§1.1#2ἀλλʼ ὅμως τό γε εἰδέναι καὶ τὸ ἐπαΐειν τῇ τέχνῃ τῆς ἐμπειρίας ὑπάρχειν οἰόμεθα μᾶλλον, καὶ σοφωτέρους τοὺς τεχνίτας τῶν ἐμπείρων ὑπολαμβάνομεν, ὡς κατὰ τὸ εἰδέναι μᾶλλον ἀκολουθοῦσαν τὴν σοφίαν πᾶσι·
그럼에도 불구하고 우리는 아는 것과 이해하는 것이 경험보다는 기술에 속한다고 생각하며, 경험 있는 사람들보다 기술자들이 더 지혜롭다고 여긴다. 이는 모든 사람에게 있어 앎에 비례하여 지혜가 뒤따른다고 생각하기 때문이다.
τοῦτο δʼ ὅτι οἱ μὲν τὴν αἰτίαν ἴσασιν οἱ δʼ οὔ.
그 원인은 전자는 원인을 알고 있으나 후자는 알지 못하기 때문이다.
οἱ μὲν γὰρ ἔμπειροι τὸ ὅτι μὲν ἴσασι, διότι δʼ οὐκ ἴσασιν·
경험 있는 사람들은 ‘그러하다는 것’은 알지만 ‘왜 그러한지’는 알지 못한다.
οἱ δὲ τὸ διότι καὶ τὴν αἰτίαν γνωρίζουσιν.
반면에 기술자들은 ‘왜 그러한지’ 와 그 원인을 인식하고 있다.
διὸ καὶ τοὺς ἀρχιτέκτονας περὶ ἕκαστον τιμιωτέρους καὶ μᾶλλον εἰδέναι νομίζομεν τῶν χειροτεχνῶν καὶ σοφωτέρους, ὅτι τὰς αἰτίας τῶν ποιουμένων ἴσασιν (τοὺς δʼ, ὥσπερ καὶ τῶν ἀψύχων ἔνια ποιεῖ μέν, οὐκ εἰδότα δὲ ποιεῖ ἃ ποιεῖ, οἷον καίει τὸ πῦρ—τὰ μὲν οὖν ἄψυχα φύσει τινὶ ποιεῖν τούτων ἕκαστον τοὺς δὲ χειροτέχνας διʼ ἔθος), ὡς οὐ κατὰ τὸ πρακτικοὺς εἶναι σοφωτέρους ὄντας ἀλλὰ κατὰ τὸ λόγον ἔχειν αὐτοὺς καὶ τὰς αἰτίας γνωρίζειν.
그러므로 우리는 또한 각 분야에서 우두머리 장인들을 손끝 장인들보다 더 존경받을 만하고 더 잘 알며 더 지혜롭다고 생각하는데, 그 이유는 그들이 행해지는 일들의 원인을 알기 때문이다. (반면에 후자들은 마치 무생물 중 어떤 것들이 일을 행하되 자신이 무엇을 행하는지 알지 못한 채 행하는 것처럼—예컨대 불이 태우듯이—행한다. 즉 무생물들은 이러한 각각의 일을 어떤 자연적 본성에 의해 행하는 반면, 손끝 장인들은 습관에 의해 행한다.) 이처럼 그들이 더 지혜로운 것은 실천적이기 때문이 아니라, 스스로 이성을 가지고 원인들을 인식하고 있기 때문이다.
ὅλως τε σημεῖον τοῦ εἰδότος καὶ μὴ εἰδότος τὸ δύνασθαι διδάσκειν ἐστίν, καὶ διὰ τοῦτο τὴν τέχνην τῆς ἐμπειρίας ἡγούμεθα μᾶλλον ἐπιστήμην εἶναι·
그리고 대체로 아는 자와 알지 못하는 자의 표지는 가르칠 수 있는지 여부이며, 이 때문에 우리는 기술이 경험보다 더 학문이라고 생각한다.
δύνανται γάρ, οἱ δὲ οὐ δύνανται διδάσκειν.
왜냐하면 전자는 가르칠 수 있지만, 후자는 가르칠 수 없기 때문이다.
ἔτι δὲ τῶν αἰσθήσεων οὐδεμίαν ἡγούμεθα εἶναι σοφίαν·
더 나아가 우리는 감각들 중 어느 것도 지혜라고 생각하지 않는다.
καίτοι κυριώταταί γʼ εἰσὶν αὗται τῶν καθʼ ἕκαστα γνώσεις·
비록 그것들이 개별적인 것들에 대한 가장 근본적인 인식일지라도 말이다.
ἀλλʼ οὐ λέγουσι τὸ διὰ τί περὶ οὐδενός, οἷον διὰ τί θερμὸν τὸ πῦρ, ἀλλὰ μόνον ὅτι θερμόν.
그러나 그것들은 어떤 것에 대해서도 ‘왜’라는 이유를 말해주지 않으며, 예컨대 불이 왜 뜨거운지가 아니라 단지 그것이 뜨겁다는 것만을 말해준다.
τὸ μὲν οὖν πρῶτον εἰκὸς τὸν ὁποιανοῦν εὑρόντα τέχνην παρὰ τὰς κοινὰς αἰσθήσεις θαυμάζεσθαι ὑπὸ τῶν ἀνθρώπων μὴ μόνον διὰ τὸ χρήσιμον εἶναί τι τῶν εὑρεθέντων ἀλλʼ ὡς σοφὸν καὶ διαφέροντα τῶν ἄλλων·
그러므로 처음에는 공통의 감각들을 넘어서 어떤 기술이든 그것을 발견한 사람이, 발견된 것 중 어떤 것이 유용하다는 이유 때문뿐만 아니라 지혜롭고 다른 이들보다 뛰어난 자로서 사람들에게 찬탄을 받은 것이 당연하다.
πλειόνων δʼ εὑρισκομένων τεχνῶν καὶ τῶν μὲν πρὸς τἀναγκαῖα τῶν δὲ πρὸς διαγωγὴν οὐσῶν, ἀεὶ σοφωτέρους τοὺς τοιούτους ἐκείνων ὑπολαμβάνεσθαι διὰ τὸ μὴ πρὸς χρῆσιν εἶναι τὰς ἐπιστήμας αὐτῶν.
그러나 더 많은 기술이 발견되고 어떤 것은 생활의 필수적인 것들을 위한 것이고 다른 어떤 것은 소일거리를 위한 것일 때, 그러한 지식들이 실용을 위한 것이 아니라는 이유 때문에 항상 후자의 발명자들이 전자의 발명자들보다 더 지혜롭다고 여겨졌다.
ὅθεν ἤδη πάντων τῶν τοιούτων κατεσκευασμένων αἱ μὴ πρὸς ἡδονὴν μηδὲ πρὸς τἀναγκαῖα τῶν ἐπιστημῶν εὑρέθησαν, καὶ πρῶτον ἐν τούτοις τοῖς τόποις οὗ πρῶτον ἐσχόλασαν·
그리하여 이러한 모든 것들이 이미 갖추어졌을 때, 쾌락이나 필수적인 것을 목적으로 하지 않는 학문들이 발견되었고, 사람들이 처음으로 여가를 가질 수 있었던 그러한 곳들에서 가장 먼저 일어났다.
διὸ περὶ Αἴγυπτον αἱ μαθηματικαὶ πρῶτον τέχναι συνέστησαν, ἐκεῖ γὰρ ἀφείθη σχολάζειν τὸ τῶν ἱερέων ἔθνος.
이 때문에 이집트 주변에서 수학적 기술들이 최초로 성립되었으니, 그곳에서는 사제 계급이 여가를 보낼 수 있도록 허용되었기 때문이다.
εἴρηται μὲν οὖν ἐν τοῖς ἠθικοῖς τίς διαφορὰ τέχνης καὶ ἐπιστήμης καὶ τῶν ἄλλων τῶν ὁμογενῶν·
그리하여 기술과 학문, 그리고 이와 동종의 다른 것들의 차이가 무엇인지에 대해서는 윤리학에서 이미 언급되었다.
οὗ δʼ ἕνεκα νῦν ποιούμεθα τὸν λόγον τοῦτʼ ἐστίν, ὅτι τὴν ὀνομαζομένην σοφίαν περὶ τὰ πρῶτα αἴτια καὶ τὰς ἀρχὰς ὑπολαμβάνουσι πάντες·
그러나 우리가 지금 논의를 진행하고 있는 목적은, 사람들이 ‘지혜’라고 일컫는 것이 제1원인들과 원리들에 관한 것이라고 생각한다는 점을 밝히기 위함이다.
ὥστε, καθάπερ εἴρηται πρότερον, ὁ μὲν ἔμπειρος τῶν ὁποιανοῦν ἐχόντων αἴσθησιν εἶναι δοκεῖ σοφώτερος, ὁ δὲ τεχνίτης τῶν ἐμπείρων, χειροτέχνου δὲ ἀρχιτέκτων, αἱ δὲ θεωρητικαὶ τῶν ποιητικῶν μᾶλλον.
그러므로 앞에서 말했듯이, 경험 있는 사람은 어떤 감각을 가지고 있는 사람보다 더 지혜롭게 보이고, 기술자는 경험 있는 사람들보다, 우두머리 장인은 손끝 장인보다, 그리고 관조적인 학문들은 제작적인 학문들보다 더 지혜롭게 보인다.
ὅτι μὲν οὖν ἡ σοφία περί τινας ἀρχὰς καὶ αἰτίας ἐστὶν ἐπιστήμη, δῆλον.
따라서 지혜가 어떤 원리들과 원인들에 관한 학문이라는 점은 분명하다.