§8.35.1περὶ δὲ τῆς μετριότητος, ἐφʼ ἣν παρακαλεῖτέ με, καὶ τοῦ μὴ πρόρριζον ἀνελεῖν τὸ Ῥωμαίων γένος μηδʼ ἐκ βάθρων ὅλην ἀναστῆσαι τὴν πόλιν, εἶχον μέν, ὦ Μηνύκιε, λέγειν, ὅτι οὐκ ἐγὼ τούτου κύριος οὐδὲ πρὸς ἐμὲ ὁ περὶ τούτων ἐστὶ λόγος, ἀλλʼ ἐγὼ στρατηγός εἰμι τῆς δυνάμεως, πολέμου δὲ καὶ εἰρήνης οὗτοι κύριοι·
그대들이 나에게 권고하는 중용과, 로마 민족을 뿌리째 뽑아 버리지 않고 도시 전체를 밑바닥부터 멸망시키지 말라는 간청에 대해, 미누키우스여, 나는 이렇게 말할 수도 있었소. 이 일에 대한 결정권은 내게 없으며 이 일들에 관한 대화는 나를 향한 것이 아니라, 나는 군대의 장군일 뿐이고 이들(볼스키인들)이 전쟁과 평화의 주권자라고 말이오.
ὥστε παρὰ τούτων αἰτεῖσθέ γʼ §8.35.2ἀνοχὰς ἐπὶ διαλλαγαῖς, ἀλλὰ μὴ παρʼ ἐμοῦ.
그러니 그대들은 이들에게 청하시오, 화해를 위한 휴전을 청하고, 내게 청하지는 마시오.
οὐ μὴν ἀλλὰ καὶ θεοὺς σέβων τοὺς πατρῴους καὶ τάφους αἰδούμενος προγόνων καὶ γῆν, ἐξ ἧς ἔφυν, γυναῖκάς τε καὶ παῖδας ὑμῶν ἐλεῶν, οἷς οὐκ ἐπιτηδείοις οὖσι τὰ πατέρων καὶ ἀνδρῶν ἥξει σφάλματα, καὶ οὐχ ἥκιστα τῶν ἄλλων καὶ δι’ ὑμᾶς, ὦ Μηνύκιε, τοὺς προχειρισθέντας ὑπὸ τῆς πόλεως, τάδε ἀποκρίνομαι·
그럼에도 불구하고 조상의 신들을 경외하고 조상들의 무덤을 공경하며, 내가 태어난 땅을 사랑하고, 또한 그럴 만한 자격이 없음에도 아버지들과 남편들의 잘못으로 인한 재앙이 닥치게 될 그대들의 아내와 아이들을 가엾게 여기며, 그리고 다른 누구보다도 도시에서 선발된 그대들, 미누키우스여, 바로 그대들 때문에 나는 다음과 같이 답변하겠소.
ἐὰν ἀποδῶσι Ῥωμαῖοι Οὐολούσκοις χώραν τε ὅσην αὐτοὺς ἀφῄρηνται καὶ πόλεις ὅσας κατέχουσιν ἀνακαλεσάμενοι τοὺς ἐποίκους, φιλίαν τε ποιήσωνται πρὸς αὐτοὺς εἰς τὸν ἀεὶ χρόνον καὶ ἰσοπολιτείας μεταδῶσιν ὥσπερ Λατίνοις ὅρκους καὶ ἀρὰς κατὰ τῶν παραβαινόντων τὰ συγκείμενα ποιησάμενοι, διαλύσομαι πρὸς αὐτοὺς τὸν πόλεμον, πρότερον δὲ οὔ.
만일 로마인들이 볼스키인들에게 그들로부터 빼앗은 땅 전부와 점령하고 있는 도시들 전부를 이주민들을 철수시킨 후에 돌려주고, 그들과 영원히 우호 관계를 맺으며, 라티움인들에게처럼 동등한 시민권을 나누어 주고, 합의 사항을 위반하는 자들에 대해 맹세와 저주를 세운다면, 나는 그들과의 전쟁을 끝내겠소. 그전에는 결코 그렇게 하지 않겠소.
§8.35.3ταῦτʼ οὖν ἀπαγγέλλετε αὐτοῖς, καὶ τὸν αὐτὸν τρόπον ὅνπερ πρὸς ἐμὲ καὶ πρὸς ἐκείνους περὶ τοῦ δικαίου πάνυ ἐπιστρεφῶς ταῦτα διαλέγεσθε·
그러므로 이러한 일들을 그들에게 보고하고, 나에게 한 것과 똑같은 방식으로 그들에게도 정의에 대해 매우 열심히 이 일들을 이야기하시오.
καλόν τοι τὰς ἰδίας ἕκαστον ἔχοντα κτήσεις ἐν εἰρήνῃ ζῆν, καὶ πολλοῦ ἄξιον τὸ μηθένα δεδοικέναι μήτʼ ἐχθρὸν μήτε καιρόν, αἰσχρὸν δὲ τῶν ἀλλοτρίων περιεχομένους οὐκ ἀναγκαῖον πόλεμον ὑπομένειν, ἐν ᾧ καὶ περὶ τῶν ἰδίων ἁπάντων κινδυνεύσουσιν ἀγαθῶν·
각자 자신의 소유물을 지닌 채 평화롭게 사는 것은 실로 고귀한 일이며, 적도 위기도 두려워하지 않는 것은 매우 가치 있는 일이오. 하지만 남의 것에 매달려 불필요한 전쟁을 견뎌내는 것은 수치스러운 일인데, 그 전쟁 속에서 그들은 자신들의 모든 재산마저 위험에 빠뜨리게 될 것이기 때문이오.
τά τʼ ἆθλα ἐπιδείκνυτε αὐτοῖς οὐκ ἴσα κατορθοῦσί τε καὶ μὴ τυχοῦσι γινόμενα γῆς ἀλλοτρίας γλιχομένοις, εἰ δὲ βούλεσθε, προστίθετε καὶ τὰς πόλεις τῶν ἠδικημένων προσλαβεῖν βουλομένοις, ἐὰν μὴ κρατῶσι, καὶ τὴν ἑαυτῶν γῆν τε καὶ πόλιν ἀφαιρεθῆναι, καὶ ἔτι πρὸς τούτῳ γυναῖκας ἐπιδεῖν τὰ αἴσχιστα πασχούσας καὶ παῖδας εἰς ὕβριν ἀγομένους καὶ γονεῖς δούλους ἀντʼ ἐλευθέρων ἐπὶ γήρως ὀδῷ γινομένους.
그리고 다른 사람들의 땅을 갈망하는 자들에게, 성공하는 자들과 실패하는 자들에게 돌아가는 보상이 결코 대등하지 않음을 그들에게 보여 주시오. 만일 원한다면 다음 사항도 덧붙이시오. 불의를 당한 자들의 도시들을 손에 넣고자 바라는 자들은, 만일 이기지 못한다면 자신들의 땅과 도시마저 빼앗기게 될 것이고, 게다가 여기에 더하여 아내들이 가장 수치스러운 일을 겪는 것을, 아이들이 능욕 속으로 끌려가는 것을, 그리고 부모들이 노년의 길목에서 자유인 대신 노예가 되는 것을 보게 될 것이라고 말이오.
§8.35.4καὶ ἅμα διδάσκετε τὴν βουλήν, ὅτι τούτων τῶν κακῶν οὐκ ἂν ἔχοιεν αἰτιάσασθαι Μάρκιον, ἀλλὰ τὴν ἑαυτῶν ἀφροσύνην.
그리고 동시에 원로원에 일러 두시오, 이러한 재앙들에 대해 그들이 마르키우스를 원망할 수는 없으며, 도리어 그들 자신의 어리석음을 탓해야 한다는 것을 말이오.
παρὸν γὰρ αὐτοῖς τὰ δίκαια ποιεῖν καὶ μηδενὶ δεινῷ περιπεσεῖν τὸν ὑπὲρ τῶν ἐσχάτων κίνδυνον ἀναιρήσονται μέχρι παντὸς φιλοχωροῦντες τοῖς ἀλλοτρίοις.
왜냐하면 그들이 정의를 행하고 아무런 재난에도 빠지지 않는 것이 가능함에도, 끝까지 남의 땅에 연연함으로써 국가 존망을 건 위험을 자초하려 하기 때문이오.
§8.35.5ἔχετε τὰς ἀποκρίσεις·
그대들은 답변을 받았소.
τούτων οὐθὲν ἂν εὕροισθε παρʼ ἐμοῦ πλέον, ἀλλʼ ἄπιτε καὶ σκοπεῖτε, ὅ τι πρακτέον ὑμῖν·
나에게서 이것보다 더 많은 것을 얻어내지는 못할 것이니, 물러가서 그대들이 무엇을 해야 할지 살펴보시오.
ἕως δὲ βουλεύσησθε, δίδωμι χρόνον ὑμῖν ἡμερῶν τριάκοντα.
그대들이 논의하는 동안, 나는 그대들에게 삼십 일간의 시간을 주겠소.
ἐν δὲ τῷ μεταξὺ χρόνῳ σήν τε χάριν, ὦ Μηνύκιε, καὶ τῶν ἄλλων ὑμῶν ἕνεκα τὴν στρατιὰν ἐκ τῆς χώρας ἀπάξω·
그리고 그 사이의 시간 동안, 미누키우스여, 그대에 대한 호의와 그대들 다른 이들을 위해 나는 군대를 이 땅에서 철수시키겠소.
μεγάλα γὰρ ἂν βλάπτοισθε μενούσης αὐτῆς ἐνθάδε.
왜냐하면 군대가 여기에 머문다면 그대들은 큰 손해를 입을 것이기 때문이오.
τῇ δὲ τριακοστῇ προσδέχεσθέ με ἡμέρᾳ τὰς ἀποκρίσεις ληψόμενον.
그리고 삼십 일째 되는 날에는, 답변을 받으러 올 나를 기다리시오.