§1.8#2ἡμεῖς δὲ λέγωμεν ἀναλαβόντες τὴν ὑποκειμένην ἀρχὴν ἡμῖν.
우리는 우리에게 전제된 원리로 되돌아가 이야기해 보도록 하자.
εἴρηται γὰρ πρότερον ὅτι τὸ ἔσχατον τοῦ λεγομένου ἀέρος δύναμιν ἔχει πυρός, ὥστε τῇ κινήσει διακρινομένου τοῦ ἀέρος ἀποκρίνεσθαι τοιαύτην σύστασιν οἴαν καὶ τοὺς κομήτας ἀστέρας εἶναί φαμεν.
왜냐하면 소위 공기라고 불리는 것의 가장 바깥 부분은 불의 성질을 가지고 있어서, 운동에 의해 공기가 분리될 때, 우리가 혜성이라고 부르는 별들도 그러한 것과 같은 종류의 응축물이 분리되어 생겨난다고 이전에 말했기 때문이다.
τοιοῦτον δὴ δεῖ νοῆσαι γιγνόμενον ὅπερ ἐπʼ ἐκείνων, ὅταν μὴ αὐτὴ καθʼ αὑτὴν γένηται ἡ τοιαύτη ἔκκρισις, ἀλλʼ ὑπό τινος τῶν ἄστρων ἢ τῶν ἐνδεδεμένων ἢ τῶν πλανωμένων·
따라서 그러한 분비물이 그 자체로 독립하여 생겨나는 것이 아니라, 고정된 별이든 행성이든 별들 중 하나에 의해 일어날 때, 저 혜성들의 경우에서 일어나는 것과 같은 일이 일어난다고 이해해야 한다.
τὸτε γὰρ οὗτοι φαίνονται κομῆται διὰ τὸ παρακολουθεῖν αὐτῶν τῇ φορῇ ὥσπερ τῷ ἡλίῳ τὴν τοιαύτην σύγκρισιν, ἀφʼ ἧς διὰ τὴν ἀνάκλασιν τὴν ἅλω φαίνεσθαί φαμεν, ὅταν οὕτω τύχῃ κεκραμένος ὁ ἀήρ.
왜냐하면 그때 이 별들은 그러한 응축물이 그들의 운행을 뒤따르기 때문에 혜성으로 보이는데, 이는 공기가 그렇게 적절히 혼합되어 있을 때 반사로 인해 무리가 나타난다고 우리가 말하는 저 응축물이 태양을 뒤따르는 것과 같다.
ὃ δὴ καθʼ ἔνα συμβαίνει τῶν ἀστέρων, τοῦτο δεῖ λαβεῖν γιγνόμενον περὶ ὅλον τὸν οὐρανὸν καὶ τὴν ἄνω φορὰν ἅπασαν·
그런데 개별적인 별 하나에 대해 일어나는 이 일을 하늘 전체와 위쪽의 모든 운행에 대해서도 일어나는 일로 이해해야 한다.
εὔλογον γάρ, εἴπερ ἡ ἑνὸς ἄστρου κίνησις, καὶ τὴν τῶν πάντων ποιεῖν τι τοιοῦτον καὶ ἐκριπίζειν ἀέρα τε καὶ διακρίνειν διὰ τὸ τοῦ κύκλου μέγεθος.
왜냐하면 만약 하나의 별의 운동이 그러하다면, 모든 별의 운동 또한 그와 같은 어떤 일을 행하고, 그 원도의 크기 때문에 공기를 부채질하여 분리한다는 것은 합리적이기 때문이다.
ἀνάγκη τοί νυν τῶν αὐτῶν μεγίστων κύκλων μάλιστα τὴν μέλλουσαν τοῦτο ποιήσειν φοράν χρὴ γὰρ τοῦτο, ἵνα πολλὴ κίνησις ᾖ διὰ τὸ μέγεθος γιγνομένη καὶ πλείονα τὴν ἔξαψιν ποιήσῃ.
그러므로 이것을 행하게 될 운행은 이러한 동일한 가장 큰 원도들에서 가장 두드러져야 한다. 왜냐하면 크기 때문에 발생하는 운동이 많아져서 더 큰 점화를 일으키기 위해 그래야만 하기 때문이다.
καὶ πρὸς τούτοις ἔτι καθʼ ὃν τόπον πυκνότατα καὶ πλεῖστα καὶ μέγιστα τυγχάνουσιν ὄντα τῶν ἄστρων.
그리고 이에 더하여, 별들이 가장 조밀하고 가장 많으며 가장 크게 존재하는 바로 그 장소에서 그래야 한다.
ὁ μὲν οὖν τῶν ζῳδίων διὰ τὴν τοῦ ἡλίου φορὰν καὶ τὴν τῶν πλανητῶν διαλύει τὴν τοιαύτην σύστασιν·
그런데 황도대 원도는 태양과 행성들의 운행 때문에 그러한 응축물을 해체해 버린다.
διόπερ οἱ πολλοὶ τῶν κομητῶν ἐκτὸς γίγνονται τῶν τροπικῶν.
그리하여 대부분의 혜성들은 회귀선 밖에서 생겨난다.
ἔτι δʼ οὔτε περὶ τὸν ἥλιον ὔοτε περὶ σελήνην γίγνεται κόμη·
게다가 태양 주변이나 달 주변에서도 혜성의 머리털(꼬리)은 생기지 않는다.
θᾶττον γὰρ διακρίνουσιν ἢ ὥστε συστῆναι τοιαύτην σύγκρισιν.
왜냐하면 그것들은 그러한 혼합물이 응축될 수 있는 것보다 더 빠르게 분리해 버리기 때문이다.
οὗτος δʼ ὁ κύκλος ἐν ᾧ τὸ γάλα φαίνεται τοῖς ὁρῶσιν, ὅ τε μέγιστος ὢν τυγχάνει καὶ τῇ θέσει κείμενος οὕτως ὥστε πολὺ τοὺς τροπικοὺς ὑπερβάλλειν.
반면 관찰자들에게 은하수가 보이는 이 원도는 가장 큰 원이면서, 회귀선을 크게 벗어나는 위치에 놓여 있다.
πρὸς δὲ τούτοις ἄστρων ὁ τόπος πλήρης ἐστὶν τῶν μεγίστων καὶ λαμπροτάτων, καὶ ἔτι τῶν σποράδων καλουμένων (τοῦτο δʼ ἐστὶν καὶ τοῖς ὄμμασιν ἰδεῖν φανερόν), ὥστε διὰ ταῦτα συνεχῶς καὶ ἀεὶ ταύτην πᾶσαν ἀθροίζεσθαι τὴν σύγκρισιν.
이에 더하여, 이 장소는 가장 크고 가장 빛나는 별들로 가득 차 있으며, 또한 소위 산재성이라 불리는 별들로도 가득 차 있다 (이 점은 눈으로 보아도 분명하다). 그리하여 이러한 이유로 이 응축물 전체가 지속적으로 그리고 항상 이곳에 모이게 된다.
σημεῖον δέ·
그리고 증거가 있다.
καὶ γὰρ αὐτοῦ τοῦ κύκλου πλέον τὸ φῶς ἐστιν ἐν θατέρῳ ἡμικυκλίῳ τῷ τὸ δίπλωμα ἔχοντι·
실제로 그 원도 자체의 빛은 이중 구조를 가진 한쪽 반원에서 더 강하다.
ἐν τούτῳ γὰρ πλείω καὶ πυκνότερά ἐστιν ἄστρα ἢ ἐν θατέρῳ, ὡς οὐ διʼ ἑτέραν τινʼ αἰτίαν γιγνομένου τοῦ φέγγους ἢ διὰ τὴν τῶν ἄστρων φοράν·
왜냐하면 이 반원에는 다른 쪽보다 더 많고 조밀한 별들이 있기 때문이며, 이는 그 빛이 별들의 운행 외에 다른 어떤 원인으로 생겨나는 것이 아님을 보여준다.
εἰ γὰρ ἔν τε τῷ κύκλῳ τούτῳ γίγνεται ἐν ᾧ τὰ πλεῖστα κεῖται τῶν ἄστρων, καὶ αὐτοῦ τοῦ κύκλου ἐν ᾧ μᾶλλον φαίνεται καταπεπυκνῶσθαι καὶ μεγέθει καὶ πλήθει ἀστέρων, ταύτην εἰκὸς ὑπολαβεῖν οἰκειοτάτην αἰτίαν εἶναι τοῦ πάθους.
왜냐하면 만약 이 현상이 가장 많은 별들이 위치한 이 원도에서 발생하고, 또한 그 원도 자체 내에서도 별들의 크기와 수에 있어서 더 조밀하게 집중되어 있는 것처럼 보이는 부분에서 발생한다면, 이것이야말로 이 현상의 가장 고유한 원인이라고 가정하는 것이 타당하기 때문이다.
θεωρείσθω δʼ ὅ τε κύκλος καὶ τὰ ἐν αὐτῷ ἄστρα ἐκ τῆς ὑπογραφῆς.
한편, 그 원도와 그 안의 별들에 대해서는 도해를 통해 관찰되어야 한다.
τοὺς δὲ σποράδας καλουμένους οὕτω μὲν εἰς τὴν σφαῖραν οὐκ ἔσται τάξαι διὰ τὸ μηθεμίαν διὰ τέλους ἔχειν φανερὰν ἕκαστον θέσιν, εἰς δὲ τὸν οὐρανὸν ἀναβλέπουσίν ἐστι δῆλον·
한편 소위 산재성이라 불리는 별들은 각각이 항상 명확한 위치를 가지고 있는 것은 아니기 때문에 천구의 위에 이와 같이 배치할 수는 없지만, 하늘을 올려다보는 이들에게는 분명하게 드러난다.
ἐν μόνῳ γὰρ τούτῳ τῶν κύκλων τὰ μεταξὺ πλήρη τοιούτων ἀστέρων ἐστίν, ἐν δὲ τοῖς ἄλλοις διαλείπει φανερῶς.
왜냐하면 모든 원도들 중에서 오직 이 원도에서만 별들 사이의 공간이 그러한 별들로 가득 차 있는 반면, 다른 원도들에서는 명백하게 빈틈이 있기 때문이다.
ὥστʼ εἴπερ καὶ περὶ τοῦ φαίνεσθαι κομήτας ἀποδεχόμεθα τὴν αἰτίαν ὡς εἰρημένην μετρίως, καὶ περὶ τοῦ γάλακτος τὸν αὐτὸν ὑποληπτέον τρόπον ἔχειν·
그러므로 만약 우리가 혜성이 나타나는 것에 대해서도 그 원인이 적절하게 설명된 것으로 받아들인다면, 은하수에 대해서도 동일한 방식으로 성립한다고 생각해야 한다.
ὃ γὰρ ἐκεῖ περὶ ἕνα ἐστὶν πάθος ἡ κόμη, τοῦτο περὶ κύκλον τινὰ συμβαίνει γίγνεσθαι τὸ αὐτό, καὶ ἔστιν τὸ γάλα, ὡς εἰπεῖν οἷον ὁριζόμενον, ἡ τοῦ μεγίστου διὰ τὴν ἔκκρισιν κύκλου κόμη.
왜냐하면 저기서 단 하나의 별 주위에 있는 현상인 혜성의 머리털(꼬리)이, 여기서는 어떤 원도 주위에 발생하는 동일한 현상이기 때문이며, 은하수란 말하자면 정의상 분비물로 인해 가장 큰 원도에 생겨난 혜성의 머리털이기 때문이다.
διὸ καθάπερ πρότερον εἴπομεν, οὐ πολλοὶ οὐδὲ πολλάκις γίγνονται κομῇται, διὰ τὸ συνεχῶς ἀποκεκρίσθαι καὶ ἀποκρίνεσθαι καθʼ ἑκάστην περίοδον εἰς τοῦτον τὸν τόπον αἰεὶ τὴν τοιαύτην σύστασιν.
그리하여 우리가 이전에 말했듯이, 혜성이 많이 생기지도 않고 자주 생기지도 않는다. 왜냐하면 그러한 응축물이 매 회전 주기마다 항상 이 장소로 끊임없이 분리되었고 또 분리되고 있기 때문이다.
περὶ μὲν οὖν τῶν γιγνομένων ἐν τῷ περὶ τὴν γῆν κόσμῳ τῷ συνεχεῖ ταῖς φοραῖς εἴρηται, περί τε τῆς διαδρομῆς τῶν ἄστρων καὶ τῆς ἐκπιμπραμένης φλογός, ἔτι δὲ περί τε κομητῶν καὶ τοῦ καλουμένου γάλακτος·
이리하여 천체 운행에 인접한 지구 주변의 세계에서 발생하는 현상들, 즉 별들의 지나감(유성)과 타오르는 불꽃, 그리고 더 나아가 혜성과 소위 은하수에 대해 논하였다.
σχεδὸν γάρ εἰσιν τοσαῦτα τὰ πάθη τὰ φαινόμενα περί τὸν τόπον τοῦτον.
왜냐하면 이 영역에서 나타나는 현상은 대략 이것들이 전부이기 때문이다.