§12.8#2ἀναγκαῖον δέ, εἰ μέλλουσι συντεθεῖσαι πᾶσαι τὰ φαινόμενα ἀποδώσειν, καθʼ ἕκαστον τῶν πλανωμένων ἑτέρας σφαίρας μιᾷ ἐλάττονας εἶναι τὰς ἀνελιττούσας καὶ εἰς τὸ αὐτὸ ἀποκαθιστάσας τῇ θέσει τὴν πρώτην σφαῖραν ἀεὶ τοῦ ὑποκάτω τεταγμένου ἄστρου·
그러나 만일 이 모든 천구들이 결합되어 현상들을 설명하고자 한다면, 각각의 행성에 대해, 그것들을 되감고 바로 아래에 배치된 별의 첫째 천구를 위치상 항상 동일한 상태로 복귀시키는 다른 천구들을, [순방향으로 운반하는 천구들보다] 하나 적은 수만큼 두는 것이 필연적이다.
οὕτω γὰρ μόνως ἐνδέχεται τὴν τῶν πλανήτων φορὰν ἅπαντα ποιεῖσθαι.
왜냐하면 오직 그렇게 함으로써만 행성들의 이동이 그 모든 운동을 수행하는 것이 가능해지기 때문이다.
ἐπεὶ οὖν ἐν αἷς μὲν αὐτὰ φέρεται σφαίραις αἱ μὲν ὀκτὼ αἱ δὲ πέντε καὶ εἴκοσίν εἰσιν, τούτων δὲ μόνας οὐ δεῖ ἀνελιχθῆναι ἐν αἷς τὸ κατωτάτω τεταγμένον φέρεται, αἱ μὲν τὰς τῶν πρώτων δύο ἀνελίττουσαι ἓξ ἔσονται, αἱ δὲ τὰς τῶν ὕστερον τεττάρων ἑκκαίδεκα·
따라서 행성들 자체가 운반되는 천구들이 어떤 경우에는 8개이고 다른 경우에는 25개인데, 이들 중에서 가장 아래에 배치된 행성이 운반되는 천구들만은 되감을 필요가 없으므로, 첫째 두 행성의 천구들을 되감는 천구들은 6개가 될 것이고, 그 뒤의 네 행성의 천구들을 되감는 천구들은 16개가 될 것이다.
ὁ δὴ ἁπασῶν ἀριθμὸς τῶν τε φερουσῶν καὶ τῶν ἀνελιττουσῶν ταύτας πεντήκοντά τε καὶ πέντε.
그러므로 운반하는 천구들과 이들을 되감는 천구들의 모든 합계 수는 55개이다.
εἰ δὲ τῇ σελήνῃ τε καὶ τῷ ἡλίῳ μὴ προστιθείη τις ἃς εἴπομεν κινήσεις, αἱ πᾶσαι σφαῖραι ἔσονται ἑπτά τε καὶ τεσσαράκοντα. —τὸ μὲν οὖν πλῆθος τῶν σφαιρῶν ἔστω τοσοῦτον, ὥστε καὶ τὰς οὐσίας καὶ τὰς ἀρχὰς τὰς ἀκινήτους τοσαύτας εὔλογον ὑπολαβεῖν (τὸ γὰρ ἀναγκαῖον ἀφείσθω τοῖς ἰσχυροτέροις λέγειν)·
그러나 만일 누군가가 달과 태양에 우리가 말한 운동들을 추가하지 않는다면, 전체 천구는 47개가 될 것이다.――그렇다면 천구들의 수량은 이만큼이라고 해두자. 따라서 부동의 실체들이자 원리들 또한 이와 동수만큼 존재한다고 상정하는 것이 합당하다 (필연적인 증명에 대해서는 더 유력한 이들이 말하도록 맡겨두자).
εἰ δὲ μηδεμίαν οἷόν τʼ εἶναι φορὰν μὴ συντείνουσαν πρὸς ἄστρου φοράν, ἔτι δὲ πᾶσαν φύσιν καὶ πᾶσαν οὐσίαν ἀπαθῆ καὶ καθʼ αὑτὴν τοῦ ἀρίστου τετυχηκυῖαν τέλος εἶναι δεῖ νομίζειν, οὐδεμία ἂν εἴη παρὰ ταύτας ἑτέρα φύσις, ἀλλὰ τοῦτον ἀνάγκη τὸν ἀριθμὸν εἶναι τῶν οὐσιῶν.
그러나 만일 별의 이동에 기여하지 않는 이동은 결코 존재할 수 없고, 더 나아가 수동적이지 않으며 그 자체로 최선의 것에 도달해 있는 모든 본성과 모든 실체는 목적으로 여겨져야 한다고 본다면, 이것들 외에 다른 어떤 본성도 존재하지 않을 것이며, 오히려 실체들의 수는 이 수여야만 함이 필연적이다.
εἴτε γὰρ εἰσὶν ἕτεραι, κινοῖεν ἂν ὡς τέλος οὖσαι φορᾶς·
왜냐하면 만일 다른 실체들이 존재한다면, 그것들은 이동의 목적으로서 운동을 움직이게 할 것이기 때문이다.
ἀλλὰ εἶναί γε ἄλλας φορὰς ἀδύνατον παρὰ τὰς εἰρημένας.
하지만 언급된 것들 외에 다른 이동들이 존재하는 것은 불가능하다.
τοῦτο δὲ εὔλογον ἐκ τῶν φερομένων ὑπολαβεῖν.
그리고 이것은 운반되고 있는 천체들로부터 상정하는 것이 합당하다.
εἰ γὰρ πᾶν τὸ φέρον τοῦ φερομένου χάριν πέφυκε καὶ φορὰ πᾶσα φερομένου τινός ἐστιν, οὐδεμία φορὰ αὑτῆς ἂν ἕνεκα εἴη οὐδʼ ἄλλης φορᾶς, ἀλλὰ τῶν ἄστρων ἕνεκα.
왜냐하면 만일 운반하는 모든 것이 본성상 운반되는 것 때문에 존재하고 모든 이동이 어떤 운반되는 것의 이동이라면, 어떠한 이동도 그 자체를 위해서나 혹은 다른 이동을 위해서 존재하는 것이 아니라 별들 때문에 존재할 것이기 때문이다.
εἰ γὰρ ἔσται φορὰ φορᾶς ἕνεκα, καὶ ἐκείνην ἑτέρου δεήσει χάριν εἶναι·
만일 어떤 이동이 다른 이동 때문에 존재한다면, 그것 또한 다른 것 때문에 존재해야 할 것이다.
ὥστʼ ἐπειδὴ οὐχ οἷόν τε εἰς ἄπειρον, τέλος ἔσται πάσης φορᾶς τῶν φερομένων τι θείων σωμάτων κατὰ τὸν οὐρανόν.
따라서 무한히 나아가는 것은 불가능하므로, 모든 이동의 목적은 하늘에서 운반되고 있는 신성한 천체들 중 하나가 될 것이다.
ὅτι δὲ εἷς οὐρανός, φανερόν.
그리고 하늘이 하나임은 분명하다.
εἰ γὰρ πλείους οὐρανοὶ ὥσπερ ἄνθρωποι, ἔσται εἴδει μία ἡ περὶ ἕκαστον ἀρχή, ἀριθμῷ δέ γε πολλαί.
만일 사람들이 그러하듯 하늘들이 여럿 존재한다면, 각각에 관한 원리는 종에 있어서는 하나이지만 수에 있어서는 여러 개가 될 것이기 때문이다.
ἀλλʼ ὅσα ἀριθμῷ πολλά, ὕλην ἔχει (εἷς γὰρ λόγος καὶ ὁ αὐτὸς πολλῶν, οἷον ἀνθρώπου, Σωκράτης δὲ εἷς)·
그러나 수에 있어서 여럿인 것들은 모두 질료를 가지고 있다 (왜냐하면 많은 것들, 예컨대 인간에 대한 정의는 하나이며 동일하지만, 소크라테스는 한 명이기 때문이다).
τὸ δὲ τί ἦν εἶναι οὐκ ἔχει ὕλην τὸ πρῶτον·
반면 첫째가는 '본질'은 질료를 가지지 않는다.
ἐντελέχεια γάρ.
그것은 현실태이기 때문이다.
ἓν ἄρα καὶ λόγῳ καὶ ἀριθμῷ τὸ πρῶτον κινοῦν ἀκίνητον ὄν·
따라서 첫째가는 부동의 원동자는 정의에 있어서도 수에 있어서도 하나이다.
καὶ τὸ κινούμενον ἄρα ἀεὶ καὶ συνεχῶς·
그러므로 항상 그리고 연속적으로 움직여지는 것 또한 하나이다.
εἷς ἄρα οὐρανὸς μόνος.
따라서 오직 하나의 하늘만이 존재할 뿐이다.
παραδέδοται δὲ παρὰ τῶν ἀρχαίων καὶ παμπαλαίων ἐν μύθου σχήματι καταλελειμμένα τοῖς ὕστερον ὅτι θεοί τέ εἰσιν οὗτοι καὶ περιέχει τὸ θεῖον τὴν ὅλην φύσιν.
그리고 고대의, 그리고 아주 오랜 옛사람들로부터 신화의 형태로 후세에 남겨져 전해 내려오는 바에 따르면, 이들이 신들이며 신적인 것이 온 자연을 감싸고 있다고 한다.
τὰ δὲ λοιπὰ μυθικῶς ἤδη προσῆκται πρὸς τὴν πειθὼ τῶν πολλῶν καὶ πρὸς τὴν εἰς τοὺς νόμους καὶ τὸ συμφέρον χρῆσιν·
그러나 나머지 사항들은 대중을 설득하고 법과 공익에 활용하기 위해 이미 신화적으로 덧붙여진 것이다.
ἀνθρωποειδεῖς τε γὰρ τούτους καὶ τῶν ἄλλων ζῴων ὁμοίους τισὶ λέγουσι, καὶ τούτοις ἕτερα ἀκόλουθα καὶ παραπλήσια τοῖς εἰρημένοις, ὧν εἴ τις χωρίσας αὐτὸ λάβοι μόνον τὸ πρῶτον, ὅτι θεοὺς ᾤοντο τὰς πρώτας οὐσίας εἶναι, θείως ἂν εἰρῆσθαι νομίσειεν, καὶ κατὰ τὸ εἰκὸς πολλάκις εὑρημένης εἰς τὸ δυνατὸν ἑκάστης καὶ τέχνης καὶ φιλοσοφίας καὶ πάλιν φθειρομένων καὶ ταύτας τὰς δόξας ἐκείνων οἷον λείψανα περισεσῶσθαι μέχρι τοῦ νῦν.
즉 그들은 이들이 인간의 형상을 하고 있다거나 다른 동물들 중 일부와 유사하다고 말하며, 이들에 따르는, 말해진 것들과 유사한 다른 것들을 이야기한다. 이러한 것들로부터 오직 첫 번째 점, 즉 그들이 첫째가는 실체들을 신들이라고 생각했다는 점만을 떼어내어 받아들인다면, 신령스럽게 말해진 것이라고 여길 것이다. 그리고 아마도 온갖 기술과 철학이 가능한 한 여러 번 발견되었다가 다시 소멸해 가는 과정에서, 그들의 이러한 의견들이 유물처럼 지금까지 보존되어 온 것이라고 볼 수 있을 것이다.
ἡ μὲν οὖν πάτριος δόξα καὶ ἡ παρὰ τῶν πρώτων ἐπὶ τοσοῦτον ἡμῖν φανερὰ μόνον.
그러므로 조상 전래의, 그리고 최초의 사람들의 의견은 이 정도의 범위에서만 우리에게 분명하다.