§9.14.1ἑλομένης δὲ τῆς βουλῆς μεσοβασιλεῖς τῶν ἀρχαιρεσίων ἕνεκα, καὶ τοῦ δευτέρου μεσοβασιλέως συγκαλέσαντος εἰς τὸ πεδίον τοὺς λόχους, ἀποδείκνυται Καίσων Φάβιος ὁ τὰ ἀριστεῖα λαβὼν ἐκ τῆς μάχης, ἀδελφὸς δὲ τοῦ τὴν ἀρχὴν ἀποθεμένου, τὸ τρίτον ὕπατος καὶ σὺν αὐτῷ Τῖτος Οὐεργίνιος.
원로원이 선거를 위해 인터렉스들을 선출하고, 두 번째 인터렉스가 백인대들을 평원으로 소집하자, 그 전투에서 무공의 영예를 얻은 자이자 관직을 사임한 자의 형제인 카이소 파비우스가 세 번째로 집정관으로 지명되었고, 그와 함께 티투스 우에르기니우스도 임명되었다.
οὗτοι διαλαχόντες τὰς δυνάμεις ἐξῄεσαν εἰς τὴν ὕπαιθρον·
이들은 군세를 나누어 야외로 출정했다.
§9.14.2Φάβιος μὲν Αἰκανοῖς πολεμήσων προνομεύουσι τοὺς Λατίνων ἀγρούς, Οὐεργίνιος δὲ Οὐιεντανοῖς.
파비우스는 라티움인들의 땅을 약탈하고 있던 아이쿠이인들과 싸우기 위해, 우에르기니우스는 웨이이인들과 싸우기 위해 출발했다.
Αἰκανοὶ μὲν οὖν ἐπειδὴ στρατὸν ἐλευσόμενον ἐπʼ αὐτοὺς ἔγνωσαν, ἀναστάντες ἐκ τῆς πολεμίας διὰ τάχους ἀπῆλθον εἰς τὰς ἑαυτῶν πόλεις·
그리하여 아이쿠이인들은 자신들을 향해 군대가 진군해 온다는 것을 알자, 적지에서 일어나 신속하게 자신들의 도시로 물러났다.
καὶ μετὰ ταῦτα λεηλατουμένης τῆς σφετέρας γῆς ἠνείχοντο, ὥστε πολλῶν κρατῆσαι χρημάτων τὸν ὕπατον καὶ σωμάτων καὶ τῆς ἄλλης λείας ἐξ ἐφόδου.
그리고 그 후에는 자신들의 땅이 약탈당하는 것을 감내했기에, 집정관은 첫 공격으로 많은 재물과 포로 및 기타 전리품을 즉시 획득할 수 있었다.
Οὐιεντανοὶ δὲ κατʼ ἀρχὰς ἐντὸς τείχους μένοντες, ἐπειδὴ καιρὸν ἔχειν ἔδοξαν ἐπιτήδειον, ἐπέθεντο τοῖς πολεμίοις ἐσκεδασμένοις ἀνὰ τὰ πεδία καὶ πρὸς ἁρπαγὴν τετραμμένοις τῆς λείας.
반면 웨이이인들은 처음에는 성벽 안에 머물러 있다가, 적절한 기회를 얻었다고 생각하자, 평원에 흩어져 전리품 약탈에 몰두하고 있던 적들을 습격했다.
§9.14.3ἔχοντες δὲ πολλὴν καὶ συντεταγμένην δύναμιν ἐμβάλλουσιν εἰς αὐτούς, καὶ τήν τε λείαν ἀφαιροῦνται, καὶ τοὺς ὁμόσε χωροῦντας, οὓς μὲν ἀποκτείνουσιν, οὓς δʼ εἰς φυγὴν τρέπουσι·
그들은 크고 잘 정돈된 군세를 이끌고 그들에게 돌격하여, 전리품을 빼앗고, 육탄전을 벌여오는 자들 중 어떤 이들은 죽이고 다른 이들은 패주하게 만들었다.
καὶ εἰ μὴ Τῖτος Σίκκιος πρεσβευτὴς τότʼ ὢν στίφει συντεταγμένῳ πεζῶν τε καὶ ἱππέων παραβοηθήσας ἐπέσχεν αὐτούς, οὐδὲν ἂν τὸ κωλῦσον ἦν ἅπασαν ἀπολέσθαι τὴν στρατιάν.
그리고 만약 당시 사절이었던 티투스 시키우스가 잘 정돈된 보병과 기병 부대를 이끌고 구원하러 와서 그들을 막아서지 않았다면, 전군이 전멸하는 것을 막을 수 있는 것은 아무것도 없었을 것이다.
ἐκείνου δʼ ἐμποδὼν γενομένου συνελθεῖν ἔφθασαν οἱ λοιποὶ οἱ καθʼ ἕνα διεσκεδασμένοι·
그가 앞을 가로막아 방어해 준 덕분에, 한 명씩 흩어져 있던 나머지 자들이 먼저 합류할 수 있었다.
πάντες δʼ ἐν ταὐτῷ γενόμενοι λόφον τινὰ καταλαμβάνονται περὶ δείλην ὀψίαν, καὶ τὴν ἐπιοῦσαν νύκτα ἐν τούτῳ ἔμειναν.
그들은 모두 같은 곳에 모여 늦은 저녁 무렵에 어떤 언덕을 점령하였고, 이튿날 밤을 그곳에서 보냈다.
§9.14.4ἐπαρθέντες δὲ Οὐιεντανοὶ τῷ κατορθώματι πλησίον τοῦ λόφου τίθενται τὰ ὅπλα, καὶ τοὺς ἐκ τῆς πόλεως ἐκάλουν ὡς κατακεκλεικότες τοὺς Ῥωμαίους εἰς χωρίον, ἔνθα οὐδὲν τῶν ἐπιτηδείων ἔμελλον ἕξειν, καὶ προσαναγκάσοντες οὐκ εἰς μακρὰν παραδοῦναι σφίσι τὰ ὅπλα.
이 성공에 고무된 웨이이인들은 언덕 근처에 진을 치고, 도시로부터 사람들을 불러 모았는데, 이는 로마인들을 생필품을 전혀 얻을 수 없는 곳에 가두었으며 조만간 무기를 넘겨주도록 강제할 것임을 보여주기 위함이었다.
γίνεταί τʼ αὐτῶν συχνοῦ ἐλθόντος ὄχλου δύο στρατεύματα περὶ τὰς ἐπιμάχους λαγόνας τοῦ λόφου, πολλά τʼ ἄλλα φρούρια βραχύτερα κατὰ τοὺς ἧττον ἐπικαίρους τόπους·
그리하여 그들의 큰 무리가 몰려와 언덕의 공격받기 쉬운 측면 양쪽에 두 개의 진영이 형성되었고, 덜 중요한 장소들에는 많은 다른 작은 요새들이 만들어졌다.
καὶ πάντα ἦν μεστὰ §9.14.5ὅπλων.
그리고 그 모든 곳이 무기로 가득 차 있었다.
ὁ δʼ ἕτερος τῶν ὑπάτων Φάβιος γραμμάτων παρὰ τοῦ συνάρχοντος ἀφικομένων ἐπιγνούς, ὅτι ἐν ἐσχάτοις εἰσὶν οἱ κατακλεισθέντες ἐν τῷ λόφῳ, καὶ κινδυνεύσουσιν, εἰ μή τις αὐτοῖς βοηθήσει, λιμῷ ἁλῶναι, ἀναστήσας τὸν στρατὸν ἦγεν ἐπὶ τοὺς Οὐιεντανοὺς σὺν τάχει·
그러나 다른 한 명의 집정관 파비우스는 동료로부터 온 서한을 통해 언덕에 갇힌 자들이 극도로 위험한 상황에 처해 있으며, 누군가 도와주지 않는다면 굶주림으로 인해 함락당할 위기에 처해 있음을 알게 되자, 군대를 움직여 신속하게 웨이이인들을 향해 인도했다.
καὶ εἰ μιᾷ βραδύτερον ἡμέρᾳ διήνυσε τὴν ὁδόν, οὐδὲν ἂν ὤνησεν, ἀλλὰ διεφθαρμένην τὴν ἐκεῖ στρατιὰν κατέλαβε.
그리고 만약 그가 길을 하루만 더 늦게 갔더라도 아무런 소용이 없었을 것이며, 그곳 의 군대가 이미 전멸한 것을 발견했을 것이다.
πιεζόμενοι γὰρ τῇ σπάνει τῶν ἀναγκαίων οἱ κατέχοντες τὸν λόφον ἐξῆλθον ὡς τὸν εὐπρεπέστατον αἱρησόμενοι τῶν θανάτων, καὶ συμβαλόντες τοῖς πολεμίοις ἐμάχοντο κεκμηκότες οἱ πλείους τὰ σώματα λιμῷ τε καὶ δίψῃ καὶ ἀγρυπνίᾳ καὶ τῇ §9.14.6ἄλλῃ κακώσει.
생필품 부족으로 고통받던 언덕의 점령자들은 가장 명예로운 죽음을 택하고자 밖으로 나섰고, 적과 마주쳐 싸웠으나 대부분은 굶주림과 갈증, 불면 및 기타 고통으로 인해 몸이 피폐해져 있었기 때문이다.
μετʼ οὐ πολὺ δʼ ὡς τὸ τοῦ Φαβίου στράτευμα προσιὸν ὤφθη πολύ τε καὶ συντεταγμένον, θάρσος μὲν ἔφερε τοῖς σφετέροις, δέος δὲ τοῖς πολεμίοις·
얼마 지나지 않아 파비우스의 군대가 크고 잘 정돈된 상태로 접근하는 것이 보이자, 아군에게는 용기를, 적에게는 두려움을 가져다주었다.
καὶ οἱ Τυρρηνοὶ οὐκέτι ἀξιόμαχοι εἶναι νομίσαντες πρὸς ἀγαθήν τε καὶ ἀκμῆτα δύναμιν εἰς ἀγῶνα χωρεῖν, ᾤχοντο ἐκλιπόντες τοὺς χάρακας.
그리하여 에트루리아인들은 상태가 좋고 지치지 않은 군세를 상대로 전투에 들어갈 만큼 자신들의 전투력이 충분하지 않다고 판단하고, 진영을 버리고 떠났다.
ὡς δʼ εἰς ταὐτὸ συνῆλθον αἱ τῶν Ῥωμαίων δυνάμεις ἀμφότεραι, στρατόπεδόν τε ποιοῦνται μέγα πλησίον τῆς πόλεως ἐν ἐχυρῷ, καὶ πολλὰς ἡμέρας αὐτόθι διατρίψαντες καὶ τὴν ἀρίστην τῶν Οὐιεντανῶν χώραν λεηλατήσαντες ἀπῆγον ἐπʼ οἴκου τὴν στρατιάν.
로마인의 양 군세가 같은 곳에 합류하자, 그들은 도시 근처의 요새화된 곳에 큰 진영을 구축하고, 그곳에서 여러 날을 보내며 웨이이인의 가장 좋은 토지를 약탈한 뒤 군대를 집으로 인도했다.
§9.14.7ὡς δʼ ἔγνωσαν οἱ Οὐιεντανοὶ τὰς δυνάμεις τῶν Ῥωμαίων ἀφειμένας ἀπὸ τῶν σημαιῶν, τὴν εὔζωνον ἀναλαβόντες νεότητα, ἥν τʼ αὐτοὶ συντεταγμένην εἶχον καὶ τὴν παρὰ τῶν πλησιοχώρων παροῦσαν, ἐμβάλλουσιν εἰς τὰ προσκείμενα τῇ σφετέρᾳ χώρᾳ πεδία, καὶ διαρπάζουσι καρπῶν τε καὶ βοσκημάτων καὶ ἀνθρώπων ὄντα μεστά.
그러나 웨이이인들은 로마의 군세가 군기에서 해산되었다는 것을 알자, 자신들이 편성하고 있던 경장 청년들과 인근 주민들로부터 지원받은 자들을 이끌고 자신들의 영토에 인접한 평원으로 침입하여, 작물과 가축과 사람들로 가득 차 있던 곳을 약탈했다.
κατέβησαν γὰρ ἐκ τῶν ἐρυμάτων οἱ γεωργοὶ χιλοῦ τε τῶν βοσκημάτων ἕνεκα καὶ ἐργασίας τῶν ἀγρῶν πιστεύοντες τῇ σφετέρᾳ στρατιᾷ προκαθημένῃ καὶ οὐ φθάσαντες ἀπελθούσης ἀνασκευάσασθαι πάλιν, οὐκ ἐλπίσαντες τοσαῦτα κεκακωμένους τοὺς Οὐιεντανοὺς ταχεῖαν οὕτως ἀντεπιχείρησιν κατὰ τοῦ ἀντιπάλου ποιήσεσθαι.
농민들은 전방에서 방어해 주고 있는 자국 군대를 믿고 가축의 사료와 밭일을 위해 요새에서 내려와 있었는데, 군대가 떠난 뒤에 다시 짐을 꾸려 피난할 여유가 없었기 때문이다. 그들은 이토록 큰 피해를 입은 웨이이인들이 적을 상대로 이처럼 신속한 반격을 가하리라고는 예상하지 못했던 것이다.
§9.14.8αὕτη χρόνου μὲν μήκει βραχεῖα ἐγένετο ἡ τῶν Οὐιεντανῶν εἰς τὴν Ῥωμαίων γῆν ἐμβολή, πλήθει δὲ χώρας, ἣν ἐπῆλθον, ἐν τοῖς πάνυ μεγάλη, καὶ ἀχθηδόνα σὺν αἰσχύνῃ Ῥωμαίοις ἀήθη παρέσχεν ἄχρι Τιβέριός τε ποταμοῦ καὶ ὄρους Ἰανίκλου στάδια τῆς Ῥώμης οὐδʼ εἴκοσιν ἀφεστῶτος ἀφικομένη.
이 웨이이인들의 로마 영토 침입은 시간의 길이 면에서는 짧았으나, 그들이 휩쓸고 간 토지의 규모 면에서는 매우 거대했으며, 로마인들에게 수치와 함께 이례적인 고통을 안겨주었는데, 이는 테베레 강과 로마에서 이십 스타디온도 떨어지지 않은 야니쿨룸 언덕까지 도달했기 때문이다.
κωλύσουσα γὰρ δύναμις ἐπὶ πλεῖον χωρεῖν τὰ πολέμια οὐκ ἦν ὑπὸ σημαίαις.
적이 더 이상 진군하는 것을 막을 수 있는 군기가 통제하는 군세가 없었기 때문이다.
ἔφθασε γοῦν τὸ τῶν Οὐιεντανῶν στράτευμα πρὶν ἢ συνελθεῖν τε καὶ λοχισθῆναι τοὺς Ῥωμαίους ἀπελθόν.
결국 웨이이인의 군대는 로마인들이 다시 모여 백인대로 편성되기도 전에 성공적으로 철수했다.