§4.8#1Περὶ δὲ τῶν αἰσθήσεων νῦν λεκτέον·
이제 감각에 대해 이야기해야 한다.
οὐ γὰρ ὁμοίως πᾶσιν ὑπάρχουσιν, ἀλλὰ τοῖς μὲν πᾶσαι τοῖς δ’ ἐλάττους.
왜냐하면 모든 동물에게 똑같이 존재하는 것이 아니라, 어떤 것들에는 모든 감각이 있고 다른 것들에는 더 적은 감각이 있기 때문이다.
Εἰσὶ δ’ αἱ πλεῖσται, καὶ παρ’ ἃς οὐδεμία φαίνεται ἴδιος ἑτέρα, πέντε τὸν ἀριθμόν, ὄψις, ἀκοή, ὄσφρησις, γεῦσις, ἁφή.
가장 많은 감각은 그 외에 독특한 다른 감각이 나타나지 않는 것으로서 수적으로 다섯 가지이니, 시각, 청각, 후각, 미각, 촉각이다.
Ἄνθρωπος μὲν οὖν καὶ τὰ ζῳοτόκα καὶ πεζά, πρὸς δὲ τούτοις καὶ ὅσα ἔναιμα καὶ ζῳοτόκα, πάντα φαίνεται ἔχοντα ταύτας πάσας, πλὴν εἴ τι πεπήρωται γένος ἕν, οἷον τὸ τῶν ἀσπαλάκων.
그리하여 인간과 태생이며 육상 동물들, 그리고 이것들에 더하여 유혈이며 태생인 동물들은 모두가 이 모든 것들을 가지고 있는 것으로 보인다. 다만 어느 한 종류, 예컨대 두더지류처럼 불구가 된 경우는 예외이다.
Τοῦτο γὰρ ὄψιν οὐκ ἔχει·
왜냐하면 이 동물은 시각을 가지고 있지 않기 때문이다.
ὀφθαλμοὺς γὰρ ἐν μὲν τῷ φανερῷ οὐκ ἔχει, ἀφαιρεθέντος δὲ τοῦ δέρματος ὄντος παχέος ἀπὸ τῆς κεφαλῆς κατὰ τὴν χώραν τὴν ἔξω τῶν ὀμμάτων ἔσωθέν εἰσιν οἱ ὀφθαλμοὶ διεφθαρμένοι, πάντ’ ἔχοντες ταὐτὰ τὰ μέρη τοῖς ἀληθινοῖς·
즉, 겉으로 드러난 곳에는 눈을 가지고 있지 않으나, 머리에서 두꺼운 피부를 벗겨내면 눈이 바깥으로 드러나야 할 영역의 안쪽에 퇴화한 눈이 있으며, 이것은 진짜 눈과 동일한 모든 부분들을 가지고 있다.
ἔχουσι γὰρ τό τε μέλαν καὶ τὸ ἐντὸς τοῦ μέλανος, τὴν καλουμένην κόρην, καὶ τὸ κυκλώπιον, ἐλάττω μέντοι ταῦτα πάντα τῶν φανερῶν ὀφθαλμῶν.
즉, 검은 부분과 검은 부분 안쪽에 있는 이른바 동공, 그리고 안구 주변부를 가지고 있으나, 다만 이 모든 것들이 겉으로 드러난 눈보다 더 작다.
Εἰς δὲ τὸ ἔξω οὐδὲν σημαίνει τούτων διὰ τὸ τοῦ δέρματος πάχος, ὡς ἐν τῇ γενέσει πηρουμένης τῆς φύσεως·
그러나 피부의 두께 때문에 이것들 중 어느 것도 외부로 드러나지 않으니, 이는 마치 발생 과정에서 자연이 불구로 만들어진 것과 같다.
εἰσὶ γὰρ ἀπὸ τοῦ ἐγκεφάλου, ᾗ συνάπτει τῷ μυελῷ, δύο πόροι νευρώδεις καὶ ἰσχυροὶ παρ’ αὐτὰς τείνοντες τὰς ἕδρας τῶν ὀφθαλμῶν, τελευτῶντες δ’ εἰς τοὺς ἄνω χαυλιόδοντας.
왜냐하면 뇌에서 척수와 결합하는 부위로부터, 두 개의 신경질적이고 튼튼한 통로가 안와 바로 옆을 따라 뻗어 있으며, 위쪽 송곳니 부분에서 끝나기 때문이다.
Τὰ δ’ ἄλλα καὶ τῶν χρωμάτων αἴσθησιν ἔχει καὶ τῶν ψόφων, ἔτι δ’ ὀσμῆς καὶ χυμῶν.
다른 동물들은 색의 감각과 소리의 감각도 가지고 있으며, 나아가 냄새와 맛의 감각도 가지고 있다.
Τὴν δὲ πέμπτην αἴσθησιν τὴν ἁφὴν καλουμένην καὶ τἆλλα πάντ’ ἔχει ζῷα.
그리고 이른바 촉각이라 불리는 다섯 번째 감각은 다른 모든 동물들도 가지고 있다.
Ἐν μὲν οὖν ἐνίοις καὶ τὰ αἰσθητήρια φανερώτατα ἐστί, τὰ μὲν τῶν ὀμμάτων καὶ μᾶλλον.
그리하여 어떤 동물들에서는 감각기관들도 매우 뚜렷이 나타나며, 눈의 기관들은 더욱 그러하다.
Διωρισμένον γὰρ ἔχει τὸν τόπον τῶν ὀφθαλμῶν καὶ τὸν τῆς ἀκοῆς· ἔνια μὲν γὰρ ὦτα ἔχει, ἔνια δὲ τοὺς πόρους φανερούς.
왜냐하면 눈의 위치와 청각의 위치가 뚜렷이 구분되어 있기 때문이니, 어떤 것들은 귀를 가지고 있고, 어떤 것들은 뚜렷한 통로를 가지고 있다.
Ὁμοίως δὲ καὶ περὶ ὀσφρήσεως·
후각에 대해서도 마찬가지이다.
τὰ μὲν γὰρ ἔχει μυκτῆρας, τὰ δὲ τοὺς πόρους τοὺς τῆς ὀσφρήσεως, οἷον τὸ τῶν ὀρνίθων γένος.
어떤 것들은 콧구멍을 가지고 있고, 어떤 것들은 후각 통로를 가지고 있으니, 예컨대 새들의 부류가 그러하다.
Ὁμοίως δὲ καὶ τὸ τῶν χυμῶν αἰσθητήριον τὴν γλῶτταν.
맛의 감각기관인 혀에 대해서도 마찬가지이다.
Ἐν δὲ τοῖς ἐνύδροις, καλουμένοις δὲ ἰχθύσι, τὸ μὲν τῶν χυμῶν αἰσθητήριον, τὴν γλῶτταν, ἔχουσι μέν, ἔχουσι δ’ ἀμυδρῶς· ὀστώδη γὰρ καὶ οὐκ ἀπολελυμένην ἔχουσιν.
그러나 물에 살며 물고기라 불리는 것들에서는, 맛의 감각기관인 혀를 가지고는 있으되 희미하게 가지고 있으니, 그들의 혀는 뼈 같고 떨어져 있지 않기 때문이다.
Ἀλλ’ ἐνίοις τῶν ἰχθύων ὁ οὐρανός ἐστι σαρκώδης, οἷον τῶν ποταμίων ἐν τοῖς κυπρίνοις, ὥστε τοῖς μὴ σκοπουμένοις ἀκριβῶς δοκεῖν ταύτην εἶναι γλῶτταν.
그러나 몇몇 물고기에서는 입천장이 살질이니, 예컨대 강에 사는 잉어류에서 그러하여, 자세히 살펴보지 않는 사람들에게는 이것이 혀인 것처럼 보인다.
Ὅτι δ’ αἰσθάνονται γευόμενα, φανερόν·
하지만 이들이 맛을 봄으로써 감각한다는 것은 명백하다.
ἰδίοις τε γὰρ πολλὰ χαίρει χυμοῖς, καὶ τὸ τῆς ἀμίας λαμβάνουσι μάλιστα δέλεαρ καὶ τὸ τῶν πιόνων ἰχθύων, ὡς χαίροντες ἐν τῇ γεύσει καὶ ἐδωδῇ τοῖς τοιούτοις δελέασιν.
많은 물고기가 특정한 맛을 즐기며, 아미아의 미끼나 기름진 물고기의 미끼를 가장 잘 무는데, 이는 그러한 미끼를 맛보고 먹는 것을 즐기기 때문이다.
Τῆς δ’ ἀκοῆς καὶ τῆς ὀσφρήσεως οὐδὲν ἔχουσι φανερὸν αἰσθητήριον· ὃ γὰρ ἄν τισιν εἶναι δόξειε κατὰ τοὺς τόπους τῶν μυκτήρων, οὐδὲν περαίνει πρὸς τὸν ἐγκέφαλον, ἀλλὰ τὰ μὲν τυφλά, τὰ δὲ φέρει μέχρι τῶν βραγχίων.
청각과 후각에 대해서는 뚜렷한 감각기관을 가지고 있지 않으니, 어떤 이들에게 콧구멍의 위치에 있는 감각기관처럼 보일 수 있는 것은 뇌로 전혀 통하지 않고, 어떤 것은 막혀 있으며 어떤 것은 아가미까지 이어져 있기 때문이다.
Ὅτι δὲ καὶ ἀκούουσι καὶ ὀσφραίνονται, φανερόν·
하지만 이들이 들을 수도 있고 냄새를 맡을 수도 있다는 것은 명백하다.
τούς τε γὰρ ψόφους φεύγοντα φαίνεται τοὺς μεγάλους, οἷον τὰς εἰρεσίας τῶν τριήρων, ὥστε λαμβάνεσθαι ῥᾳδίως ἐν ταῖς θαλάμαις·
실제로 이들은 삼단노선이 노를 젓는 소리 같은 큰 소리를 피해 달아나는 것으로 보여, 그들의 굴속에서 쉽게 잡히기 때문이다.
καὶ γὰρ ἂν μικρὸς ᾖ ὁ ἔξω ψόφος, ὅμως τοῖς ἐν τῷ ὑγρῷ τὴν ἀκοὴν ἔχουσι χαλεπὸς καὶ μέγας καὶ βαρὺς φαίνεται πᾶσιν.
왜냐하면 외부의 소리가 작을지라도, 물속에 청각을 가진 모든 것들에게는 그 소리가 거슬리고 크며 무겁게 느껴지기 때문이다.
Ὃ συμβαίνει καὶ ἐπὶ τῆς τῶν δελφίνων θήρας·
이러한 일은 돌고래 사냥에서도 일어난다.
ὅταν γὰρ ἀθρόως περικυκλώσωσι τοῖς μονοξύλοις, ψοφοῦντες ἐξ αὐτῶν ἐν τῇ θαλάττῃ ἀθρόους ποιοῦσιν ἐξοκέλλειν φεύγοντας εἰς τὴν γῆν, καὶ λαμβάνουσιν ὑπὸ τοῦ ψόφου καρηβαροῦντας.
일엽편주들로 돌고래들을 떼지어 둘러싼 뒤 바다에 소음을 내면, 돌고래들은 육지로 달아나다 한꺼번에 좌초하게 되며, 소음 때문에 머리가 어지러워진 돌고래들을 잡게 된다.
Καίτοι οὐδ’ οἱ δελφῖνες τῆς ἀκοῆς οὐδὲν φανερὸν ἔχουσιν αἰσθητήριον.
그런데 돌고래들조차 청각의 뚜렷한 감각기관을 가지고 있지 않다.
Ἔτι δ’ ἐν ταῖς θήραις τῶν ἰχθύων ὅτι μάλιστα εὐλαβοῦνται ψόφον ποιεῖν ἢ κώπης ἢ δικτύων οἱ περὶ τὴν θήραν ταύτην ὄντες·
나아가 물고기 사냥에서, 이 사냥에 종사하는 이들은 노나 그물로 소리를 내지 않도록 극도로 조심한다.
ἀλλ’ ὅταν κατανοήσωσιν ἔν τινι τόπῳ πολλοὺς ἀθρόους ὄντας, ἐκ τοσούτου τόπου τεκμαιρόμενοι καθιᾶσι τὰ δίκτυα, ὅπως μήτε κώπης μήτε τῆς ῥύμης τῆς ἁλιάδος ἀφίκηται πρὸς τὸν τόπον ἐκεῖνον ὁ ψόφος·
그러나 어떤 장소에 많은 물고기가 떼지어 있는 것을 알아차리면, 노 소리나 어선의 나아가는 소리가 그 장소에 가닿지 않도록 아주 먼 거리에서 가늠하여 그물을 내린다.
παραγγέλλουσί τε πᾶσι τοῖς ναύταις ὅτι μάλιστα σιγῇ πλεῖν, μέχρι περ ἂν συγκυκλώσωνται.
그리고 모든 선원들에게 그물로 둘러쌀 때까지 최대한 조용히 항해하라고 지시한다.
Ἐνίοτε δ’ ὅταν βούλωνται συνδραμεῖν, ταὐτὸν ποιοῦσιν ὅπερ ἐπὶ τῆς τῶν δελφίνων θήρας· ψοφοῦσι γὰρ λίθοις, ἵνα φοβηθέντες συνθέωσιν εἰς ταὐτὸ καὶ τοῖς δικτύοις οὕτω περιβάλλωνται.
때로는 이들이 물고기들을 한데 모으고 싶을 때, 돌고래 사냥에서 하는 것과 똑같은 일을 하니, 돌로 소음을 내어 물고기들이 겁을 먹고 한곳으로 모이게 함으로써 그물에 둘러싸이게 만드는 것이다.
Καὶ πρὶν μὲν συγκλεῖσαι, καθάπερ εἴρηται, κωλύουσι ψοφεῖν, ὅταν δὲ κυκλώσωσι, κελεύουσιν ἤδη βοᾶν καὶ ψοφεῖν· τὸν γὰρ ψόφον καὶ τὸν θόρυβον ἀκούοντες ἐμπίπτουσι διὰ τὸν φόβον.
그리고 그물을 닫기 전에는 앞서 말한 바와 같이 소리를 내지 못하게 하지만, 둘러싸고 나면 비로소 소리를 지르고 소음을 내라고 지시하니, 소음과 아우성을 들은 물고기들이 공포 때문에 그물 속으로 뛰어들기 때문이다.
Ἔτι δ’ ὅταν ἴδωσιν οἱ ἁλιεῖς ἐκ πάνυ πολλοῦ νεμομένους ἀθρόους πολλοὺς ἐν ταῖς γαλήναις καὶ εὐδίαις ἐπιπολάζοντας, καὶ βουληθῶσιν ἰδεῖν τὰ μεγέθη καὶ τί τὸ γένος αὐτῶν, ἂν μὲν ἀψοφητὶ προσπλεύσωσι, λανθάνουσι καὶ καταλαμβάνουσιν ἐπιπολάζοντας ἔτι, ἐὰν δέ τις τύχῃ ψοφήσας πρότερον, φανεροί εἰσι φεύγοντες.
나아가 어부들이 아주 먼 곳에서, 바람이 없고 맑은 날에 수면에 떼지어 모여 먹이를 먹으며 떠 있는 많은 물고기들을 보고 그 크기와 종류를 알고자 할 때, 만약 소리를 내지 않고 다가가면 들키지 않고 여전히 수면에 떠 있는 물고기들을 잡 수 있지만, 만약 누군가 미리 소리를 내 버리면 물고기들이 달아나는 것이 확연히 보인다.
Ἔτι δ’ ἐν τοῖς ποταμοῖς εἰσὶν ἰχθύδια ἄττα ἃ καλοῦσί τινες κόττους·
나아가 강에는 어떤 이들이 둑중개라 부르는 작은 물고기들이 있다.
ταῦτα θηρεύουσί τινες διὰ τὸ ὑπὸ ταῖς πέτραις ὑποδεδυκέναι κόπτοντες τὰς πέτρας λίθοις· τὰ δ’ ἐκπίπτει παραφερόμενα ὡς ἀκούοντα καὶ καρηβαροῦντα ὑπὸ τοῦ ψόφου.
사람들은 이들이 돌 밑에 숨어 있는 것을 잡기 위해 돌을 다른 돌로 때리는데, 그러면 물고기들이 소리를 듣고 소음 때문에 머리가 어지러워진 듯 흘러나와 둥둥 떠내려간다.
Ὅτι μὲν οὖν ἀκούουσιν, ἐκ τῶν τοιούτων ἐστὶ φανερόν·
그리하여 이들이 듣는다는 것은 이러한 사실들로부터 명백하다.