§9.47.1διεξελθὼν δὲ τὸν ὑπὲρ τοῦ δήμου λόγον, ἐπιστρέψας ἐπὶ τὸν Ἄππιον·
민중을 위한 변론을 마친 후, 그는 아피우스 쪽으로 돌아서며 말했다.
ἔπειτα σὺ τολμᾷς, εἶπε, λοιδορεῖσθαι τούτοις, διʼ οὓς μεγάλη μὲν ἐκ μικρᾶς, ἐπιφανὴς δʼ ἐξ ἀδόξου γέγονεν ἡ πόλις;
"그러면 당신이 감히," 그가 말했다. "이 사람들을 모욕한단 말인가? 이들 덕분에 이 도시가 작은 곳에서 위대해지고, 무명한 곳에서 명성을 떨치게 되었는데도 말이다.
καὶ στασιαστὰς ἑτέρους ἀποκαλεῖς καὶ φυγαδικήν τινα τύχην ὀνειδίζεις, ὥσπερ οὐχ ἁπάντων ἔτι τούτων μεμνημένων τὸ καθʼ ὑμᾶς, ὅτι στασιάσαντες οἱ σοὶ πρόγονοι πρὸς τοὺς ἐν τέλει καὶ τὴν ἑαυτῶν πατρίδα καταλιπόντες ἐνθάδʼ ἱδρύθησαν ἱκέται;
또한 다른 이들을 파당 분자라 부르고 망명자와 같은 처지를 비난하는가? 마치 여기 있는 모든 이들이 당신들의 일, 즉 당신의 조상들이 권력자들에게 반란을 일으키고 자신들의 조국을 버린 채 이곳에 탄원자로서 정착했다는 사실을 더 이상 기억하지 못하는 것처럼 말이다.
εἰ μὴ ἄρα ὑμεῖς μὲν ἐκλιπόντες τὴν ἑαυτῶν πατρίδα πόθῳ τῆς ἐλευθερίας καλὸν ἔργον ἐπράττετε, Ῥωμαῖοι δὲ τὰ §9.47.2ὅμοια ὑμῖν δεδρακότες οὐ καλόν.
혹시 당신들이 자유에 대한 열망으로 조국을 버린 것은 고결한 일을 행한 것이고, 로마인들이 당신들과 같은 일을 행한 것은 고결하지 못한 일이라는 말인가?
τολμᾷς δὲ καὶ τὴν τῶν δημάρχων ἐξουσίαν ὡς ἐπὶ κακῷ παρεληλυθυῖαν εἰς τὴν πόλιν λοιδορεῖν, καὶ πείθεις τουτουσὶ καταλῦσαι τὴν τῶν πενήτων ἐπικουρίαν τὴν ἱερὰν καὶ ἀκίνητον καὶ μεγάλαις ἠσφαλισμένην ἐκ θεῶν τε καὶ ἀνθρώπων ἀνάγκαις, ὦ μισοδημότατε καὶ τυραννικώτατε;
또한 당신은 호민관의 권능 역시 그것이 해악을 가져오기 위해 도시로 들어온 것처럼 모욕할 뿐만 아니라, 가장 민중을 미워하고 가장 참주적인 자여, 이 사람들을 설득하여 신들과 인간 양측의 거대한 불가피한 서약에 의해 보장된, 가난한 이들을 위한 신성하고 침해할 수 없는 조력을 무너뜨리려 하는가?
καὶ οὐδὲ τοῦτʼ ἄρα ἐδυνήθης μαθεῖν, ὅτι τῇ τε βουλῇ καὶ τῇ σεαυτοῦ ἀρχῇ ταῦτα λέγων λοιδορῇ;
그리고 이런 말을 함으로써 당신이 원로원과 당신 자신의 관직 모두를 모욕하고 있다는 사실조차 깨닫지 못했단 말인가?
καὶ γὰρ ἡ βουλὴ διαναστᾶσα πρὸς τοὺς βασιλεῖς, ὧν οὐκέτι τὰς ὑπερηφανίας καὶ τὰς ὕβρεις ὑποφέρειν ἠξίου, τὸ τῶν ὑπάτων ἀρχεῖον κατεστήσατο, καὶ πρὶν ἐκείνους ἐξελάσαι τῆς πόλεως ἑτέρους ἐποίησε τῆς βασιλικῆς ἐξουσίας κυρίους.
왜냐하면 왕들의 오만과 모욕을 더 이상 견딜 가치가 없다고 판단하여 그들에 맞서 일어선 원로원이 집정관직을 설립했고, 그들을 도시에서 추방하기 전에 다른 이들을 왕권의 소유자로 만들었기 때문이다.
§9.47.3ὥσθʼ ἃ περὶ τῆς δημαρχίας λέγεις, ὡς ἐπὶ κακῷ παρεληλυθυίας, ἐπειδὴ τὴν ἀρχὴν ἀπὸ διχοστασίας ἔλαβε, ταῦτα καὶ κατὰ τῆς ὑπατείας λέγεις.
따라서 당신이 호민관직에 대해 그것이 분열로부터 기원을 두었기에 해악을 가져왔다고 하는 말은, 집정관직에 대해서도 똑같이 말하는 셈이 된다.
οὐδὲ γὰρ ἐκείνην ἄλλη τις εἰσήγαγε πρόφασις, ἀλλʼ ἡ §9.47.4πρὸς τοὺς βασιλεῖς τῶν πατρικίων στάσις.
왜냐하면 그 관직 역시 다른 어떤 구실이 아니라, 왕들에 대항한 귀족들의 반란에 의해 도입되었기 때문이다.
ἀλλὰ τί ταῦτά σοι διαλέγομαι, ὡς χρηστῷ καὶ μετρίῳ πολίτῃ, ὃν ἅπαντες ἴσασιν οὗτοι σκαιὸν ὄντα διὰ γένος καὶ πικρὸν καὶ μισόδημον καὶ τὸ θηριῶδες ὑπὸ φύσεως οὐδέποτʼ ἐξημερῶσαι δυνάμενον, ἀλλʼ οὐχ ὁμόσε χωρῶ σοι τὰ ἔργα ἐπίπροσθεν ποιησάμενος τῶν λόγων, καὶ δείκνυμι, ὅσην ἰσχὺν ὁ δῆμος ἔχων λέληθέ σε, ὃν οὐκ ᾐσχύνθης ἀνέστιον καὶ ῥυπαρὸν καλῶν, καὶ ὅσον ἥδε ἡ ἀρχὴ δυναμένη, ἥν δε ὁ νόμος ἐκτρέπεσθαι καὶ εἴκειν ἀναγκάζει;
하지만 내가 왜 이런 일들을 당신과 논하고 있단 말인가? 마치 당신이 선량하고 온건한 시민이라도 되는 것처럼 말이다. 여기 있는 모든 이들은 당신이 그 가문 때문에 편협하고 잔인하며 민중을 미워하고, 타고난 그 야수 같은 성정을 결코 길들일 수 없는 자임을 알고 있는데 말이다. 오히려 내가 말보다 행동을 앞세워 당신과 직접 맞서며, 당신이 '집도 없고 더러운 자들'이라 부르기를 부끄러워하지 않았던 민중이 당신도 모르는 사이에 얼마나 큰 힘을 가지고 있는지, 그리고 법이 길을 피하고 굴복하도록 강제하는 이 관직이 얼마나 강력한지를 보여주어야 하지 않겠는가?
παρεὶς δὲ καὶ αὐτὸς ἅπασαν εἰρωνείαν ἔργου ἕξομαι.
나 역시 모든 반어법을 버리고 행동에 돌입하겠다."