§8.74.1ταύτην εἰσηγησαμένου τὴν γνώμην Ἀππίου καὶ σφόδρα δόξαντος εὐδοκιμεῖν δεύτερος ἐρωτηθεὶς Αὖλος Σεμπρώνιος Ἀτρατῖνος ἔλεξεν·
이 의견을 아피우스가 제안하고 크게 호평을 받았다고 여겨진 후, 두 번째로 의견을 질문받은 아울루스 셈프로니우스 아트라티누스가 다음과 같이 말했다.
Ἄππιον μὲν οὐ νῦν ἔχω πρῶτον ἐπαινεῖν, ὡς φρονῆσαί τε ἱκανώτατον πρὸ πολλοῦ τὰ μέλλοντα καὶ γνώμας τὰς καλλίστας τε καὶ ὠφελιμωτάτας ἀποδεικνύμενον βέβαιόν τε καὶ ἀμετακίνητον ἐν τοῖς κριθεῖσι καὶ οὔτε φόβῳ εἴκοντα οὔτε χάρισιν ὑποκατακλινόμενον.
“나는 아피우스를 지금 처음으로 찬양하는 것이 아니오. 그는 미래의 일들을 훨씬 전부터 내다보는 데 가장 유능한 사람이며, 가장 훌륭하고 유익한 의견들을 표명하고, 결정된 일들에 있어서 확고하고 흔들림이 없으며, 두려움에 굴하지도 않고 호의에 휩쓸리지도 않는 인물이기 때문이오.
ἀεὶ γὰρ ἐπαινῶν αὐτὸν καὶ θαυμάζων διατελῶ τοῦ τε φρονίμου καὶ τῆς γενναιότητος, ἣν παρὰ τὰ δεινὰ ἔχει.
나는 언제나 그의 현명함과 위험에 처했을 때 그가 보여주는 고결함에 대해 그를 찬양하고 감탄해 마지않소.
γνώμην τʼ οὐχ ἑτέραν, ἀλλὰ καὶ αὐτὸς ταύτην ἀποδείκνυμαι, μικρὰ ἔτι προσθεὶς αὐτῇ, ἅ μοι παραλιπεῖν Ἄππιος ἐδόκει.
나 또한 다른 의견이 아니라 바로 이 의견을 표명하는 바이며, 다만 아피우스가 빠뜨린 것으로 내게 보였던 일들을 여기에 약간 덧붙이고자 하오.
§8.74.2Ἕρνικας μὲν γὰρ καὶ Λατίνους, οἷς νεωστὶ δεδώκαμεν τὴν ἰσοπολιτείαν, οὐδʼ αὐτὸς οἶμαι δεῖν κληρουχεῖν τὰ ἡμέτερα.
우리가 최근에 평등한 시민권을 부여한 헤르니키인들과 라티움인들에게는 우리 토지를 분배해서는 안 된다고 나 역시 생각하기 때문이오.
οὐ γάρ, ἐξ οὗ προσῆλθον εἰς τὴν φιλίαν ἡμῖν, ταύτην τὴν γῆν κτησάμενοι ἔχομεν, ἀλλὰ παλαίτερον ἔτι τοῖς ἑαυτῶν κινδύνοις οὐθενὸς ἄλλου προσωφελήσαντος ἀφελόμενοι τοὺς ἐχθρούς.
그들이 우리와 우호 관계를 맺은 이래로 우리가 이 토지를 획득하여 소유하고 있는 것이 아니라, 훨씬 더 이전에, 다른 누구의 도움도 받지 않고 우리 자신의 위험을 무릅쓰고 적들에게서 빼앗은 것이기 때문이오.
ἀποκρινώμεθά τʼ αὐτοῖς, ὅτι τὰς μὲν πρότερον ὑπαρχούσας ἡμῖν κτήσεις, ὅσας ἕκαστοι εἴχομεν, ὅτε τὴν φιλίαν συνετιθέμεθα, ἰδίας τε καὶ ἀναφαιρέτους ἑκάστοις δεῖ μένειν, ὅσων δʼ ἄν, ἀφʼ οὗ τὰς συνθήκας ἐποιησάμεθα, κοινῇ στρατεύσαντες ἐκ πολέμου κύριοι γενώμεθα, τούτων ὑπάρξει τὸ ἐπιβάλλον ἑκάστοις λάχος.
그들에게 이렇게 대답합시다. 우리가 우호 관계를 맺었을 때 각자 가지고 있던 이전의 소유지들은 각자에게 사적이고 빼앗길 수 없는 상태로 남아 있어야 하지만, 우리가 조약을 체결한 이래로 공동으로 출정하여 전쟁으로부터 지배하게 되는 모든 토지에 대해서는 각자에게 돌아갈 몫이 주어질 것이라고 말이오.
§8.74.3ταῦτα γὰρ οὔτε τοῖς συμμάχοις ὡς ἀδικουμένοις ὀργῆς παρέξει δικαίας προφάσεις, οὔτε τῷ δήμῳ δέος, μὴ δόξῃ τὰ κερδαλεώτερα πρὸ τῶν εὐπρεπεστέρων αἱρεῖσθαι.
이 일은 동맹시들에게 부당한 대우를 받았다는 정당한 분노의 구실을 제공하지 않을 것이며, 민중에게도 더 명예로운 것보다 더 이익이 되는 것을 선택하는 것처럼 보일까 하는 두려움을 주지 않을 것이오.
τῇ τε αἱρέσει τῶν ἀνδρῶν, οὓς Ἄππιος ἠξίου ὁριστὰς γενέσθαι τῆς δημοσίας γῆς, πάνυ εὐδοκῶ.
또한 아피우스가 공공 토지의 경계 획정인이 되기를 요구한 사람들의 선출에 대해서도 나는 적극 찬성하오.
πολλὴν γὰρ ἡμῖν τοῦτʼ οἴσει παρρησίαν πρὸς τοὺς δημοτικούς, ἐπεὶ νῦν γʼ ἄχθονται κατʼ ἀμφότερα, καὶ ὅτι αὐτοὶ τῶν δημοσίων οὐθὲν ἀπολαύουσι κτημάτων, καὶ ὅτι ἐξ ἡμῶν τινες οὐ δικαίως αὐτὰ καρποῦνται.
이것은 우리에게 평민들에 대한 커다란 당당함을 가져다줄 것인데, 왜냐하면 지금 그들은 두 가지 이유 모두로 불만을 품고 있기 때문이오. 자신들이 공공 소유지로부터 아무런 혜택도 누리지 못한다는 것과, 우리 중 일부가 그것들을 부당하게 누리고 있다는 것이 그것이오.
ἐὰν δὲ δημοσιωθέντα ἴδωσι καὶ τὰς ἀπʼ αὐτῶν προσόδους εἰς τὰ κοινὰ καὶ ἀναγκαῖα δαπανωμένας, οὐδὲν ὑπολήψονται σφίσι διαφέρειν τῆς γῆς ἢ τῶν ἐξ αὐτῆς καρπῶν μετέχειν.
하지만 만약 그것들이 공유화되고 그로부터 나오는 수입이 공공의 필요한 곳에 지출되는 것을 보게 된다면, 토지 자체를 나누어 갖는 것과 그로부터 나오는 수확을 나누어 갖는 것 사이에 자신들에게 아무런 차이도 없다고 여길 것이오.
§8.74.4ἐῶ γὰρ λέγειν, ὅτι τῶν ἀπόρων ἐνίους μᾶλλον εὐφραίνουσιν αἱ ἀλλότριαι βλάβαι τῶν ἰδίων ὠφελειῶν.
가난한 자들 중 일부는 자신들의 이익보다 타인의 손해를 더 기뻐한다는 점은 굳이 말하지 않겠소.
οὐ μὴν ἀποχρῆν γʼ οἴομαι τούτων ἑκάτερον ἐν τῷ ψηφίσματι γράφειν, ἀλλὰ καὶ διʼ ἄλλης τινὸς οἴομαι δεῖν θεραπείας μετρίας τὸν δῆμον οἰκειώσασθαί τε καὶ ἀναλαβεῖν·
그렇지만 법령에 이 두 가지 각각을 적어 넣는 것만으로는 충분치 않다고 생각하며, 그보다는 다른 어떤 온건한 대처를 통해 민중을 우리 편으로 만들고 보듬어 안아야 한다고 보오.
ἣν μετὰ μικρὸν ἐρῶ, τὴν αἰτίαν πρῶτον ὑμῖν ἀποδειξάμενος, μᾶλλον δὲ τὴν ἀνάγκην, διʼ ἣν καὶ τοῦτο πρακτέον ἡμῖν.
이에 대해서는 우리가 이 일 또한 행해야만 하는 이유, 아니 오히려 그 필연성을 여러분에게 먼저 설명해 보인 뒤 잠시 후에 말하겠소.”