§7.4#1Ὅταν δὲ συλλάβῃ ἡ ὑστέρα τὸ σπέρμα, εὐθὺς συμμύει ταῖς πολλαῖς, μέχρι γένωνται ἑπτὰ μῆνες·
자궁이 정액을 받아들이면 대부분의 여성에게서 즉시 자궁구가 닫히며, 이는 일곱 달이 지날 때까지 이어진다.
τῷ δ’ ὀγδόῳ χάσκουσιν·
그러나 여덟 달째에는 자궁구가 열린다.
καὶ τὸ ἔμβρυον, ἐὰν ᾖ γόνιμον, προκαταβαίνει τῷ ὀγδόῳ μηνί.
그리고 배아는, 만약 생존 가능하다면, 여덟 달째에 하강한다.
Τὰ δὲ μὴ γόνιμα ἀλλ’ ἀποπεπνιγμένα ὀκτάμηνα ἐν τοῖς τόκοις οὐκ ἐκφέρουσιν ὀκτάμηναι αἱ γυναῖκες, οὔτε προκαταβαίνει κάτω τὰ ἔμβρυα τῷ ὀγδόῳ μηνί, οὔτε αἱ ὕστεραι ἐν τῷ χρόνῳ τούτῳ χάσκουσιν·
반면에 생존 불가능하고 질식한 여덟 달째의 배아를 여덟 달째의 여성들이 분만 시에 온전히 출산하지 못하며, 배아가 여덟 달째에 아래로 내려오지도 않고, 자궁이 이 시기에 열리지도 않는다.
ἀλλὰ σημεῖον ὅτι οὐ γόνιμον, ἐὰν γένηται μὴ συμπεσόντων τῶν εἰρημένων.
오히려 앞서 말한 일들이 함께 일어나지 않은 채 출산이 진행된다면, 그것은 생존 불가능하다는 징후이다.
Μετὰ δὲ τὰς συλλήψεις αἱ γυναῖκες βαρύνονται τὸ σῶμα πᾶν, καὶ σκότοι πρὸ τῶν ὀμμάτων καὶ ἐν τῇ κεφαλῇ γίνονται πόνοι.
수태 후에 여성들은 온몸이 무거워지고, 눈앞이 캄캄해지며, 머리에 통증이 생긴다.
Ταῦτα δὲ ταῖς μὲν θᾶττον καὶ σχεδὸν δεκαταίαις γίνεται, ταῖς δὲ βραδύτερον, ὅπως ἂν τύχωσιν οὖσαι τῷ περιττωματικαὶ εἶναι μᾶλλον καὶ ἧττον.
이러한 증상들은 어떤 여성들에게는 더 빨리, 대략 열흘째에 나타나고, 어떤 여성들에게는 더 늦게 나타나는데, 이는 그녀들이 잉여물이 많고 적음의 상태에 어떻게 처해 있느냐에 따른다.
Ἔτι δὲ ναυτίαι καὶ ἔμετοι λαμβάνουσι τὰς πλείστας, καὶ μάλιστα τὰς τοιαύτας, ὅταν αἵ τε καθάρσεις στῶσι καὶ μήπω εἰς τοὺς μαστοὺς τετραμμέναι ὦσιν.
더욱이 대부분의 여성들이 메스꺼움과 구토를 겪는데, 특히 월경이 멈추고 아직 유방으로 흘러 들어가지 않은 상태의 여성들에게 그러하다.
Ἔνιαι μὲν οὖν ἀρχόμεναι μᾶλλον πονοῦσι τῶν γυναικῶν, ἔνιαι δ’ ὕστερον, ἤδη τοῦ κυήματος ἔχοντος αὔξησιν μᾶλλον·
그리하여 어떤 여성들은 임신 초기에 더 고통을 겪고, 어떤 여성들은 배아가 이미 더 자란 후기인 나중에 고통을 겪는다.
πολλαῖς δὲ καὶ πολλάκις καὶ στραγγουρίαι γίνονται τὸ τελευταῖον.
또한 많은 여성들에게 후기에 자주 요도 폐색도 일어난다.
Ὡς μὲν οὖν ἐπὶ τὸ πολὺ ῥᾷον ἀπαλλάττουσιν αἱ τὰ ἄρρενα κύουσαι καὶ μᾶλλον μετ’ εὐχροίας διατελοῦσιν, ἐπὶ δὲ τῶν θηλειῶν τοὐναντίον·
대개 남아를 잉태한 여성들이 더 수월하게 지내고 안색도 더 좋게 유지되는 반면, 여아의 경우에는 그 반대이다.
ἀχρούστεραί τε γὰρ ὡς ἐπὶ τὸ πολύ, καὶ βαρύτερον διάγουσι, καὶ πολλαῖς περὶ τὰ σκέλη οἰδήματα καὶ ἐπάρσεις γίνονται τῆς σαρκός·
왜냐하면 그녀들은 대개 안색이 더 나쁘고 더 무겁게 지내며, 많은 여성들에게 다리 주변에 부종과 살이 부어오르는 현상이 일어나기 때문이다.
οὐ μὴν ἀλλ’ ἐνίαις γίνεται καὶ τἀναντία τούτων.
그렇지만 어떤 여성들에게는 이것과 반대의 일이 일어나기도 한다.
Εἰώθασι δὲ ταῖς κυούσαις αἱ ἐπιθυμίαι γίνεσθαι παντοδαπαὶ καὶ μεταβάλλειν ὀξέως, ὃ καλοῦσί τινες κισσᾶν·
또한 임신한 여성들에게는 온갖 종류의 갈망이 생겨 급격하게 변하는 경향이 있는데, 이를 어떤 이들은 ‘키산’이라 부른다.
καὶ ἐπὶ τῶν θηλειῶν ὀξύτεραι μὲν αἱ ἐπιθυμίαι, παραγινομένων δὲ ἧττον δύνανται ἀπολαύειν.
여아를 잉태했을 때 갈망이 더 격렬하지만, 그것이 주어지더라도 그것을 덜 누린다.
Ὀλίγαις δέ τισι συμβαίνει βέλτιον ἔχειν τὸ σῶμα κυούσαις.
그러나 아주 일부의 여성들에게는 임신 중에 몸 상태가 더 좋아지는 일도 일어난다.
Μάλιστα δὲ ἀσῶνται, ὅταν ἄρχωνται τὰ παιδία τρίχας ποιεῖν.
특히 아이들이 머리카락을 기르기 시작할 때 가장 큰 불쾌감을 느낀다.
Αἱ δὲ τρίχες ταῖς μὲν κυούσαις αἱ μὲν συγγενεῖς γίνονται ἐλάττους καὶ ῥέουσιν, ἐν οἷς δὲ μὴ εἰώθασιν ἔχειν τρίχας, ταῦτα δασύνεται μᾶλλον.
머리카락에 관해서는, 임신한 여성들에게 원래 있던 머리카락은 줄어들고 빠지는 반면, 보통 머리카락이 나지 않는 부위는 더 덥수룩해진다.
Καὶ κίνησιν δὲ παρέχεται ἐν τῷ σώματι μᾶλλον ὡς ἐπὶ τὸ πολὺ τὸ ἄρρεν τοῦ θήλεος, καὶ τίκτεται θᾶττον, τὰ δὲ θήλεα βραδύτερον.
또한 대개 남아는 여아보다 체내에서 더 많은 움직임을 유발하고 더 빨리 태어나며, 여아는 더 늦게 태어난다.
Καὶ ὁ πόνος ἐπὶ μὲν τοῖς θήλεσι συνεχὴς καὶ νωθρότερος, ἐπὶ δὲ τοῖς ἄρρεσιν ὀξὺς μέν, πολλῷ δὲ χαλεπώτερος.
그리고 분만 통증은 여아의 경우에는 지속적이고 무디지만, 남아의 경우에는 급격하고 훨씬 더 심하다.
Αἱ δὲ πλησιάζουσαι πρὸ τῶν τόκων τοῖς ἀνδράσι θᾶττον τίκτουσιν.
출산 전에 남편과 성관계를 갖는 여성들은 더 빨리 출산한다.
Δοκοῦσι δ’ ὠδίνειν αἱ γυναῖκες ἐνίοτε οὐ γινομένης ὠδῖνος, ἀλλὰ διὰ τὸ τὴν κεφαλὴν στρέφειν τὸ ἔμβρυον φαίνεται ὠδῖνος ἀρχὴ τοῦτο γίνεσθαι.
여성들은 때로 진통이 일어나지 않았는데도 진통이 일어난다고 생각하는데, 이는 배아가 머리를 돌림으로써 진통이 시작되는 것처럼 보이기 때문이다.
Τὰ μὲν οὖν ἄλλα ζῷα μοναχῶς ποιεῖται τὴν τοῦ τόκου τελείωσιν·
한편 다른 동물들은 출산의 완료를 단 한 가지 방식으로 행한다.
εἷς γὰρ ὥρισται τοῦ τόκου χρόνος πᾶσιν·
모든 동물에게 하나의 정해진 출산 시기가 정해져 있기 때문이다.
ἀνθρώπῳ δὲ πολλοὶ μόνῳ τῶν ζῴων·
그러나 인간만이 동물 중에서 유일하게 많은 출산 시기를 가진다.
καὶ γὰρ ἑπτάμηνα καὶ ὀκτάμηνα καὶ ἐννεάμηνα γίνεται, καὶ δεκάμηνα τὸ πλεῖστον· ἔνιαι δ’ ἐπιλαμβάνουσι καὶ τοῦ ἑνδεκάτου μηνός.
실제로 일곱 달, 여덟 달, 아홉 달 만에 태어나기도 하고, 가장 많은 것은 열 달이며, 어떤 여성들에게는 열한 달째에 접어들기도 한다.
Ὅσα μὲν οὖν γίνεται πρότερα τῶν ἑπτὰ μηνῶν, οὐδὲν οὐδαμῇ δύναται ζῆν·
따라서 일곱 달 이전에 태어나는 것은 결코 살아남을 수 없다.
τὰ δ’ ἑπτάμηνα γόνιμα γίνεται πρῶτον, ἀσθενῆ δὲ τὰ πολλά (διὸ καὶ σπαργανοῦσιν ἐρίοις αὐτά), πολλὰ δὲ καὶ τῶν πόρων ἐνίους ἔχοντα ἀσχίστους, οἷον ὤτων καὶ μυκτήρων·
일곱 달째에 태어나는 것이 처음으로 생존 가능해지지만, 대부분은 약하여(그래서 양모로 싸두는 것이다) 귀나 콧구멍 같은 일부 통로가 뚫리지 않은 채 태어나는 경우도 많다.
ἀλλ’ ἐπαυξανομένοις μένοις διαρθροῦται, καὶ βιοῦσι πολλὰ καὶ τῶν τοιούτων.
그러나 자라나면서 지체가 형성되고, 이러한 아이들 중 많은 수가 살아남는다.
Τὰ δ’ ὀκτάμηνα περὶ μὲν Αἴγυπτον καὶ ἐν ἐνίοις τόποις, ὅπου εὐέκφοροι αἱ γυναῖκες καὶ φέρουσί τε πολλὰ ῥᾳδίως καὶ τίκτουσι, καὶ γενόμενα δύναται ζῆν, κἂν τερατώδη γένηται, ἐνταῦθα μὲν ζῇ τὰ ὀκτάμηνα καὶ ἐκτρέφεται, ἐν δὲ τοῖς περὶ τὴν Ἑλλάδα τόποις ὀλίγα πάμπαν σώζεται, τὰ δὲ πολλὰ ἀπόλλυται·
반면에 여덟 달째에 태어나는 아이는 에지프트나 여성들이 출산하기 쉽고 많이 낳으며 쉽게 낳는 일부 지역에서는 살아남을 수 있으며, 비록 기형으로 태어나더라도 그곳에서는 여덟 달짜리가 살아서 길러진다. 그러나 그리스 주변 지역에서는 아주 극소수만 살아남고 대부분은 죽는다.
καὶ διὰ τὴν ὑπόληψιν, κἂν σωθῇ τι, νομίζουσιν οὐκ ὀκτάμηνον εἶναι τὸ γεγενημένον, ἀλλὰ λαθεῖν ἑαυτὰς αἱ γυναῖκες συλλαβοῦσαι πρότερον.
그리고 이러한 통념 때문에, 설령 살아남더라도 태어난 아이가 여덟 달짜리가 아니라, 여성들이 이전에 자신도 모르게 수태했던 것으로 생각한다.
Πονοῦσι δ’ αἱ γυναῖκες μάλιστα τὸν μῆνα τὸν τέταρτον καὶ τὸν ὄγδοον, καὶ ἐὰν διαφθείρωσι τετάρτῳ ἢ ὀγδόῳ μηνί, διαφθείρονται καὶ αὐταὶ ὡς ἐπὶ τὸ πολύ, ὥστ’ οὐ μόνον τὰ ὀκτάμηνα οὐ ζῇ, ἀλλὰ καὶ διαφθειρομένων αἱ τίκτουσαι κινδυνεύουσιν.
또한 여성들은 특히 넷째 달과 여덟째 달에 큰 고통을 겪으며, 만약 넷째 달이나 여덟째 달에 유산하게 되면 그녀들 자신도 대개 목숨을 잃는다. 그리하여 여덟 달짜리가 살지 못할 뿐만 아니라, 유산할 때 출산하는 여성들도 위험에 처하게 된다.
Τὸν αὐτὸν δὲ τρόπον δοκεῖ λανθάνειν καὶ ὅσα φαίνεται τίκτεσθαι πολυχρονιώτερα τῶν ἕνδεκα μηνῶν·
이와 동일한 방식으로, 열한 달보다 더 오래된 기간을 거쳐 태어나는 것처럼 보이는 것들도 역시 수태 시기가 간과된 것으로 보인다.
καὶ γὰρ τούτων ἡ τῆς συλλήψεως ἀρχὴ λανθάνει τὰς γυναῖκας·
왜냐하면 이러한 경우에도 수태의 시작이 여성들에게 알려지지 않았기 때문이다.
πολλάκις γὰρ πνευματικῶν γενομένων ἔμπροσθεν τῶν ὑστερῶν, μετὰ ταῦτα πλησιάσασαι καὶ συλλαβοῦσαι ἐκείνην οἴονται τὴν ἀρχὴν εἶναι τῆς συλλήψεως, δι’ ἣν ἐχρήσαντο τοῖς σημείοις ὁμοίοις.
즉, 이전에 자궁이 자주 가스로 부풀어 올랐다가 그 후에 성관계를 가져 수태했기 때문에, 유사한 징후를 겪었던 그 시점을 수태의 시작이라고 생각하기 때문이다.