§3.6Ὁμοίως δὲ καὶ περὶ τὴν τῶν ὀρνίθων γένεσιν ἔχει.
새들의 발생에 대해서도 마찬가지이다.
εἰσὶ γάρ τινες οἳ λέγουσι κατὰ τὸ στόμα μίγνυσθαι τούς τε κόρακας καὶ τὴν ἶβιν, καὶ τῶν τετραπόδων τίκτειν κατὰ τὸ στόμα τὴν γαλῆν.
왜냐하면 까마귀와 따오기는 입을 통해 교미하고, 사족수 중에서는 족제비가 입을 통해 새끼를 낳는다고 주장하는 사람들이 있기 때문이다.
ταῦτα γὰρ καὶ Αναξαγόρας καὶ τῶν ἄλλων τινὲς φυσικῶν λέγουσι, λίαν ἀπλῶς καὶ ἀσκέπτως λέγοντες, περὶ μὲν οὖν τῶν ὀρνίθων ἐκ συλλογισμοῦ διαψευδόμενοι τῷ τὴν μὲν ὀχείαν ὀλιγάκις ὁρᾶσθαι τὴν τῶν κοράκων, τὴν δὲ τοῖς ῥύγχεσι πρὸς ἄλληλα κοινωνίαν πολλάκις, ἣν πάντα ποιεῖται τὰ κορακώδη τῶν ὀρνέων·
왜냐하면 이러한 일들을 아낙사고라스와 다른 일부 자연철학자들도 말하고 있는데, 그들은 너무나 단순하고 사려 깊지 못하게 말하고 있는 것이다. 우선 새들에 관해서는, 까마귀의 교미가 목격되는 일은 드문 반면에, 부리로 서로 교류하는 모습(모든 까마귀류의 새들이 하는 행동이다)은 자주 목격된다는 사실에 근거한 추론 때문에 오해를 하고 있는 것이다.
δῆλον δὲ τοῦτο ἐπὶ τῶν τιθασευομένων κολοιῶν.
그리고 이 점은 길들여진 갈까마귀에게서 분명하게 나타난다.
τὸ δ᾽ αὐτὸ τοῦτο ποιεῖ καὶ τὸ τῶν περιστερῶν γένος·
또한 비둘기 종류도 이와 똑같은 행동을 한다.
ἀλλὰ διὰ τὸ καὶ ὀχευόμενα φαίνεσθαι, διὰ τοῦτο ταύτης οὐ τετυχήκασι τῆς φήμης.
하지만 비둘기는 교미하는 모습도 목격되기 때문에, 이 때문에 그러한 소문에 휘말리지 않은 것이다.
τὸ δὲ κορακῶδες γένος οὐκ ἔστιν ἀφροδισιαστικόν (ἔστι γὰρ τῶν ὀλιγογόνων), ἐπεὶ ὦπταί γ᾽ ἤδη καὶ τοῦτο ὀχευόμενον.
그러나 까마귀 종류는 성욕이 왕성하지 않은데(왜냐하면 소산 동물에 속하기 때문이다), 사실 이것 역시 교미하는 모습이 이미 목격된 바 있다.
τὸ δὲ δὴ μὴ συλλογίζεσθαι πῶς εἰς τὰς ὑστέρας ἀφικνεῖται τὸ σπέρμα διὰ τῆς κοιλίας πεττούσης ἀεὶ τὸ ἐγγινόμενον, καθάπερ τὴν τροφήν, ἄτοπον.
그리고 위가 들어오는 것을 음식물과 마찬가지로 항상 소화시키는데도, 씨앗이 어떻게 위를 통해 자궁에 도달하는지 추론해 보지 않는 것은 터무니없는 일이다.
ὑστέρας δ᾽ ἔχουσι καὶ ταῦτα τὰ ὄρνεα, καὶ ᾠὰ φαίνεται πρὸς τοῖς ὑποζώμασιν.
이 새들도 자궁을 가지고 있으며, 횡격막 근처에서 알들이 관찰된다.
καὶ ἡ γαλῆ, καθάπερ τἆλλα τετράποδα, τὸν αὐτὸν τρόπον ἔχει ἐκείνοις τὰς ὑστέρας·
그리고 족제비 역시 다른 사족수들과 마찬가지 방식으로 자궁을 가지고 있다.
ἐξ ὧν εἰς τὸ στόμα πῇ βαδιεῖται τὸ ἔμβρυον ἀλλὰ διὰ τὸ τίκτειν πάμπαν μικρὰ τὴν γαλῆν, καθάπερ καὶ τἆλλα τὰ σχιζόποδα, περὶ ὦν ὕστερον ἐροῦμεν, τῷ δὲ στόματι πολλάκις μεταφέρειν τοὺς νεοττούς, ταύτην πεποίηκε τὴν δόξαν.
그렇다면 자궁에서 입으로 배아가 어떻게 나아간단 말인가. 하지만 족제비는 우리가 나중에 언급할 다른 갈라진 발가락 동물들과 마찬가지로 아주 작은 새끼를 낳는다는 점과, 새끼들을 입으로 자주 옮긴다는 점 때문에 이러한 의견이 생겨난 것이다.
εὐηθικῶς δὲ καὶ λίαν διεψευσμένοι καὶ οἱ περὶ τρόχου καὶ ὑαίνης λέγοντες.
또한 트로쿠스와 하이에나에 대해 말하는 사람들도 어리석고 대단히 오해하고 있다.
φασὶ γὰρ τὴν μὲν ὕαιναν πολλοί, τὸν δὲ τρόχον Ἡρόδωρος ὁ Ηρακλεώτης, δύο αἰδοῖα ἔχειν, ἄρρενος καὶ θήλεος, καὶ τὸν μὲν τρόχον αὐτὸν αὐτὸν ὀχεύειν, τὴν δ᾽ ὕαιναν ὀχεύειν καὶ ὀχεύεσθαι παρ᾽ ἕτος.
왜냐하면 많은 이들이 하이에나에 대해, 헤라클레이아의 헤로도로스가 트로쿠스에 대해, 수컷과 암컷의 두 가지 생식기를 가지고 있으며, 트로쿠스는 스스로 자신과 교미하고 하이에나는 해마다 번갈아 가며 교미를 주도하거나 당한다고 말하기 때문이다.
ὦπται γὰρ ἡ ὕαινα ἓν ἔχουσα αἰδοῖον·
그러나 하이에나는 하나의 생식기만을 가지고 있는 것이 목격되었다.
ἐν ἐνίοις γὰρ τόποις οὐ σπάνις τῆς θεωρίας·
왜냐하면 어떤 지역들에서는 관찰하는 일이 어렵지 않기 때문이다.
ἀλλ᾽ ἔχουσιν αἱ ὕαιναι ὑπὸ τὴν κέρκον ὁμοίαν γραμμὴν τῷ τοῦ θήλεος αἰδοίῳ.
다만 하이에나들은 꼬리 아래에 암컷의 생식기와 유사한 줄을 가지고 있다.
ἔχουσι μὲν οὖν καὶ οἱ ἄρρενες καὶ αἱ θήλειαι τὸ τοιοῦτον σημεῖον, ἀλλ᾽ ἁλίσκονται οἱ ἄρρενες μᾶλλον· διὸ τοῖς ἐκ παρόδου θεωροῦσι ταύτην ἐποίησε τὴν δόξαν.
그러므로 수컷과 암컷 모두 이러한 특징적인 표시를 가지고 있지만, 수컷이 더 많이 잡히기 때문에, 스쳐 지나가며 관찰하는 이들에게 이러한 오해를 불러일으킨 것이다.
ἀλλὰ περὶ μὲν τούτων ἅλις τὰ εἰρημένα.
아무튼 이들에 대해서는 이쯤 말해두는 것으로 충분하다.