§8.24.1ἀρχέτω δʼ ὁ περὶ τῶν δικαίων λόγος.
그리고 정의에 관한 논증부터 시작하겠소.
συνέστη τὸ δημοτικὸν ἐπὶ σοὶ παροξυνθὲν ὑπὸ τῶν δημάρχων, καὶ ἧκον ὡς ἀποκτενοῦντές σε ἄκριτον, οἷς φοβερὸς ἦσθα.
평민들은 호민관들에게 선동되어 그대에게 대항하여 뭉쳤고, 그대에게 두려움을 품고 있었기에 그대를 재판도 없이 죽이려 다가왔소.
τοῦτο τὸ ἔργον ἐκωλύσαμεν ἡμεῖς οἱ ἐκ τοῦ συνεδρίου καὶ παρέσχομέν σοι μηθέν, ὃ μὴ δίκαιον ἦν τότε παθεῖν.
이 행위를 원로원 의원들인 우리가 저지했고, 그 당시 그대가 겪어서는 안 될 어떤 부당한 일도 겪지 않도록 조치했소.
μετὰ τοῦτο προὐκαλοῦντό σε οἱ κωλυθέντες ἀνελεῖν ἐπὶ δίκην, αἰτιασάμενοι πονηροὺς κατʼ αὐτῶν εἰπεῖν ἐν τῇ βουλῇ λόγους.
이 일이 있은 후, 살해를 저지당한 자들은 그대가 원로원에서 자신들에게 해로운 말을 했다고 기소하며 그대를 재판으로 소환했소.
§8.24.2ἐνέστημεν καὶ πρὸς τοῦτο, ὡς οἶσθα, καὶ οὐκ ἐπετρέψαμεν οὔτε γνώμης οὔτε λόγων ὑποσχεῖν σε δίκας.
그대도 알다시피 우리는 이 일에 대해서도 반대했으며, 그대의 의견이나 발언에 대해 재판을 받는 것을 허락하지 않았소.
ἀποτυχόντες καὶ τούτου τελευτῶντες ἧκον ἐφʼ ἡμᾶς αἰτιώμενοί σε τυραννίδι ἐπιχειρεῖν.
이것마저 실패하자 그들은 마침내 우리에게 와서 그대가 참주정을 기도하고 있다고 기소했소.
ταύτην αὐτὸς ὑπέμεινας ἀπολογήσασθαι τὴν αἰτίαν, ἐπειδὴ πάμπολυ ἀπεῖχες αὐτῆς, καὶ παρέσχες τοῖς δημοτικοῖς περὶ σεαυτοῦ τὴν ψῆφον ἀναλαβεῖν.
그대 자신이 이 혐의와는 아주 거리가 멀었기에 이 기소에 대해 변호하는 것을 감수했고, 평민들이 그대에 대해 투표를 하도록 허락했던 것이오.
§8.24.3ἡ βουλὴ δὲ καὶ τότε παρῆν καὶ πολλὰς ἐποιεῖτο δεήσεις περὶ σοῦ.
원로원 역시 그때 참석하여 그대를 위해 많은 간청을 하였소.
τίνος οὖν ἡμεῖς οἱ πατρίκιοι τῶν συμβεβηκότων σοι κακῶν γεγόναμεν αἴτιοι, καὶ διὰ τί πολεμεῖς ἡμῖν τοσαύτην εὔνοιαν ἀποδειξαμένοις περὶ σὲ κατὰ τὸν τότε ἀγῶνα;
그렇다면 우리 귀족들이 그대에게 일어난 재앙들 중 무엇의 원인이 되었단 말이오? 그리고 당시의 투쟁에서 그대에게 그토록 큰 호의를 보여준 우리에게 왜 전쟁을 거는 것이오?
ἀλλὰ μὴν οὐδὲ τὸ δημοτικὸν ἅπαν ἐξελασθῆναί σε βουλόμενον εὑρέθη·
더구나 평민 전체가 그대의 추방을 원했던 것은 아님이 밝혀졌소.
δυσὶ γοῦν ψήφοις ἑάλως μόναις, ὥστʼ οὐδὲ τούτοις ἂν εἴης σὺν δίκῃ πολέμιος, οἵ σε ὡς οὐδὲν ἀδικοῦντα ἀπέλυσαν.
실로 그대는 단 두 표 차이로 유죄 판결을 받았으니, 그대에게 아무런 잘못이 없다며 무죄를 선언한 이들에게조차 그대가 정의롭게 적이 될 수는 없을 것이오.
§8.24.4τίθημι δʼ, εἰ βούλει, πᾶσι μὲν τοῖς δημόταις δόξαν, ὅλῃ δὲ τῇ βουλῇ φανὲν ταύτῃ χρήσασθαί σε τῇ συμφορᾷ, καὶ δίκαιον εἶναί σου τὸ πρὸς ἅπαντας ἡμᾶς μῖσος·
만일 그대가 원한다면, 모든 평민이 그렇게 결의했고 원로원 전체도 그대가 이 불행을 겪는 것이 합당하다고 여겼으며, 우리 모두에 대한 그대의 증오가 정당하다고 가정해 보겠소.
ἀλλʼ αἱ γυναῖκές σε, ὦ Μάρκιε, τί δεινὸν εἰργάσαντο, ἀνθʼ ὅτου πολεμεῖς αὐταῖς;
하지만 마르키우스여, 여인들이 그대에게 무슨 몹쓸 짓을 했기에 그녀들과 싸우려 하는 것이오?
ποίαν ἐπενέγκασαι περὶ φυγῆς ψῆφον ἢ τίνας εἰποῦσαι κατὰ σοῦ πονηροὺς λόγους;
그녀들이 그대의 추방에 대해 어떤 표를 던졌으며, 그대에 대해 무슨 해로운 말을 했단 말이오?
§8.24.5τί δʼ οἱ παῖδες ἡμῶν δράσαντες ἢ διανοηθέντες ἀδικεῖν περὶ σοῦ κινδυνεύουσιν ὑπὲρ αἰχμαλωσίας καὶ τῶν ἄλλων, ἃ παθεῖν αὐτοὺς εἰκός, ἐὰν ἡ πόλις ἁλῷ;
또한 우리의 아이들이 그대에게 무슨 불의를 행했거나 도모했기에, 도시가 함락될 경우 그들이 겪게 될 포로 신세와 그 밖의 위험에 처해야 한단 말이오?
οὐ τὰ δίκαια διαιτᾷς, ὦ Μάρκιε, καὶ εἰ τοῦτον οἴει δεῖν τὸν τρόπον τὰ ὑπαίτια καὶ ἐχθρὰ μισεῖν, ὥστε μηδὲ τῶν ἀναιτίων φείδεσθαι καὶ φιλίων, οὐκ ἄρα τὰ προσήκοντα ἀνδρὶ ἀγαθῷ §8.24.6φρονεῖς.
그대는 정의롭게 판단하고 있지 않소, 마르키우스여. 만일 죄 있는 자들과 적대적인 자들을 미워하는 방식이 무고한 자들과 우호적인 자들조차 아끼지 않을 정도여야 한다고 생각한다면, 그대는 참으로 선한 사람에게 걸맞은 생각을 하고 있지 않은 것이오.
ἵνα δὲ πάντα ταῦτα ἀφῶ, τί ἂν ἔχοις εἰπεῖν, ὦ πρὸς Διός, εἴ τις ἔροιτό σε, τοὺς δὲ δὴ τάφους τῶν προγόνων τί παθὼν ἀνασκάπτεις καὶ τιμάς, ἃς κομίζονται παρʼ ἀνθρώπων, ἀφαιρῇ;
그러나 이 모든 것을 제쳐두더라도, 제우스의 이름으로 묻건대, 만일 누군가 그대에게 다음과 같이 묻는다면 그대는 무슨 말을 할 수 있겠소? '조상들의 무덤을 무슨 일을 겪었기에 파헤치고, 그들이 사람들로부터 받는 공경을 빼앗는가?
θεῶν δὲ βωμοὺς καὶ τεμένη καὶ νεὼς τίνος ἀδικήματος ὀργῇ συλᾷς καὶ κατακαίεις καὶ ἀνατρέπεις καὶ σεβασμῶν οὐκ ἐᾷς τυγχάνειν τῶν νομίμων;
또한 신들의 제단과 성역과 신전을 어떤 불의에 대한 분노로 약탈하고 불태우며 뒤엎고, 관례적인 숭배를 받지 못하게 하는가?' 이에 대해 그대는 뭐라고 하겠소?
τί πρὸς ταῦτα φαίης ἄν; ἐγὼ μὲν γὰρ οὐδὲν ὁρῶ.
나로서는 아무런 말도 생각나지 않소.
§8.24.7ταῦτά σοι περί τε ἡμῶν αὐτῶν, ὦ Μάρκιε, τῶν ἐκ τοῦ συνεδρίου καὶ περὶ τῶν ἄλλων πολιτῶν, οὓς ἀπολέσαι προθυμῇ κακὸν οὐδὲν ὑπʼ αὐτῶν πεπονθώς, τάφων τε καὶ ἱερῶν καὶ πόλεως τῆς γειναμένης τε καὶ θρεψαμένης τὰ δίκαια εἰρήσθω.
마르키우스여, 우리 원로원 의원들 자신에 대해, 그리고 그대가 아무런 해를 입지도 않았으면서 멸망시키기를 열망하는 다른 시민들에 대해, 그리고 무덤과 신전, 그리고 그대를 낳고 길러준 도시에 대해, 정의의 관점에서 이와 같이 말해 두겠소.