§9.1#1## Ι.
Τὰ δ’ ἤθη τῶν ζῴων ἐστὶ τῶν μὲν ἀμαυροτέρων καὶ βραχυβιωτέρων ἧττον ἡμῖν ἔνδηλα κατὰ τὴν αἴσθησιν, τῶν δὲ μακροβιωτέρων ἐνδηλότερα.
동물의 습성은 더 불분명하고 수명이 짧은 동물들에게서는 우리의 감각에 덜 분명하게 드러나지만, 수명이 더 긴 동물들에게서는 더 분명하게 드러난다.
Φαίνονται γὰρ ἔχοντά τινα δύναμιν περὶ ἕκαστον τῶν τῆς ψυχῆς παθημάτων φυσικήν, περί τε φρόνησιν καὶ εὐήθειαν καὶ ἀνδρίαν καὶ δειλίαν, περί τε πραότητα καὶ χαλεπότητα καὶ τὰς ἄλλας τὰς τοιαύτας ἕξεις.
왜냐하면 그것들은 혼의 각 감정들, 즉 사려 깊음과 어리석음, 용맹함과 비겁함, 온화함과 사나움, 그리고 그와 같은 다른 상태들에 관하여 어떤 자연적인 능력을 가지고 있는 것처럼 보이기 때문이다.
Ἔνια δὲ κοινωνεῖ τινὸς ἅμα καὶ μαθήσεως καὶ διδασκαλίας, τὰ μὲν παρ’ ἀλλήλων, τὰ δὲ καὶ παρὰ τῶν ἀνθρώπων, ὅσαπερ ἀκοῆς μετέχει, μὴ μόνον ὅσα τῶν ψόφων, ἀλλ’ ὅσα καὶ τῶν σημείων διαισθάνεται τὰς διαφοράς.
또한 어떤 것들은 학습과 가르침을 함께 어느 정도 공유하는데, 어떤 것은 서로에게서, 어떤 것은 인간에게서 얻는다. 이는 청각을 가진 모든 것, 단지 소리만을 감지하는 것뿐 아니라 신호의 차이도 알아차리는 모든 것에 해당한다.
Ἐν πᾶσι δ’ ὅσοις ἐστὶ γένεσι τὸ θῆλυ καὶ τὸ ἄρρεν, σχεδὸν ἡ φύσις ὁμοίως διέστησε τὸ ἦθος τῶν θηλειῶν πρὸς τὸ τῶν ἀρρένων.
암수가 존재하는 모든 부류에서, 자연은 암컷의 습성과 수컷의 습성을 거의 비슷하게 구별해 놓았다.
Μάλιστα δὲ φανερὸν ἐπί τε τῶν ἀνθρώπων καὶ τῶν μέγεθος ἐχόντων καὶ τῶν ζῳοτόκων τετραπόδων·
이는 인간과 몸집이 큰 동물, 그리고 태생 사지동물에게서 가장 분명하게 나타난다.
μαλακώτερον γὰρ τὸ ἦθός ἐστι τὸ τῶν θηλειῶν, καὶ τιθασσεύεται θᾶττον, καὶ προσίεται τὰς χεῖρας μᾶλλον, καὶ μαθητικώτερον, οἷον καὶ αἱ Λάκαιναι κύνες αἱ θήλειαι εὐφυέστεραι τῶν ἀρρένων εἰσίν.
왜냐하면 암컷의 습성은 더 온순하고, 더 빨리 길들여지며, 손길을 더 잘 받아들이고, 학습 능력이 더 뛰어나기 때문이다. 예컨대 라코니아의 암컷 사냥개는 수컷보다 더 소질이 있다.
Τὸ δ’ ἐν τῇ Μολοττίᾳ γένος τῶν κυνῶν τὸ μὲν θηρευτικὸν οὐδὲν διαφέρει πρὸς τὸ παρὰ τοῖς ἄλλοις, τὸ δ’ ἀκόλουθον τοῖς προβάτοις τῷ μεγέθει καὶ τῇ ἀνδρίᾳ τῇ πρὸς τὰ θηρία.
몰로시아 사냥개 품종 중 사냥용은 다른 곳의 개와 전혀 다르지 않으나, 양들을 따르는 개는 그 크기와 야수를 상대하는 용맹함에서 뛰어나다.
Διαφέρουσι δ’ οἱ ἐξ ἀμφοῖν ἀνδρίᾳ καὶ φιλοπονίᾳ, οἵ τε ἐκ τῶν ἐν τῇ Μολοττίᾳ γιγνομένων κυνῶν καὶ ἐκ τῶν Λακωνικῶν.
그리고 양자 사이에서 태어난 개들, 즉 몰로시아 개와 라코니아 개 사이에서 태어난 개들은 용맹함과 근면함에서 다르다.
Ἀθυμότερα δὲ τὰ θήλεα πάντα τῶν ἀρρένων πλὴν ἄρκτου καὶ παρδάλεως· τούτων δ’ ἡ θήλεια δοκεῖ εἶναι ἀνδρειοτέρα.
곰과 표범을 제외하고는 모든 암컷이 수컷보다 기개가 부족한데, 이들 품종에서는 암컷이 더 용맹한 것으로 보인다.
Ἐν δὲ τοῖς ἄλλοις γένεσι τὰ θήλεα μαλακώτερα καὶ κακουργότερα καὶ ἧττον ἁπλᾶ καὶ προπετέστερα καὶ περὶ τὴν τῶν τέκνων τροφὴν φροντιστικώτερα, τὰ δ’ ἄρρενα ἐναντίως θυμωδέστερα καὶ ἀγριώτερα καὶ ἁπλούστερα καὶ ἧττον ἐπίβουλα.
다른 부류에서 암컷은 더 온순하고, 더 음흉하며, 덜 정직하고, 더 경솔하며, 새끼를 기르는 일에 더 마음을 쓰지만, 수컷은 이와 반대로 더 쉽게 노하고, 더 사나우며, 더 단순하고, 덜 음험하다.
Τούτων δ’ ἴχνη μὲν τῶν ἠθῶν ἐστὶν ἐν πᾶσιν ὡς εἰπεῖν, μᾶλλον δὲ φανερώτερα ἐν τοῖς ἔχουσι μᾶλλον ἦθος καὶ μάλιστα ἐν ἀνθρώπῳ·
이러한 습성의 흔적은 말하자면 모든 동물에게 존재하지만, 습성을 더 많이 가진 동물들에게서, 그리고 특히 인간에게서 더 분명하게 드러난다.
τοῦτο γὰρ ἔχει τὴν φύσιν ἀποτετελεσμένην, ὥστε καὶ ταύτας τὰς ἕξεις εἶναι φανερωτέρας ἐν αὐτοῖς.
왜냐하면 인간은 완성된 본성을 가지고 있어서 이러한 상태들이 그들에게서 더 분명하게 나타나기 때문이다.
Διόπερ γυνὴ ἀνδρὸς ἐλεημονέστερον καὶ ἀρίδακρυ μᾶλλον, ἔτι δὲ φθονερώτερον καὶ μεμψιμοιρότερον, καὶ φιλολοίδορον τὸ θῆλυ τοῦ ἄρρενος καὶ δύσελπι, καὶ ἀναιδέστερον καὶ ψευδέστερον, εὐαπαητότερον δὲ καὶ μνημονικώτερον, ἔτι δὲ ἀγρυπνότερον καὶ ὀκνηρότερον καὶ ὅλως ἀκινητότερον τὸ θῆλυ τοῦ ἄρρενος, καὶ τροφῆς ἐλάττονός ἐστιν.
그러므로 여자는 남자보다 더 동정심이 많고 눈물이 많으며, 나아가 더 시기하고 불평이 많으며, 암컷은 수컷보다 더 비방하기를 좋아하고 낙담하기 쉽고, 더 뻔뻔하고 거짓이 많으며, 더 잘 속고 기억력이 더 좋으며, 게다가 더 잠을 못 자고 더 게으르며 전반적으로 더 움직이지 않고 음식도 더 적게 먹는다.
Βοηθητικώτερον δέ, ὥσπερ ἐλέχθη, καὶ ἀνδρειότερον τὸ ἄρρεν τοῦ θήλεός ἐστιν, ἐπεὶ καὶ ἐν τοῖς μαλακίοις, ὅταν τῷ τριώδοντι πληγῇ ἡ σηπία, ὁ μὲν ἄρρην βοηθεῖ τῇ θηλείᾳ, ἡ δὲ θήλεια φεύγει τοῦ ἄρρενος πληγέντος.
그러나 이미 말했듯이, 수컷은 암컷보다 더 도와주려 하고 더 용맹한데, 연체동물에서조차 갑오징어가 삼지창에 찔렸을 때 수컷은 암컷을 도와주지만, 수컷이 찔렸을 때 암컷은 달아나기 때문이다.