§9.32.1περὶ δὲ τῆς βουλῆς καὶ τῶν πατρικίων, ἐπειδὴ τὸ κοινὸν ὑμῶν μῖσος, ὃ διὰ τὴν κωλυθεῖσαν κληρουχίαν ἔχετε, καὶ ἐμὲ λυπεῖ, καὶ οὐδὲ ὁ κατήγορος αὐτὸ ἀπεκρύψατο, ἀλλὰ μέρος οὐκ ἐλάχιστον ἐποιήσατο τῆς ἐμῆς κατηγορίας, βούλομαι βραχέα εἰπεῖν πρὸς ὑμᾶς.
원로원과 파트리키(귀족)들에 관해서는, 토지 분배가 저지됨으로써 여러분이 품게 된 공통의 증오가 저 또한 괴롭히고 있으며, 고발자 또한 이를 숨기지 않고 오히려 저에 대한 고발의 적지 않은 부분으로 삼았기 때문에, 저는 여러분께 몇 말씀 짧게 드리고자 합니다.
§9.32.2ἔσται δὲ μετὰ παρρησίας ὁ λόγος·
제 말은 솔직할 것입니다.
ἄλλως γὰρ οὔτʼ ἂν ἐγὼ δυναίμην λέγειν οὔθʼ ὑμῖν ἀκούειν συμφέρει.
그렇지 않다면 저 또한 말할 수 없을 것이고, 여러분이 듣기에도 유익하지 않을 것이기 때문입니다.
οὐ δίκαια ποιεῖτε οὐδʼ ὅσια, ὦ δημόται, τῶν μὲν εὐεργεσιῶν, ἃς εὕρεσθε παρὰ τῆς βουλῆς, πολλῶν οὐσῶν καὶ μεγάλων οὐκ εἰδότες αὐτῇ χάριν·
시민 여러분, 여러분은 정의롭지도 않고 경건하지도 않은 일을 하고 계십니다.
εἰ δέ τι δεομένοις ὑμῖν, ἐξ οὗ συγχωρηθέντος μεγάλα βλάπτοιτʼ ἂν τὸ κοινόν, οὐ φθονοῦσα ὑμῖν, ἀλλὰ τὸ συμφέρον τῆς πόλεως ὁρῶσα, ἠναντιώθη, τοῦτο διʼ ὀργῆς λαμβάνοντες.
원로원으로부터 얻은 수많고 거대한 은혜들에 대해 원로원에 감사해하지도 않으면서, 만일 여러분이 요구하는 무언가가 허용될 경우 공동체에 큰 해를 끼치게 될 일에 대해, 원로원이 여러분을 시기해서가 아니라 도시의 이익을 내다보고 반대했다면, 이를 분노로 받아들이고 있기 때문입니다.
§9.32.3ἔδει δʼ ὑμᾶς μάλιστα μὲν ὡς ἀπὸ τοῦ κρατίστου τὰ βουλεύματα αὐτῆς γενόμενα καὶ ἐπὶ τῷ πάντων ἀγαθῷ δεχομένους ἀποστῆναι τῆς σπουδῆς·
하지만 여러분은 무엇보다도 원로원의 결정들이 최선의 의도에서 비롯된 것이며 모든 이의 유익을 위한 것이라고 받아들여 그 열망에서 물러섰어야 마땅했습니다.
εἰ δʼ ἀδύνατοι ἦτε κατασχεῖν ἀσύμφορον ἐπιθυμίαν λογισμῷ σώφρονι, μετὰ τοῦ πείθειν τῶν αὐτῶν ἀξιοῦν τυγχάνειν,
하지만 만일 현명한 이성으로 불이익한 욕망을 억제할 수 없었다면, 설득을 통해 같은 것을 얻을 자격이 있다고 인정받기를 구했어야 했습니다.
§9.32.4ἀλλὰ μὴ μετὰ τοῦ βιάζεσθαι.
강제를 통해서가 아니라 말입니다.
αἱ γὰρ ἑκούσιοι δωρεαὶ τοῖς τε προεμένοις ἡδίους τῶν ἠναγκασμένων εἰσί, καὶ τοῖς λαμβάνουσι βεβαιότεραι τῶν μὴ τοιούτων.
자발적인 선물은 주는 이에게도 강요된 것보다 더 기쁜 일이며, 받는 이에게도 그렇지 않은 것보다 더 확실하기 때문입니다.
ὃ μὰ τοὺς θεοὺς οὐ λογίζεσθε ὑμεῖς, ἀλλʼ ὑπὸ τῶν δημαγωγῶν, ὥσπερ θάλαττα ὑπʼ ἀνέμων ἄλλων ἐπʼ ἄλλοις ἐπανισταμένων, ἀνακινούμενοί τε καὶ ἀγριαινόμενοι οὐδὲ τὸν ἐλάχιστον χρόνον ἐν ἡσυχίᾳ καὶ γαλήνῃ διακεῖσθαι τὴν πόλιν ἐᾶτε.
신들의 이름으로 맹세코, 여러분은 이 점을 생각지 않으시고, 도리어 민중 선동가들에 의해 마치 차례로 일어나는 바람에 요동치는 바다처럼 흔들리고 사나워져서, 아주 짧은 시간조차 이 도시가 평온과 고요 속에 머물도록 내버려 두지 않으십니다.
τοιγάρτοι παρέστη ἡμῖν κρείττονα ἡγεῖσθαι τῆς εἰρήνης τὸν πόλεμον·
그리하여 저희에게는 평화보다 전쟁을 더 나은 것으로 여기는 일이 생기고 말았습니다.
ὅταν μέν γε πολεμῶμεν, τοὺς ἐχθροὺς κακῶς ποιοῦμεν, ὅταν δʼ εἰρήνην ἄγωμεν, τοὺς φίλους.
왜냐하면 저희가 전쟁을 할 때에는 적을 해롭게 하지만, 평화를 유지할 때에는 친구를 해롭게 하기 때문입니다.
καίτοι, ὦ δημόται, εἰ μὲν ἅπαντα τὰ βουλεύματα τοῦ συνεδρίου καλὰ καὶ συμφέροντα ἡγεῖσθʼ εἶναι, ὥσπερ ἐστί, τί οὐχὶ καὶ §9.32.5τοῦθʼ ἓν ἐξ αὐτῶν ὑπολαμβάνετʼ εἶναι;
하지만 시민 여러분, 만일 원로원의 모든 결정이 실제로 그러하듯 훌륭하고 유익하다고 생각하신다면, 어찌하여 이 또한 그 결정들 중 하나라고 받아들이지 않으십니까?
εἰ δὲ μηδὲν ἁπλῶς τὴν βουλὴν τῶν δεόντων οἴεσθε φρονεῖν, ἀλλʼ αἰσχρῶς καὶ κακῶς τὴν πόλιν ἐπιτροπεύειν, τί δή ποτʼ οὐχὶ μεταστησάμενοι αὐτὴν ἀθρόαν, αὐτοὶ ἄρχετε καὶ βουλεύετε καὶ τοὺς ὑπὲρ τῆς ἡγεμονίας πολέμους ἐκφέρετε, ἀλλὰ περικνίζετε αὐτὴν καὶ κατὰ μικρὰ διαλύετε τοὺς ἐπιφανεστάτους ἀναρπάζοντες ἐν ταῖς δίκαις;
그러나 원로원이 마땅히 해야 할 일을 전혀 생각지 않고, 도리어 수치스럽고 잘못된 방식으로 도시를 다스리고 있다고 생각하신다면, 어찌하여 원로원을 한꺼번에 해체해 버리고 여러분이 직접 통치하고 결의하며 패권을 위한 전쟁을 치르지 않으시고, 재판을 통해 가장 명망 있는 이들을 사로잡아 원로원을 주변부터 갉아먹으며 조금씩 와해시키려 하십니까?
ἄμεινον γὰρ ἦν ἅπασιν ἡμῖν κοινῇ πολεμεῖσθαι, ἢ §9.32.6καθʼ ἕνα ἕκαστον ἰδίᾳ συκοφαντεῖσθαι.
우리 모두에게는 공동으로 전쟁의 대상이 되는 것이, 개별적으로 한 사람 한 사람 모함을 받는 것보다 더 나은 일이었기 때문입니다.
ἀλλὰ γὰρ οὐχ ὑμεῖς αἴτιοι τούτων, ὥσπερ ἔφην, ἀλλʼ οἱ συνταράττοντες ὑμᾶς δημαγωγοὶ οὔτʼ ἄρχεσθαι ὑπομένοντες οὔτʼ ἄρχειν εἰδότες.
하지만 제가 말씀드렸듯이 여러분이 이 일들의 원인이 아니라, 여러분을 혼란스럽게 만드는 민중 선동가들이 원인이며, 그들은 지배받는 것을 견디지도 못하고 지배하는 법을 알지도 못합니다.
καὶ ὅσον μὲν ἐπὶ τῇ τούτων ἀφροσύνῃ τε καὶ ἀπειρίᾳ πολλάκις ἂν ὑμῖν τόδε τὸ σκάφος ἀνετράπη, νῦν δʼ ἡ τὰ τούτων σφάλματα ἐπανορθοῦσα καὶ ἐν ὀρθῇ παρέχουσα ὑμῖν τῇ πόλει πλεῖν, ἡ πλεῖστα δεινὰ ὑπʼ αὐτῶν ἀκούουσά ἐστι βουλή.
이들의 어리석음과 경험 부족으로만 따지자면 여러분의 이 배는 이미 여러 번 뒤집혔을 것이나, 실제로는 그들의 잘못을 바로잡고 도시가 올바른 자세로 항해하도록 만드는 것은, 그들로부터 가장 많은 험담을 듣고 있는 원로원입니다.
§9.32.7ταῦτʼ εἴθʼ ἡδέα ἐστὶν ὑμῖν ἀκούειν εἴτʼ ἀνιαρά, μετὰ πάσης ἀληθείας εἴρηταί μοι καὶ τετόλμηται·
이 말들이 여러분에게 듣기 좋든 괴롭든 간에, 저는 온전한 진실을 담아 용기 있게 말씀드렸습니다.
καὶ μᾶλλον αἱροίμην ἂν παρρησίᾳ συμφερούσῃ τῷ κοινῷ χρώμενος ἀποθανεῖν, ἢ τὰ πρὸς ἡδονὴν ὑμῖν λέγων σεσῶσθαι.
그리고 저는 여러분의 비위에 맞는 말을 하여 살아남기보다는, 공동체에 유익한 솔직함을 사용하여 죽는 편을 택하겠습니다.