§9.2Τῶν δ’ ἰχθύων οἱ μὲν συναγελάζονται μετ’ ἀλλήλων καὶ φίλοι εἰσίν, οἱ δὲ μὴ συναγελαζόμενοι πολέμιοι.
물고기들 중에는 서로 무리를 지어 생활하며 우호적인 것이 있는가 하면, 무리를 짓지 않고 적대적인 것도 있다.
Ἀγελάζονται δ’ οἱ μὲν κυοῦντες, ἔνιοι δ’ ὅταν ἐκτέκωσιν.
어떤 것들은 잉태하고 있을 때 무리를 짓고, 어떤 것들은 산란을 마쳤을 때 무리를 짓는다.
Ὅλως δ’ ἀγελαῖά ἐστι τὰ τοιάδε, θυννίδες, μαινίδες, κωβιοί, βῶκες, σαῦροι, κορακῖνοι, σινόδοντες, τρίγλαι, σφύραιναι, ἀνθίαι, ἐλεγῖνοι, ἀθερῖνοι, σαργῖνοι, βελόναι, τευθοί, ἰουλίδες, πηλαμύδες, σκόμβροι, κολίαι.
일반적으로 다음과 같은 것들이 무리 짓는 물고기이다. 즉 참치, 마이니스, 망둑어, 복스, 전갱이, 코라키노스, 시노돈스, 노랑촉수, 꼬치고기, 안티아스, 엘레기노스, 색줄멸, 사르고스, 학꽁치, 꼴뚜기, 이울리스, 이빨다랑어, 고등어, 콜리아스이다.
Τούτων δ’ ἔνιά ἐστιν οὐ μόνον ἀγελαῖα ἀλλὰ καὶ σύζυγα·
이들 중 어떤 것들은 무리를 지을 뿐만 아니라 짝을 짓기도 한다.
τὰ γὰρ λοιπὰ συνδυάζεται μὲν ἅπαντα, τὰς δ’ ἀγέλας ποιοῦνται κατ’ ἐνίους καιρούς, ὥσπερ εἴρηται, ὅταν κύωσιν, ἔνια δὲ καὶ ὅταν τέκωσιν.
다른 것들은 모두 짝을 짓기는 하지만, 무리를 짓는 것은 말한 바와 같이 특정 시기, 곧 잉태하고 있을 때이며, 어떤 것들은 산란했을 때이다.
Λάβραξ δὲ καὶ κεστρεὺς πολεμιώτατοι ὄντες κατ’ ἐνίους καιροὺς συναγελάζονται ἀλλήλοις·
농어와 숭어는 극도로 적대적임에도 불구하고 특정 시기에는 서로 무리를 짓는다.
συναγελάζονται γὰρ πολλάκις οὐ μόνον τὰ ὁμόγονα, ἀλλὰ καὶ οἷς ἡ αὐτὴ καὶ ἡ παραπλήσιός ἐστι νομή, ἂν ᾖ ἄφθονος.
왜냐하면 같은 종족의 물고기뿐만 아니라, 먹이가 풍부하다면 먹이 터가 같거나 비슷한 것들끼리도 자주 무리를 짓기 때문이다.
Ζῶσι δὲ πολλάκις ἀφῃρημένοι οἱ κεστρεῖς τὴν κέρκον καὶ οἱ γόγγροι μέχρι τῆς ἐξόδου τῆς περιττώσεως·
또한 숭어는 꼬리를 잃고도 자주 살아가며, 붕장어는 배설물 배출구까지의 부분을 잃고도 살아간다.
ἀπεσθίεται δ’ ὁ μὲν κεστρεὺς ὑπὸ λάβρακος, ὁ δὲ γόγγρος ὑπὸ μυραίνης.
숭어의 꼬리는 농어에게 뜯겨 먹히고, 붕장어는 곰치에게 뜯겨 먹힌다.
Ὁ δὲ πόλεμός ἐστι τοῖς κρείττοσι πρὸς τοὺς ἥττους·
이 투쟁은 강자가 약자에게 행하는 것이다.
κατεσθίει γὰρ ὁ κρείττων.
강자가 약자를 잡아먹기 때문이다.
Καὶ περὶ μὲν τῶν θαλαττίων ταῦτα.
해양 생물에 관한 것은 여기까지이다.
§9.3Τὰ δ’ ἤθη τῶν ζῴων, ὥσπερ εἴρηται πρότερον, διαφέρει κατά τε δειλίαν καὶ πραότητα καὶ ἀνδρίαν καὶ ἡμερότητα καὶ νοῦν τε καὶ ἄνοιαν.
동물들의 성품은 이전에 말한 바와 같이 겁 많음, 온순함, 용맹함, 길들여짐, 그리고 지혜로움과 어리석음에 따라 다르다.
Τό τε γὰρ τῶν προβάτων ἦθος, ὥσπερ λέγεται, εὔηθες καὶ ἀνόητον·
양의 성품은 말하듯이 단순하고 어리석다.
πάντων γὰρ τῶν τετραπόδων κάκιστόν ἐστι, καὶ ἕρπει εἰς τὰς ἐρημίας πρὸς οὐδέν, καὶ πολλάκις χειμῶνος ὄντος ἐξέρχεται ἔνδοθεν, καὶ ὅταν ὑπὸ νιφετοῦ ληφθῶσιν, ἂν μὴ κινήσῃ ὁ ποιμήν, οὐκ ἐθέλουσιν ἀπιέναι, ἀλλ’ ἀπόλλυνται καταλειπόμενα, ἐὰν μὴ ἄρρενας κομίσωσιν οἱ ποιμένες· τότε δ’ ἀκολουθοῦσιν.
모든 네 발 동물 중 가장 생존 능력이 떨어지며, 아무 목적 없이 황야로 걸어가 버리고, 겨울인데도 자주 우리 안에서 밖으로 나간다. 눈보라를 만났을 때 목자가 움직이지 않으면 떠나려 하지 않고 남겨져 죽어버리는데, 목자들이 숫양들을 데려오지 않으면 그렇게 되며 숫양들이 오면 그제야 따라간다.
Τῶν δ’ αἰγῶν ὅταν τις μιᾶς λάβῃ τὸ ἄκρον τοῦ ἠρύγγου (ἔστι δ’ οἷον θρίξ), αἱ ἄλλαι ἑστᾶσιν ὥσπερ μεμωρωμέναι βλέπουσαι εἰς ἐκείνην.
염소의 경우 누군가 한 마리의 턱수염(머리카락 같은 것) 끝을 잡으면, 다른 염소들은 마치 넋을 잃은 듯이 서서 그 염소를 바라본다.
Ἐγκαθεύδειν δὲ ψυχρότεραι ὄϊες αἰγῶν·
그리고 잠을 자는 데 있어서는 양이 염소보다 추위에 더 잘 견딘다.
αἱ γὰρ αἶγες μᾶλλον ἡσυχάζουσι καὶ προσέρχονται πρὸς τοὺς ἀνθρώπους· εἰσὶ δ’ αἱ αἶγες δυσριγότεραι τῶν ὀΐων.
염소는 더 조용히 있고 인간에게 다가오지만, 염소가 양보다 더 추위를 타기 때문이다.
Διδάσκουσι δ’ οἱ ποιμένες τὰ πρόβατα συνθεῖν ὅταν ψοφήσῃ·
목자들은 양들에게 소리가 날 때 한데 모이도록 가르친다.
ἐὰν γὰρ βροντήσαντος ὑπολειφθῇ τις καὶ μὴ συνδράμῃ, ἐκτιτρώσκει, ἐὰν τύχῃ κύουσα·
천둥이 칠 때 낙오되어 한데 모이지 않는 양은 만약 임신 중이라면 유산하기 때문이다.
διὸ ἐὰν ψοφῇ, ἐν τῇ οἰκίᾳ συνθέουσι διὰ τὸ ἔθος.
그래서 소리가 나면 습관 때문에 우리 안에서 한데 모인다.
Ἀπόλλυνται δὲ καὶ οἱ ταῦροι, ὅταν ἀτιμαγελήσαντες ἀποπλανηθῶσιν, ὑπὸ θηρίων.
또한 황소들도 무리를 떠나 길을 잃었을 때 야생동물에게 죽임을 당한다.
Κατάκεινται δ’ αἱ ὄϊες καὶ αἱ αἶγες ἀθρόαι κατὰ συγγένειαν·
양과 염소들은 친연관계에 따라 한데 모여 눕는다.
ὅταν δ’ ὁ ἥλιος τραπῇ θᾶττον, φασὶν οἱ ποιμένες οὐκέτι ἀντιβλεπούσας κατακεῖσθαι τὰς αἶγας, ἀλλ’ ἀπεστραμμένας ἀπ’ ἀλλήλων.
태양이 기울어질 때 목자들은 염소들이 더 이상 서로 마주 보고 눕지 않고, 서로 등을 돌리고 눕는다고 말한다.
§9.4Αἱ δὲ βόες καὶ νέμονται καθ’ ἑταιρείας καὶ συνηθείας, κἂν μία ἀποπλανηθῇ, ἀκολουθοῦσιν αἱ ἄλλαι·
암소들은 무리와 친분에 따라 방목되며, 한 마리가 길을 잃으면 다른 소들이 따라간다.
διὸ καὶ οἱ βουκόλοι, ἐὰν μίαν μὴ εὕρωσιν, εὐθὺς πάσας ἐπιζητοῦσιν.
그러므로 소치는 사람들도 한 마리를 찾지 못하면 즉시 모든 소를 찾기 시작한다.
Τῶν δ’ ἵππων αἱ σύννομοι, ὅταν ἡ ἑτέρα ἀπόληται, ἐκτρέφουσι τὰ πωλία ἀλλήλων.
말의 경우, 같은 목초지의 동료들은 한쪽이 죽었을 때 서로의 망아지를 기른다.
Καὶ ὅλως γε δοκεῖ τὸ τῶν ἵππων γένος εἷναι φύσει φιλόστοργον.
전반적으로 말이라는 종류는 본성적으로 애정이 지극한 것으로 보인다.
Σημεῖον δέ· πολλάκις γὰρ αἱ στέριφαι ἀφαιρούμεναι τὰς μητέρας τὰ πωλία αὐταὶ στέργουσι, διὰ δὲ τὸ μὴ ἔχειν γάλα διαφθείρουσιν.
그 증거로, 임신하지 못하는 암말들이 자주 어미들로부터 망아지를 빼앗아 스스로 애지중지하지만, 젖이 나오지 않기 때문에 망아지를 죽게 만든다.