§3.4#2νῦν δ᾿ ὅλα μὲν οὐ γίγνεται τοιαύτην ἔχοντα τὴν ἔμφασιν, οὐδὲ κύκλῳ, μικρὰ δὲ καὶ κατὰ μόριον, αἳ καλοῦνται ῥάβδοι, ἐπεὶ εἰ συνίστατο τοιαύτη ἀχλὺς οἵα γένοιτ᾿ ἂν ὕδατος ἢ τινος ἄλλου μέλανος, καθάπερ λέγομεν, ἐφαίνετο ἂν ἡ ἶρις ὅλη, ὥσπερ ἡ περὶ τοὺς λύχνους.
그러나 이제는 그러한 나타남을 지닌 전체가 생기지 않고, 원으로도 생기지 않으며, "광봉"이라 불리는 작고 부분적인 것들만 생긴다. 왜냐하면 우리가 말하는 것처럼, 물이나 다른 어두운 것으로부터 생길 만한 그러한 안개가 응결된다면, 등잔 주변에 생기는 것처럼 무지개가 전체로 나타날 것이기 때문이다.
περὶ γὰρ τούτους τὰ πλεῖστα νοτίων ὄντων ἶρις γίγνεται τοῦ χειμῶνος, μάλιστα δὲ δήλη γίγνεται τοῖς ὑγροὺς ἔχουσι τοὺς ὀφθαλμούς·
왜냐하면 이 등잔들 주변에는 겨울에 남풍이 불 때 무지개가 가장 많이 생기며, 특히 눈이 축축한 사람들에게 가장 뚜렷하게 보이기 때문이다.
τούτων γὰρ ἡ ὄψις ταχὺ δι᾿ ἀσθένειαν ἀνακλᾶται.
왜냐하면 그들의 시선은 약함으로 인해 빠르게 반사되기 때문이다.
γίγνεται δ᾿ ἀπὸ τε τῆς τοῦ ἀέρος ὑγρότητος καὶ ἀπὸ λιγνύος τῆς ἀπὸ τῆς φλογὸς ἀπορρεούσης καὶ μειγνυμένης·
그리고 그것은 공기의 습기로부터도 생기고, 불꽃으로부터 흘러나와 섞이는 그을음으로부터도 생긴다.
τότε γὰρ γίγνεται ἔνοπτρον, καὶ διὰ τὴν μελανίαν· καπνώδης γὰρ ἡ λιγνύς·
왜냐하면 그때 그것은 거울이 되는데, 그것은 또한 그 검음 때문이기도 하다(그을음은 연기와 같기 때문이다).
τὸ δὲ τοῦ λύχνου φῶς οὐ λευκὸν ἀλλὰ πορφυροῦν φαίνεται κύκλῳ καὶ ἰριῶδες, φοινικοῦν δ᾿ οὔ·
그러나 등잔의 빛은 하얗게 보이지 않고 주변에 원을 그리며 무지개 빛깔의 자색으로 보이고, 심홍색으로는 보이지 않는다.
ἔστι γὰρ ἥ τε ὄψις ὀλίγη ἡ ἀνακλωμένη, καὶ μέλαν τὸ ἔνοπτρον.
왜냐하면 반사되는 시선도 적고 거울도 어둡기 때문이다.
ἡ δ᾿ ἀπὸ τῶν κωπῶν τῶν ἀναφερομένων ἐκ τῆς θαλάττης ἶρις τῇ μὲν θέσει τὸν αὐτὸν γίγνεται τρόπον τῇ ἐν τῷ οὐρανῷ, τὸ δὲ χρῶμα ὁμοιοτέρα τῇ περὶ τοὺς λύχνους·
반면에 바다에서 들어 올려지는 노들로부터 생기는 무지개는 위치상으로는 하늘에 있는 무지개와 같은 방식으로 발생하지만, 색깔상으로는 등잔 주변의 무지개에 더 가깝다.
οὐ γὰρ φοινικῆν ἀλλὰ πορφυρᾶν ἔχουσα φαίνεται τὴν χρόαν.
왜냐하면 그것은 심홍색이 아니라 자색의 빛깔을 띠는 것으로 보이기 때문이다.
ἡ δ᾿ ἀνάκλασις ἀπὸ τῶν μικροτάτων μὲν συνεχῶν δὲ γίγνεται ῥανίδων·
그리고 그 반사는 매우 작지만 연속적인 빗방울들로부터 일어난다.
αὗται δʼ ὕδωρ ἀποκεκριμένον εἰσὶν ἤδη παντελῶς.
이것들은 이미 완전히 분리된 물이다.
γίγνεται δὲ κἄν τις λεπταῖς ῥαίνῃ ῥανίσιν εἴς τι τοιοῦτον χωρίον ὃ τὴν θέσιν πρὸς τὸν ἥλιον ἐστραμμένον ἐστὶ καὶ τῇ μὲν ὁ ἥλιος ἀνέχῃ τῇ δὲ σκιάζῃ·
또한 만약 누군가 그 위치가 태양을 향해 있고 한편으로는 태양이 비추고 다른 한편으로는 그늘이 지는 그러한 장소에 미세한 물방울들을 뿌린다면, 무지개가 생긴다.
ἐν τῷ τοιούτῳ γάρ, ἐὰν εἴσω τις ῥαίνῃ, τῷ ἑστῶτι ἐκτός, ᾗ ἐπαλλάττουσιν αἱ ἀκτῖνες καὶ ποιοῦσι τὴν σκιάν, φαίνεται ἶρις.
왜냐하면 그러한 장소에서 누군가 안쪽으로 물을 뿌릴 때, 바깥쪽에 서 있는 사람에게는 광선들이 교차하여 그늘을 만드는 지점에 무지개가 보이기 때문이다.
ὁ δὲ τρόπος καὶ ἡ χρόα ὁμοία καὶ τὸ αἴτιον τὸ αὐτὸ τῇ ἀπὸ τῶν κωπῶν·
그리고 그 방식과 색깔은 비슷하며, 원인도 노로부터 생기는 것과 같다.
τῇ γὰρ χειρὶ κώπῃ χρῆται ὁ ῥαίνων.
왜냐하면 물을 뿌리는 사람은 손을 노처럼 사용하기 때문이다.
ὅτι δὲ τὸ χρῶμα τοιοῦτον, ἅμα δῆλον ἔσται καὶ περὶ τῶν ἄλλων χρωμάτων τῆς φαντασίας, ἐκ τῶνδε, δεῖ γὰρ νοήσαντας, ὥσπερ εἴρηται, καὶ ὑποθεμένους πρῶτον μὲν ὅτι τὸ λαμπρὸν ἐν τῷ μέλανι ἢ διὰ τοῦ μέλανος χρῶμα ποιεῖ φοινικοῦν, δεύτερον δ᾿ ὅτι ἡ ὄψις ἐκτεινομένη ἀσθενεστέρα γίγνεται καὶ ἐλάττων, τρίτον δ᾿ ὅτι τὸ μέλαν οἷον ἀπόφασίς ἐστιν· τῷ γὰρ ἐκλείπειν τὴν ἴψιν φαίνεται μέλαν· διὸ τὰ πόρρω πάντα μελάντερα φαίνεται, διὰ τὸ μὴ διικνεῖσθαι τὴν ὄψιν.
그리고 왜 색깔이 그러한지는, 다른 색들의 나타남에 대해서도 동시에 다음의 일들로부터 분명해질 것이다. 왜냐하면 우리는 이미 말했듯이 다음을 이해하고 가정해야 하기 때문이다. 첫째, 밝은 것이 어두운 것 속에서나 어두운 것을 통해서 심홍색을 만든다는 것, 둘째, 시선은 뻗어나갈 때 더 약해지고 더 작아진다는 것, 셋째, 어둠은 일종의 부정(부재)과 같다는 것(왜냐하면 시선이 미치지 못함으로 인해 어둡게 보이며, 그렇기 때문에 멀리 있는 모든 것은 시선이 닿지 않기 때문에 더 어둡게 보이기 때문이다).
θεωρείσθω μὲν οὖν ταῦτ᾿ ἐκ τῶν περὶ τὰς αἰσθήσεις συμβαινόντων·
그러므로 이것들은 감각들에 관해 일어나는 일들로부터 고찰되어야 한다.
ἐκείνων γὰρ ἴδιοι οἱ περὶ τούτων λόγοι·
왜냐하면 이것들에 관한 논의는 그것들의 고유한 영역에 속하기 때문이다.
νῦν δ᾿ ὅσον ἀνάγκη, τοσοῦτον περὶ αὐτῶν λέγωμεν.
하지만 지금은 필요한 만큼만 그것들에 대해 말하도록 하자.
φαίνεται δ᾿ οὖν διὰ ταύτην τὴν αἰτίαν τά τε πόρρω μελάντερα καὶ ἐλάττω καὶ λειότερα, καὶ τὰ ἐν τοῖς ἐνόπτροις, καὶ τὰ νέφη μελάντερα βλέπουσιν εἰς τὸ ὕδωρ ἢ εἰς αὐτὰ τὰ νέφη.
어쨌든 이 원인 때문에 멀리 있는 것들은 더 어둡고 더 작고 더 매끄럽게 보이며, 거울 속의 것들도 그러하고, 구름 자체를 바라볼 때보다 물속을 바라볼 때 구름이 더 어둡게 보인다.
καὶ τοῦτο πάνυ ἐπιδήλως·
그리고 이 점은 아주 명백하다.
διὰ γὰρ τὴν ἀνάκλασιν ὀλίγῃ τῇ ὄψει θεωροῦνται.
왜냐하면 반사로 인해 적은 시선으로 그것들이 관찰되기 때문이다.
διαφέρει δ᾿ οὐδὲν τὸ ὁρώμενον μεταβάλλειν ἢ τὴν ὄψιν·
그리고 보이는 대상이 변하는 것과 시선이 변하는 것 사이에는 아무런 차이가 없다.
ἀμφοτέρως γὰρ ἔσται ταὐτόν.
왜냐하면 두 가지 경우 모두 결과는 같을 것이기 때문이다.
πρὸς δὲ τούτοις δεῖ μὴ λεληθέναι καὶ τόδε·
이것들에 더하여 다음 사항도 간과되어서는 안 된다.
συμβαίνει γὰρ ὅταν ᾖ τοῦ ἡλίου νέφος πλησίον, εἰς μὲν αὐτὸ βλέποντι μηδὲν φαίνεσθαι κεχρωματισμένον ἀλλ᾿ εἶναι λευκόν, ἐν δὲ τῷ ὕδατι αὐτὸ τοῦτο θεωροῦντι χρῶμά τι ἔχειν τῆς ἴριδος.
즉, 태양 근처에 구름이 있을 때, 그것 자체를 바라보는 사람에게는 아무런 색깔도 띠지 않고 하얗게 보이지만, 물속에서 바로 이것을 관찰하는 사람에게는 무지개의 어떤 색을 띠는 것처럼 보이는 일이 일어난다는 점이다.
δῆλον τοίνυν ὅτι ἡ ὄψις ὥσπερ καὶ τὸ μέλαν κλωμένη δι᾿ ἀσθένειαν μελάντερον ποιεῖ φαίνεσθαι, καὶ τὸ λευκὸν ἧττον λευκόν, καὶ προσάγει πρὸς τὸ μέλαν.
따라서 시선이 반사될 때 그 약함으로 인해, 어두운 것과 마찬가지로 대상을 더 어둡게 보이게 만들고, 하얀 것을 덜 하얗게 보이게 만들며, 어두운 쪽으로 이끈다는 것은 분명하다.