§1.1#11.
1.
Περὶ δὲ γενέσεως καὶ φθορᾶς τῶν φύσει γινομένων καὶ φθειρομένων, ὁμοίως κατὰ πάντων, τάς τε αἰτίας διαιρετέον καὶ τοὺς λόγους αὐτῶν, ἔτι δὲ περὶ αὐξήσεως καὶ ἀλλοιώσεως, τί ἑκάτερον, καὶ πότερον τὴν αὐτὴν ὑποληπτέον φύσιν εἶναι ἀλλοιώσεως καὶ γενέσεως, ἢ χωρίς, ὥσπερ διώρισται καὶ τοῖς ὀνόμασιν.
자연적으로 생성되고 소멸하는 것들의 생성과 소멸에 관하여, 모든 것에 공통되게 그 원인들과 정의를 구분해야 하며, 나아가 성장과 질적 변화에 관하여 각각이 무엇인지, 그리고 질적 변화와 생성의 본성을 같다고 보아야 하는지, 아니면 이름으로도 구별되어 있듯이 서로 다른 것으로 보아야 하는지［규정해야 한다］.
Τῶν μὲν οὖν ἀρχαίων οἱ μὲν τὴν καλουμένην ἁπλῆν γένεσιν ἀλλοίωσιν εἶναί φασιν, οἱ δ᾿ ἕτερον ἀλλοίωσιν καὶ γένεσιν.
과거의 학자들 중 어떤 이들은 이른바 단순한 생성이 질적 변화라고 말하고, 다른 이들은 질적 변화와 생성은 다른 것이라고 말한다.
ὅσοι μὲν γὰρ ἕν τι τὸ πᾶν λέγουσιν εἶναι καὶ πάντα ἐξ ἑνὸς γεννῶσιν, τούτοις μὲν ἀνάγκη τὴν γένεσιν ἀλλοίωσιν φάναι καὶ τὸ κυρίως γινόμενον ἀλλοιοῦσθαι·
만물은 하나라고 주장하며 하나의 원리로부터 모든 것을 생성하는 사람들에게는, 생성을 질적 변화라고 말하고 엄밀한 의미에서 생성되는 것은 질적으로 변화하는 것이라고 말하는 것이 필연적이기 때문이다.
ὅσοι δὲ πλείω τὴν ὅλην ἑνὸς τιθέασιν, οἷον Ἐμπεδοκλῆς καὶ Ἀναξαγόρας καὶ Λεύκιππος, τούτοις δὲ ἕτερον.
반면에 엠페도클레스, 아낙사고라스, 레우키포스처럼 전체를 하나보다 많은 것으로 상정하는 사람들에게는 그것들은 다른 것이다.
καίτοι Ἀναξαγόρας γε τὴν οἰκείαν φωνὴν ἠγνόησεν·
하지만 아낙사고라스는 자신의 언어를 이해하지 못했다.
λέγει γοῦν ὡς τὸ γίνεσθαι καὶ ἀπόλλυσθαι ταὐτὸν καθέστηκε τῷ ἀλλοιοῦσθαι.
적어도 그는 생성하는 것과 소멸하는 것이 질적으로 변화하는 것과 동일하다고 주장하기 때문이다.
πολλὰ δὲ λέγει τὰ στοιχεῖα, καθάπερ καὶ ἕτεροι.
그러나 그는 다른 이들과 마찬가지로 원소들이 많다고 말한다.
Ἐμπεδοκλῆς μὲν γὰρ τὰ μὲν σωματικὰ τέτταρα, τὰ δὲ πάντα μετὰ τῶν κινούντων ἓξ τὸν ἀριθμόν, Ἀναξαγόρας δὲ ἄπειρα καὶ Λεύκιππος καὶ Δημόκριτος.
엠페도클레스는 육체적인 원소를 네 개, 움직이는 원리를 포함한 전체 원소는 그 수에 있어서 여섯 개라고 말하는 반면, 아낙사고라스는 무한하다고 말하며 레우키포스와 데모크리토스도 마찬가지이다.
ὁ μὲν γὰρ τὰ ὁμοιομερῆ στοιχεῖα τίθησιν, οἷον ὀστοῦν καὶ σάρκα καὶ μυελόν, καὶ τῶν ἄλλων ὧν ἑκάστου συνώνυμον τὸ μέρος ἐστίν·
전자는 뼈와 살과 골수, 그리고 각각의 부분의 명칭이 전체와 동일한 명칭을 갖는 다른 것들과 같은 동질부분을 원소로 상정하기 때문이다.
Δημόκριτος δὲ καὶ Λεύκιππος ἐκ σωμάτων ἀδιαιρέτων τἆλλα συγκεῖσθαί φασι, ταῦτα δ᾿ ἄπειρα καὶ τὸ πλῆθος εἶναι καὶ τὰς μορφάς, αὐτὰ δὲ πρὸς αὐτὰ διαφέρειν τούτοις ἐξ ὧν εἰσὶ καὶ θέσει καὶ τάξει τούτων.
반면 데모크리토스와 레우키포스는 다른 것들이 더 이상 분할되지 않는 물체들로 구성되어 있다고 말하며, 이것들은 그 수에 있어서나 형태에 있어서나 무한하고, 그것들은 그것들을 구성하는 성분들과 그것들의 위치와 배열에 의해 서로 구별된다고 말한다.
ἐναντίως δὲ φαίνονται λέγοντες οἱ περὶ Ἀναξαγόραν τοῖς περὶ Ἐμπεδοκλέα·
그러나 아낙사고라스의 학파와 엠페도클레스의 학파는 상반되는 주장을 하는 것처럼 보인다.
ὁ μὲν γάρ φησι πῦρ καὶ ὕδωρ καὶ ἀέρα καὶ γῆν στοιχεῖα τέσσαρα καὶ ἁπλᾶ εἶναι μᾶλλον ἢ σάρκα καὶ ὀστοῦν καὶ τὰ τοιαῦτα τῶν ὁμοιομερῶν, οἱ δὲ ταῦτα μὲν ἁπλᾶ καὶ στοιχεῖα, γῆν δὲ καὶ πῦρ καὶ ὕδωρ καὶ ἀέρα σύνθετα·
후자(엠페도클레스)는 불, 물, 공기, 흙이 살, 뼈, 그리고 그와 같은 동질부분들보다 더 단순한 원소라고 주장하는 반면, 전자(아낙사고라스 학파)는 이것들［동질부분들］이야말로 단순한 원소이며, 흙, 불, 물, 공기는 복합체라고 주장하기 때문이다.
πανσπερμίαν γὰρ εἶναι τούτων.
왜냐하면 이것들은 그것들［동질부분들］의 온갖 씨앗들의 모임이기 때문이다.
Τοῖς μὲν οὖν ἐξ ἑνὸς πάντα κατασκευάζουσιν ἀναγκαῖον λέγειν τὴν γένεσιν καὶ τὴν φθορὰν ἀλλοίωσιν·
그러므로 하나의 원리로부터 모든 것을 구성하는 사람들에게는 생성과 소멸을 질적 변화라고 말하는 것이 필연적이다.
ἀεὶ γὰρ μένειν τὸ ὑποκείμενον ταὐτὸ καὶ ἕν (τὸ δὲ τοιοῦτον ἀλλοιοῦσθαί φαμεν)· τοῖς δὲ τὰ γένη πλείω ποιοῦσι διαφέρειν τὴν ἀλλοίωσιν τῆς γενέσεως·
왜냐하면 기저에 있는 물질은 항상 동일하고 하나로 머물러 있기 때문이며(그리고 우리는 그러한 상태의 변화를 질적 변화라고 부른다), 반면에 부류를 여러 개로 만드는 사람들에게는 질적 변화와 생성은 다르다.
συνιόντων γὰρ καὶ διαλυομένων ἡ γένεσις συμβαίνει καὶ ἡ φθορά.
왜냐하면 결합하고 해체됨으로써 생성과 소멸이 일어나기 때문이다.
διὸ λέγει τοῦτον τὸν τρόπον καὶ Ἐμπεδοκλῆς, ὅτι “φύσις οὐδενός ἐστιν, ἀλλὰ μόνον μίξις τε διάλλαξίς τε μιγέντων.
따라서 엠페도클레스도 다음과 같은 방식으로 말한다.
” ὅτι μὲν οὖν οἰκεῖος ὁ λόγος αὐτῶν τῇ ὑποθέσει οὕτω φάναι, δῆλον, καὶ ὅτι λέγουσι τὸν τρόπον τοῦτον·
"어떤 것에도 본성은 없으며, 오직 혼합과 혼합된 것들의 분리만이 있을 뿐이다." 그러므로 그들의 주장이 자신들의 가설에 합당하게 이와 같이 말하는 것임은 분명하며, 또한 그들이 이러한 방식으로 말하고 있음도 분명하다.
ἀναγκαῖον δὲ καὶ τούτοις τὴν ἀλλοίωσιν εἶναι μέν τι φάναι παρὰ τὴν γένεσιν, ἀδύνατον μέντοι κατὰ τὰ ὑπ᾿ ἐκείνων λεγόμενα.
그러나 이들에게도 질적 변화가 생성과는 다른 어떤 것이라고 말하는 것이 필연적이지만, 그들이 주장하는 바에 따르면 그것은 불가능하다.
τοῦτο δ᾿ ὅτι λέγομεν ὀρθῶς, ῥᾴδιον συνιδεῖν.
우리가 이 점을 올바르게 말하고 있다는 것은 쉽게 알 수 있다.
ὥσπερ γὰρ ὁρῶμεν ἠρεμούσης τῆς οὐσίας ἐν αὐτῇ μεταβολὴν κατὰ μέγεθος, τὴν καλουμένην αὔξησιν καὶ φθίσιν, οὕτω καὶ ἀλλοίωσιν.
우리가 실체가 정지해 있는 동안에도 그 자체 안에서 크기에 따른 변화, 즉 이른바 성장과 감소를 보는 것처럼, 질적 변화도 보기 때문이다.