이에 코티스는 이를 교역지로 가져가 매각하여 충분한 자금을 마련했다.
§2.2.27Κότυς Θρᾷξ παρὰ Περινθίων ἐδανείζετο χρήματα εἰς τοὺς στρατιώτας συναγαγεῖν· οἱ δὲ Περίνθιοι οὐκ ἐδίδοσαν αὐτῷ.
트라키아인 코티스는 병사들을 모집하기 위해 페린토스인들에게 자금을 빌리려 했으나, 페린토스인들은 그에게 주지 않았다.
ἠξίωσεν οὖν αὐτοὺς ἄνδρας γε τῶν πολιτῶν φρουροὺς δοῦναι εἰς χωρία τινά, ἵνα τοῖς ἐκεῖ στρατιώταις νῦν φρουροῦσι σχῇ ἀποχρήσασθαι.
이에 그는 그들에게 시민들 중 일부를 몇몇 거점의 수비병으로 보내달라고 요구했다. 현재 그곳을 지키고 있는 병사들을 다른 용도로 사용할 수 있게 하기 위함이었다.
οἱ δὲ τοῦτο ταχέως ἐποίησαν, οἰόμενοι τῶν χωρίων κύριοι ἔσεσθαι.
그들은 자신들이 그 거점들의 지배자가 될 것이라 생각하여 신속히 이 요구를 들어주었다.
ὁ δὲ Κότυς τοὺς ἀποσταλέντας εἰς φυλακὴν ποιήσας τὰ χρήματα αὐτοὺς ἐκέλευσεν ἀποστείλαντας, ἃ ἐδανείζετο παρʼ αὐτῶν, κομίσασθαι.
그러나 코티스는 파견된 자들을 감금하고, 페린토스인들에게 자신이 그들에게서 빌리려 했던 자금을 송금하라고 명령하며, 그렇게 하면 이들을 돌려보내겠다고 했다.
§2.2.28Μέντωρ Ῥόδιος Ἑρμείαν συλλαβὼν καὶ τὰ χωρία αὐτοῦ κατασχὼν τοὺς ἐπιμελητὰς εἴασε κατὰ χώραν τοὺς ὑπὸ τοῦ Ἑρμείου καθεστηκότας.
로도스인 멘토르는 헤르메이아스를 붙잡고 그의 거점들을 점령했을 때, 헤르메이아스에 의해 임명되었던 관리인들을 그대로 자리에 머물게 했다.
ἐπεὶ δὲ ἐθάρρησάν τε ἅπαντες καί, εἴ τί ποτʼ ἦν αὐτοῖς ἀποκεκρυμμένον ἢ ὑπεκκείμενον, μεθʼ αὑτῶν εἶχον, συλλαβὼν αὐτοὺς πάντα παρείλετο ἃ εἶχον.
그들 모두가 안심하고 숨겨두었거나 다른 곳에 빼돌려 두었던 것들을 자기 곁에 도로 가져왔을 때, 멘토르는 그들을 붙잡아 그들이 가진 모든 것을 빼앗았다.
§2.2.29Μέμνων Ῥόδιος κυριεύσας Λαμψάκου δεηθεὶς χρημάτων ἐπέγραψε τοῖς πλουσιωτάτοις αὐτῶν πλῆθός τι ἀργυρίου, τούτοις δὲ τὴν κομιδὴν ἔσεσθαι παρὰ τῶν ἄλλων πολιτῶν ἔφησεν·
로도스인 멤논은 람프사코스를 장악한 뒤 자금이 부족해지자, 그들 중 가장 부유한 자들에게 일정 액수의 은을 부과하고, 이 금액은 다른 시민들로부터 상환받을 수 있을 것이라고 말했다.
ἐπεὶ δὲ οἱ ἄλλοι πολῖται εἰσήνεγκαν, ἐκέλευσε καὶ ταῦτα αὑτῷ δανεῖσαι ἐν χρόνῳ διειπάμενος ἐν ᾧ πάλιν αὐτοῖς ἀποδώσει.
그러나 다른 시민들이 세금을 납부하자, 그는 그 자금마저 자신에게 대부하도록 명령하며, 그들에게 다시 갚아줄 시기를 명확히 정해 주었다.
πάλιν τε δεηθεὶς χρημάτων ἠξίωσεν αὐτοὺς εἰσενέγκαι, κομίσασθαι δὲ ἐκ τῶν προσόδων·
그 후 다시 자금이 필요해지자 그는 그들에게 세금을 납부할 것을 요구하고 공공 수입에서 상환받도록 했다.
οἳ δʼ εἰσήνεγκαν ὡς διὰ ταχέων αὐτοῖς ἐσομένης τῆς κομιδῆς·
그들은 곧 상환받을 수 있으리라 생각하여 세금을 납부했다.
ἐπεὶ δὲ καὶ αἱ καταβολαὶ τῶν προσόδων παρῆσαν, ἔφησεν ἐπʼ αὐτῷ χρείαν εἶναι καὶ τούτων, ἐκείνοις δὲ ὕστερον ἀποδώσειν σὺν τόκῳ.
그러나 공공 수입의 납부 시기가 되자, 그는 자신에게 이 자금 역시 필요하다고 말하며 그들에게 나중에 이자를 합쳐 상환하겠다고 말했다.
τῶν τε στρατευομένων παρʼ αὐτῷ παρῃρεῖτο τὰς σιταρχίας καὶ τοὺς μισθοὺς ἓξ ἡμερῶν τὸν ἐνιαυτόν, φάσκων ταύταις ταῖς ἡμέραις οὔτε φυλακὴν αὐτοῖς οὐδεμίαν οὔτε πορείαν οὔτε δαπάνην ποιεῖσθαι, τὰς ἐξαιρεσίμους λέγων.
또한 자신 밑에서 복무하는 군인들로부터 일 년 중 6일 분의 식량 수당과 급료를 삭감했는데, 이 날들에는 그들이 초소 근무도 행군도 하지 않았고 어떤 비용도 지출되지 않았다고 주장하면서 이 날들을 제외일이라 불렀다.
τόν τε πρὸ τοῦ χρόνον διδοὺς τοῖς στρατιώταις τῇ δευτέρᾳ τῆς νουμηνίας τὴν σιταρχίαν, τῷ μὲν πρώτῳ μηνὶ παρέβη τρεῖς ἡμέρας, τῷ δʼ ἐχομένῳ πέντε.
또한 이전에는 신월 둘째 날에 병사들에게 식량 수당을 지급했으나, 첫째 달에는 사흘을 지체했고 다음 달에는 닷새를 지체했다.
τοῦτον δὲ τὸν τρόπον προῆγεν, ἕως εἰς τὴν τριακάδα ἦλθεν.
그는 이런 방식으로 계속 지체해 나가 마침내 서른째 날에 이르게 될 때까지 그렇게 했다.
§2.2.30Χαρίδημος Ὠρείτης ἔχων τῆς Αἰολίδος τινὰ χωρία, ἐπιστρατεύοντος ἐπʼ αὐτὸν Ἀρταβάζου χρημάτων ἐδεῖτο εἰς τοὺς στρατιώτας.
오레오스인 카리데모스는 아이올리스의 몇몇 거점들을 지배하고 있었는데, 아르타바조스가 그를 향해 진군해 오자 병사들을 위해 자금이 필요했다.
τὸ μὲν οὖν πρῶτον εἰσέφερον αὐτῷ, εἶτα οὐκέτι ἔφασαν ἔχειν·
이에 처음에는 주민들이 그에게 세금을 납부했으나, 그 후에는 더 이상 가진 것이 없다고 말했다.
ὁ δὲ Χαρίδημος, ὃ ᾤετο χωρίον εὐπορώτατον εἶναι, ἐκέλευσεν εἴ τι νόμισμα ἔχουσιν ἤ τι ἄλλο σκεῦος ἀξιόλογον, εἰς ἕτερον χωρίον ἀποστέλλειν, παραπομπὴν δὲ δώσειν·
그러자 카리데모스는 자신이 가장 부유하다고 생각한 거점의 주민들에게 만약 그들이 화폐나 다른 가치 있는 가재도구를 가지고 있다면 이를 다른 거점으로 보내라고 명령하며 호위대를 제공하겠다고 했다.
ἅμα δὲ καὶ αὐτὸς τοῦτο ποιῶν φανερὸς ἦν.
동시에 그 자신도 그렇게 하고 있는 모습을 대놓고 보여주었다.
πεισθέντων δὲ τῶν ἀνθρώπων, προαγαγὼν αὐτοὺς τῆς πόλεως μικρὸν καὶ ἐρευνήσας ἃ εἶχον, ἔλαβεν ὅσων ἐδεῖτο, ἐκείνους δὲ πάλιν εἰς τὸ χωρίον ἀπῆγεν.
사람들이 이에 설득되자, 그는 그들을 성 밖으로 조금 인도해 낸 뒤 그들이 가진 것들을 수색하여 자신이 필요한 만큼 취하고, 그들을 다시 거점으로 돌려보냈다.
κήρυγμά τε ποιησάμενος ἐν ταῖς πόλεσιν, ὧν ἦρχε, μηδένα μηδὲν ὅπλον κεκτῆσθαι ἐν τῇ οἰκίᾳ, εἰ δὲ μή, ἀποτείσειν ἀργύριον ὃ ἐπεκήρυξεν, ἠμέλει καὶ οὐδεμίαν ἐπιστροφὴν ἐποιεῖτο.
또한 그는 자신이 지배하는 도시들에 아무도 집에 무기를 소지해서는 안 되며, 그렇지 않으면 그가 공표한 액수의 은을 벌금으로 내야 한다는 포고를 내렸으나, 그 후에는 이를 방치하고 아무런 단속도 하지 않았다.
τῶν δὲ ἀνθρώπων οἰομένων τὸ κήρυγμα μάτην αὐτὸν πεποιῆσθαι, εἶχον ἃ ἔτυχον ἕκαστοι κεκτημένοι κατὰ χώραν. ὁ δʼ ἔρευναν ἐξαίφνης ποιησάμενος τῶν οἰκιῶν, παρʼ οἷς εὗρεν ὅπλον τι, ἐπράττετο τὸ ἐπιτίμιον.
사람들이 그가 헛되이 포고를 내린 것이라 생각하고 각자 우연히 소지하게 된 무기들을 그대로 가지고 있자, 그는 갑작스럽게 가옥들을 수색하여 무기가 발견된 자들로부터 벌금을 징수했다.