§2.3#4τοῦτο γὰρ αἴτιον καὶ τοῦ βάρους (πλέον γὰρ ἕλκει τὸ ἁλμυρὸν ἢ τὸ πότιμον) καὶ τοῦ πάχους·
왜냐하면 이것이 무게의 원인이자(소금물이 단물보다 더 무겁게 내리누르기 때문이다) 밀도의 원인이기 때문이다.
καὶ γὰρ τὸ πάχος διαφέρει τοσοῦτον ὥστε τὰ πλοῖα ἀπὸ τοῦ αὐτοῦ τῶν ἀγωγίμων βάρους ἐν μὲν τοῖς ποταμοῖς ὀλίγου καταδύνειν, ἐν δὲ τῇ θαλάττῃ μετρίως ἔχειν καὶ πλευστικῶς·
실제로 그 밀도의 차이는 매우 커서, 같은 무게의 화물을 실은 배가 강에서는 거의 가라앉을 뻔하는 반면, 바다에서는 적당한 상태를 유지하여 항해하기에 좋게 된다.
διόπερ ἔνιοι τῶν ἐν τοῖς ποταμοῖς γεμιζόντων διὰ ταύτην τὴν ἄγνοιαν ἐζημιώθησαν.
그리하여 강에서 배에 짐을 싣는 이들 중 어떤 이들은 이러한 무지 때문에 손해를 보았다.
τεκμήριον δὲ τοῦ μειγνυμένου τὸ παχύτερον εἶναι τὸν ὄγκον·
그리고 혼합된 물질이 그 부피를 더 걸쭉하게 만든다는 증거는 다음과 같다.
ἐὰν γάρ τις ὕδωρ ἁλμυρὸν ποιήσῃ σφόδρα μείξας ἅλας, ἐπιπλέουσι τὰ ᾠά, κἂν ᾖ πλήρη·
만약 소금을 많이 섞어 물을 아주 짜게 만들면, 알은 꽉 차 있는 것이라도 물에 뜬다.
σχεδὸν γὰρ ὥσπερ πηλὸς γίγνεται· τοσοῦτον ἔχει σωματῶδες πλῆθος ἡ θάλαττα.
왜냐하면 물이 거의 진흙처럼 되기 때문이며, 바다는 그만큼 많은 고체 성분을 포함하고 있는 것이다.
ταὐτὸ δὲ τοῦτο δρῶσι καὶ περὶ τὰς ταριχείας.
사람들은 염장 식품을 만들 때도 이와 똑같은 일을 한다.
εἰ δ᾿ ἔστιν ὥσπερ μυθολογοῦσί τινες ἐν Παλαιστίνῃ τοιαύτη λίμνη, εἰς ἣν ἐάν τις ἐμβάλῃ συνδήσας ἄνθρωπον ἢ ὑποζύγιον ἐπιπλεῖν καὶ οὐ καταδύεσθαι κατὰ τοῦ ὕδατος, μαρτύριον ἂν εἴη τι τοῖς εἰρημένοις·
또한 만일 어떤 이들이 전하는 것처럼 팔레스타인에 그러한 호수가 있어서, 그곳에 사람이나 짐승을 묶어서 던져 넣으면 물 위에 뜨고 물속으로 가라앉지 않는다는 말이 사실이라면, 이는 앞서 말한 바에 대한 좋은 증거가 될 것이다.
λέγουσι γὰρ πικρὰν οὕτως εἶναι τὴν λίμνην καὶ ἁλμυρὰν ὥστε μηδένα ἰχθὺν ἐγγίγνεσθαι, τὰ δὲ ἱμάτια ῥύπτειν, ἐάν τις διασείσῃ βρέξας.
그들의 말에 따르면 그 호수는 매우 쓰고 짜서 물고기가 전혀 살지 못하며, 옷을 적신 뒤 털어내면 때가 빠진다고 하기 때문이다.
ἔστι δὲ καὶ τὰ τοιαῦτα σημεῖα πάντα τῶν εἰρημένων, ὅτι τὸ ἁλμυρὸν ποιεῖ σῶμά τι, καὶ γεῶδές ἐστιν τὸ ἐνυπάρχον·
이러한 모든 징후들 역시 앞서 말한 바의 증거이니, 곧 짠 성분이 어떤 실체를 만들어내며 그 안에 들어 있는 것이 대지의 성분이라는 점이다.
ἔν τε γὰρ τῇ Χαονίᾳ κρήνη τίς ἐστιν ὕδατος πλατυτέρου, ἀπορρεῖ δ᾿ αὕτη εἰς ποταμὸν πλησίον γλυκὺν μέν, ἰχθῦς δ᾿ οὐκ ἔχοντα·
실제로 카오니아에는 더 짠물이 나오는 어떤 샘이 있는데, 이 샘은 근처의 단물이 흐르지만 물고기는 살지 않는 강으로 흘러 들어간다.
εἵλοντο γὰρ δή, ὡς οἱ ἐκεῖ μυθολογοῦσιν, ἐξουσίας δοθείσης ὑπὸ τοῦ Ἡρακλέους, ὅτ᾿ ἦλθεν ἄγων ἐκ τῆς Ἐρυθείας τὰς βοῦς, ἅλας ἀντὶ τῶν ἰχθύων, οἳ γίγνονται αὐτοῖς ἐκ τῆς κρήνης·
그곳 주민들의 전설에 따르면, 헤라클레스가 에리테이아로부터 소들을 몰고 왔을 때 선택권이 주어지자, 그들은 물고기 대신 소금을 선택했기 때문인데, 그 소금이 바로 샘물로부터 그들에게 제공되는 것이다.
τούτου γὰρ τοῦ ὕδατος ἀφέψοντές τι μέρος τιθέασι, καὶ γίγνεται ψυχθέν, ὅταν ἀπατμίσῃ τὸ ὑγρὸν ἅμα τῷ θερμῷ, ἅλες, οὐ χονδροὶ ἀλλὰ χαῦνοι καὶ λεπτοὶ ὥσπερ χιών.
그들은 이 물의 일부를 끓여서 놓아두는데, 수분이 열과 함께 증발하고 그것이 식으면, 거칠지 않고 눈처럼 가볍고 고운 소금이 생긴다.
εἰσίν τε τήν τε δύναμιν ἀσθενέστεροι τῶν ἄλλων καὶ πλείους ἡδύνουσιν ἐμβληθέντες, καὶ τὴν χροιὰν οὐχ ὁμοίως λευκοί.
이 소금은 효능 면에서는 다른 소금보다 약하지만, 음식에 넣으면 더 많이 맛을 돋우며, 색깔은 다른 소금처럼 희지 않다.
τοιοῦτον δ᾿ ἕτερον γίγνεται καὶ ἐν Ὀμβρικοῖς·
이와 유사한 또 다른 일이 옴브리코이인들의 땅에서도 일어난다.
ἔστι γάρ τις τόπος ἐν ᾧ πεφύκασι κάλαμοι καὶ σχοῖνος· τούτων κατακάουσι, καὶ τὴν τέφραν ἐμβάλλοντες εἰς ὕδωρ ἀφέψουσιν·
그곳에는 갈대와 골풀이 자라는 장소가 있는데, 사람들은 이것들을 태워서 그 재를 물에 넣고 끓인다.
ὅταν δὲ λίπωσί τι μέρος τοῦ ὕδατος, τοῦτο ψυχθὲν ἁλῶν γίγνεται πλῆθος.
그리고 물의 일부를 남겨두었다가 식히면, 많은 양의 소금이 생긴다.
ὅσα δ᾿ ἐστὶν ἁλμυρὰ ῥεύματα ποταμῶν ἢ κρηνῶν, τὰ πλεῖστα θερμά ποτε εἶναι δεῖ νομίζειν, εἶτα τὴν μὲν ἀρχὴν ἀπεσβέσθαι τοῦ πυρός, δι᾿ ἧς δὲ διηθοῦνται γῆς, ἔτι μένειν οὖσαν οἷον κονίαν καὶ τέφραν.
강이나 샘의 짠 흐름들은 모두 대부분 한때 따뜻했던 것으로 여겨야 하며, 그 후 불의 근원은 꺼졌으나, 그것들이 여과되어 흐르는 대지는 여전히 잿물이나 재와 같은 상태로 남아 있기 때문이다.
εἰσὶ δὲ πολλαχοῦ καὶ κρῆναι καὶ ῥεύματα ποταμῶν παντοδαποὺς ἔχοντα χυμούς, ὧν πάντων αἰτιατέον τὴν ἐνοῦσαν ἢ ἐγγιγνομένην δύναμιν πυρός·
또한 곳곳에 온갖 종류의 맛을 지닌 샘과 강의 흐름이 있는데, 이 모든 것의 원인은 그 안에 내재해 있거나 새로 생겨나는 불의 힘으로 돌려야 한다.
καομένη γὰρ ἡ γῆ τῷ μᾶλλον καὶ ἧττον παντοδαπὰς λαμβάνει μορφὰς καὶ χρόας χυμῶν·
왜냐하면 대지는 더 많이 혹은 덜 타게 됨에 따라 온갖 종류의 맛의 형태와 색채를 띠게 되기 때문이다.
στυπτηρίας γὰρ καὶ κονίας καὶ τῶν ἄλλων τῶν τοιούτων γίγνεται πλήρης δυνάμεων, δι᾿ ὧν τὰ ἠθούμενα ὕδατα ὄντα γλυκέα μεταβάλλει, καὶ τὰ μὲν ὀξέα γίγνεται, καθάπερ ἐν τῇ Σικάνῃ τῆς Σικελίας·
대지는 명반이나 잿물, 그리고 그와 같은 다른 것들의 힘으로 가득 차게 되며, 이를 통해 여과되는 물은 본래 단물이지만 변화하여, 어떤 것들은 신맛을 띠게 되기 때문이다. 예컨대 시켈리아의 시카네에서처럼 말이다.
ἐκεῖ γὰρ ὀξάλμη γίγνεται, καὶ χρῶνται καθάπερ ὄξει πρὸς ἔνια τῶν ἐδεσμάτων αὐτῷ.
그곳에서는 신 소금물이 생겨나며, 사람들은 이를 몇몇 음식에 식초처럼 사용한다.
ἔστι δὲ καὶ περὶ Λύγκον κρήνη τις ὕδατος ὀξέος, περὶ δὲ τὴν Σκυθικὴν πικρά·
또한 링코스 주변에도 신맛이 나는 샘이 있고, 스키티아 지방 주변에는 쓴맛이 나는 샘이 있다.
τὸ δ᾿ ἀπορρέον αὐτῆς τὸν ποταμὸν εἰς ὃν εἰσβάλλει ποιεῖ πικρὸν ὅλον.
그 샘에서 흘러나오는 물은 그것이 유입되는 강 전체를 쓰게 만든다.
αἱ δὲ διαφοραὶ τούτων ἐκεῖθεν δῆλαι, ποῖοι χυμοὶ ἐκ ποίων γίγνονται κράσεων·
이것들의 차이는 어떠한 혼합으로부터 어떠한 맛이 생겨나는지로부터 분명해진다.
εἴρηται δὲ περὶ αὐτῶν χωρὶς ἐν ἄλλοις.
그것들에 대해서는 다른 글들에서 개별적으로 논의되었다.
περὶ μὲν οὖν ὕδατος καὶ θαλάττης, δι᾿ ἃς αἰτίας αἰεί τε συνεχῶς εἰσι καὶ πῶς μεταβάλλουσι καὶ τίς ἡ φύσις αὐτῶν, ἔτι δ᾿ ὅσα πάθη κατὰ φύσιν αὐτοῖς συμβαίνει ποιεῖν ἢ πάσχειν, εἴρηται σχεδὸν ἡμῖν περὶ τῶν πλείστων.
그러므로 물과 바다에 관하여, 그것들이 어떠한 원인 때문에 항상 끊임없이 존재하는지, 어떻게 변화하는지, 그리고 그것들의 본성은 무엇인지, 나아가 그것들이 자연에 따라 일으키거나 겪게 되는 온갖 가겪음들에 대하여, 우리는 대부분의 일들에 대해 거의 다 이야기하였다.