§5.17Τῶν δὲ μαλακοστράκων οἱ κάραβοι μετὰ τὴν ὀχείαν κύουσι καὶ ἴσχουσι τὰ ᾠὰ περὶ τρεῖς μῆνας, Σκιρροφοριῶνα καὶ Ἑκατομβαιῶνα καὶ Μεταγειτνιῶνα·
갑각류 중 닭새우는 교미 후에 임신하여 스키로포리온, 헤카톰바이온, 메타게이트니온의 약 석 달 동안 알을 몸 안에 지닌다.
μετὰ δὲ ταῦτα προστίκτουσιν ὑπὸ τὴν κοιλίαν εἰς τὰς πτύχας, καὶ αὐξάνεται αὐτῶν τὰ ᾠὰ ὥσπερ οἱ σκώληκες.
그 후에 그것들을 배 밑의 접힌 부분에 낳아 붙이며, 그 알들은 유충처럼 자라난다.
Τὸ δ’ αὐτὸ τοῦτο καὶ ἐπὶ τῶν μαλακίων ἐστὶ καὶ τῶν ἰχθύων, ὅσοι ᾠοτοκοῦσιν· αὐξάνεται γὰρ πάντων τὸ ᾠόν.
이와 똑같은 현상은 연체동물과 알을 낳는 물고기 모두에게도 일어나는데, 이들 모두의 알은 자라나기 때문이다.
Τὸ μὲν οὖν ᾠὸν γίνεται ψαθυρὸν τῶν καράβων, διῃρημένον εἰς ὀκτὼ μοίρας.
한편, 닭새우의 알은 부서지기 쉬우며 여덟 부분으로 나뉘어 있다.
Καθ’ ἕκαστον γὰρ τῶν ἐπικαλυμμάτων τῶν ἐκ τοῦ πλαγίου πεφυκότων ἐστὶ χονδρῶδές τι πρὸς ὃ περιφύεται, καὶ τὸ ὅλον γίνεται ὥσπερ βότρυς·
옆면에서 자라나는 각각의 덮개 밑에는 알이 그 둘레에 달라붙는 연골 같은 물질이 있어 전체가 마치 포도송이처럼 된다.
σχίζεται γὰρ ἕκαστον εἰς πλείω τῶν χονδρωδῶν.
각각의 연골 물질이 여러 갈래로 갈라지기 때문이다.
Ταῦτα δὲ διαστέλλοντι μὲν γίνεται φανερά, προσβλέποντι δὲ συνεστηκός τι φαίνεται·
이것들을 벌려 볼 때는 뚜렷이 보이지만, 그냥 볼 때는 한 덩어리로 뭉쳐진 것처럼 보인다.
καὶ γίνεται δὲ μέγιστα οὐ τὰ πρὸς τῷ πόρῳ ἀλλὰ τὰ κατὰ μέσον, ἐλάχιστα δὲ τὰ ἔσχατα.
그리고 알들 중 가장 크게 자라는 것은 통로 쪽이 아니라 중간 부분에 있는 것들이며, 가장 작은 것은 양끝에 있는 것들이다.
Τὸ δὲ μέγεθος τῶν ᾠῶν τῶν μικρῶν ἐστὶν ἡλίκον κεγχραμίς.
작은 알들의 크기는 기장 씨앗만 하다.
Οὐκ εὐθὺς δ’ ἐστὶν ἐχόμενα τοῦ πόρου, ἀλλὰ κατὰ μέσον·
알들은 통로 바로 옆에 붙어 있는 것이 아니라 중간에 위치한다.
ἑκατέρωθεν γὰρ ἀπὸ τῆς κέρκου καὶ ἀπὸ τοῦ θώρακος δύο διαστήματα μάλιστα ἀπέχει· οὕτω γὰρ καὶ τὰ ἐπικαλύμματα πέφυκεν.
꼬리 쪽과 가슴 쪽의 양옆으로부터 대략 두 마디 정도의 간격을 두고 떨어져 있기 때문이며, 덮개들 역시 그렇게 자라나기 때문이다.
Αὐτὰ μὲν οὖν τὰ ἐκ τοῦ πλαγίου οὐ δύναται συμπεριλαμβάνειν, τοῦ δ’ ἄκρου προσεπιτεθέντος καλύπτει πάντα, καὶ γίνεται τοῦτ’ αὐτοῖς οἷον πῶμα.
옆면의 덮개들만으로는 그것들을 다 감쌀 수 없지만, 끝부분의 덮개가 덧씌워지면 모든 것을 가려주어 이것이 그들에게 뚜껑과 같은 역할을 한다.
Ἔοικε δὲ τὰ ᾠὰ τίκτουσα προσάγειν πρὸς τὰ χονδρώδη τῷ πλάτει τῆς κέρκου προσαναπτυττομένης, καὶ προσπιέσασα εὐθὺς καὶ κεκαμμένη ἀποτίκτειν.
알을 낳을 때, 암컷은 꼬리의 넓은 부분을 안쪽으로 접어 올려 알들을 연골 부위로 가져가며, 그것들을 바짝 밀착시킨 직후에 몸을 구부려 낳는 것처럼 보인다.
Τὰ δὲ χονδρώδη κατὰ τοὺς καιροὺς τούτους αὐξάνεται καὶ δεκτικὰ γίνεται τῶν ᾠῶν·
연골 물질은 이 시기가 되면 커져서 알을 받아들일 수 있게 된다.
πρὸς τὰ χονδρώδη γὰρ ἀποτίκτουσι, καθάπερ αἱ σηπίαι πρὸς τὰ κλήματα καὶ τὸν φορυτόν.
닭새우들은 연골 부위에 대고 알을 낳는데, 이는 마치 갑오징어가 잔가지나 쓰레기 더미에 알을 낳아 붙이는 것과 같다.
Ἀποτίκτει μὲν οὖν τοῦτον τὸν τρόπον, συμπέψασα δ’ ἐνταῦθα μάλιστα ἐν εἴκοσιν ἡμέραις ἀποβάλλει συνεστηκὸς καὶ ἀθρόον, ὥσπερ φαίνεται καὶ ἐκτός·
이러한 방식으로 알을 낳고, 그곳에서 약 20일 동안 알을 성숙시킨 뒤 외관상으로도 보이듯 단단하게 뭉쳐진 덩어리 상태로 털어낸다.
εἶτ’ ἐκ τούτων γίνονται οἱ κάραβοι ἐν ἡμέραις μάλιστα πεντεκαίδεκα, καὶ λαμβάνονται πολλάκις ἐλάττους ἢ δακτυλιαῖοι.
그 후 이 알들로부터 약 15일 만에 닭새우들이 태어나며, 종종 손가락 한 마디 너비보다도 작은 크기로 잡히기도 한다.
Προεκτίκτει μὲν οὖν πρὸ ἀρκτούρου, μετὰ δ’ ἀρκτοῦρον ἀποβάλλει τὰ ᾠά.
암컷들은 아르크투루스가 뜨기 전에 알을 산란해 붙이고, 아르크투루스가 뜬 후에 그 알들을 털어낸다.
Τῶν δὲ κυφῶν καρίδων ἡ κύησίς ἐστι περὶ τέτταρας μῆνας.
한편 굽은새우류의 임신 기간은 약 넉 달이다.
Γίνονται δ’ οἱ μὲν κάραβοι ἐν τοῖς τραχέσι καὶ πετρώδεσιν, οἱ δ’ ἀστακοὶ ἐν τοῖς λείοις· ἐν δὲ τοῖς πηλώδεσιν οὐδέτεροι·
닭새우는 거칠고 바위가 많은 곳에서 발생하고 바닷가재는 평평하고 부드러운 곳에서 발생하지만, 진흙이 많은 곳에서는 둘 다 발생하지 않는다.
διὸ καὶ ἐν Ἑλλησπόντῳ μὲν καὶ περὶ Θάσον ἀστακοὶ γίνονται, περὶ δὲ τὸ Σίγειον καὶ τὸν Ἄθων κάραβοι.
이 때문에 헬레스폰토스와 타소스섬 주변에서는 바닷가재가 발생하고, 시게이온과 아토스산 주변에서는 닭새우가 발생한다.
Διασημαίνονται δὲ τοὺς τόπους οἱ ἁλιεῖς τούς τε τραχεῖς καὶ τοὺς πηλώδεις ταῖς τε ἀκταῖς καὶ τοῖς ἄλλοις τοῖς τοιούτοις σημείοις, ὅταν βούλωνται ἐν τῷ πελάγει ποιεῖσθαι τὴν θήραν.
어부들이 먼바다에서 고기잡이를 하려 할 때는 해안의 모습이나 그 밖의 유사한 표시들을 보고서 거친 곳과 진흙이 많은 곳을 식별해 낸다.
Γίνονται δ’ ἐν μὲν τῷ χειμῶνι καὶ τῷ ἔαρι πρὸς τῇ γῇ μᾶλλον, τοῦ δὲ θέρους ἐν τῷ πελάγει, διώκοντα ὁτὲ μὲν τὴν ἀλέαν ὁτὲ δὲ τὸ ψῦχος.
그것들은 겨울과 봄에는 육지에 더 가까이 머물고 여름에는 먼바다로 나가는데, 때로는 따뜻함을, 때로는 시원함을 쫓아가기 때문이다.
Τοῖς δὲ χρόνοις παραπλησίως καὶ αἱ καλούμεναι ἄρκτοι τίκτουσι τοῖς καράβοις·
거의 같은 시기에 '곰'이라 불리는 것들 역시 닭새우와 마찬가지로 알을 낳는다.
διὸ καὶ τοῦ χειμῶνος καὶ πρὶν ἐκτεκεῖν τοῦ ἔαρος ἄρισταί εἰσιν, ὅταν δ’ ἐκτέκωσι, χείρισται.
그렇기 때문에 겨울철과 봄에 알을 낳기 전에는 상태가 가장 좋지만, 알을 낳고 나면 가장 나쁜 상태가 된다.
Ἐκδύνουσι δὲ τὸ κέλυφος τοῦ ἔαρος, ὥσπερ οἱ ὄφεις τὸ καλούμενον γῆρας, καὶ εὐθὺς γινόμενοι καὶ ὕστερον καὶ οἱ κάραβοι καὶ οἱ καρκίνοι.
봄이 되면 뱀들이 이른바 '늙은 허물'을 벗어 던지듯이 그것들도 껍질을 벗는다. 갓 태어났을 때나 그 후로 자라났을 때나 모두 그러하며, 닭새우와 게 둘 다 마찬가지이다.
Εἰσὶ δ’ οἱ κάραβοι μακρόβιοι πάντες.
닭새우는 모두 수명이 길다.