§5.3#2καὶ διὰ τοῦτο τοῖς ἀνθρώποις αἱ ἐκ τῆς κεφαλῆς τρίχες μακρόταται·
따라서 인간에게는 머리에서 나는 털이 가장 길다.
ὁ γὰρ ἐγκέφαλος ὑγρὸς καὶ ψυχοὸς ὢν πολλὴν παρέχει δαψίλειαν τοῦ ὑγροῦ εὐθύτριχα δὲ καὶ οὐλότριχα γίνεται διὰ τὴν ἐν ταῖς θριξὶν ἀναθυμίασιν.
뇌가 축축하고 차갑기 때문에, 매우 풍부한 수분을 공급하기 때문이다. 또한 곧은 머리와 곱슬머리가 되는 것은 털 속의 증기 때문이다.
ἂν μὲν γὰρ ᾖ καπνώδης, θερμὴ οὖσα καὶ ξηρὰ οὔλην τὴν τρίχα ποιεῖ.
만일 그것이 연기 같으면, 뜨겁고 건조하기 때문에 털을 곱슬거리게 만든다.
κάμπτεται γὰρ διὰ τὸ δύο φέρεσθαι φοράς·
그것은 두 방향으로 움직이기 때문에 구부러진다.
τὸ μὲν γὰρ γεῶδες κάτω, τὸ δὲ θερμὸν ἄνω φέρεται.
즉, 흙 성분은 아래로, 뜨거운 성분은 위로 움직인다.
εὐκάμπτου δ᾽ ὄντος δι᾽ ἀσθένειαν στρέφεται·
그리고 약해서 쉽게 구부러지기 때문에 뒤틀린다.
τοῦτο δ᾽ ἐστὶν οὐλότης τριχός.
이것이 털의 곱슬거림이다.
ἐνδέχεται μὲν οὖν ὅτω λαβεῖν τὴν αἰτίαν, ἐνδέχεται δὲ καὶ διὰ τὸ ὀλίγον ἔχειν τὸ ὑγρόν, πολὺ δὲ τὸ γεῶδες, ὑπὸ τοῦ περιέχοντος ξηραινομένας συσπᾶσθαι.
따라서 원인을 이와 같이 파악할 수도 있고, 혹은 수분이 적고 흙 성분이 많음으로써, 주위에 의해 건조해져 수축되는 것으로 볼 수도 있다.
κάμπτεται γὰρ τὸ εὐθύ, ἐὰν ἐξατμίζηται, καὶ συντρέχει ὥσπερ ἐπὶ τοῦ πυρὸς καομένη ἡ θρίξ, ὡς οὔσης τῆς οὐλότητος συσπάσεως δι᾽ ἔνδειαν ὑγροῦ ὑπὸ τῆς τοῦ περιέχοντος θερμότητος.
곧은 것은 증발하면 구부러지며, 불 위에서 타는 털처럼 오그라들기 때문이다. 이는 곱슬거림이 주위의 열에 의한 수분 부족 때문에 생기는 수축이기 때문이다.
σημεῖον δ᾽ ὅτι καὶ σκληρότεραι αἱ οὖλαι τρίχες τῶν εὐθειῶν εἰσίν·
그리고 곱슬머리가 곧은 머리보다 더 단단하다는 사실도 그 증거이다.
τὸ γὰρ ξηρὸν σκληρόν.
건조한 것은 단단하기 때문이다.
εὐθύτριχα δὲ ὅσα ὑγρότητ᾽ ἔχει πολλήν·
반면 수분을 많이 가진 것들은 곧은 머리이다.
ῥέον γὰρ ἀλλ᾽ οὐ στάζον προέρχεται ἐν ταύταις τὸ ὑγρόν.
이것들의 털 안에서는 수분이 떨어지는 것이 아니라 흘러나오기 때문이다.
καὶ διὰ τοῦτο οἱ μὲν ἐν τῷ Πόντῳ Σκύθαι καὶ Θρᾷκες εὐθύτριχες·
이 때문에 폰토스 지방의 스키타이인들과 트라키아인들은 곧은 머리를 가졌다.
καὶ γὰρ αὐτοὶ ὑγροὶ καὶ ὁ περιέχων αὐτοὺς ἀὴρ ὑγρός·
그들 자신도 축축하고 그들을 둘러싼 공기도 축축하기 때문이다.
Αἰθίοπες δὲ καὶ οἱ ἐν τοῖς θερμοῖς οὐλότριχες·
반면 에티오피아인들과 더운 지방의 사람들은 곱슬머리이다.
ξηροὶ γὰρ οἱ ἐγκέφαλοι καὶ ὁ ἀὴρ ὁ περιέχων.
뇌가 건조하고 둘러싼 공기도 건조하기 때문이다.
ἔστι δ᾽ ἔνια τῶν παχυδέρμων λεπτότριχα διὰ τὴν εἰρημένην αἰτίαν πρότερον·
또한 피부가 두꺼운 동물들 중 일부가 가느다란 털을 가지는 것은 앞서 언급한 원인 때문이다.
ὅσῳ γὰρ ἂν λεπτότεροι οἱ πόροι ὦσιν, τοσούτῳ λεπτοτέρας ἀναγκαῖον γίνεσθαι τὰς τρίχας.
구멍이 좁으면 좁을수록 털은 필연적으로 더 가느다랗게 될 수밖에 없기 때문이다.
διὸ τὸ τῶν προβάτων γένος τοιαύτας ἔχει τὰς τρίχας·
그렇기에 양의 종류는 그러한 털을 가지고 있다.
τὸ γὰρ ἔριον τριχῶν πλῆθός ἐστιν.
양모는 털의 무리이기 때문이다.
ἔστι δ᾽ ἔνια τῶν ζῴων ἃ μαλακὴν μὲν ἔχει τὴν τρίχα, ἧττον δὲ λεπτήν, οἷον τὸ τῶν δασυπόδων πρὸς τὸ τῶν προβάτων πέπονθεν.
또한 부드러운 털을 가지고 있으되 덜 가느란 털을 가진 동물들도 있다. 예를 들어 토끼 종류가 양 종류에 대해 가지는 관계가 그러하다.
τῶν γὰρ τοιούτων ἐπιπολῆς ἡ θρὶξ τοῦ δέρματος.
그러한 동물들의 경우 털이 피부 표면에 있기 때문이다.
διὸ μῆκος οὐκ ἴσχει, ἀλλὰ συμβαίνει παραπλήσιον ὥσπερ τὰ ἀπὸ λίνων ξυόμενα·
그렇기에 길이를 얻지 못하며, 아마에서 긁어낸 것과 매우 유사한 일이 일어난다.
καὶ γὰρ ταῦτα μῆκος μὲν οὐθὲν ἴσχει, μαλακὰ δ᾽ ἐστὶ καὶ οὐ δέχεται πλοκήν.
이것들 역시 길이는 전혀 가지지 못하지만, 부드럽고 짜는 것을 허용하지 않기 때문이다.
τὰ δ᾽ ἐν τοῖς ψυχροῖς πρόβατα τοὐναντίον πέπονθε τοῖς ἀνθρώποις·
반면 추운 지역의 양들은 인간과는 반대되는 상태에 처해 있다.
οἱ μὲν γὰρ Σκύθαι μαλακότριχες, τὰ δὲ πρόβατα τὰ Σαυροματικὰ σκληρότριχα.
스키타이인들은 부드러운 털을 가진 반면, 사우로마티아의 양들은 단단한 털을 가졌기 때문이다.
τούτου δ᾽ αἴτιον ταὐτὸ καὶ ἐπὶ τῶν ἀγρίων πάντων.
그리고 이 원인은 모든 야생 동물의 경우와도 같다.
ἡ γὰρ ψυχρότης σκληρύνει διὰ τὸ ξηραίνειν πηγνύουσα·
추위는 얼림으로써 건조하게 만들고 단단하게 하기 때문이다.
ἐκθλιβομένου γὰρ τοῦ θερμοῦ συνεξατμίζει τὸ ὑγρόν, καὶ γίνονται καὶ αἱ τρίχες καὶ τὸ δέρμα γεῶδες καὶ σκληρόν.
즉, 열이 밀려 나감으로써 수분이 그것과 함께 증발하고, 털과 피부가 모두 흙 성분을 띠고 단단해지기 때문이다.
αἴτιον δὲ τοῖς μὲν ἀγρίοις ἡ θυραυλία, τοῖς δ᾽ ὁ τόπος τοιοῦτος ὤν.
야생 동물들에게는 야외에서 생활하는 것이 원인이고, 다른 것들에게는 그 장소가 그러한 성질을 띠는 것이 원인이다.
σημεῖον δὲ καὶ τὸ ἐπὶ τῶν ποντίων ἐχίνων συμβαῖνον, οἷς χρῶνται πρὸς τὰς στραγγουρίας.
그리고 소변이 잘 나오지 않는 증상에 쓰이는 바다의 성게에게서 일어나는 일도 그 증거이다.
καὶ γὰρ οὗτοι διὰ τὸ ἐν ψυχρᾷ εἶναι τῇ θαλάττῃ διὰ τὸ βάθος (καθ᾽ ἐξήκοντα γὰρ καὶ ἔτι πλειόνων γίγνονται ὀργυιῶν), αὐτοὶ μὲν μικροί, τὰς δὲ ἀκάνθας μεγάλας ἔχουσι καὶ σκληράς, μεγάλας μὲν διὰ τὸ ἐνταῦθα τὴν τοῦ σώματος τετράφθαι αὔξησιν (ὀλιγόθερμοι γὰρ ὄντες καὶ οὐ πέττοντες τὴν τροφὴν πολὺ περίττωμα ἔχουσιν, αἱ δ᾽ ἄκανθαι καὶ αἱ τρίχες καὶ τὰ τοιαῦτα γίνονται ἐκ περιττώματος), σκληρὰς δὲ καὶ λελιθωμένας διὰ τὴν ψυχρότητα καὶ τὸν πάγον.
이것들 역시 깊이 때문에 차가운 바다 속에 있기 때문에(왜냐하면 60오르기이아나 그 이상의 깊이에서 발생하기 때문이다), 몸 자체는 작지만 크고 단단한 가시를 가지고 있다. 큰 것은 몸의 성장이 그곳으로 향했기 때문이며(그들은 열이 적고 음식물을 소화시키지 못하여 많은 잉여물을 가지는데, 가시와 털과 같은 것들은 잉여물로부터 생겨나기 때문이다), 단단하고 돌처럼 굳은 것은 추위와 얼어붙음 때문이다.
τὸν αὐτὸν δὲ τρόπον καὶ τἆλλα τὰ φυόμενα σκληρότερα συμβαίνει γίνεσθαι καὶ γεωδέστερα καὶ λιθωδέστερα τὰ ἐν τοῖς πρὸς βορᾶν τῶν πρὸς νότον καὶ τὰ προσήνεμα τῶν ἐν κοίλοις·
동일한 방식으로 다른 자라나는 것들도 남쪽을 향한 것들에 비해 북쪽을 향한 것들이, 오목한 곳에 있는 것들에 비해 바람을 맞는 것들이 더 단단하고 더 흙 성분을 띠며 더 돌처럼 되기 마련이다.
ψύχεται γὰρ πάντα μᾶλλον, καὶ ἐξατμίζει τὸ ὑγρόν.
이것들은 모두 더 냉각되며, 수분이 증발하기 때문이다.
σκληρύνει μὲν οὖν καὶ τὸ θερμὸν καὶ τὸ ψυχρόν·
따라서 뜨거운 것도 차가운 것도 단단하게 만든다.
ἐξατμίζεσθαι γὰρ ὑπ᾽ ἀμφοτέρων συμβαίνει τὸ ὑγρόν, ὑπὸ μὲν τοῦ θερμοῦ καθ᾽ αὑτό, ὑπὸ δὲ τοῦ ψυχροῦ κατὰ συμβεβηκός (μετὰ τοῦ θερμοῦ γὰρ συνεξέρχεται· οὐθὲν γὰρ ὑγρὸν ἄνευ θερμοῦ).
수분이 그 둘 모두에 의해 증발하기 때문인데, 뜨거운 것에 의해서는 자체적으로, 차가운 것에 의해서는 부수적으로 그러하다(수분은 뜨거운 것과 함께 나가기 때문이니, 열이 없는 수분은 존재하지 않기 때문이다).