§8.43.1παυσαμένης δʼ αὐτῆς τοσοῦτος ὀδυρμὸς ἐκ τῶν παρουσῶν γυναικῶν ἐγένετο, καὶ τηλικαύτη κατέσχε τὸν οἶκον οἰμωγή, ὥστʼ ἐπὶ πολὺ ἐξακουσθῆναι τῆς πόλεως τὴν βοὴν καὶ μεστοὺς γενέσθαι τοὺς ἐγγὺς τῆς οἰκίας στενωποὺς ὄχλου.
그녀가 말을 마치자, 그 자리에 있던 여인들로부터 커다란 통곡이 일어났고, 그러한 극심한 울음소리가 집안을 덮쳐, 그 부르짖음이 도시 멀리까지 들렸으며 집 근처의 골목길들은 군중으로 가득 차게 되었다.
§8.43.2ἔπειθʼ ἥ τε Οὐαλερία πάλιν ἑτέρας ἐξέτεινε μακρὰς καὶ συμπαθεῖς δεήσεις, αἵ τʼ ἄλλαι γυναῖκες αἱ κατὰ φιλίαν ἢ συγγένειαν ἑκατέρᾳ τῶν γυναικῶν προσήκουσαι, καὶ παρέμενον λιπαροῦσαί τε καὶ γονάτων ἁπτόμεναι, ὥστʼ οὐκ ἔχουσα, ὅ τι πάθῃ πρὸς τοὺς ὀδυρμοὺς αὐτῶν καὶ τὰς πολλὰς δεήσεις, εἶξεν ἡ Οὐετουρία καὶ τελέσειν τὴν πρεσβείαν ὑπὲρ τῆς πατρίδος ὑπέσχετο τήν τε γυναῖκα τοῦ Μαρκίου παραλαβοῦσα καὶ τὰ τέκνα καὶ τῶν ἄλλων πολιτίδων τὰς βουλομένας.
그 후 발레리아가 다시 길고 심금을 울리는 간청을 거듭했고, 두 여인 중 어느 한쪽과 우정이나 친족 관계로 얽힌 다른 여인들도 곁에 머물며 간절히 애원하고 무릎을 붙잡았기에, 베투리아는 그들의 통곡과 수많은 간청에 어찌할 바를 몰라 굴복하고 말았으며, 마르키우스의 아내와 아이들, 그리고 다른 여성 시민들 중 원하는 이들을 데리고 조국을 위해 사절의 임무를 수행하겠다고 약속했다.
§8.43.3αἱ μὲν δὴ περιχαρεῖς γενόμεναι καὶ τοὺς θεοὺς ἐπικαλεσάμεναι συλλαβέσθαι σφίσι τῆς ἐλπίδος ἀπῄεσαν ἐκ τῆς οἰκίας καὶ προσήγγειλαν τὰ γενόμενα τοῖς ὑπάτοις·
여인들은 크게 기뻐하며 신들이 자신들의 희망을 도와주기를 기원한 뒤 그 집에서 물러나 집정관들에게 일어난 일을 알렸다.
οἱ δὲ τὴν προθυμίαν αὐτῶν ἐπαινέσαντες συνεκάλουν τὴν βουλὴν καὶ περὶ τῆς ἐξόδου τῶν γυναικῶν, εἰ συγχωρητέον αὐταῖς, γνωμηδὸν ἐπυνθάνοντο.
집정관들은 그들의 열의를 칭찬하고 원로원을 소집하여, 여인들의 출발에 대해 그녀들에게 허락해야 할지 여부를 한 사람씩 의견을 물었다.
πολλοὶ μὲν οὖν ἐλέχθησαν καὶ παρὰ πολλῶν λόγοι, καὶ μέχρι τῆς ἑσπέρας διετέλεσαν ὅ τι χρὴ ποιεῖν βουλευόμενοι.
그리하여 많은 이들로부터 많은 말이 오갔고, 그들은 저녁때까지 무엇을 해야 할지 논의하며 시간을 보냈다.
§8.43.4οἱ μὲν γὰρ οὐ μικρὸν ἀπέφαινον εἶναι τῇ πόλει κινδύνευμα γυναῖκας ἅμα τέκνοις εἰς πολεμίων στρατόπεδον πορευομένας ἐᾶσαι·
어떤 이들은 여인들이 아이들과 함께 적의 진영으로 가도록 허락하는 것이 도시(국가)에 적지 않은 위험이 된다고 지적했다.
εἰ γὰρ αὐτοῖς ὑπεριδοῦσι τῶν νενομισμένων ὁσίων περί τε πρεσβείας καὶ ἱκεσίας δόξειε μηκέτι προίεσθαι τὰς γυναῖκας, ἀμαχητὶ σφῶν ἁλώσεσθαι τὴν πόλιν·
만일 그들이 사절단과 탄원에 관한 규정된 신성한 법들을 무시하고 여인들을 더 이상 돌려보내지 않기로 결정한다면, 자신들의 도시는 싸우지도 않고 함락될 것이기 때문이었다.
ἠξίουν τʼ αὐτὰς μόνον ἐᾶσαι τὰς προσηκούσας τῷ Μαρκίῳ γυναῖκας ἅμα τοῖς τέκνοις αὐτοῦ πορευομένας.
그리하여 그들은 오직 마르키우스에게 속한 여인들만이 그의 아이들과 함께 가도록 허용할 것을 요구했다.
ἕτεροι δʼ οὐδὲ ταύταις ᾤοντο δεῖν ἐπιτρέπειν τὴν ἔξοδον, ἐπιμελῶς δὲ καὶ ταύτας παρῄνουν φυλάττειν, ὅμηρα νομίσαντας ἔχειν παρὰ τῶν πολεμίων ἐχέγγυα τοῦ μηδὲν τὴν πόλιν ἀνήκεστον ὑπʼ §8.43.5αὐτῶν παθεῖν.
다른 이들은 이 여인들에게조차 출발을 허락해서는 안 된다고 생각했으며, 그들을 적들로부터 잡은 인질, 즉 도시가 그들에 의해 돌이킬 수 없는 피해를 입지 않도록 하는 확실한 담보로 여겨 엄중히 감시할 것을 권고했다.
οἱ δὲ πάσαις συνεβούλευον συγχωρῆσαι ταῖς βουλομέναις γυναιξὶ τὴν ἔξοδον, ἵνα σὺν μείζονι ἀξιώματι αἱ τῷ Μαρκίῳ προσήκουσαι ποιήσωνται τὴν ὑπὲρ τῆς πατρίδος δέησιν.
그러나 또 다른 이들은 출발을 원하는 모든 여인들에게 출발을 허락하라고 권고했는데, 이는 마르키우스에게 속한 여인들이 더 큰 위엄을 가지고 조국을 위한 간청을 올릴 수 있도록 하기 위함이었다.
τοῦ δὲ μηθὲν αὐταῖς συμβήσεσθαι δεινὸν ἐγγυητὰς ἀπέφαινον ἐσομένους θεοὺς μὲν πρῶτον, οἷς καθοσιωθεῖσαι τὰς ἱκεσίας ποιήσονται·
그리고 그녀들에게 아무런 해로운 일도 일어나지 않을 것이라는 보증인은, 첫째로 그녀들이 자신을 바쳐 탄원을 올릴 대상인 신들이며, 둘째로 그녀들이 찾아가고자 하는 그 남자 자신이라고 지적했다.
ἔπειτα τὸν ἄνδρα αὐτόν, πρὸς ὃν ἔμελλον πορεύεσθαι, §8.43.6πάσης ἀδίκου τε καὶ ἀνοσίου πράξεως καθαρὸν καὶ ἀμίαντον ἐσχηκότα τὸν βίον.
그는 모든 불의하고 불경한 행위로부터 자신의 삶을 깨끗하고 순결하게 지켜왔기 때문이라는 것이었다.
ἐνίκα δʼ ὅμως ἡ συγχωροῦσα γνώμη ταῖς γυναιξὶ τὴν ἔξοδον μέγιστον ἀμφοῖν ἐγκώμιον ἔχουσα, τῆς μὲν βουλῆς τοῦ φρονίμου, ὅτι τὰ κράτιστα καὶ γενησόμενα προείδετο οὐδὲν ὑπὸ τοῦ κινδύνου τηλικοῦδε ὄντος ἐπιταραχθεῖσα·
그럼에도 불구하고 여인들에게 출발을 허락하자는 의견이 승리를 거두었는데, 이는 양자 모두에게 가장 큰 찬사를 담고 있었다.
τοῦ δὲ Μαρκίου τῆς εὐσεβείας, ὅτι πολέμιος ὤν ἐπιστεύετο μηδὲν ἀσεβήσειν εἰς τὸ ἀσθενέστατον τῆς πόλεως μέρος κύριος αὐτοῦ καταστάς.
즉, 원로원의 현명함에 대해서는, 그처럼 큰 위험에 전혀 동요하지 않고 최선책과 앞으로 일어날 일을 미리 내다보았다는 점 때문이었고, 마르키우스의 경건함에 대해서는, 비록 적의 입장이었지만 도시의 가장 약한 부분의 주인이 되었을 때 그것에 대해 어떠한 불경도 저지르지 않으리라 신뢰받았다는 점 때문이었다.
§8.43.7ὡς δὲ τὸ προβούλευμα ἐγράφη, προελθόντες οἱ ὕπατοι εἰς τὴν ἀγορὰν καὶ συναγαγόντες ἐκκλησίαν σκότους ὄντος ἤδη τὰ δόξαντα τῷ συνεδρίῳ διεσάφησαν καὶ προεῖπον ἥκειν ἅπαντας ἕωθεν ἐπὶ τὰς πύλας προπέμψοντας ἐξιούσας τὰς γυναῖκας·
예비 결의안이 작성되자, 집정관들은 광장으로 나아가 이미 어둠이 내렸음에도 민회를 소집하여 원로원의 결정 사항을 명확히 알렸고, 모두에게 새벽에 성문으로 나와 출발하는 여인들을 배웅하라고 포고했다.
αὐτοὶ δὲ τῶν κατεπειγόντων ἔλεγον ἐπιμελήσεσθαι.
그리고 그들 자신은 시급히 처리해야 할 일들을 돌보겠다고 말했다.