§8.57.1μετὰ τὴν ἐκ τοῦ χάρακος ἀπαλλαγὴν τῶν γυναικῶν ὁ Μάρκιος περὶ τὸν ὄρθρον ἀναστήσας τὴν στρατιὰν ἀπῆγεν ὡς διὰ φιλίας, καὶ ἐπειδὴ ἐν τῇ Οὐολούσκων ἐγένετο, πάντα, ὅσα ἐκ τῶν λαφύρων ἔλαβε, δωρησάμενος τοῖς στρατιώταις, ἑαυτῷ δʼ οὐδʼ ὁτιοῦν ὑπολιπόμενος ἀπέλυσεν ἐπὶ τὰ οἰκεῖα.
여인들이 진영을 떠난 뒤, 마르키우스는 새벽 무렵에 군대를 일으켜 우호적인 지역을 통과하듯 철수시켰다. 그리고 볼스키인의 영토에 이르렀을 때, 전리품에서 얻은 모든 것을 병사들에게 나누어 주고 자신에게는 아무것도 남기지 않은 채 그들을 집으로 돌려보냈다.
ἡ μὲν οὖν κοινωνήσασα τῶν ἀγώνων αὐτῷ στρατιὰ πλούτῳ βαρεἶ ἀφικομένη τήν τʼ ἀνάπαυλαν οὐκ ἀηδῶς ἐδέξατο τοῦ πολέμου καὶ διʼ εὐνοίας εἶχε τὸν ἄνδρα, συγγνώμης τʼ ἄξιον ἡγεῖτο, εἰ μὴ τέλος ἐπέθηκε τῷ πολέμῳ §8.57.2μητρὸς οἴκτους καὶ λιτὰς ἐντραπείς.
그리하여 그와 함께 전투를 치른 군대는 풍부한 재물을 지닌 채 도착하여 전쟁 후의 휴식을 기쁘게 받아들였고, 그에게 호의를 품고 있었으며, 비록 그가 전쟁을 완전히 끝마치지 못했다 하더라도 어머니의 애도와 간청에 마음을 돌렸기 때문에 용서받을 자격이 있다고 여겼다.
ἡ δʼ ἐν ταῖς πόλεσιν ὑπομείνασα νεότης φθονοῦσα μὲν τοῖς ἐπὶ στρατοπέδου γενομένοις τῶν πολλῶν ὠφελειῶν, διημαρτηκυῖα δʼ ὧν ἤλπισεν, εἰ καθαιρεθείη τὸ Ῥωμαίων φρόνημα τῆς πόλεως ἁλούσης, ἐτραχύνετο πρὸς τὸν ἡγεμόνα καὶ πικρὰ σφόδρα ἦν·
그러나 여러 도시에 남아 있던 젊은이들은 진영에 있던 자들이 얻은 많은 이익을 시기하고, 로마가 함락되어 그 기세가 꺾였더라면 얻었을 자신들이 기대했던 바를 놓쳐 실망했기에, 장군에 대해 분개하며 극도로 모질게 굴었다.
καὶ τελευτῶσα, ἐπειδὴ τοῦ μίσους ἡγεμόνας ἔλαβε τοὺς πλεῖστον ἐν τῷ ἔθνει δυναμένους, ἐξηγριώθη τε καὶ ἔργον ἔδρασεν ἀνόσιον.
그리하여 결국에는 그 미움의 지도자로 종족 중에서 가장 권력 있는 자들을 얻게 되자 사나워져 불경한 짓을 저질렀다.
§8.57.3ἦν δὲ Τύλλος Ἄττιος ὁ τὰς ὀργὰς αὐτῶν παραθήξας ἔχων περὶ αὐτὸν ἑταιρίαν ἐξ ἁπάσης πόλεως οὐκ ὀλίγην.
그들의 분노를 부추긴 자는 툴루스 아티우스로, 그는 온 도시에서 자신의 주변으로 모여든 적지 않은 무리를 거느리고 있었다.
τούτῳ δʼ ἄρα ἐδέδοκτο παλαίτερον ἔτι τὸν φθόνον οὐ δυναμένῳ κατέχειν, εἰ μὲν εὖ πράξας ὁ Μάρκιος καὶ τὴν Ῥωμαίων πόλιν διαφθείρας εἰς Οὐολούσκους ἔλθοι, κρύφα καὶ σὺν δόλῳ αὐτὸν ἀνελεῖν, εἰ δὲ διαμαρτὼν τῆς πείρας ἀτελὴς τοῦ ἔργου ἀναστρέψειεν, ὡς προδότην παραδόντα τῇ περὶ αὐτὸν ἑταιρίᾳ ἀποκτεῖναι·
이 남자는 질투심을 누를 길 없어 이미 오래전부터 다음과 같이 결심하고 있었다. 만약 마르키우스가 성공하여 로마 시를 멸망시키고 볼스키인들에게 돌아온다면, 비밀리에 계책을 써서 그를 살해하고, 만약 그 기도가 실패하여 일을 완성하지 못한 채 돌아온다면, 반역자로서 자신의 주변 무리에게 넘겨주어 죽이기로 말이다.
§8.57.4ὅπερ ἐποίει τότε, καὶ συναγαγὼν χεῖρα οὐκ ὀλίγην κατηγόρει τοῦ ἀνδρὸς ψευδῆ τεκμαιρόμενος ἀληθέσι καὶ οὐ γενησόμενα εἰκάζων γεγενημένοις·
그는 당시에 바로 이 일을 실행에 옮기고 있었는데, 적지 않은 세력을 규합하여 참된 일들로부터 거짓을 추론하고 이미 일어난 일들로부터 일어나지 않을 법한 일들을 억측하면서 그를 고발했다.
ἐκέλευέ τʼ ἀποθέμενον αὐτὸν τὴν ἀρχὴν λόγον ὑπέχειν τῆς στρατηγίας.
그리고 그에게 관직을 내려놓고 장군직에 대한 명세를 보고하라고 요구했다.
ἦν δὲ τῆς ὑπομενούσης στρατιᾶς ἐν ταῖς πόλεσιν ἡγεμών, ὡς καὶ πρότερον εἴρηταί μοι, κύριος τοῦ τε συναγαγεῖν ἐκκλησίαν καὶ τοῦ καλεῖν, ὃν βούλοιτο, ἐπὶ δίκην.
그는 이미 전에도 말했듯이 도시에 남아 있던 군대의 지휘관이었기에, 민회를 소집하는 권한과 자신이 원하는 자를 재판에 회부할 권한을 쥐고 있었다.