§7.3Γίνεται δὲ σημεῖον τοῦ συνειληφέναι ταῖς γυναιξίν, ὅταν εὐθὺς γένηται μετὰ τὴν ὁμιλίαν ὁ τόπος ξηρός.
여성들이 수태했음을 보여주는 징후는 성관계 직후에 그 부위가 건조해질 때 나타난다.
Ἂν μὲν οὖν λεῖα τὰ χείλη ᾖ τοῦ στόματος, οὐ θέλει συλλαμβάνειν (ἀπολισθαίνει γάρ), οὐδ’ ἂν παχέα·
그러므로 자궁구의 입술이 매끄러우면 수태하기 어려운데(정액이 미끄러져 나가기 때문이다), 두꺼울 때도 마찬가지이다.
ἂν δ’ ἁπτομένῳ τῷ δακτύλῳ τραχύτερα ᾖ καὶ ἀντέχηται, καὶ ἂν λεπτὰ τὰ χείλη, τότε εὐκαίρως ἔχει πρὸς τὴν σύλληψιν.
그러나 손가락으로 만졌을 때 더 거칠거칠하고 저항감이 있으며 입술이 얇다면, 그때가 바로 수태하기에 적기이다.
Πρὸς μὲν οὖν τὸ συλλαμβάνειν τοιαύτας δεῖ κατασκευάζειν τὰς ὑστέρας, πρὸς δὲ τὸ μὴ συλλαμβάνειν τοὐναντίον·
따라서 수태하기 위해서는 자궁을 이와 같은 상태로 만들어야 하고, 수태하지 않기 위해서는 그 반대로 해야 한다.
ἂν γὰρ ᾖ λεῖα τὰ χείλη, οὐ συλλαμβάνει·
실제로 입술이 매끄러우면 수태가 일어나지 않는다.
διὸ ἔνιαι τῆς μήτρας πρὸς ὃ πίπτει τὸ σπέρμα, ἀλείφουσιν ἐλαίῳ κεδρίνῳ ἢ ψιμυθίῳ ἢ λιβανωτῷ, διέντες ἐλαίῳ.
이 때문에 어떤 여성들은 정액이 떨어지는 자궁 부위에 시더유를 바르거나, 연백이나 유향을 기름에 녹여 바른다.
Ἐὰν δὲ ἑπτὰ ἐμμείνῃ ἡμέρας, φανερὸν ὅτι εἴληπται·
만약 이레 동안 머물러 있다면 수태된 것이 분명하다.
αἱ γὰρ καλούμεναι ἐκρύσεις ἐν ταύταις γίνονται ταῖς ἡμέραις.
왜냐하면 소위 ‘유출(ekrhysis)’이라 불리는 현상이 이 기간 동안에 일어나기 때문이다.
Αἱ δὲ καθάρσεις φοιτῶσι ταῖς πλείσταις ἐπί τινα χρόνον συνειληφυίαις, ἐπὶ μὲν τῶν θηλειῶν τριάκονθ’ ἡμέρας μάλιστα, περὶ δὲ τετταράκοντα ἐπὶ τῶν ἀρρένων.
또한 대부분의 여성들에게는 수태한 후에도 한동안 월경이 나오는데, 여 아를 잉태한 경우에는 대략 30일 동안, 남아의 경우에는 약 40일 동안 일어난다.
Καὶ μετὰ τοὺς τόκους δ’ αἱ καθάρσεις βούλονται τὸν αὐτὸν ἀριθμὸν ἀποδιδόναι τοῦτον, οὐ μὴν ἐξακριβοῦσί γε πάσαις ὁμοίως.
그리고 출산 후에도 정화는 이와 동일한 일수를 채우려는 경향이 있지만, 모든 여성에게 똑같이 정확하게 적용되는 것은 아니다.
Μετὰ δὲ τὴν σύλληψιν καὶ τὰς ἡμέρας τὰς εἰρημένας οὐκέτι κατὰ φύσιν, ἀλλ’ εἰς τοὺς μαστοὺς τρέπεται καὶ γίνεται γάλα.
수태를 하고 앞서 언급한 일수가 지난 후에는 더 이상 정상적으로 배출되지 않고, 유방으로 흘러들어가 젖이 된다.
Ἐπισημαίνει δὲ τὸ πρῶτον μικρόν τε καὶ ἀραχνιῶδες τὸ γάλα ἐν τοῖς μαστοῖς.
처음에는 유방 속에 젖이 거미줄처럼 아주 소량으로 묽게 나타난다.
Ὅταν δὲ συλλάβωσιν, αἴσθησις μάλιστα ἐγγίνεται ἔν τε ταῖς λαγόσιν·
수태를 하게 되면 특히 옆구리 부위에 자각 증상이 생긴다.
ἐνίαις γὰρ γίνονται πληρέστεραι εὐθύς· μᾶλλον δ’ ἐπιδήλως τοῦτο συμβαίνει ταῖς ἰσχναῖς.
어떤 여성들에게는 그 부위가 즉시 더 부풀어 오르기 때문인데, 몸이 마른 여성들에게서 이것이 더 뚜렷하게 관찰된다.
Καὶ ἐν τοῖς βουβῶσιν ἐπὶ μὲν τῶν ἀρρένων ὡς ἐπὶ τὸ πολὺ ἐν τῷ δεξιῷ μᾶλλον περὶ τὰς τετταράκοντα γίνεται ἡ κίνησις, τῶν δὲ θηλειῶν ἐν τῷ ἀριστερῷ περὶ ἐνενήκονθ’ ἡμέρας.
또한 서타구니에서의 태동은, 남아의 경우 대개 우측에서 40일경에 일어나며, 여아의 경우에는 좌측에서 90일경에 일어난다.
Οὐ μὴν ἀλλ’ ἀκρίβειάν γε τούτων οὐδεμίαν ὑποληπτέον·
그렇다고 해서 이것들에 어떤 절대적인 정확성이 있다고 여겨서는 안 된다.
πολλαῖς γὰρ θηλυτοκούσαις ἡ κίνησις ἐν τῷ δεξιῷ γίνεται, καὶ ταῖς ἐν τῷ ἀριστερῷ ἄρρεν·
여아를 출산하는 많은 여성들에게서 우측에 태동이 일어나기도 하고, 좌측에 일어나는 여성들에게서 남아를 낳기도 하기 때문이다.
ἀλλὰ καὶ ταῦτα καὶ τὰ τοιαῦτα πάντα διαφέρει ὡς ἐπὶ τὸ πολὺ τῷ μᾶλλον καὶ ἧττον.
도리어 이것들과 이와 유사한 모든 현상들은 대개 정도의 차이에 따라 달라질 뿐이다.
Περὶ δὲ τοῦτον τὸν χρόνον καὶ σχίζεται τὸ κύημα·
그리고 이 시기에 배아도 분화된다.
τὸν δ’ ἔμπροσθεν ἄναρθρον συνέστηκε κρεῶδες.
그 전에는 관절이 없는 고기 덩어리처럼 구성되어 있다.
Καλοῦνται δ’ ἐκρύσεις μὲν αἱ μέχρι τῶν ἑπτὰ ἡμερῶν διαφθοραί, ἐκτρωσμοὶ δ’ αἱ μέχρι τῶν τετταράκοντα·
7일까지의 유실은 ‘유출(ekrhysis)’이라 부르고, 40일까지의 유산은 ‘낙태(ektrosmos)’라 부른다.
καὶ πλεῖστα διαφθείρεται τῶν κυημάτων ἐν ταύταις ταῖς ἡμέραις.
그리고 대부분의 배아가 이 기간 중에 유실된다.
Τὸ μὲν οὖν ἄρρεν ὅταν ἐξέλθῃ τετταρακοσταῖον, ἐὰν μὲν εἰς ἄλλο τι ἀφῇ τις, διαχεῖταί τε καὶ ἀφανίζεται, ἐὰν δ’ εἰς ψυχρὸν ὕδωρ, συνίσταται οἷον ἐν ὑμένι·
한편 남아의 배아가 40일째에 배출되었을 때, 그것을 다른 어떤 곳에 떨어뜨리면 흩어져서 사라져 버리지만, 찬물에 넣으면 막 같은 것에 싸인 채 굳어진다.
τούτου δὲ διακνισθέντος φαίνεται τὸ ἔμβρυον τὸ μέγεθος ἡλίκον μύρμηξ τῶν μεγάλων, τά τε μέλη δῆλα, τά τε ἄλλα πάντα καὶ τὸ αἰδοῖον, καὶ οἱ ὀφθαλμοὶ καθάπερ ἐπὶ τῶν ἄλλων ζῴων μέγιστοι.
이 막을 찢어 보면 배아가 보이는데, 그 크기는 커다란 개미만 하고, 사지도 분명하며, 다른 모든 부분 특히 성기도 뚜렷하고, 눈은 다른 동물들과 마찬가지로 매우 크다.
Τὸ δὲ θῆλυ, ὅ τι μὲν ἂν διαφθαρῇ ἐντὸς τῶν τριῶν μηνῶν, ἀδιάρθρωτον ὡς ἐπὶ τὸ πολὺ φαίνεται·
반면에 여아의 배아는 3개월 이내에 유산되는 경우 대개 지체가 형성되지 않은 상태로 보인다.
ὅ τι δ’ ἂν ἐπιλάβῃ τοῦ τετάρτου μηνός, γίνεται ἐσχισμένον καὶ διὰ ταχέων λαμβάνει τὴν ἄλλην διάρθρωσιν.
그러나 4개월째에 접어든 것은 지체가 갈라져 있으며, 빠르게 나머지 부위들의 형성을 이룬다.
Τέως μὲν οὖν πᾶσαν τὴν τελείωσιν τῶν μορίων βραδύτερον ἀπολαμβάνει τὸ θῆλυ τοῦ ἄρρενος, καὶ δεκάμηνα γίνεται μᾶλλον τῶν ἀρρένων·
따라서 그때까지는 여아가 남아보다 각 기관의 완전한 완성을 더 느리게 달성하며, 남아보다 10개월 만에 태어나는 경우가 더 많다.
ὅταν δὲ γένηται, θᾶττον τὰ θήλεα τῶν ἀρρένων καὶ νεότητα καὶ ἀκμὴν λαμβάνει καὶ γῆρας, καὶ μᾶλλον αἱ πλείοσι χρώμεναι τόκοις, ὥσπερ εἴρηται πρότερον.
그러나 태어난 후에는 여성이 남성보다 더 빠르게 젊음과 전성기, 그리고 노년을 맞이하며, 앞서 말한 바와 같이 많은 출산을 겪는 여성들에게서 더욱 그러하다.