§4.8#2εἰσὶ δέ τινες οἵ φασι καὶ μάλιστα ὀξυηκόους εἶναι τῶν ζῴων τοὺς ἰχθῦς, ἐκ τοῦ διατρίβοντας περὶ τὴν θάλατταν ἐντυγχάνειν τοιούτοις πολλοῖς.
그러나 어떤 이들은 물고기가 동물들 중에서 가장 청각이 예리하다고 주장하기도 하는데, 이는 바다에서 많은 시간을 보내면서 그러한 사례들을 많이 접하기 때문이다.
Μάλιστα δ’ εἰσὶ τῶν ἰχθύων ὀξυήκοοι κεστρεύς, χρέμψ, λάβραξ, σάλπη, χρομίς, καὶ ὅσοι ἄλλοι τοιοῦτοι τῶν ἰχθύων·
물고기 중에서 특히 청각이 예리한 것은 숭어, 크렘프스, 농어, 살페, 크로미스 및 그와 유사한 다른 모든 물고기들이다.
οἱ δ’ ἄλλοι τούτων ἧττον, διὸ μᾶλλον πρὸς τῷ ἐδάφει τῆς θαλάττης ποιοῦνται τὰς διαγωγάς.
다른 물고기들은 이들보다 청각이 덜 예리하므로, 바다 밑바닥 근처에서 더 많이 생활한다.
Ὁμοίως δὲ καὶ περὶ ὀσφρήσεως ἔχει.
후각에 대해서도 마찬가지이다.
Τοῦ τε γὰρ μὴ προσφάτου δελέατος οὐκ ἐθέλουσιν ἅπτεσθαι οἱ πλεῖστοι τῶν ἰχθύων, τοῖς τε δελέασιν οὐ τοῖς αὐτοῖς ἁλίσκονται πάντες ἀλλὰ ἰδίοις, διαγινώσκοντες τῷ ὀσφραίνεσθαι·
대부분의 물고기는 신선하지 않은 미끼에는 입을 대려 하지 않으며, 모든 물고기가 동일한 미끼로 잡히는 것이 아니라 제각기 고유한 미끼로 잡히는데, 이는 냄새를 맡음으로써 구별하기 때문이다.
ἔνια γὰρ δελεάζεται τοῖς δυσώδεσιν, ὥσπερ ἡ σάλπη τῇ κόπρῳ.
어떤 것들은 악취가 나는 미끼에 유혹되기 때문이니, 예컨대 살페는 똥으로 유인된다.
Ἔτι δὲ πολλοὶ τῶν ἰχθύων διατρίβουσιν ἐν σπηλαίοις, οὓς ἐπειδὰν βούλωνται προκαλέσασθαι πρὸς τὴν θήραν οἱ ἁλιεῖς, τὸ στόμα τοῦ σπηλαίου περιαλείφουσι ταριχηραῖς ὀσμαῖς, πρὸς ἃς ἐξέρχονται ταχέως.
또한 많은 물고기가 동굴 속에 사는데, 어부들이 이들을 잡기 위해 밖으로 유인하고자 할 때 동굴 입구에 젓갈 냄새를 바르면, 물고기들은 그 냄새를 향해 빠르게 흘러나온다.
Ἁλίσκεται δὲ καὶ ἡ ἔγχελυς τοῦτον τὸν τρόπον·
뱀장어도 이 방법으로 잡힌다.
τιθέασι γὰρ τῶν ταριχηρῶν τι κεραμίων, ἐνθέντες εἰς τὸ στόμα τοῦ κεραμίου τὸν καλούμενον ἠθμόν.
그들은 젓갈이 든 항아리를 놓고, 항아리 아가리에 이른바 깔때기를 끼워 둔다.
Καὶ ὅλως δὲ πρὸς τὰ κνισώδη πάντες φέρονται μᾶλλον.
그리고 일반적으로 모든 물고기는 고기 타는 냄새 쪽으로 더 많이 이끌린다.
Καὶ τῶν σηπιῶν δὲ τὰ σαρκία σταθεύσαντες ἕνεκα τῆς ὀσμῆς δελεάζουσι τούτοις· προσέρχονται γὰρ μᾶλλον.
갑오징어의 경우에도 그 살을 냄새가 나도록 살짝 구워서 미끼로 쓰니, 그것들이 더 잘 다가오기 때문이다.
Τοὺς δὲ πολύπους φασὶν ὀπτήσαντες εἰς τοὺς κύρτους ἐντιθέναι οὐδενὸς ἄλλου χάριν ἢ τῆς κνίσης.
문어에 대해서는 사람들이 그것을 구워서 통발 속에 넣는데, 이는 오직 고기 타는 냄새만을 위한 것이라고 한다.
Ἔτι δ’ οἱ ῥυάδες ἰχθύες, ὅταν ἐκχυθῇ τὸ πλύμα τῶν ἰχθύων, ἢ τῆς ἀντλίας ἐκχυθείσης, φεύγουσιν ὡς ὀσφραινόμενοι τῆς ὀσμῆς αὐτῶν.
또한 떼를 지어 다니는 물고기들은 물고기 씻은 물이 쏟아지거나 선창의 고인 물이 흘러나올 때, 그 냄새를 맡은 듯이 달아난다.
Καὶ τοῦ αὑτῶν δὲ αἵματος ταχὺ ὀσφραίνεσθαί φασιν αὐτούς· δῆλον δὲ ποιοῦσι φεύγοντες καὶ ἐκτοπίζοντες μακράν, ὅταν γένηται αἷμα ἰχθύων.
그리고 그들은 자신들의 피 냄새를 빠르게 맡는다고 하는데, 물고기 피가 있게 되면 달아나 멀리 피해 버림으로써 이를 분명히 보여준다.
Καὶ ὅλως δὲ ἐὰν μὲν σαπρῷ τις δελέατι δελεάσῃ τὸν κύρτον, οὐκ ἐθέλουσιν εἰσδύνειν οὐδὲ πλησιάζειν, ἐὰν δὲ νεαρῷ δελέατι καὶ κεκνισωμένῳ, εὐθὺς φερόμενοι πόρρωθεν εἰσδύνουσιν.
그리고 전반적으로, 부패한 미끼로 통발을 유인하면 물고기들은 들어가려 하지도 않고 가까이 오지도 않지만, 신선하고 고기 타는 냄새가 나는 미끼라면 멀리서부터 즉시 끌려 들어간다.
Μάλιστα δὲ φανερόν ἐστι περὶ τῶν εἰρημένων ἐπὶ τῶν δελφίνων·
말한 바에 대해 가장 명백한 것은 돌고래의 경우이다.
οὗτοι γὰρ τῆς ἀκοῆς αἰσθητήριον μὲν οὐδὲν ἔχουσι φανερόν, ἁλίσκονται δὲ διὰ τὸ καρηβαρεῖν ὑπὸ τοῦ ψόφου, καθάπερ εἴρηται πρότερον.
왜냐하면 이들은 청각의 뚜렷한 감각기관을 전혀 가지고 있지 않으나, 앞서 말한 바와 같이 소음 때문에 머리가 어지러워져 잡히기 때문이다.
Οὐδὲ δὴ τῆς ὀσφρήσεως αἰσθητήριον οὐδὲν ἔχει φανερόν, ὀσφραίνεται δ’ ὀξέως.
또한 후각의 감각기관 역시 뚜렷한 것을 전혀 가지고 있지 않으나, 냄새를 날카롭게 맡는다.
Ὅτι μὲν οὖν πάσας τὰς αἰσθήσεις ταῦτα ἔχει τὰ ζῷα, φανερόν·
그러므로 이 동물들이 모든 감각을 가지고 있다는 것은 명백하다.
τὰ δὲ λοιπὰ γένη τῶν ζῴων ἔστι μὲν τέτταρα διῃρημένα εἰς γένη, ἃ περιέχει τὸ πλῆθος τῶν λοιπῶν ζῴων, τά τε μαλάκια καὶ τὰ μαλακόστρακα καὶ τὰ ὀστρακόδερμα καὶ ἔτι τὰ ἔντομα, τούτων δὲ τὰ μὲν μαλάκια καὶ τὰ μαλακόστρακα καὶ τὰ ἔντομα ἔχει πάσας τὰς αἰσθήσεις· καὶ γὰρ ὄψιν ἔχει καὶ ὄσφρησιν καὶ γεῦσιν.
나머지 동물 부류들은 네 가지 부류로 나뉘는데, 이것들이 나머지 대다수의 동물을 포괄한다. 즉, 연체류, 연갑류, 각피류, 그리고 곤충류이다. 이들 중에서 연체류와 연갑류, 그리고 곤충류는 모든 감각을 가지고 있으니, 시각과 후각과 미각을 가지고 있기 때문이다.
Τά τε γὰρ ἔντομα ὄντα πόρρω συναισθάνεται, καὶ τὰ πτερωτὰ καὶ τὰ ἄπτερα, οἷον αἱ μέλιτται καὶ οἱ κνῖπες τοῦ μέλιτος·
곤충류는 멀리 떨어져 있어도, 날개가 있는 것이나 없는 것이나 모두 감지하니, 예컨대 꿀벌과 초파리가 꿀을 감지하는 것과 같다.
ἐκ πολλοῦ γὰρ αἰσθάνονται ὡς τῇ ὀσμῇ γινώσκοντα.
그들은 멀리서도 마치 냄새로 아는 것처럼 감지하기 때문이다.
Καὶ ὑπὸ τῆς τοῦ θείου ὀσμῆς πολλὰ ἀπόλλυται.
또한 유황 냄새 때문에 많은 수가 죽는다.
Ἔτι δ’ οἱ μύρμηκες ὑπ’ ὀριγάνου καὶ θείου περιπαττομένων λείων ἐκλείπουσι τὰς μυρμηκίας, καὶ ἐλαφείου κέρατος θυμιωμένου τὰ πλεῖστα φεύγει τῶν τοιούτων·
또한 개미는 오레가노와 유황을 곱게 갈아 뿌리면 개미집을 버리고 떠나며, 사슴 뿔을 그슬리면 이러한 생물들의 대부분이 달아난다.
μάλιστα δὲ φεύγουσι θυμιωμένου τοῦ στύρακος.
특히 때죽나무 진을 그슬릴 때 가장 많이 달아난다.
Αἵ τε σηπίαι καὶ οἱ πολύποδες καὶ οἱ κάραβοι τοῖς δελέασιν ἁλίσκονται·
갑오징어와 문어, 그리고 닭새우는 미끼에 의해 잡힌다.
καὶ οἵ γε πολύποδες οὕτω μὲν προσέχονται ὥστε μὴ ἀποσπᾶσθαι ἀλλ’ ὑπομένειν τεμνόμενοι, ἐὰν δέ τις κόνυζαν προσενέγκῃ, ἀφιᾶσιν εὐθέως ὀσμώμενοι.
특히 문어는 미끼에 너무 달라붙어서 떨어지지 않고 몸이 잘려도 견디지만, 누군가 코뉴자를 가까이 대면 냄새를 맡자마자 즉시 놓아버린다.
Ὁμοίως δὲ καὶ περὶ γεύσεως·
미각에 대해서도 마찬가지이다.
τήν τε γὰρ τροφὴν ἑτέραν διώκουσι, καὶ οὐ τοῖς αὐτοῖς πάντα χαίρει χυμοῖς, οἷον ἡ μέλιττα πρὸς οὐδὲν προσιζάνει σαπρὸν ἀλλὰ πρὸς τὰ γλυκέα, ὁ δὲ κώνωψ πρὸς οὐδὲν γλυκὺ ἀλλὰ πρὸς τὰ ὀξέα.
그들은 서로 다른 먹이를 쫓으며, 모든 것이 동일한 맛을 즐기는 것은 아니기 때문이다. 예컨대 꿀벌은 부패한 것에는 전혀 앉지 않고 단것에 앉지만, 모기는 단것에는 앉지 않고 신맛이 나는 것에 앉는다.
Τὸ δὲ τῇ ἁφῇ αἰσθάνεσθαι, ὅπερ καὶ πρότερον εἴρηται, πᾶσιν ὑπάρχει τοῖς ζῴοις.
그리고 촉각에 의해 감각하는 것은, 앞서 말한 바와 같이 모든 동물에게 존재한다.
Τὰ δ’ ὀστρακόδερμα ὄσφρησιν μὲν καὶ γεῦσιν ἔχει, φανερὸν δ’ ἐκ τῶν δελεασμῶν, οἷον ἐπὶ τῆς πορφύρας·
각피류는 후각과 미각을 가지고 있는데, 이는 미끼 유인으로부터 명백히 드러나며, 예컨대 뿔소라의 경우가 그러하다.
αὕτη γὰρ δελεάζεται τοῖς σαπροῖς, καὶ προσέρχεται πρὸς τὸ τοιοῦτον δέλεαρ ὡς αἴσθησιν ἔχουσα πόρρωθεν.
왜냐하면 이것은 부패한 미끼에 유인되며, 멀리서부터 감각을 가지고 있는 듯이 그러한 미끼를 향해 다가오기 때문이다.
Καὶ τῶν χυμῶν δὲ ὅτι αἴσθησιν ἔχει, φανερὸν ἐκ τῶν αὐτῶν·
또한 그들이 맛을 감각한다는 것도 동일한 사실로부터 명백하다.
πρὸς ἃ γὰρ διὰ τὰς ὀσμὰς προσέρχεται κρίνοντα, τούτων χαίρει καὶ τοῖς χυμοῖς ἕκαστα.
냄새 때문에 식별하여 다가오는 그것들에 대해, 각자가 그 맛 또한 즐기기 때문이다.
Ἔτι δὲ ὅσα ἔχει στόμα, χαίρει καὶ λυπεῖται τῇ τῶν χυμῶν ἅψει.
또한 입을 가진 모든 것은 맛의 접촉에 의해 즐거움과 불쾌함을 느낀다.
Περὶ δ’ ὄψεως καὶ ἀκοῆς βέβαιον μὲν οὐθέν ἐστιν οὐδὲ λίαν φανερόν, δοκοῦσι δ’ οἵ τε σωλῆνες, ἄν τις ψοφήσῃ, καταδύεσθαι, καὶ φεύγειν κατωτέρω, ὅταν αἴσθωνται τὸ σιδήριον προσιόν (ὑπερέχει γὰρ αὐτῶν μικρόν, τὸ δ’ ἄλλο ὥσπερ ἐν θαλάμῃ ἐστίν), καὶ οἱ κτένες, ἐάν τις προσφέρῃ τὸν δάκτυλον, χάσκουσι καὶ συμμύουσιν ὡς ὁρῶντες.
시각과 청각에 대해서는 확실한 것이 전혀 없고 아주 명백하지도 않지만, 맛조개들은 누군가 소리를 내면 물속으로 기어 들어가고, 철제 도구가 다가오는 것을 감지하면 더 깊은 곳으로 달아나는 듯하다(그들의 일부만 위로 튀어나와 있고 나머지는 굴속에 있는 것과 같기 때문이다). 그리고 가리비들은 누군가 손가락을 가까이 대면 마치 보는 것처럼 껍데기를 벌렸다가 닫는다.
Καὶ τοὺς νηρείτας δ’ οἱ θηρεύοντες οὐ κατὰ πνεῦμα προσιόντες θηρεύουσιν, ὅταν θηρεύσωσιν αὐτοὺς εἰς τὸ δέλεαρ, οὐδὲ φθεγγόμενοι ἀλλὰ σιωπῶντες ὡς ὀσφραινομένων καὶ ἀκουόντων·
또한 네레이테스를 잡는 사람들은 미끼로 유인하여 그것들을 잡을 때 바람이 불어오는 쪽에서 다가가지 않으며, 소리를 내지 않고 침묵하며 다가오니, 그것들이 냄새를 맡고 듣기 때문이다.
ἐὰν δὲ φθέγγωνται, φασὶν ὑποφεύγειν αὐτούς.
만약 말소리를 내면 그것들이 도망쳐 버린다고 한다.
Ἥκιστα δὲ τὴν ὄσφρησιν τῶν ὀστρακοδέρμων φαίνεται ἔχειν τῶν μὲν πορευτικῶν ἐχῖνος, τῶν δ’ ἀκινήτων τήθυα καὶ βάλανοι.
각피류 중에서 이동하는 것 중에서는 성게가, 움직이지 않는 것 중에서는 우렁쾡이와 따개비가 가장 후각을 가지지 않은 것처럼 보인다.
Περὶ μὲν οὖν τῶν αἰσθητηρίων τοῦτον ἔχει τὸν τρόπον τοῖς ζῴοις πᾶσιν, περὶ δὲ φωνῆς τῶν ζῴων ὧδ’ ἔχει.
그러므로 모든 동물의 감각기관에 대해서는 이와 같으며, 동물의 목소리에 대해서는 다음과 같다.