§9.54.1ταῦτʼ εἰπόντος Ἀππίου καὶ τῶν ἄλλων ὀλίγου δεῖν πάντων τὴν αὐτὴν γνώμην ἀποφηναμένων ἡ μὲν βουλὴ διελύετο.
아피우스가 이같이 말하고 다른 이들도 거의 모두 같은 의견을 표명하자 원로원은 해산되었다.
οἱ δὲ δήμαρχοι διʼ ὀργῆς ἔχοντες τὴν ἀποτυχίαν ἀπῄεσαν καὶ μετὰ τοῦτʼ ἐσκόπουν, ὅπως τιμωρήσονται τὸν ἄνδρα·
한편, 호민관들은 실패에 분노를 품고 물러갔으며, 그 후 어떻게 그 자를 처벌할지 논의했다.
ἔδοξεν οὖν αὐτοῖς πολλὰ βουλευσαμένοις δίκῃ τὸν Ἄππιον ὑπαγαγεῖν θάνατον ἐχούσῃ τὸ τίμημα.
이에 그들은 여러 차례 의논한 끝에 아피우스를 사형에 처할 수 있는 재판에 넘기기로 결의했다.
καὶ μετὰ ταῦτʼ ἐν ἐκκλησίᾳ τοῦ ἀνδρὸς κατηγορήσαντες παρεκάλουν ἥκειν ἅπαντας εἰς τὴν ἀποδειχθησομένην ἡμέραν ὡς διοίσοντας ὑπὲρ αὐτοῦ §9.54.2ψῆφον.
그리고 그 후 민회에서 그 자를 고발하고, 지정될 날에 모두가 모여 그에 대해 투표를 하도록 소집했다.
ἃ δὲ κατηγορεῖν ἔμελλον, ταῦτʼ ἦν·
그들이 고발하려 한 내용은 다음과 같았다.
ὅτι πονηρὰς ἐτίθει κατὰ τοῦ δήμου γνώμας, καὶ στάσιν εἰσῆγεν εἰς τὴν πόλιν, καὶ δημάρχῳ χεῖρας ἐπήνεγκε παρὰ τοὺς ἱεροὺς νόμους, καὶ στρατιᾶς ἡγησάμενος σὺν βλάβῃ τε καὶ αἰσχύνῃ μεγάλῃ ἀνέστρεψε.
즉 그가 민중에게 해로운 의견을 제안했고, 도시에 내분을 끌어들였으며, 신성한 법을 위반하여 호민관에게 손을 댔고, 군대를 이끌었을 때 커다란 피해와 수치를 안고 퇴각했다는 것이다.
ταῦτα προειπόντες ἐν τῷ πλήθει, καὶ ῥητήν τινα ἀποδεἰξαντες ἡμέραν, ἐν ᾗ τέλος ἔφησαν ἐπιθήσειν τῇ δίκῃ, παρήγγειλαν αὐτῷ παρεῖναι τότʼ ἀπολογησομένῳ.
그들은 군중 앞에서 이 사실을 미리 공표하고, 재판을 종결짓겠다고 선언한 특정한 날을 지정한 후, 그에게 그때 출두하여 변명하도록 명령했다.
§9.54.3ἀγανακτούντων δʼ ἁπάντων τῶν πατρικίων καὶ παρεσκευασμένων ἁπάσῃ προθυμίᾳ σώζειν τὸν ἄνδρα, καὶ τὸν Ἄππιον παρακαλούντων εἶξαι τῷ καιρῷ καὶ σχῆμα ταῖς παρούσαις τύχαις ἁρμόττον μεταλαβεῖν, οὐδὲν ἔφη ποιήσειν ὁ ἀνὴρ οὔτʼ ἀγεννὲς οὔτε τῶν προγεγονότων ἔργων ἀνάξιον, μυρίους δʼ ἂν ὑπομεῖναι θανάτους πρότερον ἢ γονάτων ἅψασθαί τινος·
귀족들 모두가 분개하며 온갖 열의를 다해 그 자를 구출할 준비를 하고, 아피우스에게 시세에 순응하여 현재의 처지에 걸맞은 차림새를 취하라고 권했으나, 그 자는 비열하거나 자신의 과거 행적에 걸맞지 않은 일은 일절 하지 않겠다고 말하며, 누군가의 무릎을 붙잡고 애원하기보다는 차라리 만 번의 죽음을 겪겠다고 선언했다.
τούς θʼ ὑπὲρ αὐτοῦ δεῖσθαι παρεσκευασμένους διεκώλυεν εἰπών, ὡς διπλασίως ἂν αἰδεσθείη ταῦθʼ ὑπὲρ αὐτοῦ ποιοῦντας ἑτέρους ὁρῶν, ἃ μηδʼ αὐτὸν ὑπὲρ ἑαυτοῦ πράττειν πρέποντα ἡγεῖται.
또한 자신을 위해 애원할 준비를 하던 이들을 제지하며, 자신이 자신을 위해 행하는 것조차 합당하지 않다고 여기는 일들을 다른 이들이 자신을 위해 행하는 것을 보는 것은 배나 부끄러운 일이라고 말했다.
§9.54.4ταῦτά τε δὴ καὶ πολλὰ ὅμοια τούτοις λέγων, καὶ οὔτʼ ἐσθῆτα ἀλλάξας οὔτε τὸ τῆς ὄψεως γαῦρον ἀλλοιώσας οὔτε φρονήματός τι ὑφέμενος, ὡς εἶδεν ὀρθὴν καὶ μετέωρον ἐπὶ τῇ προσδοκίᾳ τοῦ ἀγῶνος τὴν πόλιν, ὀλίγων ἔτι λειπομένων ἡμερῶν ἑαυτὸν διεχρήσατο.
이러한 말들과 이와 유사한 많은 말을 하며, 옷을 갈아입지도 않고 거만한 안색을 바꾸지도 않았으며 기개를 조금도 꺾지 않은 채, 재판에 대한 기대로 온 도시가 긴장하여 술렁이는 것을 보고는, 며칠 남지 않았을 때 스스로 목숨을 끊었다.
§9.54.5οἱ μὲν δὴ προσήκοντες αὐτῷ νόσον ἐσκήπτοντο γενέσθαι τοῦ θανάτου αἰτίαν·
그의 친척들은 병을 그의 죽음의 원인으로 핑계 삼았다.
προενεχθέντος δὲ τοῦ σώματος εἰς τὴν ἀγορὰν ὁ μὲν υἱὸς αὐτοῦ προσιὼν τοῖς δημάρχοις καὶ τοῖς ὑπάτοις ἠξίου τὴν νόμιμον ἐκκλησίαν αὐτῷ συναγαγεῖν καὶ τὸν ἐν ἔθει Ῥωμαίοις ὄντα ἐπὶ ταῖς ταφαῖς ἀγορεύεσθαι τῶν ἀγαθῶν ἀνδρῶν λόγον ἐπιτρέψαι περὶ τοῦ πατρὸς διελθεῖν.
시신이 광장으로 운구되자, 그의 아들은 호민관들과 집정관들을 찾아가 그를 위해 합법적인 민회를 소집해 줄 것과, 로마인들의 관습에 따라 선한 이들의 장례식 때 행해지는 부친에 대한 찬양의 연설을 발표할 수 있도록 허락해 줄 것을 요구했다.
§9.54.6οἱ δὲ δήμαρχοι καλουμένης ἔτι τῆς ἐκκλησίας ὑπὸ τῶν ὑπάτων ἐνίσταντο, καὶ παρήγγελλον τῷ μειρακίῳ τὸν νεκρὸν ἀποφέρειν.
그러나 호민관들은 집정관들에 의해 민회가 여전히 소집되는 중임에도 반대하며, 젊은이에게 시신을 치우라고 명령했다.
οὐ μὴν ὁ δῆμός γʼ ἠνέσχετο οὐδὲ περιεῖδε τὴν ὕβριν, ἄτιμον ἐκβληθῆναι τὸ σῶμα, ἀλλʼ ἐπέτρεψε τῷ μειρακίῳ τὰς νομιζομένας ἀποδοῦναι τῷ πατρὶ τιμάς.
하지만 민중은 시신이 불명예스럽게 내던져지는 그러한 모욕을 용납하지도 방관하지도 않았고, 오히려 젊은이가 아버지에게 관례적인 예우를 바치는 것을 허락했다.
Ἄππιος μὲν οὖν τοιαύτης τελευτῆς ἔτυχεν.
아피우스는 이처럼 최후를 맞이했다.