§9.52.1ταῦτʼ εἰπόντος Αἰμιλίου δεύτερος κληθεὶς Ἄππιος Κλαύδιος, ὁ τῷ πρόσθεν ὑπατεύσας ἔτει, τὴν ἐναντίαν γνώμην ἀπεφήνατο διδάσκων, ὡς οὔθʼ ἡ βουλὴ διανεῖμαι τὰ δημόσια προαίρεσιν ἔσχε·
에밀리우스가 이와 같이 말한 뒤, 두 번째로 지명된 자이자 전년에 집정관을 지낸 아피우스 클라우디우스가 반대 의견을 표명하며 다음과 같이 설명했다.
πάλαι γὰρ ἂν εἰληφέναι τὰ δόξαντʼ αὐτῇ τέλος· ἀλλʼ εἰς χρόνον καὶ διάγνωσιν ἑτέραν ἀνεβάλετο, παῦσαι προθυμουμένη τὴν τότε κατασχοῦσαν στάσιν, ἣν εἰσῆγεν ὁ τῇ τυραννίδι ἐπιχειρῶν ὕπατος καὶ μετὰ ταῦτα δίκας δοὺς καλάς·
원로원은 공유지를 분배할 의사를 전혀 가지고 있지 않았으며, 만약 그랬다면 그 결정 사항은 오래전에 실현되었을 것이나, 당시에 가득했던 소요, 즉 참주정을 획책하다가 이후 마땅한 벌을 받은 그 집정관이 일으킨 내란을 진정시키기를 열망하여 다른 시기와 결정으로 미루어 두었을 뿐이라는 것이다.
§9.52.2οὔθʼ οἱ μετὰ τὸ προβούλευμα λαχόντες ὕπατοι τέλος τοῖς ἐψηφισμένοις ἐπέθεσαν ὁρῶντες, ὅσων εἰσελεύσεται κακῶν εἰς τὴν πόλιν ἀρχὴ συνεθισθέντων τὰ κοινὰ τῶν πενήτων διαλαγχάνειν·
또한 예비 결의 후에 선출된 집정관들도 가난한 자들이 공유물을 분배받는 일에 길들여진다면 얼마나 많은 재앙의 시초가 도시에 들이닥칠지 간파했기에, 의결된 사항들을 실행에 옮기지 않았다.
αἵ τε μετʼ ἐκείνους πεντεκαίδεκα ὑπατεῖαι πολλῶν αὐταῖς ἐπαχθέντων ὑπὸ τοῦ δήμου κινδύνων οὐδὲν ὑπέμειναν, ὃ μὴ συνέφερε τῷ κοινῷ πράττειν, διὰ τὸ μηδʼ ἐξεῖναι σφίσι κατὰ τὸ προβούλευμα τοὺς γεωμόρους ἀποδεικνύειν,
그리고 그들 뒤의 열다섯 집정관 임기 동안 민중에 의해 많은 위험이 그들에게 닥쳤음에도, 공공의 이익에 부합하지 않는 일은 행하기를 결코 용인하지 않았다.
§9.52.3ἀλλὰ τοῖς πρώτοις ἐκείνοις ὑπάτοις.
왜냐하면 예비 결의에 따라 토지 분배 위원을 임명하는 일은 그들에게 허용된 것이 아니라, 바로 그 첫 집정관들에게만 허용된 일이었기 때문이다.
ὥστʼ οὐδʼ ὑμῖν, ἔφησεν, ὦ Οὐαλέριε, καὶ σὺ Αἰμίλιε, γῆς ἀναδασμοὺς εἰσφέρειν, οὓς οὐκ ἐπέταξεν ὑμῖν τὸ συνέδριον, οὔτε καλῶς ἔχει, προγόνων οὖσιν ἀγαθῶν, οὔτʼ ἀσφαλῶς.
"그러므로," 그가 말했다. "발레리우스여, 그리고 에밀리우스여, 원로원이 그대들에게 명령하지 않은 토지 재분배를 제안하는 것은 훌륭한 조상을 둔 그대들에게 명예롭지도 않고 안전하지도 않소.
καὶ περὶ μὲν τοῦ προβουλεύματος, ὡς οὐ κρατεῖσθε ὑπʼ αὐτοῦ οἱ τοσούτοις ὕστερον ὑπατεύσαντες χρόνοις, §9.52.4ταῦθʼ ἱκανά.
그리고 예비 결의에 관하여, 그렇게 많은 세월이 흐른 뒤 집정관이 된 그대들이 그것에 얽매이지 않는다는 점을 밝히는 데는 이것으로 충분하오.
περὶ δὲ τοῦ βιασαμένους τινὰς ἢ λαθόντας σφετερίσασθαι τὰ δημόσια βραχὺς ἀπαρκεῖ μοι λόγος.
하지만 누군가가 폭력을 쓰거나 남몰래 공유지를 사유화했다는 점에 대해서는 짧은 말로도 충분하오.
εἰ γάρ τις οἶδε καρπούμενόν τινα, ὧν οὐκ ἔχει κτῆσιν ἀποδεῖξαι νόμῳ, μήνυσιν ἀπενεγκάτω πρὸς τοὺς ὑπάτους καὶ κρινάτω κατὰ τοὺς νόμους, οὓς οὐ νεωστὶ δεήσει γράφειν·
만약 누군가 법에 따라 소유권을 증명할 수 없는 것을 수확하여 누리는 자를 알고 있다면, 집정관들에게 고발하고 법에 따라 처벌받게 하시오. 법을 새로 제정할 필요는 없소.
πάλαι γὰρ ἐγράφησαν, καὶ οὐδεὶς αὐτοὺς ἠφάνικε χρόνος.
그것들은 이미 오래전에 제정되었고, 어떤 세월도 그것들을 없애지 못했기 때문이오.
§9.52.5ἐπεὶ δὲ καὶ περὶ τοῦ συμφέροντος ἐποιεῖτο λόγους Αἰμίλιος, ὡς ἐπὶ τῷ πάντων ἀγαθῷ τῆς κληρουχίας ἐσομένης, οὐδὲ τοῦτο τὸ μέρος ἀνέλεγκτον ἐᾶσαι βούλομαι.
에밀리우스가 토지 분배가 모두의 선을 위해 이루어질 것처럼 유익함에 대해서도 논했으니, 나 또한 이 부분을 반박 없이 남겨두고 싶지 않소.
ἐμοὶ γὰρ δοκεῖ τὸ αὐτόθι μόνον οὗτός γʼ ὁρᾶν, τὸ δὲ μέλλον οὐ προσκοπεῖν, ὅτι μικρὸν εἶναι δοκοῦν ἐπὶ τῶν δημοσίων τοῖς ἀργοῖς καὶ
나에게는 그가 오직 눈앞의 일만을 볼 뿐 미래를 내다보지 못하는 것으로 보이기 때문이오.
§9.52.6ἀπόροις πολλῶν ἔσται καὶ μεγάλων κακῶν αἴτιον.
즉, 게으르고 궁핍한 자들에게 공유지를 나누어 주는 것은 언뜻 작아 보일지라도 많은 큰 재앙의 원인이 될 것이오.
τὸ γὰρ ἔθος τὸ συνεισπορευόμενον ἅμα τούτῳ καὶ διαμένον ἐν τῇ πόλει καὶ μέχρι παντὸς ὀλέθριον ἔσται καὶ δεινόν·
왜냐하면 이것과 함께 들어와 도시에 머물게 될 그 관행은 영원토록 파멸적이며 두려운 일이 될 것이기 때문이오.
οὐ γὰρ ἐξαιρεῖ τὰς πονηρὰς ἐπιθυμίας ἐκ τῆς ψυχῆς τὸ τυγχάνειν αὐτῶν, ἀλλʼ αὔξει καὶ πονηροτέρας ποιεῖ.
사악한 욕망은 그것을 성취함으로써 혼에서 제거되는 것이 아니라, 오히려 증폭되고 더 사악해질 뿐이오.
τεκμήρια δʼ ὑμῖν γενέσθω τούτων τὰ ἔργα·
이것들의 증거로 실제 일어난 일들을 보시오.
τί γὰρ δεῖ τοῖς λόγοις ὑμᾶς τοῖς ἐμοῖς ἢ τοῖς Αἰμιλίου προσέχειν;
그대들이 나의 말이나 에밀리우스의 말에 귀를 기울일 필요가 무엇이겠소?